Lajme

ASH: Për maskaradën dhe kaosin e krijuar me ndriçimin publik të pushtetit vendor (komunat)

Published

5 months ago

01.11.2022

G.A

Gjatë këtij viti janë të shumta daljet publike në opinion nga ana e ASH ku temë diskutimi ka qenë pikërisht energjia elektrike, janë propozuar, sugjeruar, është diskutuar e debatuar shumë lidhur me këtë temë, por nga ana tjetër qeveria aktuale dhe KRRE ( komisioni rregullator i energjisë), pos në disa raste, nuk e ka parë të arsyeshme që ti shfrytëzojë e ti bëjë pjesë të ligjeve e të masave antikrizë propozimet e sugjerimet tona .

Sot jemi dëshmitarë të një paaftësie dhe të një keqmenaxhimi total me këtë sektor të rëndësishëm të ekonomisë së vendit.

Në këtë dalje publike sot do të ndalemi ta informojmë opinionin publik lidhur me maskaradën dhe kaosin që kanë krijuar me ndriçimin publik të pushtetit vendor ( komunat).

Një kronologji lidhur me atë se si kanë evoluar çmimet e furnizimit me energji elektrike për këtë kategori konsumuese.

Për ndriçimin publik, për vite me rradhë deri më 30.06.2022, ka patur kategori të veçantë në sistemin tarifor energjetik, dhe në datën e lartpërmendur çmimi për një kWh ka qenë në vlerë prej 7,35 denarë ( furnizimi + distribuimi) . Pas datës 01.07.2022 kjo kategori konsumuese nuk është kategori e veçantë në sistemin tarifor, por është pjesë e kategorisë konsumuese- konsumatorë të vegjël, ku çmimi për një kWh në tarifën ditore është 17,1691 denarë ( furnizimi + distribuimi) ndërsa në tarifën e natës çmimi për një kWh është 13,4903 denarë , pra KRRE aprovoi rritje të çmimit të energjisë elektrike për këtë kategori nga 83,54 % deri në 133,59 % .Shihet qartë se çfarë rritje e lartë e çmimit është aprovuar e po zbatohet për këtë kategori konsumuese, kjo është një goditje e rëndë për buxhetet e komunave .

Por duke ditur që shumë komuna kanë plotësuar kriteret e parapara nga qeveria për daljen për furnizim me energji elektrike në tregun e lirë ( të liberalizuar) shumë komuna furnizohen në këtë treg ku çmimet diktohen nga bursat ndërkombëtare të energjisë, dhe poashtu ka një pjesë të komunave që furnizohen me energji elektrike nga furnizuesi i mundësisë së fundit, pra pavarësisht se komunat kanë një status dhe energjia elektrike e konsumuar shërben për të njëjtin qëllim ( ndriçim publik ) , të njëjtët paguajnë çmime të ndryshme. Pra një kaos dhe padrejtësi e padëgjuar dhe e paparë deri tani .

Po e ilustrojmë me një shembull konkret:

Supozojmë se konsumohet

20.000 kWh në tarifën e lartë dhe

30.000 kWh në tarifën e ulët

Fatura deri në muajin e 06.2022 tek furnizuesi i shërbimit universal

20.000 * 7,35 = 147.000,00 denarë

30.000 ×7,35 = 220.500,00 denarë

Total = 367.500,00 denarë

TVSH 18% = 66.150,00 denarë

Vlera

e fatures = 433.650, 00 denarë

Fatura në muajin e 09.2022 tek furnizuesi i shërbimit universal

20.000 * 17,16 = 343.200,00 denarë

30.000 × 13,49 = 404.700,00 denarë

Total = 747.900,00 denarë

TVSH 18% = 134.622,00 denarë

Vlera

e fatures = 882.522,00 denarë

Fatura në muajin e 09.2022 tek furnizuesi në tregun e lirë

20.000 * 29,85 = 597.000,00 denarë

30.000 × 29,85 = 895.500,00 denarë

Total =1.492.500,00 denarë

TVSH 18% = 268.650,00 denarë

Vlera

e fatures = 1.761.150,00 denarë

Fatura në muajin e 09.2022 tek furnizuesi i mundësisë së fundit

20.000 * 39,47 = 789.400,00 denarë

30.000 × 39,47=1.184.100,00 denarë

Total =1.973.500,00 denarë

TVSH 18% = 355.230,00 denarë

Vlera

e fatures = 2.328.730,00 denarë

Siç shihet në pjesën e ndriçimit publik kemi një lëmsh të paparë, pra për të njëjtin konsumim dhe duke e përdorur për të shërbyer komunitetin që jetojnë në ato komuna, janë të detyruar të paguajnë fatura në vlera të ndryshme dhe shumë të larta .

Këto regullativa e çmimi i ri i aprovuar për furnizuesin e shërbimit universal për këtë kategori, i kanë groposur dhe i kanë bllokuar transaksionet bankare të komunave. Të njëjtët janë në pikë të hallit pasi nuk janë në gjendje financiare që ti paguajnë faturat në vlera kaq të kripura .

Pardje qeveria ndërmori edhe një hap të nxituar e jo të studiuar mirë lidhur me pjesën e ndriçimit publik, ku u ndalon njësive të administrimit lokal ( komunave ) të formojnë kompani të reja të cilat do të menaxhojnë ndriçimin publik e që do të furnizoheshin me energji elektrike në tregun e furnizuesit të shërbimit universal.

ASH duke i ndjekur çmimet e energjisë elektrike në bursat ndërkombëtare, të cilat këtë muaj shënuan një ulje të ndjeshme, si dhe duke patur parasysh lëmshim e krijuar, dhe me qëllim që të gjithë komunat të gëzojnë të njëjtin status për furnizim me energji elektrike, i propozon qeverisë që të aprovojë një vendim tjetër qeveritar ku edhe pjesa e ndriçimit publik për të gjithë komunat në vend, deri në fund të krizës energjetike të furnizohen nga kompania shtetërore EMV shitja ( Elektranat e Maqedonisë së Veriut) , njëjtë siç do të furnizohen industria ushqimore e disa sektorë të arsimit , dhe propozojmë që çmimi për një MWh të jetë në vlerë prej 110€ ( euro) për pjesën e furnizimit me energji elektrike, pra një kWh për pjesën e furnizimit çmimi do ishte 6, 765 denarë dhe 3,3742 denarë që është çmimi i aprovuar për distribuim, me çka çmimi final që propozojmë për një kWh do ishte 10,1392 denarë .

Ftojmë qeverinë që të reflektojë e ta aprovojë këtë propozim i cili do të jetë një ndihmë e madhe për njësitë e administrimit lokal, thuhet në reagimin e Departamentit për ekonomi pranë Aleancës për Shqiptarët.

Lajme

Edhe në sondazhin e ri Taravari shumë pranë Ahmetit

Published

5 hours ago

27.03.2023

G.A

Lideri i ASH-së, Arben Taravari sërish i afrohet me popullaritet atij të BDI-së, Ali Ahmeti. Në sondazhin e fundit realizuar nga Instituti për Politika Publike (IPP) “Arbën Xhaferi”, Taravari është katër përqind pas Ahmetit.

Sondazhi i Institutit për Politika Publike Arbën Xhaferi për matjen e opinionit publik shqiptar në Maqedoninë e Veriut

“Sondazhi i IPP Arbën Xhaferi i realizuar ekskluzivisht me shqiptarë në Maqedoninë e Veriut tregon se kur bëhet fjalë për opinionin publik për liderët partiakë, Ali Ahmeti (BDI) është më i popullarizuari, me besueshmëri neto prej zero (neutrale) dhe 49.7% të opinioneve pozitive. Arben Taravari (ASh) qëndron afër si i dyti, me besueshmëri neto prej -9.4 dhe 45% të opinioneve pozitive”, thuhet në sondazhin e relaizuar nga IPP “Arbën Xhaferi”.
Pas Ahmetit dhe Taravarit radhitet Izet Mexhi, si figure politike e popullarizuar te shqiptarët edhe pse nuk është kryetar partie. Pas Mexhitit janë Kasami i Besës dhe lideri i Alternativës, Gashi radhitet i fundit.
“Pas tensioneve të brendshme në BDI, Izet Mexhiti, lideri i fraksionit brenda BDI-së i njohur si “Grupi i Zjarrit” është lideri i tretë partiak më i popullarizuar me besueshmëri neto prej -28.8% dhe 35.3% të opinioneve pozitive. Bilall Kasami (Lëvizja Besa) renditet i katërti, me besueshmëri neto prej -43% dhe 28.2% të opinioneve pozitive. Lideri partiak me përkrahjen më të vogël popullore është Afrim Gashi (Alternativa), me besueshmëri neto prej -74.6% dhe vetëm 12.4% të opinioneve pozitive”, thuhet më tej në sondazhin e relaizuar nga IPP “Arbën Xhaferi”.
30.8% e shqiptarëve kanë thënë se do të votonin për BDI-në nëse zgjedhjet parlamentare do mbaheshin nesër. ASh renditet e dyta me 14.9%, e ndjekur nga Lëvizja Besa me 9.6%. Alternativa do të merrte vetëm 2% të votave, ndërsa PDSH është fare afër zeros (0.3%). Ndër partitë maqedone, 1.6% e shqiptarëve do të votonin për LSDM-në dhe vetëm 0.1% për VMRO-DPMNE-në.

Sondazhi i Institutit për Politika Publike Arbën Xhaferi për matjen e opinionit publik shqiptar në Maqedoninë e Veriut

“Interesante është se në mesin e atyre që kanë thënë se do të votonin për BDI-në, një e treta prej tyre (31.7%) do të zgjidhnin të votonin për “Grupin e Zjarrit” në rast se ky fraksion do të kandidonte si i pavarur nga BDI-ja. Kjo do të ndikonte seriozisht në skenën politike shqiptare, duke ulur përqindjen e votave të BDI-së në 19.5%, ndërsa “Grupi i Zjarrit” do të renditej si forca e katërt politike me 9.3%”, qendron në sondazhin e relaizuar nga IPP “Arbën Xhaferi”.
Sondazhi është realizuar me 1,000 të anketuar të moshës 18 vjeç e lart ku pjesëmarrësit janë anketuar ndërmjet 15 dhe 21 marsit përmes intervistave telefonike. Hulumtimi është kryer duke përdorur metodologjinë e përzgjedhjes rastësore, duke siguruar një përfaqësim gjithëpërfshirës të popullatës shqiptare në Maqedoninë e Veriut, bazuar në karakteristikat demografike si gjinia, mosha, arsimi, si dhe njësia zgjedhore dhe komuna ku ata jetojnë. Margjina e gabimit është 3.1 pikë, me një nivel besimi 95 për qind.

Lajme

Taravari: Me anëtarësimin në NATO, Maqedonia e Veriut është bërë shtet i sigurt

Published

15 hours ago

27.03.2023

G.A

Kryetari i Aleancës për Shqiptarët Arben Taravari, thotë se me anëtarësimin në NATO, Maqedonia e Veriut është shtet i sigurt dhe larg çdo rreziku të sovranitetit dhe integritetit.
Në Facebook ai shkruan se RMV si anëtare e NATO-s jep kontributin e saj për çdo vend në të cilin duhet të sigurohet paqja botërore.
“Më 27 mars të vitit 2020, Republika e Maqedonisë së Veriut u bë anëtare më e re në NATO. Nga ky moment RMV, si pjesë e Aleancës më të fuqishme Veriatlantike, është shtet i sigurtë dhe larg çdo rreziku të sovranitetit dhe integritetit të vendit. RMV, si anëtare e NATO-s, jep kontributin e saj për çdo vend në të cilin duhet të sigurohet paqja botërore. Agresioni rus kundër Ukrainës duke rrezikuar sigurinë globale, edhe njëherë dëshmoi se duke qenë pjesë e NATO-s, qytetarët tanë dhe vendi janë të mbrojtur nga ana e aleancës së shteteve më të fuqishme në botë”.
“Aleanca për Shqiptarët kishte fatin që të kontribuojë në procesin e anëtarësimit të Maqedonisë së Veriut në NATO. ASh me dinamikë dhe seriozitet të njëjtë do të japë kontributin politik dhe programor në përshpejtimin e procesit të anëtarësimit në BE së bashku me sfidat e ndryshimeve kushtetuese që janë parakusht dhe objektiv parësor i anëtarësimit të vendit në BE”, ka shkruar Taravari me rastin e 3 vjetorit të anëtarësimit të RMV-së në NATO.

Lajme

Anëtarë te Besës nga Gostivari kalojnë në ASH

Published

2 days ago

25.03.2023

G.A

Katër anëtarë nga Lëvizja BESA nga Gostivari, sonte kanë kaluar në ASH. Kjo është dëshmuar përmes një fotografie të publikuar në rrjetet sociale ku ata shihen bashkë me kryetarin e ASH, Arben Taravari ku i shoqëron edhe kryetari i Degës së ASH-së në Gostivar, Gazmend Abdija.
Fotografia të cilën e ka publikuar Abdija mbanë shkrimin “Aleanca për Shqiptarët çdo ditë po forocohet”.
Ky kalim kalim i katërshes, e cila ka qenë në krye të BESËS në Gostivar, është festuar me një kafe të përbashkët.
Ndryshe, jo zyrtarisht ditëve në vazhdim pritet edhe anëtarë dhe simpatizantë të tjerë nga Lëvizja Besa në Gostivar të kalojnë në ASH.