Connect with us

Bota

Zelensky: Ukraina duhet të kthejë gjithçka që Rusia ka marrë gjatë luftës

Published

on

Zelensky: Ukraina duhet të kthejë gjithçka që Rusia ka marrë gjatë luftës

Presidenti i Ukrainës Volodomyr Zelensky deklaroi sonte se vendi i tij duhet të kthejë gjithçka që regjimi i Vladimir Putin ka sekuestruar gjatë luftës dhe se Moska zyrtare duhet të ndëshkohet për krimet e saja ushtarake.

Gjatë një video-fjalimi në Facebook, presidenti Zelensky tha se nuk do të ketë konflikt të ngrirë dhe se ukrainasit do të vazhdojnë të mbrohen nga shteti terrorist siç e quajti ai Rusinë.

“Vetëm humbja e dukshme e agresorit, humbja e gjithçka të kapur prej tij dhe përgjegjësia e tij ligjore ndërkombëtare për agresionin janë pengesa kundër çdo lufte të re. Kjo është ajo për të cilën po punojnë diplomatët tanë në organizimin e një përgjigjeje globale politike, ekonomike dhe ligjore ndaj agresionit rus. Duke mbrojtur vendin tonë, ne automatikisht mbrojmë të gjithë ata që janë kërcënuar ose mund të kërcënohen nga një shtet terrorist”, ka thënë Zelensky.

Më herët presidenti ukrainas deklaroi se negociatat me Rusinë nuk do të jenë të mundshme nëse mbahen referendume në territoret e okupuara të vendit të tij. Ai shtoi se Kievi nuk do t’i lëshojë asnjë territor Rusisë.

Zyrtarët rusë dhe ukrainas kanë mbajtur disa raunde bisedimesh që nga fillimi i pushtimit në shkurt, por shumë pak progres është arritur dhe nuk ka pasur takime që nga fundi i marsit dhe për këtë të dyja palët fajësojnë njëra-tjetrën.

Forcat ruse mbajnë pjesën më të madhe të rajonit Kherson në Ukrainën jugore dhe zyrtarët lokalë kanë thënë se mund të mbajnë një referendum për bashkimin me Rusinë brenda javësh ose muajsh.

Separatistët pro-rusë mbajtën referendume për pavarësinë në Donbas dhe shpallën të ashtuquajturat republika popullore, të cilat Kremlini i njohu para fillimit të pushtimit.

Guvernatori i Luhansk, një rajon që ka qenë pothuajse tërësisht nën kontrollin rus për disa javë, tha gjatë fundjavës se Rusia po përgatit një referendum të ri në territoret e pushtuara rishtas dhe se po u ofron banorëve përfitime nëse ata përgjigjen.

Continue Reading

Bota

Uragani, black out në mbarë Kubën: Florida përgatitet për përmbytje katastrofike!

Published

on

By

Uragani, black out në mbarë Kubën: Florida përgatitet për përmbytje katastrofike!

Kuba ka mbetur e gjitha pa energji elektrike pas goditjes nga Uragani Ian, që preku tokën në perëndim të ishullit e po lë pas një vazhdë shkatërrimesh në rrugën e tij.

Sistemi energjetik u shemb i teri, pohuan zyrtarë vendas, sipas të cilëve njëri prej termocentraleve kryesore nuk ka qenë e mundur të kthehej në funksion.

Dy persona raportohet se të kenë humbur jetën e një numër i madh ndërtesash, në mbarë vendin, janë shkatërruar. Uragani i kategorisë së tretë, me erëra që arrijnë shpejtësinë prej 195 kilometrash në orë, tani është nisur drejt Floridës, në Shtetet e Bashkuara, banorët e të cilës janë paralajmëruar për rrezikun e “përmbytjeve katastrofike”.

Kreu i autoritetit për energji elektrike në Kubë pohoi në televizionin shtetëror se 11 milionë persona janë pa energji, ndërsa pronari i kompanisë së njohur të cigareve Finca Robaina, postoi fotografi në rrjetet sociale të cilat tregonin shkallën tmerruese të dëmeve. “Është gati apokaliptike”, shkruante Hirochi Robaina.

Meteorologët kanë paralajmëruar se disa rajone të Kubës mund të përballen me 30 centimetra shi për shkak të Uraganit Ian. Presidenti Miguel Diaz Canel, vizitoi personalisht disa nga zonat e prekura, ku i premtoi qytetarëve se do të marrin ndihmë nga shteti.

Teksa largohet nga Kuba, stuhia ka marrë edhe më shumë forcë në Gjirin e Meksikës, sipas Qendrës Kombëtare të Uraganëve në SHBA, e cila paralajmëron se kur të godasë Floridën, Ian mund të kthehet në stuhi të kategorisë së katërt me erëra të fuqishme, çka detyroi guvernatorin e saj Ron DeSantis të urdhërojë aktivizimin e 5.000 trupave të Gardës Kombëtare.

Continue Reading

Bota

NATO, mesazh Putinit: Lufta bërthamore nuk ka fitues, do të kesh pasoja të rënda

Published

on

By

NATO, mesazh Putinit: Lufta bërthamore nuk ka fitues, do të kesh pasoja të rënda

Përdorimi i armëve bërthamore nga Rusia është i papranueshëm dhe do të ketë pasoja të rënda. Ky është paralajmërimi që vjen për Vladimir Putin nga Sekretari i Përgjithshëm i NATO-s, Jens Stoltenberg.

“Rusia duhet ta dijë se lufta bërthamore nuk fitohet dot dhe nuk duhet të luftohet kurrë. Nuk po them që mundësia e përdorimit të armëve bërthamore është e lartë, por po them që kur shohim vazhdimisht këtë lloj retorike bërthamore nga Rusia, nga Presidenti Putin, duhet ta marrim seriozisht dhe për këtë arsye po i përcjellim mesazhin e qartë që do të ketë pasoja të rënda për Rusinë dhe që nuk duhet të zhvillohet kurrë një luftë bërthamore”, tha norvegjezi.

Reagimi erdhi pas deklaratave të së martës për përdorim të armëve bërthamore me rreze të shkurtër, të bëra nga ish-presidenti dhe ish-kryeministri rus, Dimitry Medvedev, i cili si një aleat i ngushtë i Putinit, mban postin e nënkryetarit të Këshillit të Sigurisë Kombëtare në Rusi.

Sipas analistëve, gatishmëria për përdorimin e këtyre armëve, e cila po shprehet thuajse përditë nga pala ruse, bëhet për të zmbrapsur Ukrainën dhe Perëndimin, pasi ushtria e Kievit ka fituar terren të konsiderueshëm në lindje, ku edhe po zhvillohen betejat më të mëdha.

Continue Reading

Bota

Princi Salman emërohet kryeministër i Arabisë Saudite

Published

on

By

Princi Salman emërohet kryeministër i Arabisë Saudite

Princi i fuqishëm i kurorës në Arabinë Saudite, Mohammed bin Salman, është emëruar kryeministër i shtetit, një pozitë që tradicionalisht i takon mbretit. Princi Mohammed, i cili ka vite që konsiderohet udhëheqës de facto i shtetit, ka shërbyer më parë si zëvendëskryeministër nën Mbretin Salman, si dhe si ministër i Mbrojtjes.

Pozitën e ministrit të Mbrojtjes e ka marrë tani vëllai i tij i vogël, Khalid bin Salman, i cili më parë ka qenë zëvendësministër i Mbrojtjes.

Ministritë tjera të rëndësishme, përfshirë atë të Jashtme dhe të Energjisë, vazhdojnë të kenë udhëheqësit e njëjtë, sipas një dekreti të Mbretit të Salman, që është publikuar nga agjencia zyrtare e Arabisë Saudite.

Princi Mohammed, i cili ka mbushur 37 vjet këtë muaj, është i pari në linjë për të marrë pozitën e mbretit. Ai është bërë ministër i Mbrojtjes më 2015, një hap i madh drejt konsolidimit të pushtetit.

Arabia Saudite nuk deklarohet publikisht rreth spekulimeve për shëndetin e Mbretit Salman, 86-vjeçar. Ai ka udhëhequr Arabinë Saudite – shtetin lider në botë për eksporte të naftës – prej vitit 2015.

Më 2017, ai ka hedhur poshtë raportimet se planifikon të abdikojë fronin ashtu që Princi Mohammed të marrë pushtetin. Mbreti Salman është shtruar dy herë në spital këtë vit. /REL/

Continue Reading

Aktuale