Connect with us

Lajme

Në vend të protokollit në kornizë negociuese do të ketë raporte vjetore

Published

on

Mungesa e Protokollit dypalësh në kornizën negociuese është ndryshimi më i madh në propozimin zyrtar francez, ndryshe nga draft versioni që u paraqit më herët në opinion. Në vend të Protokollit me Bullgarinë, tani në kornizë përfshihen raporte vjetore të zbatimit të Marrëveshjes së Fqinjësisë së Mirë. Sipas autoriteteve në vend, fakti që Protokolli dypalësh nuk është në kuadër të negociatave do të thotë se çështjet historike nuk do të rëndojnë procesin e negociatave.

“Sigurisht, çdo shtet anëtar i BE-së, në çdo moment të procesit nëse vendos, mund të bllokojë. Kjo është parë me shumë vendeve të tjera më herët, por ne kemi garanci, kemi shkruar në letër, të gjitha hapat e ardhshëm dhe të gjitha formatet dhe mekanizmat për zgjidhjen e mosmarrëveshjeve. Kjo është garancia jonë që asnjë vend në kokë të vet, në këtë rast edhe Bullgaria, nuk do të jetë në gjendje të thirret në veto nëse ne përmbushim obligimet tona dhe negociojmë siç përcaktohet në kornizën negociuese”, tha Bojan Mariçiq – Zëvendëskryeministër për Çështje Evropiane.

Sipas shefit të diplomacisë, Bujar Osmani, ky Protokoll në të cilin kanë punuar dy Ministritë e Punëve të Jashtme, mund të nënshkruhet nëse miratohet edhe korniza negociuese.

“Nëse Qeveria merr vendim pas procesit të konsultimit që e miraton pakon, atëherë unë mund të organizoj menjëherë një mbledhje të komisionit ndërqeveritar me Republikën e Bullgarisë dhe ta nënshkruajmë protokollin. Mendoj se kjo do të përkojë në kohë me të njëjtën ditë kur Këshilli i BE-së do të miratojë kornizën negociuese dhe gjithë këtë propozim francez”, theksoi Bujar Osmani – Ministër i Punëve të Jashtme.

Sa i përket çështjes së gjuhës, Osmani tha se për gjuhën maqedonase ka një formulim të qartë, pa sqarime shtesë. Pala bullgare mund të shprehë qëndrimin e saj për gjuhën, por ajo deklaratë e njëanshme e Sofjes do të jetë në procesverbalin e takimit në Bruksel, por jo edhe në kornizën negociuese.

Në lidhje me ndikimin e ndryshimeve kushtetuese për futjen e bullgarëve ndaj procesit të bisedimeve, Osmani tha se menjëherë mund të thirret një Konferencë Ndërqeveritare dhe të fillojë skriningu, ndërsa Konferenca e Dytë Ndërqeveritare, e cila do të shënojë fillimin e hapjes së negociatave, do të zhvillohet sapo Shkupi të njoftojë se ka përfunduar procesin e ndryshimeve kushtetuese.

Continue Reading

Lajme

Ballistët reagojnë ndaj dëmit qe ju bë dje tetovarëve në Shkup

Published

on

Mbrëmë në Shkup, u dëmtuan disa vetura të tifozëve të KF Shkëndija. Gjatë ndeshjes KF Shkëndija vs AIK Fotboll, dikush ka shpërthyer gomat e veturave të tifozëve. Dhjetëra vetura me goma të shpërthyera ishin ndërkaq tifo grupi Ballistëst gjatë ditës së kanë reaguar për këtë përmes një postimi në faqen e tyre.

Reagimi i plotë:

“REAGIM NGA QYTETARËT E TETOVËS

Drejtuar klubit të futbollit Shkëndija

Komunës së Tetovës

Qeverisë së Republikes se Maqedonisë

Partive Shqiptare në kuvendin e Maqedonisë

Dje në ndeshjen mes Shkëndijes se Tetovës dhe AIK nga Suedia në prani te mbi 7000 te pranishmëve nga te gjitha trojet shqiptare, Shkëndija nuk pati fat ne gjuajtjet e penaltive dhe u eliminua ne xhiron e tretë te Conference League. Diçka e pazakontë ka ndodhur ne parkingun që gjendet pas ambasadës së Shteteve te bashkuara te Amerikës, ku mbi 30 veturave u janë shpuar gomat e veturave dhe disave gjithashtu u janë thyer edhe xhamat. Është per te ardhur keq pasi e njejta ka ndodhur edhe më herët ne vitet 2015-2018 në ndeshjet e Shkëndijës ne Evropë, ku veturat që parkoheshin „andej ures“ diku afër kopshtit zoologjik kishin problemet e njejta, e dje kjo ka ndodhur edhe në parkingun ku deri sot nuk ka pasur probleme te tilla.Ngjarje të tilla janë të turpshme për këdo që e realizon, qoftë ai i pales shqiptare apo maqedone pasi kjo shkakton revoltë tek Tetovarët sepse nesër mund te pësojnë edhe bizneset e ndryshme që punojnë dhe veprojnë në Tetovë. Tetova është qyteti ku ka lindur universiteti, qyteti i luftës dhe qyteti ku janë themeluar të gjitha partitë politike! Mjaftë duruam…DUAM STADIUM !!”, thuhet në reagimin e Ballistëve.

Continue Reading

Lajme

Të ndalohen shantazhet me kontrata pune nga ana e partive që kanë pushtet

Published

on

By

Të ndalohen shantazhet me kontrata pune nga ana e partive që kanë pushtet

Të nderuar gazetarë, falemnderit që iu përgjigjët kësaj ftese për konferencë për shtyp, ku duam të shprehim shqetësimin tonë si parti politike e njëherësh edhe si qytetarë të këtij vendi për mënyrën se si po shkallon fushata zgjedhore në një fushatë kontratash.

Sikurse e dimë të gjithë, jemi në një kampanjë parazgjedhore për Këshillin e Komunës së Tetovës dhe në këtë fushatë në vend që të kemi një garë reale platformash, ofertash e vlerash njerëzore, për fat të keq nga ana e partive që kanë pushtet, qoftë lokal a qendror, po zhvillohet një garë se kush do të ofrojë më shumë kontrata pune, të cilat kontrata po shndërrohen në mjet kërcënues e shantazhues për qytetarët.

Kjo praktikë e nisur moti nga BDI, tani po përdoret edhe nga partitë e tjera që kanë pushtet qoftë lokal a qendror. Mjafton të kenë një drejtori dhe në çast e shndërrojnë atë në dyqan punësimesh të përkohshme.

Ne si Aleancë për Shqiptarët e dënojmë këtë dukuri të shëmtuar që e devijon ofertën e vërtetë politike në një ofertë devalvuese kontratash më tepër fiktive se reale. Ne duam që në garë të jenë platformat, projektet, mundi dhe vizioni i politikës për ta ndërtuar vendin dhe për ta bërë qytetin tonë një vend të jetueshëm, ku artikulohen njëmendi mundësitë e tij.

Për fat të keq në vend të një oferte të këtillë, në vend të një fushate urbane që e meritojnë qytetarët tanë, ata përballen me kërcënimin më johuman, sic është vendi tyre i punës.

Qytetarët tanimë e kanë kuptuar arsyen pse vazhdojnë të mbahen aq shumë punëtorë me kontratë në vepër. Ata e dinë se përmes këtyre kontratave i shtrëngojnë për ta dhënë votën. Kjo është një dukuri tepër e shëmtuar që i fyen njerëzit duke tentuar të improvizojnë skllavopronarinë në shekullin XXI.

Ta mbash peng punësimin e një njeriu dhe ta thërrasësh në biseda informative se ç’do të bëjë dhe ç’duhet të bëjë ai me votën e tij, përtej presionit, është fyerje dhe shkelje dinjiteti. Rastet i dinë vetë qytetarët dhe revolta e tyre do të artikulohet në ditën e tyre, në ditën kur do të votojnë. Ta mbash peng punësimin e një njeriu që ta kesh në dorë kur të duhet, është si ta pështysh në fytyrë, është si t’ia shkelësh me këmbë kafshatën e gojës.

Përvec kërcënimit me nxjerrje nga puna, viteve të fundit ka ngritur krye një mënyrë tjetër shantazhimi me punësim, ai i kontratave fiktive që bëhen e ndalen për disa muaj, duke i keqpërdorur paratë e qytetarëve, duke i ngulfatur instutucionet, duke i bërë institucionet të punojnë vetëm për paga të votuesve të tyre potencialë e duke i gënjyer në fund edhe vetë ata, duke mos u gjetur vend real pune, e duke ua ndërprerë më pas kontratat, duke ua nxjerrë emrat në listat e turpit si njerëz që kanë marrë rroga, ku pastaj futen në një thes edhe ata që kanë shkuar në punë edhe ata që nuk kanë shkuar, edhe ata që janë munduar e punuar vërtet, edhe ata që kanë punuar nëpër seli të partive e në shtëpitë e funksionarëve. Sepse për fat të keq as që u shkon ndërmend për integritetin e njerëzve, për ndjenjat e tyre.

Të nderuar qytetarë kjo listë problemesh është shumë e gjatë. Sikurse është e gjatë rruga e punëve të mira që duhet ta bëjme. Por para se ta fillojmë angazhimin e vërtetë duhet bërë pastrimi nga devijacioni kolektiv.

Prandaj, i ftoj partitë politike që janë pjesë e pushteteve ta ndalojnë presionin dhe prodhimin e kontratave gënjyese të çastit, për shumë arsye. Por në radhë të parë për ta ngritur nivelin garues, sepse ky popull s’meriton të përulet kështu dhe e dyta për të vendosur një standard të mirëfilltë ofertash të programeve që e rrisin cilësinë e jetës sonë, sikurse e meritojnë qytetarët.

Po ashtu i ftoj qytetarët që masovikisht t’ua prishim kontratën e rehatisë personale që e kanë lidhur kahmot pushtetarët në kurrizin tonë, në kurrizin e secilit prej nesh.

Continue Reading

Lajme

ASH: Mos i keqpërdorni institucionet për t’i shpëtuar të korruptuarit dhe të dështuarit

Published

on

By

Mos i keqpërdorni institucionet për t’i shpëtuar të korruptuarit dhe të dështuarit

Krimi, korrupsioni, keqpërdorimi dhe partizimi i institucioneve nga BDI po kalon çdo kufi të turpit dhe degradimit.

Sukseset e Ansamblit të këngëve dhe valleve i takojnë popullit shqiptar dhe gjithë pjesëtarëve të ansamblit dhe për këtë përgëzime të gjithë meritorëve.

Por, defilimet dhe lëpirja e drejtorit para këmbëve të një kryetari partie është e turpshme dhe e patolerueshme. Akoma më e turpshme bëhet kjo kur i detyron anëtarët e ansamblit për të shkuar në një seli partie, për t’u shërbyer nevojave të drejtorit dhe për t’u vënë në agjenda partiake propagandistike.

Fotografitë e publikuara në selinë e BDI-së dhe me kryetarin e kësaj partie dëshmojnë qartë se kush qëndron mbrapa të gjitha aferave korruptive, kush i mbron drejtorët e dyshuar për keqpërdorim të parave dhe institucionit dhe pse rastet e këtilla nuk kanë epilog të drejtë.

– Aleanca për Shqiptarët –

Continue Reading

Aktuale