Connect with us

Lajme

Banesat sociale në Gostivar, revoltë dhe akuza ndaj Ministrisë së Transportit

Published

on

“Person me invaliditet se keni kaluar, ku është vendimi. Ku është vendimi më trego. Po i ndodhi gjë asaj problem me ju do kemi ti e bërë me invaliditet nënën”.

Lot, revoltë e kërcënime. Kështu ishte atmosfera në shtëpinë e kulturës në Gostivar, pas shpalljes së listës paraprake për personat që kanë fituar të drejtën për shfrytëzimin e banesave sociale. Përderisa për disa ndarja ishte e drejtë dhe dolën të qeshur nga Pallati i Kulturës në për të tjerët ndarja e banesave sociale ishte e padrejtë.

“Na dha premtim ministri se do na vendos në banesë si njerëz, e jo të mbetemi në rrugë. Ku të shkojmë ne tash ku të flemë, gjashtë muaj flemë rrugëve. Na u dogj baraka mbetëm në rrugë, s`kemi as familje asgjë. Për këtë tallen me neve. Ministri më premtoi, vet më pranoi Boçvarski, i tregova se toka është shtetërore, ministri tha pse si vendosni si duhet personat. Thanë po do i vendosim në banesë sociale, vetë Irena Petanova tha do lajmërohet për 20 ditë, kur shkuam atje na përzunë shkoni te ministri na thonë. Nuk e di pse s`jam në listë, 32 vjet kemi jetuar në barakë, si dolën investitorët na shkatërruan neve”, u shpreh një zonjë.

“Kjo është grua me aftësi të kufizuara, ndërsa neve na thonë nuk ekzistoni në këtë listë. Unë ju them se kemi aplikuar me dokumente dhe i thamë drejtoreshës, ajo tha do e bëjmë se nëna është me aftësi të kufizuara e tash nuk jemi askund. Tash na thonë shkoni flini para Qeverisë. Ja kjo është ajo që na sqaruan”, deklaroi Senad Abdii.

Zv/ministri i Transportit dhe Lidhjeve Bekim Rexhepi, kërkoi nga personat që nuk janë në listë, të parashtrojnë ankesa.

“Të gjithë personat që nuk do të gjenden në listë pas marrjes së vendimit kanë të drejtë ankese për vendimin nga ana e komisionit. Procedura nga ana e komisionit për vërtetimin e dokumentacionit është bërë në mënyrë shumë profesionale dhe transparente, kështu që vërtetohet edhe sot se në mënyrë shumë të qartë u zbulua edhe lista preliminare e kandidatëve”, u shpreh Bekim Rexhepi, zv. Ministër i Transportit.

Të drejtë aplikimi për shfrytëzimin e banesave sociale, kanë fëmijët pa prindër, personat me të ardhura të ulëta, persona të prekur nga fatkeqësitë natyrore, personat me aftësi të kufizuara, pjesëtarë të komunitetit romë, të rrezikuar në aspektin social sipas strategjisë për romët dhe prindër të vetëm me fëmijë të moshës minore. Në Gostivar kanë aplikuar gjithsej 170 persona, për 70 banesa sociale. Lista që u shpall sot, nuk është përfundimtare, e njëjta mund të ndryshoje pas kontrolleve që do bëhen brenda ditëve, për verifikimin e gjendjes nëpër familje sipas dokumentacionit të dorëzuar në aplikim. Gazetar: Bashkim Sulejmani /Alsat.mk

Continue Reading

Kosovë

Kurti: S’do të lejoj “republikë serbe të dytë” në Kosovë

Published

on

Kryeministri i Kosovës Albin Kurti ka deklaruar se nuk do të lejojë një ‘republikë të dytë serbe’ në Kosovë ngjashëm me atë në Bosnjë e Hercegovinën.

Kurti ka thënë se në Bosnjë e Hercegovinë kanë filluar duke i bashkuar komunat me shumicë serbe drejt krijimit të një entiteti autonom i cili saboton shtetin e BeH.

“Unë nuk jam kundër serbëve, por Serbia është kundër nesh dhe nuk mund të lejoj një republikë serbe të dytë në Kosovë ngjashëm siç e kanë në Bosnje sepse edhe atje kanë filluar duke i bashkuar komunat me shumicë serbe drejt krijimit të një entiteti autonom, i cili e saboton shtetin e Bosnje Hercegovinës”.

“Unë besoj se ngjashëm e kanë synimin edhe në Kosovë, pa harruar asnjëherë se krerët në Serbi janë ata që para pak viteve provuan ta bëjnë projektin e shkëmbimit territorial, i cili si ide nuk mund të them se ka vdekur, por si projekt gjithsesi dështoi. Pra, të njëjtët që provuan ndarjen e Kosovës në emër të shkëmbimit territorial, janë ata të cilët tashmë me shumë ngulm e kërkojnë asociacionin e komunave me shumicë serbe, që është i papranueshëm për ne. Prej marrëveshjeve që përmendët, besoj se kryesorja që kurrsesi nuk bën të zbatohet është kjo”, tha Kurti.

Kurti në Syri Tv ka deklaruar edhe njëherë se nuk e dëshiron nismën “Ballkani i Hapur” që mbështetet nga Edi Rama dhe Presidenti serb Vuçiç. Kurti theksoi se Serbia kërkon të destabilizojë Ballkanin.

“Nuk besoj që PS është Partia e Punës, mirëpo sa i përket disa iniciativave rajonale ne nuk pajtohemi. Unë besoj se Serbia do të destabilizojë Ballkanin, që nuk është neutrale, por ka marrë anën e Kremlinit. Nuk mund të jesh neutral mes zjarrfikësit dhe zjarrit. Ata i kanë 14 aviona MIG29. 8 i kanë marrë nga Bjellorusia dhe 6 nga Rusia dhe këtu nuk ka dilema”, tha Kurti.

Më tej kryeministri i Kosovës tha se “nisma e Ramës dhe Vuçiçit me ‘Ballkanin e Hapur’ do të dështojë sepse Ballkani nuk mund të hapet ndaj askujt tjetër, pasi është e hapur prej vitesh vetëm ndaj BE-së, SHBA-së dhe NATO-s”.

“Nuk e di plotësisht nëse plani është ta zëmë, ky Ballkani i Hapur si ide. Unë nuk mendoj se do të ketë sukses. Edhe mendoj se është i gabueshëm. Ballkani i Hapur nënkupton një synim që nuk na qenka i hapur, por duhet ta hapim, por ndaj kujt? Ne jemi të hapur ndaj BE-së dhe SHBA-së, dhe NATO-s. Por të hapet Ballkani ashtu siç është hapur Serbia për Federatën Ruse dhe Kinën, unë mendoj se është gabim”, deklaroi Kurti.

Ndër të tjera lidhur me këtë çështje, Kurti u shpreh se çdo gjë që nuk është e mirë për Kosovën, nuk është e mirë as për Shqipërinë.

“Çdo gjë që nuk është e mirë për Kosovën nuk është e mirë as për Shqipërinë , çka nuk është e mirë për Shqipërinë nuk është e mirë as për Kosovën. Ne jemi dy shtete por jemi një komb dhe duhet të rrisim bashkëpunimin dhe ndjeshmërinë për njëri-tjetrin. Në ‘Procesin e Berlinit’ udhëheq Gjermania, në ‘Ballkanin e Hapur’ udhëheq Serbia, unë besoj se procesi i Berlinit nën udhëheqjen e kancelarit Scholz është rruga e duhur drejt integrimit evropian. Nuk është shpejt por nuk ka rrugë më të mirë dhe mos harroni që Serbia dëshiron që faktorët perëndimorë të mos jenë në një vijë. Serbia dëshiron që as Gjermania të mos pajtohet me Francën dhe as Brukseli më Uashingtonin. Ndërkohë që interesi i shqiptarëve është raporti i mirë trans-atlantik, ne kemi interes sinkronizimin e dyfishtë, sinkronizimin Paris-Berlin dhe Bruksel-Uashington”, tha Kurti.

Continue Reading

Lajme

ASH: Sot përfundimisht u vërtetua në vepër se pika e dobët e pushtetit të kriminalizuar ka qenë dhe është Pushteti Gjygjësor!

Published

on

Deputetja dhe koordinatorja e grupi parlamentar të Aleancës për Shqiptarët, Ilire Dauti përmes press konferencës për media ka reaguar pas sulmit ndaj deputetëve të ASH-së Elmi Aziri dhe Halil Snopçe nga ana e deputetit të Bashkimit Demokratik për Integrim, Arbër Ademi gjatë mbledhjes së Komisionit për Çështje Evropiane i cili ka gjuajtur me gota ndaj deputetëve të opozitës, me ç’rast dhe ka shkëmbyer fjalë fyese, përcjell in7

Nga ASH theksojnë se sot përfundimisht u vërtetua në vepër se pika e dobët e pushtetit të kriminalizuar ka qenë dhe është Pushteti Gjygjësor.

Reagimi i plotë

Sot përfundimisht u vërtetua në vepër se pika e dobët e pushtetit të kriminalizuar ka qenë dhe është Pushteti Gjygjësor!
Krimi, korrupsioni, rrugaçëria dhe skenaret e tyre u manifestuan me vandalizëm dhe akte dhune ku me ose pa hiri, u godit edhe Deputeti i Aleancës për Shqiptarët, Elmi Aziri.

I gjithë ky skenar i turpshëm filloi me tentimin për t’ua zgjatur mandatin gjykatësve dhe prokurorëve partiak të pushtetit, përmes kontrabandimit të ligjit. Pasiqë ne kundërshtuam, kryesuesi Arbër Ademi ofendoi personalisht Deputetin Halil Snopçe i cili e ftoi publikisht të kërkojë falje, por nuk ndodhi një gjë e tillë. Më pas, Deputeti Snopçe kërkoi përsëri ndërhyrje procedurale e cila iu mohua dhe tentoi të votohet rendi i ditës. Në shenjë revolte, ne deputetët e Aleancës për Shqiptarët dolëm në foltore që të mbrojmë të drejtën tonë për diskutim dhe të parandalojmë kontrabandimin e ligjit. Pas kësaj pasoi turpi që e pa gjithë opinioni, dhuna dhe vandalizmi i koordinatorit të BDI-së.

Kjo nuk është hera e parë që bëjnë skenare të këtilla të dhunshme me qëllim fshehjen e krimit, korrupsionit dhe kapjes së shtetit. Në Kuvend dhe skenën politike ka pasur shumë raste kur deputetët e BDI-së kanë mundur ta tregojnë veten, por i kemi parë të gjithë se si ikin nga komisionet ku duhet të mbrohen qytetarët, ose si përqafohen me kriminelët.

U bëjmë thirrje qytetarëve që të mos bien në skenare të këtilla dhe lojra të fëlliqura të BDI-së të cilët i kap panika sa herë që u rrezikohet pushteti, ose nuk u shkojnë planet deri në fund. Të gjithë duhet të dënojmë fuqimisht këto akte vandale dhe vandalistët përfundimisht të mbajnë përgjegjësi. Duam të njoftojmë gjithashtu se për sonte u ftuam edhe në kordinim, por ne nuk ulemi në një tavolinë me vandalistë të dhunshëm që nuk kanë të bëjnë as me demokracinë e as me politikën, thekson Dauti./in7.tv/

Continue Reading

Bota

Goditja me raketa në qendrën tregtare në Ukrainë, Blinken: Bota është tmerruar

Published

on

Sulmi me raketa ruse në një qendër tregtare në Ukrainë sot është i fundit në një “varg mizorish” në vend dhe bota është “e tmerruar”, tha Sekretari amerikan i Shtetit Antony Blinken.

Në një deklaratë në Twitter, Blinken shkroi: “Ne do të vazhdojmë të mbështesim partnerët tanë ukrainas dhe të kërkojmë llogari nga Rusia, përfshirë ata që janë përgjegjës për mizoritë.”

Diku tjetër, zëdhënësi i Kombeve të Bashkuara, Stephane Dujarric tha se OKB-ja ishte e shqetësuar për intensifikimin e luftimeve në Ukrainë dhe sulmin “i mjerueshëm” në qendrën tregtare.

“Është për të ardhur keq, për të thënë më së paku. Çdo lloj infrastrukture civile, e cila përfshin padyshim qendrat tregtare dhe civilët nuk duhet të jenë kurrë në shënjestër,” u tha Dujarric gazetarëve.

Zyrtarët ukrainas kanë thënë se shumë civilë dyshohet se kanë vdekur ose janë plagosur pas sulmit të sotëm. /balkanweb

Continue Reading

Aktuale