Connect with us

Sport

Mbape i ka thënë ‘po’ Real Madridit, mungon vetëm firma

Published

on

Gazeta Si – Spanjollja ‘Marca’ zbulon prapaskenat e transferimit të Kilian Mbape te Reali. Ajo shkruan se sulmuesi ka takuar javën e kaluar drejtuesit madrilenë dhe ka pranuar ofertën e tyre.

Përfaqësues të lojtarit dhe drejtues të klubit madrilen kanë plotësuar akordin përfundimtar, tani mungon vetëm firma zyrtare në kontratë.

Megjithatë, kërkohet qetësi nga Reali, përderisa ende nuk është hedhur e zeza mbi të bardhë. Klubi spanjoll nuk nxitohet aspak, sipas “Markës’, edhe për faktin se gjatë tratativave të gjata ka pasur interferenca të ndryshme.

Klubi i PSG-së ka vendosur në tavolinë oferta faraonike për rinovimin me Kilian Mbape. Madje, ka ndërhyrë edhe politika në këtë çështje. Të gjithë kanë bërë presion që Mbape të qëndrojë, por duket se nuk ia kanë arritur qëllimit.

Dëshira e sulmuesit ka qenë që në fillim të veshë fanellën e “Los Blancos”. Francezi deshi që kjo lëvizje të bëhej që vitin e kaluar, por nuk u bë e mundur. Tani ka ardhur momentin për ta parë një nga lojtarët më të mirë në qarkullim si madrilen.

Taktika e presidenti Florentino Perez ka qenë e thjeshtë. Nuk ka dashur asnjëherë ta zyrtarizojë transferimin, por me anë të njerzëve të besuar ka qëndruar shumë pranë asit francez.

Çdo gjë ka shkuar sipas planeve. Të hënën e kaluar, gjatë vizitës së Mbape në Madrid, u bë takimi me drejtuesin e Realit Jose Angel Sançez dhe stafin e tij. Sulmuesi ka thënë “po”, edhe pse për njoftimin zyrtar duhet pritur.

Duhet edhe pak kujdes, në mënyrë që lojtari të mbyllë detyrimet kontraktuale me PSG-në. Në Spanjë shtohen zërat për njoftimin zyrtar, që ka mundësi të vijë para finales së Ligës së Kampionëve. Për të karikuar edhe më shumë ambientin.

Pas kalimit të Haland te Mançester Siti, e ka radhën kalimi i francezit te Reali.

Continue Reading

Sport

Marotta e konfirmon, ja kur do të zbarkojë Lukaku në Milano

Published

on

Tanimë është e ditur që sulmuesi i Chelseat, Romelu Lukaku, nuk do të jetë pjesë e “Bluve” për sezonin e ardhshëm 2022/23.

Pas vetëm një viti qëndrim në Premier Ligë, Lukaku ka siguruar rikthimin e tij tek Interi në një transferim në formë huazimi.

Këtë gjë tani e ka konfirmuar, shefi i Interit, Giueseppe Marotta, i cili tregoi që Lukaku mund të mbërrij sot në Milano.

“Ai mbërrin sonte ndoshta”, tha Marotta.

Testet mjekësore do të përfundohen në mëngjesin e të mërkurë, dhe më pastaj marrëveshja e huazimit me Chelsean deri në qershorin e vitit 2023 do të bëhet zyrtare.

Po ashtu, në marrëveshje nuk është përfshirë opsioni për të drejtë ose obligim blerjeje.

Continue Reading

Sport

Shqipëria fiton medaljen e parë në Lojërat Mesdhetare

Published

on

Shqipëria fiton medaljen e parë në Lojërat Mesdhetare.

Zelimkhan Abakarov, sportisti me origjinë nga Çeçenia ka siguruar medaljen e parë për Shqipërinë në Lojërat Mesdhetare që po zhvillohet në Algjeri.

Në sportin e mundjes, Abakarov tregoi një formë të shkëlqyer në sfidat e sotme, teksa fillimisht mposhti në çerekfinale turkun Munir Recep me rezultatin 8-4, ndërsa më pas në gjysmëfinale shkatërroi serbin Stevan Micic me rezultatin 9-0.

Tashmë Abakarov ka siguruar minimalisht medaljen e argjendtë, por ai do të luftojë për të artën, teksa nesër në orën 19:30 do të përballet në finale me egjiptianin Yehia Hafez.

Continue Reading

Sport

Shembet stadiumi, katër tifozë humbasin jetën dhe mbi 300 të plagosur (Video)

Published

on

Një tragjedi ka ndodhur në Kolumbi. Në stadiumin “El Espinal” të Tolimas shumë persona ishin mbledhur për të ndjekur përleshjet me demat.

Një pjesë e stadiumit u shemb, tifozët u përfshinë nga paniku dhe nxituan të zbrisnin në fushë. Bilanci? Katër të vdekur dhe shumë të plagosur, rreth 322, 30 nga të cilët në gjendje të rëndë.

Videoja e postuar nga presidenti i sapozgjedhur i Kolumbisë, Gustavo Petro, tregon një tribunë plot me spektatorë që shembet, ndërsa njerëzit vrapojnë të tmerruar.

Continue Reading

Aktuale