Lajme

Parashikimi i Horoskopit: Këto shenja do të kenë shumë fat sot

Published

1 year ago

29.01.2022

G.A

Ky është parashikimi i yjeve për ditën e sotme 29 janar 2022.

Dashi

Një udhëtim i mundshëm apo takimet me shoqërinë do t’ju bëjnë të ndiheni të relaksuar dhe të lumtur. Mos jepni para hua sot, pasi ka gjasa që t’i rimerrni shumë vonë. Bëni kujdes në bashkëbisedime, pasi mundet që gjatë një bisede të lëndoni dikë paqëllim, transmeton lajmi.net.

Demi

Gjendja juaj shëndetësore do të jetë e mirë dhe do të jeni entuziastë vazhdimisht. Ka gjasa të arrini të kurseni para. Përpiquni të ndihmoni bashkëshortin/bashkëshorten në përmbushjen e detyrave të tij/saj.

Binjakët

Mos i paragjykoni menjëherë njerëzit rreth jush, pasi nuk do të keni rezultatin e duhur. Do të ishte e udhës të ishit më objektivë dhe të tregoheni të duruar. Shmangni thashethemet, pasi do t’ju sjellin vetëm telashe.

Gaforrja

Ka gjasa që dikush pranë jush që zakonisht ju irriton vazhdimisht, sot mund të shndërrohet në personin që ju mbështet më shumë. Para se të nisni një projekt të ri, përpiquni të këshilloheni me persona që kanë eksperiencë në atë fushë. Ekziston mundësia që një prej anëtarëve të familjes suaj të shfaqë probleme shëndetësore.

Luani

Sjellja juaj në ambientet e punës do të vlerësohet maksimalisht. Disa persona do t’ju komplimentojë duke nxjerrë në pah cilësitë tuaja. Nuk përjashtohet mundësia që së shpejti të realizohet një prej ëndrrave tuaja.

Virgjëresha

Buzëqeshja është zgjidhja më e mirë e problemeve tuaja sot. Ndonëse keni ndërmend të bëni një investim të caktuar, sot nuk është dita e duhur. Ka gjasa të merrni një lajm të mirë, që do të lumturojë edhe njerëzit tuaj të afërt.

Peshorja

Sot do të ndiheni shumë energjikë. Do të mund të fitoni para falë bashkëpunimit me personin duhur. Është shumë e rëndësishme që të keni më shumë besim në vetvete. Të martuarit e kësaj shenje parashikohen të kalojnë një ditë romantike.

Akrepi

Ekziston mundësia t’iu ngarkojnë me përgjegjësi tepër të rëndësishme. Kthjelltësia është domosdoshmëri për ju sot. Nëse partneri/partnerja juaj ndihet i/e tensionuar sot, përpiquni të jeni të kuptueshëm dhe të mos reagoni ashpër.

Shigjetari

Bëni shumë kujdes me shëndetin gjatë ditës së sotme. Mos u tregoni neglizhentë ndaj asnjë shqetësimi. Natyra juaj bashkëpunues do të sjellë rezultatet e dëshiruara në punë. Ka gjasa t’ju besohen më shumë përgjegjësi.

Bricjapi

Do të ndiheni të mbushur plot shpresë. Do të jetë një ditë e mbarë, e këndshme dhe do të shijoni shoqërinë e të miqve. Planifikoni diçka speciale për partnerin/partneren për të thyer rutinën e përditshme.

Ujori

Do t’ju rritet besimi në vetvete teksa do të keni mbështetjen maksimale të të afërmve tuaj. Lidhja juaj romantike do të ecë për më së miri dhe nuk përjashtohet mundësia e një dite plot emocione në këtë aspekt.

Peshqit

Ka gjasa të merrni një lajm të mirë. Mund të keni disa të ardhura të papritura financiare. Sa i përket lidhjes suaj romantike, flisni hapur me partnerin/partneren. Do të mund të gjeni kohë për veten, pavarësisht një dite të lodhshme.

Lajme

Edhe në sondazhin e ri Taravari shumë pranë Ahmetit

Published

4 hours ago

27.03.2023

G.A

Lideri i ASH-së, Arben Taravari sërish i afrohet me popullaritet atij të BDI-së, Ali Ahmeti. Në sondazhin e fundit realizuar nga Instituti për Politika Publike (IPP) “Arbën Xhaferi”, Taravari është katër përqind pas Ahmetit.

Sondazhi i Institutit për Politika Publike Arbën Xhaferi për matjen e opinionit publik shqiptar në Maqedoninë e Veriut

“Sondazhi i IPP Arbën Xhaferi i realizuar ekskluzivisht me shqiptarë në Maqedoninë e Veriut tregon se kur bëhet fjalë për opinionin publik për liderët partiakë, Ali Ahmeti (BDI) është më i popullarizuari, me besueshmëri neto prej zero (neutrale) dhe 49.7% të opinioneve pozitive. Arben Taravari (ASh) qëndron afër si i dyti, me besueshmëri neto prej -9.4 dhe 45% të opinioneve pozitive”, thuhet në sondazhin e relaizuar nga IPP “Arbën Xhaferi”.
Pas Ahmetit dhe Taravarit radhitet Izet Mexhi, si figure politike e popullarizuar te shqiptarët edhe pse nuk është kryetar partie. Pas Mexhitit janë Kasami i Besës dhe lideri i Alternativës, Gashi radhitet i fundit.
“Pas tensioneve të brendshme në BDI, Izet Mexhiti, lideri i fraksionit brenda BDI-së i njohur si “Grupi i Zjarrit” është lideri i tretë partiak më i popullarizuar me besueshmëri neto prej -28.8% dhe 35.3% të opinioneve pozitive. Bilall Kasami (Lëvizja Besa) renditet i katërti, me besueshmëri neto prej -43% dhe 28.2% të opinioneve pozitive. Lideri partiak me përkrahjen më të vogël popullore është Afrim Gashi (Alternativa), me besueshmëri neto prej -74.6% dhe vetëm 12.4% të opinioneve pozitive”, thuhet më tej në sondazhin e relaizuar nga IPP “Arbën Xhaferi”.
30.8% e shqiptarëve kanë thënë se do të votonin për BDI-në nëse zgjedhjet parlamentare do mbaheshin nesër. ASh renditet e dyta me 14.9%, e ndjekur nga Lëvizja Besa me 9.6%. Alternativa do të merrte vetëm 2% të votave, ndërsa PDSH është fare afër zeros (0.3%). Ndër partitë maqedone, 1.6% e shqiptarëve do të votonin për LSDM-në dhe vetëm 0.1% për VMRO-DPMNE-në.

Sondazhi i Institutit për Politika Publike Arbën Xhaferi për matjen e opinionit publik shqiptar në Maqedoninë e Veriut

“Interesante është se në mesin e atyre që kanë thënë se do të votonin për BDI-në, një e treta prej tyre (31.7%) do të zgjidhnin të votonin për “Grupin e Zjarrit” në rast se ky fraksion do të kandidonte si i pavarur nga BDI-ja. Kjo do të ndikonte seriozisht në skenën politike shqiptare, duke ulur përqindjen e votave të BDI-së në 19.5%, ndërsa “Grupi i Zjarrit” do të renditej si forca e katërt politike me 9.3%”, qendron në sondazhin e relaizuar nga IPP “Arbën Xhaferi”.
Sondazhi është realizuar me 1,000 të anketuar të moshës 18 vjeç e lart ku pjesëmarrësit janë anketuar ndërmjet 15 dhe 21 marsit përmes intervistave telefonike. Hulumtimi është kryer duke përdorur metodologjinë e përzgjedhjes rastësore, duke siguruar një përfaqësim gjithëpërfshirës të popullatës shqiptare në Maqedoninë e Veriut, bazuar në karakteristikat demografike si gjinia, mosha, arsimi, si dhe njësia zgjedhore dhe komuna ku ata jetojnë. Margjina e gabimit është 3.1 pikë, me një nivel besimi 95 për qind.

Lajme

Taravari: Me anëtarësimin në NATO, Maqedonia e Veriut është bërë shtet i sigurt

Published

14 hours ago

27.03.2023

G.A

Kryetari i Aleancës për Shqiptarët Arben Taravari, thotë se me anëtarësimin në NATO, Maqedonia e Veriut është shtet i sigurt dhe larg çdo rreziku të sovranitetit dhe integritetit.
Në Facebook ai shkruan se RMV si anëtare e NATO-s jep kontributin e saj për çdo vend në të cilin duhet të sigurohet paqja botërore.
“Më 27 mars të vitit 2020, Republika e Maqedonisë së Veriut u bë anëtare më e re në NATO. Nga ky moment RMV, si pjesë e Aleancës më të fuqishme Veriatlantike, është shtet i sigurtë dhe larg çdo rreziku të sovranitetit dhe integritetit të vendit. RMV, si anëtare e NATO-s, jep kontributin e saj për çdo vend në të cilin duhet të sigurohet paqja botërore. Agresioni rus kundër Ukrainës duke rrezikuar sigurinë globale, edhe njëherë dëshmoi se duke qenë pjesë e NATO-s, qytetarët tanë dhe vendi janë të mbrojtur nga ana e aleancës së shteteve më të fuqishme në botë”.
“Aleanca për Shqiptarët kishte fatin që të kontribuojë në procesin e anëtarësimit të Maqedonisë së Veriut në NATO. ASh me dinamikë dhe seriozitet të njëjtë do të japë kontributin politik dhe programor në përshpejtimin e procesit të anëtarësimit në BE së bashku me sfidat e ndryshimeve kushtetuese që janë parakusht dhe objektiv parësor i anëtarësimit të vendit në BE”, ka shkruar Taravari me rastin e 3 vjetorit të anëtarësimit të RMV-së në NATO.

Lajme

Anëtarë te Besës nga Gostivari kalojnë në ASH

Published

2 days ago

25.03.2023

G.A

Katër anëtarë nga Lëvizja BESA nga Gostivari, sonte kanë kaluar në ASH. Kjo është dëshmuar përmes një fotografie të publikuar në rrjetet sociale ku ata shihen bashkë me kryetarin e ASH, Arben Taravari ku i shoqëron edhe kryetari i Degës së ASH-së në Gostivar, Gazmend Abdija.
Fotografia të cilën e ka publikuar Abdija mbanë shkrimin “Aleanca për Shqiptarët çdo ditë po forocohet”.
Ky kalim kalim i katërshes, e cila ka qenë në krye të BESËS në Gostivar, është festuar me një kafe të përbashkët.
Ndryshe, jo zyrtarisht ditëve në vazhdim pritet edhe anëtarë dhe simpatizantë të tjerë nga Lëvizja Besa në Gostivar të kalojnë në ASH.