Lajme

Fëmijët shqiptar të fshatit Idrizovë mund të asimilohen

Published

1 year ago

27.01.2022

G.A

Pas paralajmërimit të kryetarit të komunës së Gazi Babës Boban Stefkovski se për këtë vit nuk ka plan për ndërtimin e shkollës fillore në fshatin Idrizov, kanë reaguar menjëherë banorët e Idrizovë. Kryetari i këshillit të prindërve Bajram Bejta për televizionin Shenja tha se nëse nuk ka zgjidhje për fëmijët e tyre, që të mësojnë në shkollën Petar Petroviç-Njegosh ose të ndërtojnë shkollë të re siç u është premtuar, atëherë fëmijët e tyre do të asimilohen duke i detyruar që të mësojnë në gjuhen maqedonase.

BAJRAM BEJTA-KRYETAR I KËSHILLIT TË PRINDËRVE-IDRIZOV

“Fshati fillimisht ka kërkuar që këtu të mësojnë për arsye se kapacitet ka pasur gjithmonë, mirërpo fatkeqësisht qysh e mbajë mend prej 2006 të gjithë ministrat e Arsimit kanë qenë shqiptarë, asnjëri prej tyre nuk e ka dërguar asnji insepktor me kontrolluar që a është e vërtetë që nuk ka kapacitet, këtë që e shifni prapa meje këtu mësojnë nga klasa e gjashtë deri të nëntën dhe vetëm i pari ndrim, ndërsa ndrimi i dytë është krejt i lirë”.

Banorët e Idrizovës më tej dekalrojnë se nuk janë kundër askujt, ata vetëm kërkojnë të drejtën e tyre që fëmijët të ndjekin mësimin në gjuhën e tyre amtare dhe në vendin e tyre.

BAJRAM BEJTA-KRYETAR I KËSHILLIT TË PRINDËRVE-IDRIZOV

“Por ne nuk duhet të harrojmë se kjo shkollë është e ndërtuar për të gjithë, jo të ketë ksi lloj diskrimini. Ne fatkeqësisht sot edhe pse mburremi shpesh si partitë politike apo si shtet që kemi arritur mi zbatu të drejtat e njerëzve në përgjithësi, në këtë rast të drejtat e fëmijëve shqiptarë që arsimohen, ne fatkeqësisht jemi tu e pa që kjo e drejtë ju mohohet dhe u mirret pa asnjë përgjegjësi nga shteti ose institucionet”.

Meqë prindërit e nxënësve maqedonas nuk dëshirojnë që fëmijët shqiptar të mësojnë në gjuhën shqipe në shkollën Petar Petroviç-Njegosh, banorët kanë kërkuar që atyre tu ndërtohet një shkollë e re, shkollë kjo që është premtuar që para disa viteve,por jo vetëm për nxënësit shqiptar, por një shkollë për të gjitha fëmijët e fshatit.

“Këtu pra është vendi ku banorët e Idrizovës kërkojnë që të ndërtohet shkolla, ku në mungesë të shkollës, nxënësve të Idrizovës ju duhet shkojnë 7 kilometra rrugë për të mësuar në fshatin Ogjancë të komunës së Petrovecit”. /SHENJA/

Lajme

Lloga takon ambasadoren e Greqisë në RMV, Sofia Philippidoup

Published

16 hours ago

20.03.2023

G.A

Ministri i Drejtësisë Krenar Lloga ka zhvilluar një takim pune me ambasadoren e Greqisë në vendin tonë, Sofia Philippidou. Ministri Lloga e njoftoi Philippidoun për skriningun në Bruksel dhe mbështetjen e Komisionit Evropian për progresin e arritur në fushën e reformave në drejtësi dhe sundimit të ligjit. “Greqia ka mbështetur gjithmonë ambiciet evropiane të Ballkanit Perëndimor, përfshirë Republikën e Maqedonisë së Veriut dhe është e gatshme të ofrojë ndihmë profesionale për të lehtësuar procesin”, tha Philippidou

Në takim u diskutua edhe për ndryshimet kushtetuese, ku ministri Lloga bëri të ditur se në periudhën e ardhshme, në koordinim me kryeministrin dhe presidentin e shtetit, do të formohet një grup pune që do të punojë për përgatitjen e ndryshimeve kushtetutese.

Ministri i Drejtësisë, Krenar Lloga e informoi ambasadoren e Greqisë se Ministria e Drejtësisë do të paraqesë kërkesë të re për ekstradimin e ish agjentëve Goran Grujovski dhe Nikolla Boshkoski të cilët në vitin 2017 u akuzuan për përgjime masive të mbi 20 mijë qytetarëve. “Nuk mund të ketë shtet të së drejtës derisa këta persona të përgjigjen për veprat që kanë kryer. Presim që vendet e BE-së të na ndihmojnë në zbatimin e ligjeve dhe rikthimin e besimit në sistemin e drejtësisë”, tha ministri i Drejtësisë Krenar Lloga.

Ministri Lloga dhe ambasadori Philippidou presin nga të dyja vendet intensifikimin e përpjekjeve për zbatimin e plotë të Marrëveshjes së Prespës. Bashkëpunimi do të vazhdojë edhe në periudhën e ardhshme duke organizuar punëtori, vizita zyrtare dhe takime në nivel ekspertësh për të lehtësuar procesin e negociatave me BE-në. Mbështetja e Akademisë për Gjyqtarë dhe Prokurorë Publikë në Selanik do të jetë e një rëndësie të madhe për afrimin e legjislaturës tonë me atë evropiane.
https://www.facebook.com/100090407993687/posts/pfbid029ogB6Npp9U4jnKowKCTDZPhTYWje4yn9JfJCLGBNuDTenECrr4miTNxnV2L44ZpBl/?mibextid=cr9u03

Lajme

Lloga jep lajmin e madh, mijëra qytetarë lirohen nga burgu, amnistia për shkeljet e Covid miratohet ekspress në Kuvend

Published

16 hours ago

20.03.2023

G.A

Ministri i drejtësisë Krenar Lloga vazhdon të përmbush një nga një premtimet e tij pasi erdhi në krye të ministrisë së Drejtësisë, shkruan Top24

Një nga premtimet e radhës është ai i ligjit për amnesti të personave që shkelën masat Kovod i cilo sot ishte në kuvend.
Pas një procedure të shkurtuar, Kuvendi miratoi Ligjin për Amnisti për shkelësit e protokolleve të Covid.
Kuvendi me 76 vota pro dhe 1 kundër miratoi Ligjin për Amnisti pas procedurë të shkurtuar. Ministria e Drejtësisë ka marrë pjesë në përgatitjen e ligjit dhe është propozuar në Kuvend nga një grup deputetësh.
Mijëra shkelës të masave Covid, të cilët nuk kanë paguar dënim dhe kanë përfunduar ose janë në prag të burgut do të amnistohen. Burgu do të zëvendësohet me një dënim me kusht.
Amnistia nuk do të zbatohet për personat juridikë, restorantet dhe kafenetë.
https://www.facebook.com/100090407993687/posts/pfbid02tSdWkpgZz9viV1B6VHM2nJk9Xjyg7LcLMZocf6A34FAd4G3SCEVWTomQc4dNzwMDl/?mibextid=Nif5oz

Lajme

Anketë: Taravari barazohet me Ahmetin, Mexhiti i treti

Published

2 days ago

19.03.2023

G.A

Izet Mexhiti rezulton personaliteti politik jo lider për të cilin qytetarët kanë mendimin më të madh pozitiv, ndërkaq zëvendëskryeministri i parë Artan Grubi gëzon mendimin më të madh negativ nga qytetarët, përkatësisht rreth 60 për qind. Kështu vërteton një anketë e realizuar në gjysmën e dytë të muajit shkurt. Mexhiti radhitet në grupin e liderëve politikë duke gëzuar 43,5 për qind mbështetje, ndërsa para tij radhiten vetëm Ali Ahmeti me 48,9 për qind dhe Arben Taravari me 46 për qind. Edhe pse Mexhiti gëzon këtë mbështetje jo si një lider i një partie politike, prapa vetes lë Bilall Kasami dhe Afrim Gashin.
Konstatim nga anketimi
“Të anketuarit mendim më pozitiv kanë për Ali Ahmetin (48,9%), Arben Taravarin (46%) dhe Izet Mexhitin (43.5%), ndërkaq mendim më negativ kanë për Mendu Thaçin (58,6%) dhe Artan Grubin (58,3%). Më së paku i njohin Bashkim Hasanin dhe Kastriot Rexhepin”.
Lidhur me zhvillimet brenda BDI-së dhe veprimet e “grupit të zjarrit”, të anketuarit nxjerrin Mexhitin si eksponentin më të favorshëm për një lider të ardhshëm politik. 21,4 për qind e të anketuarve mendojnë se Mexhiti mund të jetë lider i një partie politike, ndërsa pas tij mbështetje të ulët përkatësisht nën 10 për qind gëzojnë Musa Xhaferi, Nevzat Bejta dhe Visar Ganiu.
Në lidhje me betejën brenda BDI-së, 30,5 për qind për qind e të anketuarve konsideron se lufta e grupit të zjarrit është e drejtë, ndërsa rreth 14 për qind për qind vlerësojnë se bëhet fjalë për betejë personale kundër kreut të BDI-së, Ali Ahmeti.
Konstatim nga anketimi
Grupi i zjarrit bën betejë të drejtë për reforma brenda BDI-së dhe reformave në shtet (30,5%)
Është çështje e tyre e brendshme partiake, e parëndësishme për shtetin (26,1%)
Grupi i zjarrit bën betejë personale kundër Ali Ahmetit (14%)