Lajme
Rigjykim për të përfshirët në protestat në Tetovë, Prokuroria e pakënaqur me “dënimin me kusht”
Gjykata e Apelit në Gostivar e ka pranuar ankesën e Prokurorisë së Tetovës për ta rishqyrtuar vendimin e Gjykatës së Tetovës për Blerim Ahmedin, i cili ishte organizator i protestës në Tetovë, pas djegies së spitalit modular në Tetovës, e cila pat dalë jashtë kontrollit, ku u lënduan 5 policë.
“Edhe pse të akuzuarit e pranuan fajin, gjykata e shkallës së parë me sanksionin e këtillë, të shqiptuar ndaj të njëjtit nuk e shqiptoi drejt sepse me shqiptimin e tillë të masës alternative-dënim me kusht nuk do të ketë ndikim të mjaftueshëm edukativ që në të ardhmen të akuzuarit mos të kryejnë vepra të këtilla apo të ngjashme”, njoftuan nga Gjykata e Apelit Gostivar.
Seanca për të akuzuarin Blerim Ahmedi do të mbahet më 1 mars, ndërsa ai akuzohet si udhëheqës i turmës. Gjykata Themelore e Tetovës e dënoi me kusht bashkë me katër të arrestuarit e tjerë. Avokati Besnik Asani thotë se klienti i tij nuk ka qenë udhëheqës i turmës, por vetëm organizator i protestës.
“Blerimi nuk ka pranuar asnjë faj, Blerimi është thjesht organizator i protestës, Blerimi ka pranuar vetëm një aspekt të vogël ku thotë se është përgjegjës për mos parandalimin apo ndalimin e ndonjë sulmi eventual që do të ndodhë gjatë protestës. Blerimi ka qenë përgjegjës vetëm këtë lloj assesi nuk ka qenë përgjegjës edhe nuk ka qenë assesi siç përmendet në aktakuzë si organizator i një turme dhe përgatit një sulm të parapërgatitur”, deklaroi Besnik Asani, avokat.
Avokati Asani thotë se shpreson që ky gjykim të mos ketë ndikim politik dhe rasti të gjykohet drejtë. Më 17 nëntor në Tetovë u protestua në kërkim të zbardhjes së tragjedisë për spitalin modular në qytet. Turma u pengua me kordon policor afër selisë së partisë BDI, për ku ishin nisur, moment edhe kur eskaloi protesta, ndërsa kishte edhe përleshje mes protestuesve dhe forcave të rendit.
Për këtë Gjykata Themelore e Tetovës 5 të arrestuarit i dënoi me kusht./Tv21/
Lajme
Krenar Lloga kockë e fortë në Qeveri!?
Motoja e Aleancës për Shqiptarët që nga hyrja në Qeveri ishte për të bërë dallimin. Me të nisur punën ministrat e ASH-së vërshuan takimet me ambasadorë të ndryshëm të vendeve evropiane por edhe me përfaqësues amerikanë, e edhe me grupe dhe faktorë të tjerë të rëndësishëm në vendin tonë.
SmartNews në këtë editorial konstaton se më i zëshëm dhe me performancë të jashtzakonshme tani po paraqitet edhe Krenar Lloga, ministër i drejtësisë. Ai ka bërë bujë me deklaratat dhe qëndrimet e tij të cilat bëjnë dallimin në qëndrime nga partitë e tjera të koalicionit.
Vetingu në drejtësi u paraqit si prioritet dhe po punohet me faktorin ndërkombetarë.
Mund të dallojmë fokusin e veçantë të tij në rastet e montuata politike, ku Lloga tha se beson se ka njerëz të pafajshëm në burgjet e Maqedonisë. Ai tha se për rastin “Alfa” jam i interesuar edhe para emërimit si ministër.
Ai foli edhe për kërkesën për ekstradim të ish-kryeministrit Gruevski, si dhe vendimi për amnesti të të dënuarve gjatë pandemisë.
Por së fundmi qëndrimi i tij për hapjen e preambules dhe heqjen e 20% nga kushtetuta siç duket ishtë kafshatë e vështirë për partnerët e koalicionit të cilët reaguan njëzëri kundër kësaj ideje të ministrit të Drejtësisë.
Ai tha se nuk heq dorë nga qendrimi i tij dhe sot ka përsëritur se ndryshimi i preambulës është prioritet, ndërsa me hapjen e Kushtetutës duhet të përmirësohen edhe zbrastirat kushtetuese dhe të hiqet termi 20%.
Ai tha se këto kanë qenë propozimet e tij gjatë takimit me kryeministrin dhe faktorët e tjera, ndërsa vendimet do të duhet të merren me konsensus.SmartNews.mk
Lajme
Lloga: Unë mbes në qëndrimin tim!
Ministri i Drejtësisë Krenar Lloga, ka pesëritur sot qëndrimin e tij se ndryshimi i preambulës është prioritet, ndërsa me hapjen e Kushtetutës duhet të përmirësohen edhe zbrastirat kushtetuese dhe të hiqet termi 20%.
Ai tha se këto kanë qenë propozimet e tik gjatë takimit me kryeministrin dhe faktorët e tjera, ndërsa vendimet do të duhet të merren me koncenzus.
Lajme
Lloga dhe Ministrja e Drejtësisë e Austrisë, Alma Zadiq, nënshkruan një deklaratë të përbashkët për fuqizimin e bashkëpunimit për reformat në gjyqësor
Ministri i Drejtësisë, Krenar Lloga, zhvilloi një takim pune me Ministren e Drejtësisë së Austrisë, Alma Zadiq. Austria mbështet Republikën e Maqedonisë së Veriut në rrugën drejt Bashkimit Evropian. Lloga dhe Zadiq nënshkruan një deklaratë të përbashkët për bashkëpunim të të dy ministrive në fushën e mbrojtjes së zbatimit dhe të parimeve të sundimit të ligjit, reformave në fushën e ligjit civil dhe penal, luftën kundër korrupsionit dhe digjitalizimin e gjyqësorit. Të dy ministrat u pajtuan, Austria nëpërmjet të ekspertëve të saj të bart diturinë dhe përvojën, duke përfshirë dhe trajnime profesionale të gjykatësve dhe prokurorëve. Ministri i Drejtësisë, Krenar Lloga, tha se çdo ndihmë e Austrisë është e mirëseardhur për zhvillimin e mëtutjeshëm të shtetit. Ministrja e Drejtësisë e Austrisë, Alma Zadiq, i dëshiroi punë të suksesshme Ministrit Lloga dhe e porositi se përqëndrimi i rajonit duhet të jetë në luftën kundër korrupsionit dhe zbatimin e reformave.
https://www.facebook.com/100090407993687/posts/pfbid031M7FHbLEZ3ejuiCTazN2kcE4Nt1fBfjbR3nj4n3vtsKrjpexCnJPGRJyrn7JmGWil/?mibextid=cr9u03
-
Lajmet kryesore1 year agoMediat në Shqipëri: Kastriot Rexhepi është shantazhuar me video materiale nga grupi i Izet Mexhitit
-
Bota1 year agoNuk u intereson kush është përballë tyre, shihni pamjet se si ukrainasit i ndalin në rrugë rusët
-
Lajme2 years agoLidhjet e Trajko Veljanovskit me rastin M0nstга? – Avokati maqedonas flet për pazaret ndër tavolinë dhe fshehje provash
-
Kosovë1 year agoDalin detaje të reja për vrasjen e trefishtë në Gllogjan
-
Komente2 years agoMos e bëfsh pikën e hajrit o Albin Kurti
-
Lajme2 years agoGazetari shqiptar “e zuri mat” Vuçiqin – Cila ishte pyetja që e ngushtoi presidentin sërb?
-
Lajme2 years agoShek Hallaçi i Grupit të Kumanovës, nga Buгgu i Idгizovës publikon videon me një porosi
-
Lajme1 year agoAnketa më re: Struga, Tetova dhe Çairi do të drejtohen nga Opozita Shqiptare