Connect with us

Lajme

Ende asnjë zgjidhje për çështjen e shtetësisë së Fidrije Dalipit

Published

on

Islam Dalipi nga Kumanova vazhdon të presë përgjigje për shtetësi për bashkëshorten e tij Fidrije Dalipi, me të cilën ka lidhur kurorëzim në vitin 2008, ndërsa aplikimin e parë për shtetësi e ka bërë në vitin 2011, shkruan Alsat.

Ministria e Brendshme deri më tani ia ka refuzuar katër herë shtetësinë. Islam Dalipi thotë se MPB vazhdon të mos i përgjigjet pas aplikimit të fundit të cilin e ka bërë në janar të vitit 2021. Pasi rasti i Fidrije Dalipit u publikua në Alsat, nga MPB u arsyetuan se nënshtetësia i është refuzuar sipas nenit 7 të Ligjit për Shtetësi, edhe pse zonja Dalipi aplikon në bazë të nenin 9, i cili garanton shtetësi përmes kurorëzimit. Islam Dalipi thotë se për problemin e bashkëshortes së tij me nënshtetësinë është takuar edhe me zëvendësministrat e MPB-së por, përsëri nuk ka marrë përgjigje pozitive.

“Kam qenë në zyrat e MPB, për herë të parë kam shkuar në 15 Mars të vitit 2018 ku jam takuar me Agim Nuhiun atëherë zëvendësministër i punëve të brendshme, i cili më ka premtuar se do të kryhet kjo punë por prej atëherë i kam dy vendime refuzimi nga MPB. Tash herën e fundit jemi në komunikim me Nazim Bushin me të cilin po ashtu jam takuar në zyrat e MPB-së. Kam rast që pas aplikimit më është sjellë vendimi pas dy vite e gjysmë, këta janë zvarritje dhe vonesa të gjata”, tha Islam Dalipi, qytetar.

Për rastin e Islam Dalipit biseduam me dy zëvendësministrat të cilët thonë se e kanë takuar Islam Dalipin. Por edhe Ish-zëvendësministri i punëve të brendshme, Agim Nuhiu edhe zëvendësministri aktual, Nazim Bushi, fajësojnë Agjencinë për Siguri Kombëtare.

“ASK duhet të jetë më proaktive dhe të vendos brenda afateve dhe kritereve ligjore për secilën kërkesë. As sot, çështjet e shtetësive nuk kanë ngecur në Ministrinë e Brendshme, por në ASK”, tha Agim Nuhiu, ish zv./ministër i Punëve të Brendshme.

“Përveç se pala do duhet të sigurojë dëshmi për procedurë, sigurohen dëshmi edhe nga ana e MPB-së në mënyrë Zyrtare nga institucionet tjera, siç është edhe mendimi nga ASK-ja në bazë të Ligjit për Shtetësi të RMV-së”, u shpreh Nazim Bushi, zv./ministër i Punëve të Brendshme.

Në gusht të vitit të kaluar, Kuvendi miratoi Ligj të ri për Shtetësinë, sipas të cilit procedurat për marrjen e shtetësisë do të ishin më të thjeshta dhe pa zvarritje nëpër institucione. Megjithatë edhe gjashtë muaj pas miratimit të ligjit, MPB njofton se në procedurë janë rreth 1700 aplikime për shtetësi, por jo zyrtarisht rreth 3000 qytetarë që presin të marrin shtetësinë./Alsat.mk/

Continue Reading

Lajme

Edhe në sondazhin e ri Taravari shumë pranë Ahmetit

Published

on

By

Lideri i ASH-së, Arben Taravari sërish i afrohet me popullaritet atij të BDI-së, Ali Ahmeti. Në sondazhin e fundit realizuar nga Instituti për Politika Publike (IPP) “Arbën Xhaferi”, Taravari është katër përqind pas Ahmetit.

Sondazhi i Institutit për Politika Publike Arbën Xhaferi për matjen e opinionit publik shqiptar në Maqedoninë e Veriut


“Sondazhi i IPP Arbën Xhaferi i realizuar ekskluzivisht me shqiptarë në Maqedoninë e Veriut tregon se kur bëhet fjalë për opinionin publik për liderët partiakë, Ali Ahmeti (BDI) është më i popullarizuari, me besueshmëri neto prej zero (neutrale) dhe 49.7% të opinioneve pozitive. Arben Taravari (ASh) qëndron afër si i dyti, me besueshmëri neto prej -9.4 dhe 45% të opinioneve pozitive”, thuhet në sondazhin e relaizuar nga IPP “Arbën Xhaferi”.
Pas Ahmetit dhe Taravarit radhitet Izet Mexhi, si figure politike e popullarizuar te shqiptarët edhe pse nuk është kryetar partie. Pas Mexhitit janë Kasami i Besës dhe lideri i Alternativës, Gashi radhitet i fundit.
“Pas tensioneve të brendshme në BDI, Izet Mexhiti, lideri i fraksionit brenda BDI-së i njohur si “Grupi i Zjarrit” është lideri i tretë partiak më i popullarizuar me besueshmëri neto prej -28.8% dhe 35.3% të opinioneve pozitive. Bilall Kasami (Lëvizja Besa) renditet i katërti, me besueshmëri neto prej -43% dhe 28.2% të opinioneve pozitive. Lideri partiak me përkrahjen më të vogël popullore është Afrim Gashi (Alternativa), me besueshmëri neto prej -74.6% dhe vetëm 12.4% të opinioneve pozitive”, thuhet më tej në sondazhin e relaizuar nga IPP “Arbën Xhaferi”.
30.8% e shqiptarëve kanë thënë se do të votonin për BDI-në nëse zgjedhjet parlamentare do mbaheshin nesër. ASh renditet e dyta me 14.9%, e ndjekur nga Lëvizja Besa me 9.6%. Alternativa do të merrte vetëm 2% të votave, ndërsa PDSH është fare afër zeros (0.3%). Ndër partitë maqedone, 1.6% e shqiptarëve do të votonin për LSDM-në dhe vetëm 0.1% për VMRO-DPMNE-në.

Sondazhi i Institutit për Politika Publike Arbën Xhaferi për matjen e opinionit publik shqiptar në Maqedoninë e Veriut


“Interesante është se në mesin e atyre që kanë thënë se do të votonin për BDI-në, një e treta prej tyre (31.7%) do të zgjidhnin të votonin për “Grupin e Zjarrit” në rast se ky fraksion do të kandidonte si i pavarur nga BDI-ja. Kjo do të ndikonte seriozisht në skenën politike shqiptare, duke ulur përqindjen e votave të BDI-së në 19.5%, ndërsa “Grupi i Zjarrit” do të renditej si forca e katërt politike me 9.3%”, qendron në sondazhin e relaizuar nga IPP “Arbën Xhaferi”.
Sondazhi është realizuar me 1,000 të anketuar të moshës 18 vjeç e lart ku pjesëmarrësit janë anketuar ndërmjet 15 dhe 21 marsit përmes intervistave telefonike. Hulumtimi është kryer duke përdorur metodologjinë e përzgjedhjes rastësore, duke siguruar një përfaqësim gjithëpërfshirës të popullatës shqiptare në Maqedoninë e Veriut, bazuar në karakteristikat demografike si gjinia, mosha, arsimi, si dhe njësia zgjedhore dhe komuna ku ata jetojnë. Margjina e gabimit është 3.1 pikë, me një nivel besimi 95 për qind.

Continue Reading

Lajme

Taravari: Me anëtarësimin në NATO, Maqedonia e Veriut është bërë shtet i sigurt

Published

on

By

Kryetari i Aleancës për Shqiptarët Arben Taravari, thotë se me anëtarësimin në NATO, Maqedonia e Veriut është shtet i sigurt dhe larg çdo rreziku të sovranitetit dhe integritetit.
Në Facebook ai shkruan se RMV si anëtare e NATO-s jep kontributin e saj për çdo vend në të cilin duhet të sigurohet paqja botërore.
“Më 27 mars të vitit 2020, Republika e Maqedonisë së Veriut u bë anëtare më e re në NATO. Nga ky moment RMV, si pjesë e Aleancës më të fuqishme Veriatlantike, është shtet i sigurtë dhe larg çdo rreziku të sovranitetit dhe integritetit të vendit. RMV, si anëtare e NATO-s, jep kontributin e saj për çdo vend në të cilin duhet të sigurohet paqja botërore. Agresioni rus kundër Ukrainës duke rrezikuar sigurinë globale, edhe njëherë dëshmoi se duke qenë pjesë e NATO-s, qytetarët tanë dhe vendi janë të mbrojtur nga ana e aleancës së shteteve më të fuqishme në botë”.
“Aleanca për Shqiptarët kishte fatin që të kontribuojë në procesin e anëtarësimit të Maqedonisë së Veriut në NATO. ASh me dinamikë dhe seriozitet të njëjtë do të japë kontributin politik dhe programor në përshpejtimin e procesit të anëtarësimit në BE së bashku me sfidat e ndryshimeve kushtetuese që janë parakusht dhe objektiv parësor i anëtarësimit të vendit në BE”, ka shkruar Taravari me rastin e 3 vjetorit të anëtarësimit të RMV-së në NATO.

Continue Reading

Lajme

Anëtarë te Besës nga Gostivari kalojnë në ASH

Published

on

By

Katër anëtarë nga Lëvizja BESA nga Gostivari, sonte kanë kaluar në ASH. Kjo është dëshmuar përmes një fotografie të publikuar në rrjetet sociale ku ata shihen bashkë me kryetarin e ASH, Arben Taravari ku i shoqëron edhe kryetari i Degës së ASH-së në Gostivar, Gazmend Abdija.
Fotografia të cilën e ka publikuar Abdija mbanë shkrimin “Aleanca për Shqiptarët çdo ditë po forocohet”.
Ky kalim kalim i katërshes, e cila ka qenë në krye të BESËS në Gostivar, është festuar me një kafe të përbashkët.
Ndryshe, jo zyrtarisht ditëve në vazhdim pritet edhe anëtarë dhe  simpatizantë të tjerë nga Lëvizja Besa në Gostivar të kalojnë në ASH.

Continue Reading

Aktuale