Connect with us

Bota

Rusia nuk do të pranojë asgjë më pak, veç ndalimit të zgjerimit të NATO-s

Published

on

Rusia po mban një qëndrim të ashpër mes tensioneve për grumbullimin e trupave të saj pranë Ukrainës, ndërsa një diplomat i lartë paralajmëroi të mërkurën se Moska nuk do të pranojë asgjë më pak, përveç garancive “të forta” të Shteteve të Bashkuara kundër zgjerimit të NATO-s me Ukrainën.

Zëvendësministri i Jashtëm rus Sergei Ryabkov, i cili udhëhoqi delegacionin rus në bisedimet me Shtetet e Bashkuara në Gjenevë javën e kaluar, ripohoi se Moska nuk ka synime të pushtojë Ukrainën, siç shqetësohet Perëndimi, por tha se marrja e garancive të sigurisë nga Perëndimi është i një rëndësie jetike për Moskën.

Bisedimet në Gjenevë dhe një takim NATO-Rusi në Bruksel javën e kaluar u mbajtën pasi Rusia ka grumbulluar rreth 100,000 trupa pranë Ukrainës në atë që Perëndimi druhet se mund të jetë një përgatitje për të pushtuar Ukrainën.

Në një lëvizje që forcon më tej praninë ushtarake pranë Ukrainës, Rusia ka dërguar një numër të paspecifikuar trupash nga lindja e largët e vendit për aleatin e saj Bjellorusinë, një vend kufitar me Ukrainën, për stërvitje të mëdha ushtarake muajin e ardhshëm. Zyrtarët ukrainas thonë se Moska mund të përdorë territorin bjellorus për të nisur një pushtim të mundshëm nga disa krahë.

Ministria ruse e Mbrojtjes tha të mërkurën se disa nga trupat e saj tashmë kanë mbërritur në Bjellorusi për stërvitjen “Allied Resolve 2022”. Ai tha se stërvitja do të mbahet në pesë poligone dhe zona të tjera në Bjellorusi dhe gjithashtu përfshin katër baza ajrore bjelloruse.

Mes tensioneve në rritje, Sekretari amerikan i Shtetit Antony Blinken vizitoi Ukrainën të mërkurën për të siguruar Kievin për mbështetjen e Perëndimit përballë asaj që ai e quajti agresion “të pandërprerë” rus.

Rusia ka mohuar se ka ndërmend të sulmojë fqinjin e saj, por ka kërkuar garanci nga Perëndimi se NATO-ja nuk do të zgjerohet me Ukrainën ose vende të tjera ish-sovjetike apo të vendosë trupat dhe armët e saj atje. Moska gjithashtu i ka kërkuar NATO-s që të heqë dorë nga dislokimet e trupave dhe armëve të saj në vendet e Evropës Qendrore dhe Lindore që i janë bashkuar aleancës pas përfundimit të Luftës së Ftohtë.

Uashingtoni dhe aleatët e tij i kundërshtuan me vendosmëri kërkesat e Moskës, por mbajtën derën e hapur për bisedime të mëtejshme mbi kontrollin e armëve dhe masat e ndërtimit të besimit, që synojnë të ulin rrezikun e një lufte.

Zëvendësministri Ryabkov këmbënguli, megjithatë, se nuk mund të ketë diskutime për këto çështje nëse Perëndimi nuk merr parasysh kërkesat kryesore ruse për moszgjerimin e NATO-s.

Ai paralajmëroi se kërkesat ruse të përfshira në projekt-marrëveshjet me SHBA-në dhe NATO-n “përbëjnë një paketë dhe ne nuk jemi të përgatitur ta ndajmë atë në pjesë të ndryshme, për të filluar diskutimin e disa prej tyre në kurriz të qëndrimit ndaj çështjeve të tjera”.

Diplomati rus nënvizoi se lidhjet gjithnjë e më të ngushta të Ukrainës me aleatët e NATO-s përbëjnë një sfidë të madhe sigurie për Rusinë.

Rusia aneksoi Gadishullin e Krimesë të Ukrainës në vitin 2014, pasi protestat masive bënë që udhëheqësi i Ukrainës të largohej në Rusi. Në të njëjtën kohë, Rusia mbështet një kryengritje separatiste në rajonet lindore të Ukrainës. Më shumë se 14,000 njerëz janë vrarë në gati tetë vjet luftime atje.

I pyetur nëse Rusia mund të pranonte një moratorium për zgjerimin e NATO-s drejt lindjes, një ide kjo e shpërndarë nga disa ekspertë politikë, zoti Ryabkov u përgjigj me një jo të vendosur, duke thënë se Moska e ka parë Perëndimin që tërhiqet nga premtimet e mëparshme.

Ai theksoi se “për ne, çështja prioritare është arritja e garancive të forta, ligjërisht të detyrueshme” se Ukraina dhe vendet e tjera ish-sovjetike nuk do t’i bashkohen aleancës së NATO-s./VOA

Continue Reading

Bota

Putin raportohet se është operuar fshehurazi

Published

on

Presidenti rus Vladimir Putin raportohet se së fundi i është nënshtruar një operacioni kirurgjik për të hequr lëngun nga barku mes spekulimeve në rritje se shëndeti po i përkeqësohet, shkruan në një llogari anti-Kremlin në Telegram.

Putini iu nënshtrua operacionit të enjten mbrëma, i cili zgjati deri të premten në mëngjes, sipas kanalit në Telegram, “General SVR“, i cili pretendohet se drejtohet nga një ish-spiun rus.

Kanali më tej pretendon se operacioni i liderit rus dhe shërimi i mëvonshëm u mbuluan të nesërmen duke përdorur teknologjinë “deepfake” për të simuluar praninë në videot e një takimi të planifikuar të këshillit të sigurisë së Rusisë, raporton nypost.

Kanali pretendoi javën e kaluar se presidenti rus kishte regjistruar paraprakisht pamjet në një përpjekje për të mbuluar operacionet e ardhshme dhe po planifikonte të përdorte dyshe trupore nëse ishte e nevojshme.

Në prill, gazeta investigative ruse “The Project” raportoi se Putini ishte vizituar rregullisht nga një onkolog dhe spekuloi se lideri vuante nga kanceri i tiroides.

Raporti përfshinte gjithashtu një listë të sëmundjeve të tjera me të cilat përballej rusi, nga lëndimet e hokejit deri te dhimbja e shpinës nga një incident me kuaj.Sipas raportit, Putin thuhet se lahet me gjak të nxjerrë nga brirët e drerit, të cilat janë prerë ndërsa janë duke u rritur dhe janë me gjak të freskët. “Banjat e pështira me brirë” janë një terapi alternative në rajonin Altai të Rusisë, i cili kufizohet me Kazakistanin dhe Mongolinë.

Besimtarët thonë se banjat përmirësojnë sistemin kardiovaskular dhe rinovojnë lëkurën.Spekulimet rreth shëndetit të liderit kanë vazhduar teksa ai shihet mbajtur distancë me vartësit e tij ose duke vepruar në mënyrë të çuditshme gjatë paraqitjeve publike. /Telegrafi

Continue Reading

Bota

Putin: Disa shtete të BE-së e kanë të pamundur të heqin dorë nga nafta ruse

Published

on

Presidenti rus, Vladimir Putin, tha se është e pamundur për disa shtete evropiane që të heqin dorë shpejt nga nafta ruse, ashtu siç po propozon Bashkimi Evropian.

Shtetet anëtare të BE-së po negociojnë mbi propozimin për vendosjen e embargos ndaj naftës së Rusisë, për shkak të luftës në Ukrainë, por gjatë kësaj jave bisedimet dështuan për shkak të vetos së Hungarisë, shtet që është shumë i varur nga importet e naftës ruse.

“Qartazi, disa shtete të BE-së, në të cilat balanca energjetike është e ndarë me hidrokarburet ruse është veçanërisht e lartë, nuk do të jenë në gjendje të heqin dorë për një kohë të gjatë nga nafta jonë”, tha Putin.

Duke folur në një mbledhje me menaxherët vendorë të naftës dhe zyrtarët qeveritarë, Putin tha po ashtu më 17 maj se sanksionet perëndimore dhe mundësia e vendosjes së embargos ndaj naftës, kanë rezultuar me ngritjen e çmimeve globale të naftës.

Ai tha se me heqjen dorë nga furnizimet e energjisë ruse, Evropa rrezikon të paguajë çmime më të shtrenjta për energjinë në terma afatgjatë, ndërkaq konkurrenca në këtë industri do të minohej.

Presidenti rus po ashtu tha se sanksionet perëndimore kanë nxitur rritje të inflacionit në mbarë Evropën.

Rusia po përballet me ulje të prodhimit të naftës, që kanë arritur nivelet më të ulëta që prej shpërbërjes së Bashkimit Sovjetik. Në uljen e prodhimit kanë ndikuar sanksionet e Perëndimit të cilat po komplikojnë shitjen e naftës ruse në botë.

“Ka ndryshime tektonike në tregun e naftës dhe bërja e biznesit sikurse më parë duket e pamundur”, tha Putin, duke shtuar se ishte shumë e rëndësishme që të krijohej një zinxhir që do të dërgonte produkti nga prodhuesi deri te blerësi.

Komisioni Evropian ka propozuar vendosjen e embargos ndaj naftës ruse dhe produkteve të rafinuara. Por, që një vendim i tillë të miratohet, kërkohet miratimi i të 27 shteteve të bllokut. Hungaria është shteti më i zëshëm kundër një embargoje të tillë.

Continue Reading

Bota

Zelensky takohet për herë të parë me bashkëshorten që nga pushtimi rus në Ukrainë (Foto)

Published

on

Presidenti ukrainas, Volodymyr Zelensky dhe gruaja e tij, Olena Zelenskaya janë shfaqur së bashku në publik për herë të parë që nga fillimi i luftës në Ukrainë. Çifti mori pjesë në funeralin e presidentit të parë të Ukrainës.

Zelensky dhe bashkëshortja dukeshin të rraskapitur dhe të qetë ndërsa ecnin për të vendosur lule në arkivolin e Leonid Kravchukit, njeriu i parë që drejtoi Ukrainën e pavarur që nga rënia e Bashkimit Sovjetik në vitin 1991. Ai ndërroi jetë gjatë fundjavës në moshën 88-vjeçare pas një sëmundje të gjatë.

I veshur me të zeza në vend të uniformës së kamuflazhit, e cila është bërë markë në tre muajt e fundit, Zelensky eci pranë bashkëshortes, që gjithashtu ishte e veshur në të zeza.

Dalja e Olenas në publik së bashku me bashkëshortin e saj vjen një muaj pasi ajo zbuloi se me të është dëgjuar vetëm në telefon që nga fillimi i luftës.

Më pas ajo theksoi se bashkimi me burrin e saj do të bënte që ajo dhe fëmijët e tyre të ishin në rrezik.

Nuk është e qartë se kur saktësisht ajo u kthye në Kiev, por çifti kaloi të paktën gjashtë javë të ndarë, sipas disa mediave.

Continue Reading

Aktuale