Shkup, 18 janar 2022 (MIA) – Në periudhën prej më 10 deri më 16 janar të këtij viti në vend janë regjistruar gjithsej 11.123 raste të reja pozitive të Kovid-19, që është rritje prej 33,9% lidhur me javën e kaluar. Janë testuar gjithsej 45.401 materiale, për 14,7% më pak se në shtatëditëshin e kaluara ndërsa përqindja e pozitivitetit ka lëvizur prej 21,4% deri më 30,2%, mesatarisht 24,4% tregon raporti javor i Institutit për Shëndet Publik.

Pjesa më e madhe e rasteve të regjistruara janë nga Shkupi (5.630; 50,6%), ndërsa incidenca më e lartë javore është regjistruar në Krushevë (1.152,4/100.000) dhe në Manastir (1.035,5/100.000).

Janë regjistruar persona të sëmurë në të gjitha grupmoshat. Më e përfaqësuar është grupmosha prej 30 deri në 30 vjeç, ndërsa numër më i vogël tek fëmijët deri në nëntë vjeç.

Vërehet rritje e numrit të personave të prekur tek pothuajse të gjitha grupmoshat, veçanërisht tek personat mbi 60 vjeç me rritje prej 99,6% dhe atyre prej 50 deri 59 me rritje prej 90,3% në raport me javën e kaluar. Ulje minimale të numrit të personave të sëmurë ka tek grupmoshat prej 20-29 vjeç (-4,3%) dhe prej 10 deri 19 vjeç (-2,5%).

Lidhur me shpërndarjen sipas gjinisë, janë paraqitur 6.029 (54,2%) persona të gjinisë femërore dhe 5.094 (45,8%) të gjinisë mashkullore.

Statusin “të shëruar” e kanë fituar 5.403 persona të cilët janë hospitalizuar ose janë në mjekim shtëpie.

Gjatë javës së kaluar gjithsej janë paraqitur 1.247 riinfektime, me rritje prej 31,8% në raport me javën e kaluar. Nga fillimi i epidemisë janë regjistruar 3.380 riinfektime, që është 1,4% e numrit të përgjithshëm të personave të infektuar.

Janë paraqitur 55 raste të vdekjes në 15 qytete, për 34,1% më shumë se javën e kaluar. Pjesa më e madhe e tyre janë nga Shkupi (22) dhe janë të grupmoshës mbi 60 vjet.

Në laboratorin për virusologji dhe diagnostikë molekulare në kuadër të ISHP, në periudhë nga 10-15.01.2022, është zbatuar testi PCR i bazuar në Single Nucleotide polymorphism -Vir SNiP SARS CoV
2 Spike S371L S373P në gjithsej 96 ekzemplarë pozitivë të SARS-CoV-2, ndërsa tek 57 prej tyre (59,4%) është detektuar varianti Omikron (B1.1.529). Varianti Omikron është detektuar në shtatë qytete: Shkup, Kavadar, Tetovë, Ohër, Koçan, Veles dhe Gjevgjeli.

Sipas raporteve të spitaleve momentalisht të hospitalizuar janë 439 persona (25,1% më shumë në raport me javën e kaluar), ndërsa prej tyre 251 janë në mbështetje oksigjenike dhe 26 në ventilim mekanik invaziv/joinvaziv.

Lidhur me simptomat e paraqitura tek personat e sëmurë, zakonisht janë regjistruar temperaturë (59,3%), kollë (44,8%) dhe plogështi (43,5%). Janë regjistruar 62.107 (27,9%) raste asimptomatike.

Deri më 16 janar të këtij viti janë raportuar gjithsej 245.398 raste me Kovid-19. Janë regjistruar 8.115 vdekje. Aktualisht janë aktivë 16.397 persona, dhe 220.886 janë të regjistruar si të shëruar.