Lajme
Turqi, refugjatët afganë pa dokumente dhe mungesa e qasjes tek shërbimet shëndetësore
Emigrantët afganë pa dokumente, të cilët u zhvendosën në Turqi për të shpëtuar nga talebanët, thonë se nuk kanë qasje tek trajtimi shëndetësor apo vaksinat kundër COVID-19-s. Refugjatët e regjistruar kualifikohen për t’i marrë këto shërbime, por besohet se në këtë vend ka me mijëra emigrantë afganë të paregjistruar.
Qyteti Erzurum, që shtrihet në pjesën qendrore të Turqisë është një nga pikat kryesore të emigrantëve që udhëtojnë drejt perëndimit për në Evropë.
Ai është gjithaq dhe një ndalesë për shumë refugjatë afganë. Disa vendosin të qëndrojnë e të gjejnë punë.
Sipas shifrave të Kombeve të Bashkuara, Turqia strehon 183,000 azilkërkues afganë. Por të dhënat jozyrtare sugjerojnë se mijëra emigrantë të tjerë afganë janë pa dokumente. Ata jetojnë dhe punojnë në Turqi të injoruar në pamundësi për të siguruar qasje tek shërbimet bazë, siç është kujdesi shëndetësor.
Muhamedi është një prej tyre.
“Unë jam nga provinca Badakhshan e Afganistanit. Kam ardhur në Turqi para dy muajsh, jam 18 vjeç. Nuk kam kartë identiteti, ndaj dhe spitalet nuk më marrin përsipër të më trajtojnë”, thotë ai.
Muhamedi punon në Erzurum në një kompani që tregton qumësht, së bashku me disa emigrantë të tjerë afganë, sikurse Islami.
“Jemi tetë ose nëntë vetë që jetojmë në këtë dhomë, pesë kanë letërnjoftime, ndërsa pjesa tjetër jo. Nëse ndonjë nga ata që nuk kanë letërnjoftime infektohet me koronavirus, spitalet nuk i trajtojnë. Ata nuk mund të bëjnë as vaksina. Nëse infektohen me koronavirus, të gjithë ne do të infektohemi”.
Disa emigrantë thonë për ‘Zërin e Amerikës’ se ata zgjedhin të mos regjistrohen zyrtarisht si refugjatë, nga frika e arrestimit dhe dëbimit. Shumë thonë se statusi i refugjatëve afganë mbetet i paqartë ndaj dhe u nevojiten sqarime nga qeveria turke.
Turqia ka përforcuar sigurinë kufitare dhe shumë emigrantë afganë i mban të ndaluar në qendrat e dëbimit.
Qeveria turke nuk iu përgjigj pyetjeve të Zërit të Amerikës mbi numrin e emigrantëve afganë padokumente apo pamundësinë e tyre për të siguruar qasje tek shërbimet e kujdesit shëndetësor. Autoritetet e qytetit Erzurum thonë se çdo refugjat i paregjistruar do të arrestohej.
Sipas Kombeve të Bashkuara Turqia strehon rreth 4 milionë refugjatë, 3.7 milionë prej të cilëve janë sirianë, të cilët janë larguar nga konflikti.
Gjatë një vizite në Turqi në muajin shtator, komisioneri i lartë i Kombeve të Bashkuara për refugjatët vlerësoi qeverinë rreth atyre që ai i quajti politika “jashtëzakonisht pozitive” ndaj migrantëve.
“Vizita ime këtu është gjithashtu për t’i bërë thirrje komunitetit ndërkombëtar, vendeve donatore, organizatave ndërkombëtare që të bëjnë më shumë për të ndihmuar Turqinë që të ruajë këto politika shumë bujare për refugjatët që ajo strehon”, thotë Filippo Grandi, Komisioneri i Lartë i Kombeve të Bashkuara për Refugjatët.
Shumë afganë thonë se statusi i tyre si refugjatë mbetet i paqartë, ndaj ata preferojnë të jetojnë të fshehur, ndërsa përpiqen të ndërtojnë një jetë të re./VOA
Lajme
Krenar Lloga kockë e fortë në Qeveri!?
Motoja e Aleancës për Shqiptarët që nga hyrja në Qeveri ishte për të bërë dallimin. Me të nisur punën ministrat e ASH-së vërshuan takimet me ambasadorë të ndryshëm të vendeve evropiane por edhe me përfaqësues amerikanë, e edhe me grupe dhe faktorë të tjerë të rëndësishëm në vendin tonë.
SmartNews në këtë editorial konstaton se më i zëshëm dhe me performancë të jashtzakonshme tani po paraqitet edhe Krenar Lloga, ministër i drejtësisë. Ai ka bërë bujë me deklaratat dhe qëndrimet e tij të cilat bëjnë dallimin në qëndrime nga partitë e tjera të koalicionit.
Vetingu në drejtësi u paraqit si prioritet dhe po punohet me faktorin ndërkombetarë.
Mund të dallojmë fokusin e veçantë të tij në rastet e montuata politike, ku Lloga tha se beson se ka njerëz të pafajshëm në burgjet e Maqedonisë. Ai tha se për rastin “Alfa” jam i interesuar edhe para emërimit si ministër.
Ai foli edhe për kërkesën për ekstradim të ish-kryeministrit Gruevski, si dhe vendimi për amnesti të të dënuarve gjatë pandemisë.
Por së fundmi qëndrimi i tij për hapjen e preambules dhe heqjen e 20% nga kushtetuta siç duket ishtë kafshatë e vështirë për partnerët e koalicionit të cilët reaguan njëzëri kundër kësaj ideje të ministrit të Drejtësisë.
Ai tha se nuk heq dorë nga qendrimi i tij dhe sot ka përsëritur se ndryshimi i preambulës është prioritet, ndërsa me hapjen e Kushtetutës duhet të përmirësohen edhe zbrastirat kushtetuese dhe të hiqet termi 20%.
Ai tha se këto kanë qenë propozimet e tij gjatë takimit me kryeministrin dhe faktorët e tjera, ndërsa vendimet do të duhet të merren me konsensus.SmartNews.mk
Lajme
Lloga: Unë mbes në qëndrimin tim!
Ministri i Drejtësisë Krenar Lloga, ka pesëritur sot qëndrimin e tij se ndryshimi i preambulës është prioritet, ndërsa me hapjen e Kushtetutës duhet të përmirësohen edhe zbrastirat kushtetuese dhe të hiqet termi 20%.
Ai tha se këto kanë qenë propozimet e tik gjatë takimit me kryeministrin dhe faktorët e tjera, ndërsa vendimet do të duhet të merren me koncenzus.
Lajme
Lloga dhe Ministrja e Drejtësisë e Austrisë, Alma Zadiq, nënshkruan një deklaratë të përbashkët për fuqizimin e bashkëpunimit për reformat në gjyqësor
Ministri i Drejtësisë, Krenar Lloga, zhvilloi një takim pune me Ministren e Drejtësisë së Austrisë, Alma Zadiq. Austria mbështet Republikën e Maqedonisë së Veriut në rrugën drejt Bashkimit Evropian. Lloga dhe Zadiq nënshkruan një deklaratë të përbashkët për bashkëpunim të të dy ministrive në fushën e mbrojtjes së zbatimit dhe të parimeve të sundimit të ligjit, reformave në fushën e ligjit civil dhe penal, luftën kundër korrupsionit dhe digjitalizimin e gjyqësorit. Të dy ministrat u pajtuan, Austria nëpërmjet të ekspertëve të saj të bart diturinë dhe përvojën, duke përfshirë dhe trajnime profesionale të gjykatësve dhe prokurorëve. Ministri i Drejtësisë, Krenar Lloga, tha se çdo ndihmë e Austrisë është e mirëseardhur për zhvillimin e mëtutjeshëm të shtetit. Ministrja e Drejtësisë e Austrisë, Alma Zadiq, i dëshiroi punë të suksesshme Ministrit Lloga dhe e porositi se përqëndrimi i rajonit duhet të jetë në luftën kundër korrupsionit dhe zbatimin e reformave.
https://www.facebook.com/100090407993687/posts/pfbid031M7FHbLEZ3ejuiCTazN2kcE4Nt1fBfjbR3nj4n3vtsKrjpexCnJPGRJyrn7JmGWil/?mibextid=cr9u03
-
Lajmet kryesore1 year agoMediat në Shqipëri: Kastriot Rexhepi është shantazhuar me video materiale nga grupi i Izet Mexhitit
-
Bota1 year agoNuk u intereson kush është përballë tyre, shihni pamjet se si ukrainasit i ndalin në rrugë rusët
-
Lajme2 years agoLidhjet e Trajko Veljanovskit me rastin M0nstга? – Avokati maqedonas flet për pazaret ndër tavolinë dhe fshehje provash
-
Kosovë1 year agoDalin detaje të reja për vrasjen e trefishtë në Gllogjan
-
Komente2 years agoMos e bëfsh pikën e hajrit o Albin Kurti
-
Lajme2 years agoGazetari shqiptar “e zuri mat” Vuçiqin – Cila ishte pyetja që e ngushtoi presidentin sërb?
-
Lajme2 years agoShek Hallaçi i Grupit të Kumanovës, nga Buгgu i Idгizovës publikon videon me një porosi
-
Lajme1 year agoAnketa më re: Struga, Tetova dhe Çairi do të drejtohen nga Opozita Shqiptare