Connect with us

Lajme

MSH: 81 për qind e atyre që aktualisht janë të hospitalizuar me Kovid-19 dhe 78 për qind e të vdekurve janë të pavaksinuar

Published

on

Shkup, 14 janar 2022 (MIA) – Sipas raporteve të spitaleve, aktualisht janë hospitalizuar 340 persona, prej të cilëve 81 për nuk ​​janë vaksinuar, ndërsa 19 për qind janë të vaksinuar. Në të njëjtën kohë, 78 për qind e të vdekurve nga Kovid-19 ishin të pavaksinuar dhe vetëm 22 për qind e morën vaksinën, huhet në analizën e publikuar nga Ministria e Shëndetësisë për të vaksinuar nga rastet pozitive me Kovid-19 nga 6 gusht 2021 deri më 13 janar 2022.

Të vaksinuar janë personat të cilëve u janë dhënë dy doza dhe kanë kaluar të paktën 14 ditë nga marrja e dozës së dytë të vaksinës.

Ministria thekson se në javët e fundit është ulur presioni ndaj spitaleve sa i përket hospitalizimeve, por janë rritur ekzaminimet ambulatore, të cilat mund të arrijnë deri në njëqind pacientë në ditë në një institucion.

Në periudhën nga data 06.08.2021 deri më 13.01.2022 në territorin e vendit si pozitivë me KOVID-198 janë testuar 85.593 qytetarë, nga të cilët 37 për qind janë të vaksinuar plotësisht, përkatësisht 32.079 persona. Sipas statistikave të muajve të kaluar, 53.514 qytetarë, përkatësisht 63 për qind e të sëmurëve pozitivë nga KOVID-19 nuk janë vaksinuar, thuhet në kumtesën e Ministrisë së Shëndetësisë.

Analiza e Ministrisë tregon se shkalla e vdekshmërisë tek të pavaksinuarit është shumë më e lartë.

“Në periudhën nga 6.08.2021 deri më 13.01.2022, 78 për qind e të vdekurve me Kovid-19 kanë qenë të pavaksinuar, ndërsa vetëm 22 për qind e kanë marrë vaksinën. Sipas analizave, të vdekur kishin disa sëmundje kronike të kombinuara. Pacientët kanë qenë gë vaksinuar me të gjitha llojet e vaksinave të disponueshme në vendin tonë, theksojnë nga Ministria.

Ministria e Shëndetësisë thekson rëndësinë e vaksinimit dhe apelon qytetarët që të vaksinohen, sepse, siç thonë ata, vetëm në këtë mënyrë do të arrijmë imunitetin kolektiv dhe do të parandalojmë përhapjen e mutacioneve SARSKоV2

Continue Reading

Bota

Ishulli “në fund të botës” shkon në izolim për shkak të koronavirusit

Published

on

By

Ishulli “në fund të botës” shkon në izolim për shkak të koronavirusit

Ishulli i largët në Paqësor, Kiribati, u fut në izolim kombëtar për herë të parë që prej nisjes së pandemisë, pasi disa udhëtarë në avionin e parë që mbërrinte në vend pas 10 muajsh, dolën pozitiv me Covid-19.

Sipas masave të reja të sigurisë, njerëzit duhet të qëndrojnë nëpër shtëpi, ndërsa grupimet masive janë të ndaluara.

Në avionin që mbërriti nga Fiji 36 persona, nga 54 që ishin në bord, dolën pozitiv me Covid-19. Prej tyre, u infektuan edhe 4 të tjerë. Deri javën e kaluar, Kiribati kishte regjistruar vetëm 2 raste me Covid-19 që nga nisja e pandemisë.

Kiribati është një prej ishujve më të izoluar në botë, rreth 5000 kilometra larg kontinentit më të afërt, Amerikës së Veriut. Qeveria tha se të gjithë udhëtarët pozitiv me Covid-19 ishin të vaksinuar, por po mbahen në monitorim. Në total, ishulli ka 120 mijë banorë, por nuk dihet sa prej tyre janë të vaksinuar.

Continue Reading

Bota

Ukraina akuzon Gjermaninë për ‘inkurajimin e Putinit’ duke refuzuar dërgimin e armëve në Kiev

Published

on

By

Ukraina akuzon Gjermaninë për ‘inkurajimin e Putinit’ duke refuzuar dërgimin e armëve në Kiev

Ministri i Jashtëm i Ukrainës ka akuzuar Gjermaninë për minimin e unitetit midis aleatëve të vendit dhe për “inkurajimin” e Vladimir Putinit duke refuzuar të dorëzojë armë në Kiev.

Sipas medieve të huaja, përcjell Telegrafi, më herët të shtunën, ministry gjerman i mbrojtjes tha se Berlini do të ngrejë një spital fushor në Ukrainë në mes të krizës së sigurisë mes Perëndimit dhe Rusisë. Por Christine Lambrecht tha se dërgimi i ndihmës ushtarake tani nuk do të ndihmonte në “zbutjen e krizës”.

“Sot, uniteti i Perëndimit me Rusinë është më i rëndësishëm se kurrë. Për ta arritur atë dhe për të penguar Federatën Ruse, ne të gjithë po punojmë së bashku”, u përgjigj përmes Twitter-it ministri i Jashtëm ukrainas, Dmytro Kuleba.

“Partnerët gjermanë duhet të ndalojnë fjalë dhe veprime të tilla për të minuar unitetin dhe për të inkurajuar Vladimir Putinin për një sulm të ri ndaj Ukrainës”.

Ministri i Jashtëm ukrainas, shtoi se Kievi është i ishte mirënjohës Gjermanisë për mbështetjen dhe përpjekjet e saj diplomatike në vitet e fundit. “Por deklaratat aktuale të Gjermanisë janë zhgënjyese dhe bien ndesh me këtë mbështetje dhe përpjekje”, shtoi ai.

Continue Reading

Lajme

Publikohen pamjet nga momenti kur u qëlluan dy shqiptarë në Greqi

Published

on

By

Publikohen pamjet nga momenti kur u qëlluan dy shqiptarë në Greqi

Mediat greke kanë publikuar pamjet e momentit të sherrit në një furrë buke në Voula të Athinës ku u qëlluan me armë zjarri dy shqiptarë, të cilat ndodhen në spital.

Gjithashtu nga ngjarja mbeti i plagosur edhe një irakian. Në pamjet e kamerave të sigurisë së biznesit duket momenti kur personat e përfshirë largohen me vrap pas sherrit dhe të shtënave me armë zjarri.

Por si ndodhi ngjarja?

Po sipas mediave greke, dy persona raportohet se po pinin kafe në furrën e bukës kur papritur u shfaq një xhip me katër persona, të cilët ishin shqiptarë. Dy persona zbritën dhe iu afruan tavolinës ku të dy burrat po pinin kafen. Papritur mes tyre ka shpërthyer një debat, ku njëri nga dy personat ka goditur tjetrin me karrige.

Personi që priste jashtë, nxitoi brenda për të ndihmuar shokët e tij dhe më pas nxorën armët. Kur tentuan të largoheshin, ata hapën zjarr.

Gjithsej tre persona kanë mbetur të plagosur, dy prej të cilëve shqiptarë.

Ngjarja e përgjakshme ka ndodhur përpara syve të fëmijëve të moshës 12-13 vjeç. Nga frika, fëmijët u fshehën. Autorët iu drejtuan duke u thënë “mos u shqetësoni, nuk do t’ju bëjmë keq”.

Pas ngjarjes ata u larguan me shpejtësi, ndërsa policia është vendosur në kërkim të tyre. Paraprakisht, mediat greke thonë se bëhet fjalë për një larje hesapesh. /abcnews.al/

Continue Reading

Aktuale