Connect with us

Sport

Athletic Bilbao shkon në finalen e Superkupës së Spanjës, mposht Atletico Madridin

Published

on

Bilbao mposhtë me rikthim Atleticon dhe shkon në finalen e Superkupës së Spanjës.

Është mësuar edhe skuadra e dytë finaliste në Superkupën e Spanjës.

Ka qenë një ndeshje spektakolare mes Atletico Madrid dhe Athletic Bilbao, ku në fund baskët kanë triumfuar me rikthim 1-2.

Pjesa e parë përfundoi ashtu siç filloi me rezultat të barabartë 0-0, me dy skuadrat që kishin raste të mira shënimi, por pa arritur t’i konkretizojnë ato.

Madrilenët e nisën më mirë pjesën e dytë duke krijuar raste shënimi dhe në minutën e 62-të gjetën golin e parë.

Joao Felix gjuajti me kokë, derisa goditi shtyllën, e topi i rikthyer nga shtylla falë ndihmës së portierit Unai Simon përfundoi në rrjetë për t’i dhënë epërsinë madrilenëve 1-0.

Bilbao nuk u dorëzua dhe në minutën e 77-të gjetën golin e epërsisë, kur Munianin asistoi te Alvarez që barazoi shifrat në 1-1.

Skuadra baske bëri rikthimin e madh në minutën e 81-të, kur zëvendësuesi Nico Williams shënoi gol për t’i dhënë fitoren.

Atletico kërkoi të gjente golin e barazimit, por deri në fund nuk ia arriti një gjëje të tillë me mbrojtjen e fortë të Bilbaos. Kësisoj ndeshja përfundoi me fitoren e baskëve 1-2 ndaj madrilenëve.

Në finalen e madhe të Superkupës së Spanjës, Bilbao do të përballet me Real Madridin.

Continue Reading

Sport

Xherdan Shaqiri do të largohet nga Lyoni, e duan në ligat më të forta

Published

on

Futbollisti kosovar ka oferta nga Anglia, Italia e Gjermania, por edhe në Amerikë. Ai pritet të largohet nga Lyoni gjatë këtij muaji.

Xherdan Shaqiri mund të largohet nga Olympique Lyoni pas vetëm gjashtë muajsh qëndrimi.

Futbollisti kosovar nuk e ka treguar veten në klubin francez dhe i ka bërë valixhet gati.

Mediumi gjerman “Sky Sport” raporton se përfaqësuesi zviceran ka oferta nga disa klube angleze dhe italiane, përcjell “Gazeta Express”.

Gjithashtu, rikthimi në Bundesligë është i mundshëm për futbollistin nga Zhegra e Gjilanit.

Ndër të tjera, ky medium raporton se 30 vjeçi pëlqehet edhe në ligën amerikane MLS.

Ish-futbollisti i Baselit, Bayernit, Interit, Stoke Cityt e Liverpoolit po e kërkon një klub në të cilin mund të luajë rregullisht.

Kjo pasi ai synon të jetë pjesë e rëndësishme e Kombëtares së Zvicrës në Botërorin e Katarit këtë vit, përcjell “Gazeta Express”.

Sidoqoftë, deri tash nuk ka arritur ende ndonjë ofertë zyrtare për futbollistin ofanziv.

Edhe Lyoni është i interesuar për ta shitur futbollistin kosovar qysh këtë muaj.

Continue Reading

Sport

Thomas Vermaelen i jep fund karrierës si futbollist

Published

on

Mbrojtësi, Thomas Vermaelen ka njoftuar se i ka dhënë fund karrierës së tij si futbollist, percjell Zeri.info.

Lajmin e ka bërë te ditur nga faqja zyrtare e tij permes nje postimi ne “Instagram”.

“Jam jashtëzakonisht krenar dhe mirënjohës të njoftoj se do të bëhem ndihmës trajner për kombëtaren belge. Duke pritur me padurim këtë hap të ri dhe sfidë të re në jetën time.

Kam vendosur të tërhiqem nga futbolli profesionist. Unë kam qenë shumë me fat që kam luajtur për klubet më të mahnitshme në lojë dhe për këtë jam jashtëzakonisht mirënjohës. Faleminderit të gjithëve për mbështetjen gjatë gjithë karrierës sime”, ka shkruar Vermaelen.

Mbrojtësi belg ka pasur një karrierë mjaft të pasur, duke u angazhuar me skuadra si Arsenal dhe Barcelona, por edhe me kombëtaren e Belgjikës.

Vermaelen tani do të jetë pjesë e stafit teknik të Roberto Martinez, te kombëtarja e Belgjikës.

Continue Reading

Sport

Toni Kroos mori një nga kartonët e verdhë më të çuditshëm në vitet e fundit, pas një ndërhyrje ‘fantazmë’ kundër Elche

Published

on

By

Toni Kroos mori një nga kartonët e verdhë më të çuditshëm në vitet e fundit, pas një ndërhyrje ‘fantazmë’ kundër Elche

Mesfushori i Real Madridit, Toni Kroos, mbeti i tërbuar në mënyrë të kuptueshme pasi iu dha një karton i verdhë i çuditshëm për atë që është përshkruar si një ‘trajtim fantazmë’.

Përplasja e së enjtes në Copa del Rey mes Los Blancos dhe Elches shkoi në kohë shtesë pasi të dyja skuadrat nuk arritën të gjenin rrjetën brenda 90 minutave.

Elche më pas hapi rezultatin në minutën e 103-të dhe një befasi ishte afër të ndodhte, por skuadra e Carlo Ancelotti arriti të kalonte në çerekfinale falë golave ​​të vonuar nga Isco dhe Eden Hazard.

Pas mungesës së kohës së tij të lojës për Real Madridin kohëve të fundit, Hazard do të duhej të ishte në krye të titujve të mediave, por dikush tjetër ka ‘vjedhur’ vëmendjen.

Ishte gjyqtari kryesor i ndeshjes, i cili vendosi të jap një karton për gjermanin Kroos në minutën e 78-të pas një ndërhyrje ‘fantazmë’ ndaj anësorit të Elches, Tete Morente.

Kjo është e drejtë. Mesfushorit gjerman iu dha një karton i verdhë për këtë – një vendim që ka hutuar plotësisht tifozët në rrjetet sociale. /Telegrafi/

Continue Reading

Aktuale