Connect with us

Bota

OBSH: 500,000 jetë të shpëtuara nga vaksinat kundër COVID-19 në Evropë

Published

on

OBSH: 500,000 jetë të shpëtuara nga vaksinat kundër COVID-19 në Evropë

Të dhënat e reja kanë zbuluar se rreth gjysmë milioni jetë mes të moshuarve janë shpëtuar në Evropë për shkak të administrimit të vaksinave kundër COVID-19.

Në një studim të ri të kryer nga studiues nga Zyra Rajonale për Evropën e Organizatës Botërore të Shëndetësisë (OBSH), Qendra Evropiane për Parandalimin dhe Kontrollin e Sëmundjeve (ECDC) dhe institutet dhe ministritë kombëtare të shëndetit publik, të dhënat sugjerojnë se vaksinat kundër koronavirusit kanë parandaluar pothuajse 470,000 vdekje të njerëzve të moshës 60 vjeç e lart në Evropë.

Hetimi, i cili është publikuar në Eurosurveillance, analizoi vdekjet midis dhjetorit 2020 dhe nëntorit 2021, duke identifikuar se vaksinat kundër virusit korona parandaluan pak më shumë se gjysmën (51%) të vdekjeve të pritshme të shkaktuara nga sëmundja gjatë kësaj periudhe, shkruan Healtheuropa, transmeton Klankosova.tv.

Studiuesit konstatuan se për shkak të zhvillimit të shpejtë, licencimit dhe përhapjes së vaksinave të ndryshme kundër COVID-19 nga fundi i vitit 2020 e tutje, marrja e vaksinave tek grupet prioritare u rrit në mënyrë që 80% e njerëzve 60 vjeç e lart kishin marrë dy dozat e vaksinës dhe 84% të paktën një dozë.

“Ky ndikim i drejtpërdrejtë ka qenë heterogjen për shkak të shpejtësisë dhe shtrirjes së vaksinimit në grupet e pranueshme. Vendet që kishin administruar herët numra të lartë (përfshirë Francën, Greqinë, Irlandën, Izraelin, Maltën, Norvegjinë, Portugalinë, Spanjën, Anglinë dhe Skocinë) kanë ulur ndjeshëm vdekshmërinë e parashikuar, veçanërisht tek moshat 80 vjeç e lart. Vende të tjera kanë përjetuar ndikim më të kufizuar të vaksinimit deri më sot.”komentuan autorët e studimit.

Nga këto të dhëna, ekipi përcaktoi se 51% e totalit të vdekjeve të vlerësuara u shmangën nëpërmjet vaksinimeve kundër COVID-19, me ndikimet më të rëndësishme në Islandë, ku u shmangën 93% e vdekjeve. Ndikimi më të vogël kishte në Ukrainë, ku u shmangën 6% e vdekjeve të vlerësuara.

Tre vendet që kishin 60% të popullsisë së moshës 60 vjeç e lart të vaksinuar plotësisht – Moldavia, Ukraina dhe Rumania – parandaluan vdekjet gjatë studimit për 20%. Kurse në katër vendet që arritën mbulim shumë të lartë të vaksinimit të plotë, mbi 90% – Izraeli, Malta, Anglia dhe Skocia – përqindja e vdekjeve të shmangura në javën e 45 në 2021 kaloi 65%.

Continue Reading

Bota

Gjermania, Finlanda dhe Hong Kongu me protokolle të reja për Maqedoninë e Veriut

Published

on

By

Gjermania, Finlanda dhe Hong Kongu me protokolle të reja për Maqedoninë e Veriut

Për shkak të situatës me pandeminë Covid-19, Republika Federale e Gjermanisë e vendosi Republikën e Maqedonisë së Veriut në listën e vendeve me rrezik. Me vendimin e fundit të autoriteteve gjermane, nga shtetasit e Maqedonisë së Veriut gjatë hyrjes në Gjermani kërkohet regjistrim elektronik dhe posedim i certificatës së vaksinimit ose kalimit të sëmundjes ose PCR negativ. Për ata që nuk janë infektuar me Covid dhe nuk janë vaksinuar, vijon masa e karantinës dhjetëditore, teksa mund të lirohen në ditën e pestë me PCR test negativ. Nga kjo masë përjashtohen fëmijët e pavaksinuar deri në gjashtë vjeç, për të cilët megjithatë vijon karantinë deri në pesë ditë.

Covid protokolli i ri vlen edhe për Finlandën. Të gjithë personat, përfshirë edhe shtetasit tanë, të cilët nuk mund të vaksinohen kundër Covid 19 për arsye shëndetësore, mund të hyjnë në Finlandë nëse kanë një certifikatë mjekësore që e dëshmon një gjë të tillë, së bashku me një vërtetim për test negativ për Covid 19, jo më të vjetër se 48 orë. Të gjithë të tjerëve (përveç atyre me vendbanim të rregulluar) që mbërrijnë në Finlandë edhe më tej u kërkohet certifikatë e vaksinimit të plotë ose shërimit nga Covid 19 (në gjashtë muajt e fundit) së bashku me një test negativ për Covid (jo më të vjetër se 48 orë).

Në të njëjtën kohë, Qeveria e Rajonit të Posaçëm Administrativ të Hong Kongut, solli vendim për ndryshimin e kushteve për hyrje në Hong Kong, sipas të cilit Republika e Maqedonisë së Veriut është në mesin e vendeve të Grupit A, ku janë detektuar raste të omikronit. Për shkak të kësaj, është e kufizuar hyrja e shtetasve tanë dhe e të huajve (të cilët nuk janë banorë të Hong Kongut) e të cilët në 21 ditët e fundit kanë qëndruar në Maqedoninë e Veriut. Për më tepër, hyrja u lejohet banorëve të Hong Kongut, por me një karantinë të detyrueshme 21-ditore dhe 6 teste PCR.

Continue Reading

Bota

Autori i masakrës në Norvegji kërkon të lirohet: Kam ndryshuar!

Published

on

Autori i masakrës së Utoya në Norvegji, Andres Behring Brevik ka kërkuar lirimin me kusht duke pretenduar se nuk është më një rrezik për shoqërinë.

Brevik nuk ka shfaqur asnjë shenjë pendese që nga vrasja e 77 personave nga sulmi i planifikuar në vitin 2011 dhe sipas ekspertëve është e pamundur që kërkesa e tij të pranohet. Randi Rosenqvist, psikiatrja që e ka ndjekur që nga burgosja në 2012 thotë se nuk ka vënë re ndryshime në sjellje .

“Në parim dhe praktikë, dikush që kërkon lirim me kusht duhet të tregojë pendesë dhe të tregojë se e kupton pse akte të tilla nuk mund të përsëriten,” tha ajo.

Familjarët e viktimave janë të shqetësuar se ai mund të përdor mundësinë e seancës gjyqësore për të tërhequr sërish vëmendjen mbi opinionet e tij ekstreme. Duke frymëzuar në këtë mënyrë njerëz që mendojnë si ai.

Në vitin 2012, Breivik iu dha dënimi maksimal prej 21 vitesh me një klauzolë të veçantë e përdorur rrallë në sistemin e drejtësisë norvegjeze – që ai mund të mbahet për një kohë të pacaktuar nëse konsiderohet një rrezik për shoqërinë.

Krimet e Breivik, të cilat ishin planifikuar me kujdes dhe të detajuara në ditarin e tij kanë ndikuar tek ekstremistët e tjerë të krahut të djathtë në mbarë botën.

Continue Reading

Bota

Bie borë në Sahara, “batanija e akullt” mbulon dunat , temperaturat bien nga 58 gradë në -2 (Foto)

Published

on

Bora mbuloi rërën në shkretëtirën e Saharës, pasi temperaturat ranë nën zero.

Një “batanije e akullt” mbuloi dunat, një fenomen i rrallë në shkretëtirën më të madhe në botë – ku temperaturat arrijnë shifra rekord në 58 gradë.

Fotografi Karim Bouchetata ka shkrepur fotografi mbresëlënëse të borës dhe akullit në Ain Sefra, në veriperëndim të Algjerisë.

Brenda natës, zhiva në termometër në qytetin algjerian ka regjistruar temperaturën prej minus dy gradë.

Në shikim të parë krijohej përshtypja sikur Sahara është mbuluar me “një batanije gjigante të akullt”.

Rëra e mbuluar me borë po ndodh për herën e pestë në 42 vitet e fundit në këtë qytet, ku në vitin 1979, 2016, 2018 dhe 2021 janë parë pamje të ngjashme

Ain Sefra është rreth 5 mijë metra në lartësi mbidetare dhe është e rrethuar me malet Atlas.

Shkretëtira e Saharës mbulon shumicën e territorit të Afrikës Veriore, e sipas ekspertëve Sahara që sot është shumë e thatë, pas 15 mijë viteve pritet të jetë e gjelbëruar. /Telegrafi/

Continue Reading

Aktuale