Connect with us

Lajme

Tragjedia në Bullgari/ Maqedonasi: Përse të mbajmë zi kur ata nuk janë tanët, ata nuk janë maqedonas (Video)

Published

on

Në rrjetet sociale është duke qarkulluar një video nga faqja “Lele“, ku shihet një person duke folur me gjuhë të urrejtes ndaj shqiptarëve, gjegjësisht ndaj rastit tragjik në Bullgari, ku vdiqën 45 njerëz. Përndryshe, folësi është i njohur, është pjesëtar i nje grupi “Lele” që me vite përhapë urrejtje në baza fetare, etnike dhe politike, shkruan Nistori.

“Dëgjoj se diçka paska ndodhur atje në Bullgari, një autobus qenka përmbysur dhe kanë vdekur një grumbull njerëz. Dhe tani parashtrohet pyetja, i shoh flamujt anembanë Shkupit janë në gjysmështizë, ditë zie. Por përse të mbajmë zi kur ata nuk janë të tonit. Duke e parë listën e emrave, e sheh se ata nuk janë maqedonasë.

OK, ka disa muhabete dhe në faktik ka indikacione se shumica nuk janë as “shiptarë”, por bëhet fjalë për torbeshë, bëhet fjalë për myslimanë maqedonas, duke qenë se shumica e tyre janë nga Studeniçani, do të thotë se kjo pak e ndryshon situatën, mirëpo bëhet fjalë për njerëz të cilët në masë të madhe pretendojnë se janë “shiptarë” për të pasur përfitime kornizë për të gëzuar në pozitën e pakicës në Republikën e Maqedonisë, edhe pse janë maqedonas, por të fesë islame, por ja, ata janë vëllezërit tanë që e kanë gjetur të arsyeshme të gënjejnë për origjinën e tyre etnike dhe të ujdisen me “shiptarhanet”, dhe mund te thuash qe i ka arritur e merituara, ndoshta tani do te vijnë mendtë në kokë se gjaku nuk është ujë, se duhet të jenë me fisin e tyre, me popullin e tyre.

Por njerëzit më qortuan mua, se si munde të veprosh ashtu, ata janë njerëz të gjallë, ata janë djegur, si mund t’i urosh atë festën e “shiptarëve” tu djeg zjarri. Po ja, si mundemi, unë jam një nga të këqijtë, më të këqijtë. Unë nuk kam ndërmend, si shumë njerëz të tjerë, të ringjall Jugosllavinë, as nuk kam në plan të bëj këtu Amerikën apo Zvicrën në Ballkan. Kur themi agim i vërtetë, nënkuptojmë shtetësinë e vërtetë maqedonase, d.m.th ndërtimin e një shteti të popullit maqedonas, një shtet-komb, një “Volkstaat” në gjermanisht”, shprehet folësi.

Përndryshe redaksia e Nistori-t e ka paraqitur rastin në polici dhe ia ka dërguar të gjitha informatat dhe adresat e këtij grupi dhe në vecanti të folësit, me qëllim që të merren masa ndaj dukurive të këtilla.

Gjithashtu, më herët edhe Asociacioni Qytetar Civil, ka kërkuar nga institucionet përkatëse veçanërisht nga dikasteri i policisë në Maqedoninë e Veriut dhe Prokuroria Publike që të marrin masa urgjente sipas detyrave ligjore që ta parandalojnë dhe sanksionojnë këtë dukuri e cila ditë e më tepër po merr hov. /Nistori/

Continue Reading

Lajme

Kontrabandë me lopë nga Maqedonia Veriore, ka të arrestuar

Published

on

By

Kontrabandë me lopë nga Maqedonia Veriore, ka të arrestuar

Policia e Kosovës njofton se ka arrestuar dy persona në Kaçanik, pasi të njëjtit dyshohet se kanë kontrabanduar lopë, nga Maqedonia e Veriut në Kosovë.

Sipas njoftimit, njësitet policore në koordinim me prokurorin dhe me Gjyqtarin e Procedurës Paraprake (GjPP) gjatë bastisjes në dy lokacione kanë gjetur 5 krerë lopë të cilat dyshohet se janë kontrabanduar.

Me urdhër të prokurorit kafshët janë konfiskuar nga Agjencia e Ushqimit dhe Veterinarisë dhe Dogana e Kosovës, ndërsa të dyshuarit me vendim të prokurorit janë dërguar në mbajtje.Rasti ka ndodhur dje rreth orës 22:00 në Glloboqicë të komunës së Kaçanikut.

Continue Reading

Kosovë

Kosova vazhdon të jetë vendi i vetëm në Evropë qytetarët e së cilës nuk gëzojnë të drejtën për lëvizje të lirë.

Published

on

By

Kosova vazhdon të jetë vendi i vetëm në Evropë qytetarët e së cilës nuk gëzojnë të drejtën për lëvizje të lirë.

Edhe pas 10 vjet prej kur ka filluar dialogu për liberalizimin e vizave, Kosova vazhdon të jetë e izoluar ndonëse Komisioni Evropian vite më parë rekomandoi liberalizimin e vizave pasi shteti ka përmbushur kriteret. Franca dhe Holanda janë dy vendet skeptike për liberalizimin e vizave, ndërsa Franca nga janari i 2022-së për gjashtë muaj mban presidencën e radhës të BE-së

Në një postim në Facebook, instituti Epik shkruan se më 19 janar 2012, Kosova dhe BE-ja kanë filluar dialogun për liberalizimin e vizave.

“Sot bëhen 10 vite që nga lansimi i dialogut”, thuhet më tej, shkruan Telegrafi.

Në infografikë, EPIK ka krahasuar kohëzgjatjen e procesit të liberalizimit të vizave të Kosovës me vende të tjera të rajonit dhe më gjerë.

Nga infografikë shihet se Kosova është vendi i vetëm që procesi i liberalizimit të ketë zgjatur kaq shumë.

Procesi i liberalizimit të vizave nga fillimi i dialogut për Gjeorgjinë, Moldavinë dhe Ukrainën ka zgjatur nga katër vite, për Shqipërinë dhe Bosnjën tri vite.

Ndërkaq, nga dy vite ka zgjatur për Maqedoninë, Malin e Zi dhe Serbinë.

Megjithatë, disa nga njohësit e çështjeve të integrimeve evropiane, deklarojnë se Kosova mund të ketë liberalizim të vizave gjatë vitit 2022, pasi Franca ka marrë kryesimin e radhës së Këshillit të Bashkimit Evropian.

Profesori i së drejtës ndërkombëtare Afrim Hoti, në një deklaratë për Telegrafin kishte thënë se mund të ketë lëvizje pozitive sa i përket vizave gjatë vitit 2022.

“Në kuptimin procedural nuk ka ndonjë diferencë të madhe, sepse sikur Franca edhe vendet e tjera kanë të njëjtin pozicion, udhëheqin presidencën e këshillit. Ndërsa, duke pasur parasysh specifikat që ka prezantuar Franca, deri më tash është e besueshme që mund të ketë lëvizje pozitive në atë drejtim. Sepse Franca dihet që deri tani ka qenë penguese e këtij procesi bashkë me ndonjë vend, jo të ndonjë rëndësie të madhe politike”, është shprehur ai.
Mendim ndryshe sa i përket çështjes së liberalizmit të vizave ka profesori i të Drejtës Evropiane, Avni Mazreku.

Mazreku ka thënë se nuk pret që Franca të fus në agjendë çështjen e liberalizmit të vizave, së paku në 6 muajt e parë të vitit 2022.

“Dihet që agjenda e Bashkimit Evropian përcaktohet nga trojka e Bashkimit Evropian, ashtu quhet pra, që nënkupton nga shteti që aktualisht e ka presidencën e radhës së BE-së. Franca është një nga shtetet më decidive të themi në përcaktimin e agjendës së BE-së, përkatësisht të Këshillit Evropian, për temat që do të trajtohen. Mund të konsiderohet po ashtu që këtë vit Franca futet në zgjedhje presidenciale dhe normalisht presidenti aktual Emmanuel Macron (është njëri nga kandidatët potencialë për tu rizgjedhur si president) të marrë parasysh që politika e kufijve të hapur nuk është temë popullore. Nuk pres që Franca do ta forcojë idenë e futjes në agjendë të çështjes së liberalizimit të vizave për së paku në gjashtëmujorin e parë të këtij viti”, potencoi ai.

Mazreku thotë se derisa Franca të përfundojë zgjedhjet presidenciale i afrohemi edhe fundit të kryesimit të saj në BE.

Continue Reading

Lajme

Më ftohtë në Hanet e Mavrovës, më shumë borë në Kodrën e Diellit

Published

on

By

Shkup, 19 janar 2022 (MIA) – Më ftohtë në mëngjes në shtet është në Hanet e Mavrovës, ku në orën 07:00 janë matur -12 gradë, si dhe Kodrën e Diellit -11, Berovë -10, Kriva Pallankë – 9. Në Pretor, Manastir dhe Krushevë temperaturat është ulur 8 gradë nën zero, -7 në Tetovë, -6 në Ohër dhe Prilep, -5 në Strumicë dhe Vinicë, -4 në Shkup-Petrovec, -2 në Shtip dhe Demir Kapi, -1 në Shkup – Zajçev Rid dhe 2 gradë në Gjevgjeli.

Në Kodrën e Diellit 32 centimetra borë, në Hanet e Mavrovës 15, shtatë në Krushevë, dhe në Gjurishtë dhe Pozharane pesë centimetra.

Nga mëngjesi në disa pjesë të rajonit të Shkupit fryn erë mesatare, ndërsa në Shtip era e mëngjesit të sotëm arrin shpejtësinë herë pas here deri në 40 kilometra në orë.

DPHM paralajmëroi se paradite do të jetë ftohtë, ndërsa gjatë ditës me diell me vranësira të vogla lokale që pasdite do të zvogëlohen. Do të fryjë erë e lehtë deri mesatare veriperëndimore, më e theksuar në drejtim të Povardarit. Temperatura maksimale do të arrijë nga 2 deri në 9 gradë.

Në Shkup moti do të jetë me diell dhe paradite ftohtë me erë të dobët deri në mesatare veriore. Temperatura maksimale do të arrijë 7 gradë.

Deri nesër pasdite moti do të jetë stabil dhe i thatë, me temperatura më të ulëta në mëngjes. Valë e lagësht dhe e ftohtë me reshje të borës do të përhapet nga perëndimi në orët e mbrëmjes dhe gjatë natës. Për shkak të temperaturave të ulëta do të ketë ngrica. Të premten gjatë ditës reshjet do të përfundojnë. Reshje më të dendura do të ketë në pjesët perëndimore ku kudo do të ketë borë, ndërsa në zonat malore do të ketë rritje. Shtresë më të vogël të borës do të formohet edhe në pjesët tjera, përveç në pjesën e ulët të Luginës së Vardarit.

Continue Reading

Aktuale