Connect with us

Lajme

Alternativa i përgjigjet pozitivisht thirrjes së Artan Grubit për t’iu bashkuar qeverisë së eurointegrimeve

Published

on

Kryesia qendrore e Alternativës e autorizoi Gashin që të fillojë bisedime për hyrje në Qeveri (PLT)

Shkup, 26 nëntor 2021 (MIA) – Alternativa, si parti serioze politike, e cila gjithmonë ka ditur të ngrihet mbi interesat e veta, sonte diskutoi për mundësinë dhe ndihmën për zhbllokimin e situatës në vend. Konkluzioni i përgjithshëm i Kryesisë qendrore ishte se duhet t’i japim një shans stabilitetit dhe vazhdimësisë në mënyrë që vendi të shpresojë për një datë për anëtarësim në BE, deklaroi zëdhënësi i Alternativës, Orhan Murtezani pas seancës që u mbajt në selinë e partisë në Shkup.

Kryesia qendrore, siç informoi ai, e ka autorizuar kryetarin e partisë Afrim Gashi që të komunikojë me të gjithë aktorët politikë, me kryeministrin dhe me mandatarin e ri të mundshëm për të parë se cili është koncepti i tyre për dalje nga kriza politike.

“Do të dëgjojmë se cili është koncepti i tyre për tejkalimin e krizës, nëse ka vullnet për një program të përbashkët qeveritar dhe nëse partnerët aktualë qeverisës kanë vullnet të heqin dorë nga një pjesë e pushtetit të tyre që të krijohet një ekuilibër në pushtet. Tash e tutje gjithçka varet nga bisedimet dhe çfarë do të arrihet”, tha Murtezani.

Më pas, siç shtoi, vendimin përfundimtar për hyrje në Qeveri do ta marrë Kuvendi qendror i Alternativës.

“Kuvendi qendror i Alternativës mund të thirret pasi të kemi diçka më konkrete se gatishmërinë për negociata”, tha Murtezani.

Duke u përgjigjur në pyetjet tha se Alternativa nuk drejtohet nga orekset për pushtet.

“Se si do të përfundojnë negociata nuk e dimë, më shumë jemi të interesuar për mënyrat për të dalë nga kjo krizë”, ka shtuar Murtezani.

Continue Reading

Lajme

Mickoski: Sa më shpejtë të jetë e mundur zgjedhje të parakohshme, pa qeveri teknike dhe me një njësi zgjedhore

Published

on

By

Ohër, 19 janar 2022 (MIA) – Sa më shpejtë të jetë e mundur të ketë zgjedhje të parakohshme parlamentare. Kjo shumicë parlamentare dhe qeveria e BDI-së e administruar nga Kovaçeski mbahet në mënyrë artificiale, porositi sot nga Ohri Hristijan Mickoski, kryetari i VMRO-DPMNE-së opozitare.

Ai paralajmëroi së shpejti partia opozitare do të propozojë edhe aktivitete në drejtim që sa më shpejtë të shpallen zgjedhje të reja.

“Jemi të gatshëm dhe deri tek Parlamenti do të dorëzojmë ndryshime të Kodit zgjedhor, në të cilat nuk do të ketë qeveri teknike, gjegjësisht njëqind ditë humbje kohe të qytetarëve, por do ta shfrytëzojmë atë afat kushtetues prej 45 deri në 60 ditë”, tha. Mickoski.

VMRO-DPMNE-ja, porositi, nuk kundërshton të shkojë në zgjedhje dhe me përbërje të vazhdueshme të qeverisë.

“Nëse janë të frikësuar, le të mbetet Spasovski ministër i Punëve të Brendshme, le të mbetet ministri i ri i Punës dhe Politikës Sociale… Nuk do të ketë nga opozita zëvendës në bujqësi, financa, shoqëri informative, le të mbetet kjo qeveri siç është dhe të shkojmë në zgjedhje të parakohshme parlamentare”, tha Mickoski, me këtë rast duke paralajmëruar se partia opozitare është e gatshme të bisedojë edhe për vendosjen e një njësie zgjedhore.

Continue Reading

Lajme

Gjobiten 49 shoferë për mos dhënie përparësi për këmbësorët

Published

on

By

Shkup, 19 janar 2022 (MIA) – Gjatë ditës së djeshme në periudhën nga ora 10:00 deri në ora 14:00 Ministria e Punëve të Brendshme ka zbatuar kontroll të përforcuar të veprimit për sanksionimin e shoferëve të cilët nuk u kanë dhënë përparësi kalimi këmbësorëve, me ç’rast janë sanksionuar 49 prej tyre.

“Të gjithë autorëve u janë përgatitur kundërvajtje përkatëse”, kumtuan sot nga MPB-ja.

Continue Reading

Lajme

Arrestohet një person pas urdhër arrestit të shpallur për vuajtjen e dënimit me burg

Published

on

By

Shkup, 19 janar 2022 (MIA) – Nëpunësit policorë të Njësisë për polici intervenuese dje në zonën e Aerodromit e privuan nga liria A.S. (36) nga fshati Gërçec i Shkupit.

Siç informojnë nga MPB-ja, për të është shpallur urdhër arrest me të cilin është kërkuar për vuajtjen e dënimit me burg.

Personi është arrestuar në stacionin policor dhe do të dërgohet në burg për vuajtjen e dënimit.

Continue Reading

Aktuale