Connect with us

Bota

Turqia vazhdon të ulë normat e interesit pavarësisht zhvlerësimit të lirës turke

Published

on

Turqia vazhdon të ulë normat e interesit pavarësisht zhvlerësimit të lirës turke

Ankara, 26 nëntor 2021 (MIA) – Lira turke ka humbur 45 për qind të vlerës së saj që nga fillimi i vitit, dhe rreth gjysma e këtyre humbjeve ka ndodhur që nga fillimi i javës së kaluar.

Turqia është e vendosur të vazhdojë politikën e saj të uljes së normave të interesit dhe “sulmet manipuluese” ndaj lirës turke, ​​e cila këtë javë shënoi rënie në nivelin më të ulët historik, nuk do të shkaktojë dëme të qëndrueshme, tha zëvendësministri i Financave, Nuredin Nebati në Tuiter.

Lira turke arriti rekord të ulët kundrejt dollarit të martën, duke rënë në 13,45 lira për një dollar pasi presidenti Rexhep Tajip Erdogan e mbrojti Bankën Qendrore, e cila e uli normën e saj bazë të interesit në 15 për qind, pavarësisht se inflacioni arriti në gati 20 për qind.

Lira turke ka humbur deri në 45 për qind të vlerës së saj që nga fillimi i vitit dhe rreth gjysma e këtyre humbjeve ka ndodhur që nga fillimi i javës së kaluar. Ka rikuperim të lehtë në tre ditët e fundit dhe mëngjesin e sotëm po tregtohej në nivelin 12,10 lira për një dollar.

“Ne duhet ta vlerësojmë ekonominë turke nga një këndvështrim më i gjerë, jo nga këndvështrimi më i ngushtë i bazuar vetëm në kursin e këmbimit. Ruajtja e normës së interesit nën inflacion nuk është problem në kushtet aktuale të tregut”, shkruan Nebati në disa postime në Tuiter.

Continue Reading

Bota

Gjermania, Finlanda dhe Hong Kongu me protokolle të reja për Maqedoninë e Veriut

Published

on

By

Gjermania, Finlanda dhe Hong Kongu me protokolle të reja për Maqedoninë e Veriut

Për shkak të situatës me pandeminë Covid-19, Republika Federale e Gjermanisë e vendosi Republikën e Maqedonisë së Veriut në listën e vendeve me rrezik. Me vendimin e fundit të autoriteteve gjermane, nga shtetasit e Maqedonisë së Veriut gjatë hyrjes në Gjermani kërkohet regjistrim elektronik dhe posedim i certificatës së vaksinimit ose kalimit të sëmundjes ose PCR negativ. Për ata që nuk janë infektuar me Covid dhe nuk janë vaksinuar, vijon masa e karantinës dhjetëditore, teksa mund të lirohen në ditën e pestë me PCR test negativ. Nga kjo masë përjashtohen fëmijët e pavaksinuar deri në gjashtë vjeç, për të cilët megjithatë vijon karantinë deri në pesë ditë.

Covid protokolli i ri vlen edhe për Finlandën. Të gjithë personat, përfshirë edhe shtetasit tanë, të cilët nuk mund të vaksinohen kundër Covid 19 për arsye shëndetësore, mund të hyjnë në Finlandë nëse kanë një certifikatë mjekësore që e dëshmon një gjë të tillë, së bashku me një vërtetim për test negativ për Covid 19, jo më të vjetër se 48 orë. Të gjithë të tjerëve (përveç atyre me vendbanim të rregulluar) që mbërrijnë në Finlandë edhe më tej u kërkohet certifikatë e vaksinimit të plotë ose shërimit nga Covid 19 (në gjashtë muajt e fundit) së bashku me një test negativ për Covid (jo më të vjetër se 48 orë).

Në të njëjtën kohë, Qeveria e Rajonit të Posaçëm Administrativ të Hong Kongut, solli vendim për ndryshimin e kushteve për hyrje në Hong Kong, sipas të cilit Republika e Maqedonisë së Veriut është në mesin e vendeve të Grupit A, ku janë detektuar raste të omikronit. Për shkak të kësaj, është e kufizuar hyrja e shtetasve tanë dhe e të huajve (të cilët nuk janë banorë të Hong Kongut) e të cilët në 21 ditët e fundit kanë qëndruar në Maqedoninë e Veriut. Për më tepër, hyrja u lejohet banorëve të Hong Kongut, por me një karantinë të detyrueshme 21-ditore dhe 6 teste PCR.

Continue Reading

Bota

Autori i masakrës në Norvegji kërkon të lirohet: Kam ndryshuar!

Published

on

Autori i masakrës së Utoya në Norvegji, Andres Behring Brevik ka kërkuar lirimin me kusht duke pretenduar se nuk është më një rrezik për shoqërinë.

Brevik nuk ka shfaqur asnjë shenjë pendese që nga vrasja e 77 personave nga sulmi i planifikuar në vitin 2011 dhe sipas ekspertëve është e pamundur që kërkesa e tij të pranohet. Randi Rosenqvist, psikiatrja që e ka ndjekur që nga burgosja në 2012 thotë se nuk ka vënë re ndryshime në sjellje .

“Në parim dhe praktikë, dikush që kërkon lirim me kusht duhet të tregojë pendesë dhe të tregojë se e kupton pse akte të tilla nuk mund të përsëriten,” tha ajo.

Familjarët e viktimave janë të shqetësuar se ai mund të përdor mundësinë e seancës gjyqësore për të tërhequr sërish vëmendjen mbi opinionet e tij ekstreme. Duke frymëzuar në këtë mënyrë njerëz që mendojnë si ai.

Në vitin 2012, Breivik iu dha dënimi maksimal prej 21 vitesh me një klauzolë të veçantë e përdorur rrallë në sistemin e drejtësisë norvegjeze – që ai mund të mbahet për një kohë të pacaktuar nëse konsiderohet një rrezik për shoqërinë.

Krimet e Breivik, të cilat ishin planifikuar me kujdes dhe të detajuara në ditarin e tij kanë ndikuar tek ekstremistët e tjerë të krahut të djathtë në mbarë botën.

Continue Reading

Bota

Bie borë në Sahara, “batanija e akullt” mbulon dunat , temperaturat bien nga 58 gradë në -2 (Foto)

Published

on

Bora mbuloi rërën në shkretëtirën e Saharës, pasi temperaturat ranë nën zero.

Një “batanije e akullt” mbuloi dunat, një fenomen i rrallë në shkretëtirën më të madhe në botë – ku temperaturat arrijnë shifra rekord në 58 gradë.

Fotografi Karim Bouchetata ka shkrepur fotografi mbresëlënëse të borës dhe akullit në Ain Sefra, në veriperëndim të Algjerisë.

Brenda natës, zhiva në termometër në qytetin algjerian ka regjistruar temperaturën prej minus dy gradë.

Në shikim të parë krijohej përshtypja sikur Sahara është mbuluar me “një batanije gjigante të akullt”.

Rëra e mbuluar me borë po ndodh për herën e pestë në 42 vitet e fundit në këtë qytet, ku në vitin 1979, 2016, 2018 dhe 2021 janë parë pamje të ngjashme

Ain Sefra është rreth 5 mijë metra në lartësi mbidetare dhe është e rrethuar me malet Atlas.

Shkretëtira e Saharës mbulon shumicën e territorit të Afrikës Veriore, e sipas ekspertëve Sahara që sot është shumë e thatë, pas 15 mijë viteve pritet të jetë e gjelbëruar. /Telegrafi/

Continue Reading

Aktuale