Connect with us

Lajme

Spasovski: Autobusi i “Besa Transit” ka qenë teknikisht i rregullt dhe me regjistrim valid deri më 13 tetor të vitit 2022

Published

on

Autobusi i “Besa Transit” në vitin 2020 në 22 raste ka pasur hyrje-dalje nga vendi, ndërsa në vitin 2021 në kufirin shtetëror ka 113 kalime. Ky autobus për herë të parë është regjistruar në Shkup më 15.10.2020, në pronësi të BESA TRANS BTB SHPKNJP, kontrolli i fundit teknik është bërë më 05.10.2021, kumtoi ministri i Punëve të Brendshme, Oliver Spasovski.

Siç theksoi Spasovski pasditen e sotme në një konferencë për shtyp në Qeveri, konform rezultatit për vlera të matura nga kontrolli teknik i bërë nga ana e ekspertëve në personin e autorizuar juridik për kontroll teknik të automjeteve, nuk ka lëshime që tregojnë në mosfunksionim të automjeteve dhe nuk ka vërejtje.

“Vlefshmëria e regjistrimit është deri më 13.10.2022, dhe automjeti është prodhuar në vitin 2007. Në vitin 2020 ndaj Besa Transit është ngritur kallëzim penal për katër parregullsi të evidentuara për mosrespektim të protokolleve KOVID për transportin e udhëtarëve dhe në vitin 2021 sërish katër parregullsi të njëjta, të rrumbullakosura me Kërkesë për fillimin e procedurës për kundërvajtje në gjykatat kompetente.

Lidhur me të dhënat e fundit të marra nga Instituti i Mjekësisë Ligjore, Kriminologjisë dhe Deontologjisë Mjekësore në Fakultetin e Mjekësisë në Shkup, Spasovski informoi se është siguruar material biologjik nga familjarët e 44 udhëtarëve, ndërsa profilet e marra të ADN-së janë dorëzuar në Prokurorinë tonë të Shtetit, prokurorit Joveski. Ky material do t’u dorëzohet shërbimeve kompetente në Bullgari, të cilat do të bëjnë lidhjet nga familjarët me mbetjet e gjetura, ndërsa materiali biologjik për pasagjerin e 45-të është siguruar në Sofje.

Ministri iu referua edhe detajeve në lidhje me aksidentin. Ai tha se me datë 23.11.2021 ekipi i MPB-së ka qenë i pranishëm në vendin e aksidentit që ka ndodhur në autostradën A-3, segmenti Sofje – Dupnicë në Republikën e Bullgarisë.

“Në aksident është përfshirë autobusi “Mercedes Benz” me gtargë SK 0284 BA, në pronësi të personit juridik “Besa Trans” me seli në fshatin Rashçe, Komuna Saraj. Ajo që ekipi ka zbuluar në vendin e aksidentit është se autobusi në fjalë, i cili po udhëtonte nga Turqia për në Maqedoninë e Veriut, në vendin e quajtur Kullata në autostradën A3, ka goditur në bamnkinën dhe rrethojën elastike në anën e djathtë, e cila e ndan pushimoren ekzistues pranë autostradës, me ç’rast drejtuesi ka humbur kontrollin e mjetit dhe ka ardhur deri në vetëndezje të pjesës së jashtme të autobusit dhe më pas një përplasje në pjesën e mesme të rrethojës elastike të autostradës, e cila ka shkaktuar djegie të plotë të automjetit”, tha Spasovski.

Autobusi transportonte 52 udhëtarë dhe nga aksidenti dhe zjarri mbetën të vdekur 45 persona (informacion tha ministri, të cilin e ka konfirmuar edhe Prokuroria bullgare), ndërsa shtatë persona arritën të dalin nga autobusi dhe më pas u transferuan në klinikën UMBALSM “Pirogov” në Sofje.

“Kontrolli në vendin e ngjarjes është kryer nga prokurori kompetent i Shërbimit hetimor kKombëtar të Bullgarisë dhe ekspertë të licencuar të angazhuar nga prokurori, ndërsa sigurimin në vend të aksidentit e ka bërë policia rrugore e Policisë kombëtare të Bullgarisë. Ekipi ynë u njoftua nga prokurori për veprimet e ndërmarra prej tyre gjatë kontrollit dhe aktivitetet gjatë tërheqjes dhe dokumentimit të personave të pësuar në aksident. Më pas, ekipi në klinikën UMBALSM “N. I. Pirogov” në Sofje, është njoftuar për gjendjen shëndetësore të të lënduarve, gjatë së cilës ka zhvilluar një bisedë joformale me një person me pasqyrë të lehtë klinike dhe nga biseda ekipi është informuar më në detaje për qëndrimet e tij për ndodhjen dhe rrjedhën e aksidentit, si dhe për veprimet e ndërmarra nga ana e tij, me të cilat u mundësuan që nga autobusi pranë tij të dalin edhe gjashtë persona”, tha Spasovski.

Sipas tij, nevoja për bashkëpunim e kërkuar nga pala bullgare ka qenë më shumë për sigurimin e dokumenteve personale dhe dokumentacionit tjetër.

“Do të doja të sqaroja një dilemë rreth kompetencave. Policia bën kontrollim të dokumenteve, të cilat duhet t’i kenë personat dhe automjetet gjatë kalimit të kufirit shtetëror, përkatësisht pasaportat dhe kartat e identitetit për udhëtarët, kurse për automjetet pjesëtarët e MPB-së i kontrollojnë lejen e qarkullimit dhe kartonin e gjelbër. Departamenti për çështje kufitare dhe migracion pranë Byrosë për Siguri Publike në MPB nuk është kompetent për kontrollin e licencave për transport të autobusëve në vendkalimet kufitare. Kjo është në kompetencë të Drejtorisë doganore dhe Inspektoratit Shtetëror të Transportit”, nënvizoi Spasovski.

Në konferencën për shtyp në Qeveri janë të pranishëm edhe ministri i Punëve të Jashtme, Bujar Osmani, i cili informoi për transferimin e të lënduarve dhe eshtrat e viktimave, si dhe ministri i Transportit dhe Lidhjeve, Bllagoj Boçvarski.

Continue Reading

Lajme

Kontrabandë me lopë nga Maqedonia Veriore, ka të arrestuar

Published

on

By

Kontrabandë me lopë nga Maqedonia Veriore, ka të arrestuar

Policia e Kosovës njofton se ka arrestuar dy persona në Kaçanik, pasi të njëjtit dyshohet se kanë kontrabanduar lopë, nga Maqedonia e Veriut në Kosovë.

Sipas njoftimit, njësitet policore në koordinim me prokurorin dhe me Gjyqtarin e Procedurës Paraprake (GjPP) gjatë bastisjes në dy lokacione kanë gjetur 5 krerë lopë të cilat dyshohet se janë kontrabanduar.

Me urdhër të prokurorit kafshët janë konfiskuar nga Agjencia e Ushqimit dhe Veterinarisë dhe Dogana e Kosovës, ndërsa të dyshuarit me vendim të prokurorit janë dërguar në mbajtje.Rasti ka ndodhur dje rreth orës 22:00 në Glloboqicë të komunës së Kaçanikut.

Continue Reading

Kosovë

Kosova vazhdon të jetë vendi i vetëm në Evropë qytetarët e së cilës nuk gëzojnë të drejtën për lëvizje të lirë.

Published

on

By

Kosova vazhdon të jetë vendi i vetëm në Evropë qytetarët e së cilës nuk gëzojnë të drejtën për lëvizje të lirë.

Edhe pas 10 vjet prej kur ka filluar dialogu për liberalizimin e vizave, Kosova vazhdon të jetë e izoluar ndonëse Komisioni Evropian vite më parë rekomandoi liberalizimin e vizave pasi shteti ka përmbushur kriteret. Franca dhe Holanda janë dy vendet skeptike për liberalizimin e vizave, ndërsa Franca nga janari i 2022-së për gjashtë muaj mban presidencën e radhës të BE-së

Në një postim në Facebook, instituti Epik shkruan se më 19 janar 2012, Kosova dhe BE-ja kanë filluar dialogun për liberalizimin e vizave.

“Sot bëhen 10 vite që nga lansimi i dialogut”, thuhet më tej, shkruan Telegrafi.

Në infografikë, EPIK ka krahasuar kohëzgjatjen e procesit të liberalizimit të vizave të Kosovës me vende të tjera të rajonit dhe më gjerë.

Nga infografikë shihet se Kosova është vendi i vetëm që procesi i liberalizimit të ketë zgjatur kaq shumë.

Procesi i liberalizimit të vizave nga fillimi i dialogut për Gjeorgjinë, Moldavinë dhe Ukrainën ka zgjatur nga katër vite, për Shqipërinë dhe Bosnjën tri vite.

Ndërkaq, nga dy vite ka zgjatur për Maqedoninë, Malin e Zi dhe Serbinë.

Megjithatë, disa nga njohësit e çështjeve të integrimeve evropiane, deklarojnë se Kosova mund të ketë liberalizim të vizave gjatë vitit 2022, pasi Franca ka marrë kryesimin e radhës së Këshillit të Bashkimit Evropian.

Profesori i së drejtës ndërkombëtare Afrim Hoti, në një deklaratë për Telegrafin kishte thënë se mund të ketë lëvizje pozitive sa i përket vizave gjatë vitit 2022.

“Në kuptimin procedural nuk ka ndonjë diferencë të madhe, sepse sikur Franca edhe vendet e tjera kanë të njëjtin pozicion, udhëheqin presidencën e këshillit. Ndërsa, duke pasur parasysh specifikat që ka prezantuar Franca, deri më tash është e besueshme që mund të ketë lëvizje pozitive në atë drejtim. Sepse Franca dihet që deri tani ka qenë penguese e këtij procesi bashkë me ndonjë vend, jo të ndonjë rëndësie të madhe politike”, është shprehur ai.
Mendim ndryshe sa i përket çështjes së liberalizmit të vizave ka profesori i të Drejtës Evropiane, Avni Mazreku.

Mazreku ka thënë se nuk pret që Franca të fus në agjendë çështjen e liberalizmit të vizave, së paku në 6 muajt e parë të vitit 2022.

“Dihet që agjenda e Bashkimit Evropian përcaktohet nga trojka e Bashkimit Evropian, ashtu quhet pra, që nënkupton nga shteti që aktualisht e ka presidencën e radhës së BE-së. Franca është një nga shtetet më decidive të themi në përcaktimin e agjendës së BE-së, përkatësisht të Këshillit Evropian, për temat që do të trajtohen. Mund të konsiderohet po ashtu që këtë vit Franca futet në zgjedhje presidenciale dhe normalisht presidenti aktual Emmanuel Macron (është njëri nga kandidatët potencialë për tu rizgjedhur si president) të marrë parasysh që politika e kufijve të hapur nuk është temë popullore. Nuk pres që Franca do ta forcojë idenë e futjes në agjendë të çështjes së liberalizimit të vizave për së paku në gjashtëmujorin e parë të këtij viti”, potencoi ai.

Mazreku thotë se derisa Franca të përfundojë zgjedhjet presidenciale i afrohemi edhe fundit të kryesimit të saj në BE.

Continue Reading

Lajme

Më ftohtë në Hanet e Mavrovës, më shumë borë në Kodrën e Diellit

Published

on

By

Shkup, 19 janar 2022 (MIA) – Më ftohtë në mëngjes në shtet është në Hanet e Mavrovës, ku në orën 07:00 janë matur -12 gradë, si dhe Kodrën e Diellit -11, Berovë -10, Kriva Pallankë – 9. Në Pretor, Manastir dhe Krushevë temperaturat është ulur 8 gradë nën zero, -7 në Tetovë, -6 në Ohër dhe Prilep, -5 në Strumicë dhe Vinicë, -4 në Shkup-Petrovec, -2 në Shtip dhe Demir Kapi, -1 në Shkup – Zajçev Rid dhe 2 gradë në Gjevgjeli.

Në Kodrën e Diellit 32 centimetra borë, në Hanet e Mavrovës 15, shtatë në Krushevë, dhe në Gjurishtë dhe Pozharane pesë centimetra.

Nga mëngjesi në disa pjesë të rajonit të Shkupit fryn erë mesatare, ndërsa në Shtip era e mëngjesit të sotëm arrin shpejtësinë herë pas here deri në 40 kilometra në orë.

DPHM paralajmëroi se paradite do të jetë ftohtë, ndërsa gjatë ditës me diell me vranësira të vogla lokale që pasdite do të zvogëlohen. Do të fryjë erë e lehtë deri mesatare veriperëndimore, më e theksuar në drejtim të Povardarit. Temperatura maksimale do të arrijë nga 2 deri në 9 gradë.

Në Shkup moti do të jetë me diell dhe paradite ftohtë me erë të dobët deri në mesatare veriore. Temperatura maksimale do të arrijë 7 gradë.

Deri nesër pasdite moti do të jetë stabil dhe i thatë, me temperatura më të ulëta në mëngjes. Valë e lagësht dhe e ftohtë me reshje të borës do të përhapet nga perëndimi në orët e mbrëmjes dhe gjatë natës. Për shkak të temperaturave të ulëta do të ketë ngrica. Të premten gjatë ditës reshjet do të përfundojnë. Reshje më të dendura do të ketë në pjesët perëndimore ku kudo do të ketë borë, ndërsa në zonat malore do të ketë rritje. Shtresë më të vogël të borës do të formohet edhe në pjesët tjera, përveç në pjesën e ulët të Luginës së Vardarit.

Continue Reading

Aktuale