Connect with us

Shëndeti

Sahin: BioNTech tani e fokusuar tek trajtimi i kancerit

Published

on

Objektivi i tyre ishte të gjenin një kurë për të luftuar kancerin, por aktualisht, e gjithë bota e njeh këtë kompani për zhvillimin e vaksinës së parë kundër koronavirusit. Themeluesit e kompanisë gjermane BioNTech, Ugur Sahin dhe Ozlem Tureci, tashmë e kanë përqendruar vëmendjen tek gjetja e një kure për kancerin. Korrespondentja e Zërit të Amerikës, Dilge Timocin, bisedoi me zotin Ugur Sahin rreth përpjekjeve të kompanisë për të gjetur një kurë kundër kancerit.

Ugur Sahin dhe Ozlem Tureci hynë në histori duke zhvilluar vaksinën kundër koronavirusit. Aktualisht, kompania e tyre BioNTech po rikthet tek objektivi i mëparshëm, për të gjetur një kurë kundër kancerit.

Zoti Sahin, i cili mori pjesë në një takim shkencor për kancerin në kryeqytetin amerikan, thotë se synon të bashkojë teknologjinë mRNA me terapinë CAR T-Cell, që zakonisht përdoret për të trajtuar disa lloje kanceresh në gjak.

Në një bisedë me Zërin e Amerikës, ai thotë se qëllimi i kompanisë BioNTech është bashkimi i këtyre dy teknologjive për të krijuar një kurë që lufton tumoret.

“Ende nuk ka prova të shumta që qelizat CAR T funksionojnë ndaj tumoreve. Por ne besojmë se kombinimi i objektivit të duhur plus vaksina, mund të ndihmojnë për të tejkaluar këtë kufizim.”

Terapia CAR T kërkon heqjen e qelizave T nga pacientët, modifikimin gjenetik të tyre për të sulmuar kancerin dhe më pas rifutjen e tyre tek pacienti për të sulmuar tumorin.

Zoti Sahin thotë se është përqendruar tek proteina Claudin-6 dhe se po vazhdon hulumtimet për të bashkuar terapinë CAR T me një vaksinë për të rritur aftësitë e trupit për të prodhuar qeliza CAR T dhe zgjatur afatin kohor që ato sulmojnë kancerin në trup.

“Claudin-6 gjendet në qelizat tumorale. Përmes CAR T synohet që receptorët të zbulojnë Claudin-6 dhe të asgjesojnë qelizat tumorale. Nëse qelizat CAR T injektohen, ato i njohin dhe i asgjesojnë qelizat tumorale, por pas një kohe ato ndalojnë së funksionuari.”

Efekti anësor i terapisë me qeliza CAR T, thonë ekspertët, është se mund të prodhojë toksicitet dhe mund të shkaktojë inflamacion të rëndë dhe enjtje të trurit, çfarë mund të jetë fatale.

Hulumtuesit thonë se në qelizat e shëndetshme, mungesa e proteinës Claudin-6, ku është e përqendruar edhe puna e kompanisë BionNTech, duket se ul rrezikun.

“Hulumtimet tona tregojnë se është ende herët dhe se ky lloj trajtimi duket të jetë i sigurt. Në provat klinike kemi vënë re tkurrjen e tumoreve, një shenjë premtuese”, thotë për Zërin e Amerikës zoti Sahin.

Ai shton se synimi nuk është vetëm zvogëlimi i tumorit, por që të mos kthehet më. Në provat klinike, thotë ai, marrin pjesë 20 deri 25 pacientë. Përzgjedhja e tyre varet nëse në qelizat tumoriale vërehet proteina Claudin-6.

“Në provat klinike kemi pacientë që vuajnë nga kanceri i vezoreve, i mitrës,ose organeve gjenitale. Dhe po përfshijmë edhe pacientë me një lloj të rrallë kanceri gjiri dhe lloje të tjera”, thotë për Zërin e Amerikës zoti Ugur Sahin.

Në takimet vjetore të Shoqatës për Imunoterapinë e Kancerit në Uashington, zoti Ugur Sahin prezantoi disa të dhëna paraprake nga studimet klinike.

Sipas zotit Sahin, zakonisht duhen tre deri katër vjet para se trajtimi të marrë miratimin për përdorim të gjerë. Në shtetet e Bashkuara terapia me qelizën CAR T kushton afro 400 mijë dollarë. Ende nuk mund të parashikohet sa mund të kushtojë terapia e re nga kompania BioNTech nëse miratohet në të ardhmen./VOA/

Continue Reading

Shëndeti

Teknika e re ‘pioniere’ që mund të dallojë kancerin e syrit – i duhet ‘më pak se një sekondë’

Published

on

Pengesa më e madhe për përmirësimin e shkallës së mbijetesës së kancerit është vonesa në zbulimin.

Fatmirësisht, përparimet e teknologjisë po ndihmojnë për të ngushtuar hendekun midis zbulimit dhe diagnostikimit.

Studiuesit kanë zhvilluar një pajisje “pioniere” 3D e cila mund të ndihmojë në zbulimin e kancerit të syrit në një mënyrë të shpejtë, efikase dhe të lirë.

Pajisja me kosto të ulët, e cila mund të kapë imazhe 3D të syrit, mund të ndihmojë gjithashtu në zbulimin e glaukomës – një gjendje tjetër e syve që përfiton nga zbulimi i hershëm. Pajisja mund të kapë imazhe të retinës, pjesës së pasme të syrit dhe kornesë dhe mund të shtohet në një llambë të çarë e cila përdoret zakonisht nga optometristët për të kontrolluar shëndetin e syrit.

Makinat ekzistuese për imazhe 3D mund të kushtojnë deri në 118 mijë euro gjë që shpesh i bën ato shumë të shtrenjta për përdorim në shkallë të gjerë të popullsisë.

Një version i modifikuar i teknologjisë mund të bëjë të mundur që njerëzit të bëjnë “selfie” të retinës së tyre, që do të thotë se makina mund të përdoret në mjedise jo të mbikëqyrura si farmacitë. Pajisja është zhvilluar nga Doktor Mario Giardini, Doktor Ian Coghill dhe Kirsty Jordan, në Departamentin e Inxhinierisë Biomjekësore të Universitetit të Strathclyde.

Doktor Giardini tha: “Pacientët mund të fotografohen lehtësisht dhe me kosto të ulët, pa nevojën e pranisë së një specialisti. Pajisja jonë merr imazhe 3D në mënyrë të besueshme dhe është e rehatshme dhe e shpejtë, në më pak se një sekondë”.

“Teknologjia ka potencialin të revolucionarizojë ekzaminimin dhe ndjekjen brenda komunitetit të kushteve të tilla si glaukoma, siç mund ta përballonte çdo optometrist, kudo në botë. Kjo punë e bën diagnostikimin e syve më të aksesueshëm, duke reduktuar pabarazitë”.

Continue Reading

Shëndeti

Dy sëmundjet nga të cilat rrezikoheni nëse flini me dritë ndezur në dhomën e gjumit

Published

on

Nuk janë të paktë ata që janë mësuar të flenë me dritë në dhomën e tyre.Diçka që është e dëmshme për shëndetin tonë, sipas një studimi të ri shkencor nga Universiteti Northwestern.

Në mënyrë të veçantë, u vu re se çdo ekspozim ndaj dritës gjatë natës lidhej me një rrezik më të lartë të obezitetit, presionit të lartë të gjakut (hipertensionit) dhe diabetit tek të rriturit e moshuar.

“Pavarësisht nëse është telefoni juaj apo televizori i lënë ndezur gjatë kohës që flini, edhe ndotja nga drita e qytetit të madh, mund të rrisë rrezikun e diabetit dhe sëmundjeve kardiovaskulare, veçanërisht për njerëzit e moshuar”, thotë bashkëautori i studimit dhe asistent profesor i neurologji në Shkollën e Mjekësisë të Universitetit Northwestern Feinberg dhe një mjek i Mjekësisë Veriperëndimore.

Continue Reading

Shëndeti

Ja sa dëm i shkaktoni trupit kur nuk hani mëngjes

Published

on

Mos e lini mëngjesin pa ngrënë është këshilla e përjetëshme e nënave dhe gjysheve.

Shpesh konsiderohet si një nga vaktet më të rëndësishme të ditës i cili ju mban të ngopur e të fortë për gjatë gjithë ditës.

Por si qëndron e vërteta për këtë vakt të ditës?

A është vertëtë mëngjesi kaq i rëndësishëm për t’u konusmuar?

Në këtë artikull nga AgroWeb.org ju tregojmë se përse ky vakt konsiderohet më i rëndësishëm se dreka dhe darka.

Zgjidhni ushqimet dhe jo vaktin
Kjo është e vërtetë dhe funksionon për persona të caktuar edhe sipas ekseprtëve.

Nëse nuk keni dëshirë të konsumoni një vakt të plotë sapo zgjoheni në mëngjes për disa persona mund të jetë e pranueshme.

E rëndësishme është të zgjidhni se çfarë do të konsumoni në mëngjes.

Në vend të një pjatë të mbushur me petulla apo drithra me sheqer, zgjidhni të konsumoni shumë proteina.

Mjafton një gotë me lëng frutash apo një frut për të mbushur stomakun tuaj plot me shëndet.

Nëse konsumoni që në mëngjes ushqime të pasura me fibra do të ndiheni të ngopur për një kohë më të gjatë dhe kjo do të ndihmojë më energjinë tuaj gjatë gjithë ditës.

Nga ana tjetër nëse e detyroni veten të mos konsumoni mëngjes edhe kur keni uri rrezikoni të ulni nivelin e sheqerit në gjak që prek më pas prodhimin e insulinës duke shkaktuar një sërë problemesh në trupin tuaj.

Kur qëndroni shumë pa ngrënë do të ndiheni të lodhur, trupi juaj do të sforcohet më shumë dhe kjo pa dyshim që është e dëmshme.

Në rast se nuk po praktikoni një regjim strikt, atëhere lënia e mëngjesit pa ngrënë në këtë rast do të ishte shumë e dëmshme për organizmin dhe do t’ju bënte të irritoheshit më shpejt gjatë ditës tuaj.

Po kur nuk keni uri?
Në rastet kur nuk keni uri sipas ekspertëve përgjigja e duhur për trupin do të ishte të mos konsumoni çdo gjë sapo zgjoheni në mëngjes.

Gjithsesi është e rëndësishme të kuptoni arsyen se përse nuk keni uri në mëngjes, ndoshta po konsumoni darkën shumë vonë.

Ndoshta po konsumoni për një kohë të gjatë vakte të rënda të cilat stomaku juaj i tret me vështirësi.

Nëse nuk doni të vraponi menjëherë në kuzhinë sapo zgjoheni atëherë mos e bëni.

E rëndësishme është të konsumoni diçka 2-3 orët e para pasi jeni zgjuar.

Ekspertët këshillojnë që t’i konsumoni të tre vaktet në një ditë, por që gjithashtu të dëgjoni edhe trupin tuaj e të zgjidhni gjithnjë ushqimet më të shëndetëshme.

Continue Reading

Aktuale