Connect with us

Shëndeti

Nisma “Aferdita Ime”, në ndihmë të të prekurve me kancer

Published

on

Dr. Argita dhe Dr. Detina Zalli, dy motrat shkencëtare e nisën kete nisëm të quajtur “ Afërdita Ime ” për herë të parë në Shqipëri në datën 8 Maj 2021 tek qendra Komunitare Multidisiplinare ne Tiranë, dhe gjithashtu e vazhduar në Kosovë në qytetin e Prizerenit në datën 7 Gusht 2021. Përveç arsyes humanitare, doktoreshat gjithashtu kishin një arsye shumë të fortë dhe personale që i bëri të ndërmerrnin këtë nisëm. Para 6 viteve, nëna e tyre Afërdita, u përball për herë të parë me sëmundjen e kancerit. Kjo është dhe arsyeja pse kjo nisëm është quajtur “ Afërdita Ime ”

Duke qenë kaq pranë ndjenjës që personi kalon në momente të tilla të vështira, Dr.Argita dhe Dr.Detina duan të japin kontributin e tyre ndaj personave që janë të prekur nga kjo sëmundje si dhe familjarëve të tyre. Këtë nisëm e realizuan dhe e drejtojne duke ju besuar stafit të We Speak Science në Shqipëri me në krye bashkëudheheqsit Z. Gjergji Pashaj, Znj Stefania Hasanaj ne Tirane dhe Znj Elona Raci në Kosovë të cilët se bashku me pjesetaret e tjere te nismes duke perfshire :
Znj Sarah Ibershimi, Sara Gjevori, Manuela Ismailaj, Emirjeta Demishaj , Albiona Tafa, Erzana Xhaferi dhe Xheilane Kastrati, të gjitha studente të mjekësisë në Shqipëri dhe Kosovë ju gjenden pranë të shtunën e parë të çdo muaji pacientëve.
Një kontribut shumë të madh ka dhënë dhe bashkia e Tiranës duke hapur dyert e saj ku mund të përmendim Znj Matilda Zizolli dhe Znj Oltiana Rama dhe zonja Violeta Pirana në Kosovë.

Qëllimi i nismës “Aferdita Ime”:

1 – Të ndihmojmë me këshilla mjekësore, ndihma psiko – sociale dhe bashkëbisedim në grup midis stafit të “Afërdita Ime” dhe pacientëve, ku ata të shprehen mbi sëmundjen e tyre .

2 – Të rrisim ndërgjegjësimin në komunitetin tonë për parandalimin dhe trajtimin e kancerit .

3 – Të sjellim për pacientët shqiptarë një qasje të të rejave shkencore ndërkombëtare .

4 – Të sjellim në Shqipëri një risi ndryshe, e cila ka në fokus jo vetëm mirëqenien fizike , por edhe atë psikologjike dhe emocionale.

5 – Mbledhja e fondeve të cilat do të shërbejnë një ndihmë e madhe për të gjithë ata pacientë që e kanë të pamundur trajtimin dhe egzaminimin e sëmundjes .

6 – Sigurimi i ekspertizës së onkologëve më të njohur ne UK dhe SH.B.A ku gjatë gjithë seancave nuk kanë munguar dy shkenctare nga universiteti Imerial Colege London si: Dr Manuela Mura duke bërë një prezantim mbi kancerin metastatik, Dr Nagina Mangal ku ka bere një prezantim mbi rendesin e perdorimit të vajit të kanabisit në luftën me semundjen e kancerit, Dr Ina Kulari (mjeke ne SHBA) duke bere prezantim mbi llojet e kancerit dhe trajtimin e tyre.
Mbetet vazhdimisht e hapur ftesa për bashkëpunim dhe për mjeket në Shqiperi për tju bashkuar nismës Aferdita Ime duke dhënë kontribut vullnetar në ndihmë të pacientëve onkologjik.

7- Të përhapim nismën Afërdita Ime në të gjitha trevat shqipë folëse duke ndihmuar shqipëtarët kudo qē janë.

Continue Reading

Shëndeti

Varianti i ri i Covid mund t’i bëjë vaksinat 40% më pak efektive

Published

on

Sekretari i Shëndetësisë së Mbretërisë së Bashkuar, Sajid Javid ngriti një alarm ditën e sotme për variantin e ri të Covid, i cilësuar edhe si i keqi i parë deri tani se do t’i bëjë vaksinat të paktën 40 për qind më pak efektive.

Fluturimet janë ndaluar nga Afrika e Jugut dhe pesë vende të tjera. Ekspertët shpjeguan më herët se si varianti B.1.1.529 ka më shumë se 30 mutacione, dy herë më shumë se Delta dhe mund të jetë më rezistent ndaj goditjeve dhe më i transmetueshëm se çdo version para tij.

“Shkencëtarët tanë janë thellësisht të shqetësuar për këtë variant. Unë jam i shqetësuar, sigurisht, kjo është një nga arsyet që ne kemi ndërmarrë këtë veprim sot. Me aq informacion sa kemi për këtë variant mund të themi se mund të jetë më i transmetueshëm se varianti Delta dhe vaksinat që kemi aktualisht mund të jenë më pak efektive kundër tij,” tha Sekretari.

Varianti, i cili mund të quhet ‘Nu’ nga Organizata Botërore e Shëndetësisë në ditët në vijim, ka shkaktuar një rritje “eksponenciale” të infeksioneve në Afrikën e Jugut dhe tashmë është përhapur në tre vende, përfshirë Hong Kongun dhe Botsvanën, ku besohet të ketë dalë.

Continue Reading

Shëndeti

Sahin: BioNTech tani e fokusuar tek trajtimi i kancerit

Published

on

Objektivi i tyre ishte të gjenin një kurë për të luftuar kancerin, por aktualisht, e gjithë bota e njeh këtë kompani për zhvillimin e vaksinës së parë kundër koronavirusit. Themeluesit e kompanisë gjermane BioNTech, Ugur Sahin dhe Ozlem Tureci, tashmë e kanë përqendruar vëmendjen tek gjetja e një kure për kancerin. Korrespondentja e Zërit të Amerikës, Dilge Timocin, bisedoi me zotin Ugur Sahin rreth përpjekjeve të kompanisë për të gjetur një kurë kundër kancerit.

Ugur Sahin dhe Ozlem Tureci hynë në histori duke zhvilluar vaksinën kundër koronavirusit. Aktualisht, kompania e tyre BioNTech po rikthet tek objektivi i mëparshëm, për të gjetur një kurë kundër kancerit.

Zoti Sahin, i cili mori pjesë në një takim shkencor për kancerin në kryeqytetin amerikan, thotë se synon të bashkojë teknologjinë mRNA me terapinë CAR T-Cell, që zakonisht përdoret për të trajtuar disa lloje kanceresh në gjak.

Në një bisedë me Zërin e Amerikës, ai thotë se qëllimi i kompanisë BioNTech është bashkimi i këtyre dy teknologjive për të krijuar një kurë që lufton tumoret.

“Ende nuk ka prova të shumta që qelizat CAR T funksionojnë ndaj tumoreve. Por ne besojmë se kombinimi i objektivit të duhur plus vaksina, mund të ndihmojnë për të tejkaluar këtë kufizim.”

Terapia CAR T kërkon heqjen e qelizave T nga pacientët, modifikimin gjenetik të tyre për të sulmuar kancerin dhe më pas rifutjen e tyre tek pacienti për të sulmuar tumorin.

Zoti Sahin thotë se është përqendruar tek proteina Claudin-6 dhe se po vazhdon hulumtimet për të bashkuar terapinë CAR T me një vaksinë për të rritur aftësitë e trupit për të prodhuar qeliza CAR T dhe zgjatur afatin kohor që ato sulmojnë kancerin në trup.

“Claudin-6 gjendet në qelizat tumorale. Përmes CAR T synohet që receptorët të zbulojnë Claudin-6 dhe të asgjesojnë qelizat tumorale. Nëse qelizat CAR T injektohen, ato i njohin dhe i asgjesojnë qelizat tumorale, por pas një kohe ato ndalojnë së funksionuari.”

Efekti anësor i terapisë me qeliza CAR T, thonë ekspertët, është se mund të prodhojë toksicitet dhe mund të shkaktojë inflamacion të rëndë dhe enjtje të trurit, çfarë mund të jetë fatale.

Hulumtuesit thonë se në qelizat e shëndetshme, mungesa e proteinës Claudin-6, ku është e përqendruar edhe puna e kompanisë BionNTech, duket se ul rrezikun.

“Hulumtimet tona tregojnë se është ende herët dhe se ky lloj trajtimi duket të jetë i sigurt. Në provat klinike kemi vënë re tkurrjen e tumoreve, një shenjë premtuese”, thotë për Zërin e Amerikës zoti Sahin.

Ai shton se synimi nuk është vetëm zvogëlimi i tumorit, por që të mos kthehet më. Në provat klinike, thotë ai, marrin pjesë 20 deri 25 pacientë. Përzgjedhja e tyre varet nëse në qelizat tumoriale vërehet proteina Claudin-6.

“Në provat klinike kemi pacientë që vuajnë nga kanceri i vezoreve, i mitrës,ose organeve gjenitale. Dhe po përfshijmë edhe pacientë me një lloj të rrallë kanceri gjiri dhe lloje të tjera”, thotë për Zërin e Amerikës zoti Ugur Sahin.

Në takimet vjetore të Shoqatës për Imunoterapinë e Kancerit në Uashington, zoti Ugur Sahin prezantoi disa të dhëna paraprake nga studimet klinike.

Sipas zotit Sahin, zakonisht duhen tre deri katër vjet para se trajtimi të marrë miratimin për përdorim të gjerë. Në shtetet e Bashkuara terapia me qelizën CAR T kushton afro 400 mijë dollarë. Ende nuk mund të parashikohet sa mund të kushtojë terapia e re nga kompania BioNTech nëse miratohet në të ardhmen./VOA/

Continue Reading

Shëndeti

Identifikohet rasti i parë me variantin Covid-HIV Aids në Europë

Published

on

Është shënuar rasti i parë i variantit Covid-HIV Aids në Europë. Bëhet fjalë për një grua belge, e cila zhvilloi simptoma të lehta të ngjashme me gripin 11 ditë pasi udhëtoi për në Egjipt nëpërmjet Turqisë.

Sipas informacioneve deri më tani, asnjë nga anëtarët e familjes së saj nuk ka shfaqur simptoma. Gjithashtu, sipas mjekëve pacientja kishte një ngarkesë të lartë virale në momentin e diagnostikimit.

Shkencëtarët deri më tani kanë zbuluar variantin B.1.1.529 në një numër relativisht të vogël në Afrikën e Jugut, Botsvana dhe Hong Kong, por janë të shqetësuar për numrin e madh të mutacioneve që mund ti shpëtojnë vaksinave.

Drejtori i Qendrës Epidemike të Afrikës së Jugut, Tulio de Oliveira , tha për Financial Times se ai ishte “i shqetësuar” dhe kishte diskutuar rreth variantit më të ri me zyrtarët e OBSH-së. Ai vlerësoi se rreth 90% e rasteve të reja në rajonin Gauteng të Afrikës së Jugut, që përfshin Johannesburgun, u shkaktuan nga varianti i ri.

Continue Reading

Aktuale