Connect with us

Kosovë

Vuçiqit i dhemb reagimi ambasadorit gjerman për boksierët e Kosovës

Published

on

Vuçiqit i dhemb reagimi ambasadorit gjerman për boksierët e Kosovës

Presidenti i Serbisë, Aleksandar Vuçiq, ka komentuar të martën një deklaratë të ambasadorit gjerman në Kosovë, Jörn Rohde, që ka bërë lidhur me mos lejimin e boksierëve të Kosovës nga autoritet serbe për të marrë pjesë në një Kampionatin Botëror të boksit në Serbi.

Reagimi i Vuçiqit vjen pasi boksierët nga Kosova nuk lejuan të hyjnë në Serbi, me simbolet shtetërore në rekuizitat e tyre sportive.

Ky veprim i autoriteteve serbe ka ngjallur reagime të shumta, jo vetëm në Kosovë, por edhe në qarqet diplomatike.

Ambasadori i Gjermanisë në Kosovë, Jörn Rohde, ka thënë të martën se politizimi i sporteve nuk është kurrë ide e mirë.

Në një shkrim në Twitter, Rohde tha se sporti nuk duhet përzier me politikën dhe se ky refuzim është shembull i “Ballkanit të Mbyllur” dhe jo Ballkanit të Hapur.

Tutje ambasadori mbështeti zëdhënësin e BE-së Peter Stano, i cili tha se BE-ja mbështet kërkesën e Asociacionit Ndërkombëtar të Boksit që Federatës së Boksit të Kosovës t’i mundësohet pjesëmarrja e barabartë në gara.

“Siç tha dje një zëdhënës i BE-së, “pajtimi afatgjatë midis shoqërive fillon me shkëmbime intelektuale, kulturore, sportive dhe artistike. Shkëmbime të tilla janë thelbësore për ndërtimin e mirëkuptimit të ndërsjellë.”

“Politizimi i sportit nuk është kurrë një ide e mirë. Parandalimi i pjesëmarrjes së boksierëve të Kosovës në @AIBA_Boxing shkon në drejtim të kundërt. Ky është fatkeqësisht një shembull i Ballkanit të mbyllur jo të hapur”, shkroi Ambasadori.

Reagimi i ambasadorit gjerman nuk i ka pëlqyer presidentit serb, Aleksandar Vuçiq.

“Është mirë që ambasadori gjerman në Prishtinë nuk ka reaguar kur u është ndaluar pjesëmarrja sportistëve tanë dhe klubeve tona, të cilat vetëm kanë dëshiruar të luajnë futboll. Siç mora vesh, ata nuk janë lajmëruar për pjesëmarrje, por vetëm kanë bërë shfaqje në kufi, kështu që, sinqerisht, nuk mund të merrem çdo gjë”, ka thënë Vuçiq në selinë e partisë së tij, Partia Përparimtare Serbe.

Edhe kryeministri i Kosovës Albin Kurti, ka reaguar ndaj Serbisë pasi ndaloi pjesëmarrjen e boksierëve kosovarë në Kampionatin Botëror të Boksit në Beograd.

Përmes një shkrimi në Twitter, Kurti i ka bërë thirrje Bashkimit Evropian që të dënojë veprimin diskriminues të Beogradit.

“Serbia duhet të tregojë forcën e saj në ringun e boksit jo në kufi. Vendimi i tyre për të mos lejuar hyrjen e sportistëve tanë për Kampionatin Botëror të Boksit 2021 është një shkelje e normave ndërkombëtare të sportit. I bëj thirrje BE-së dhe bashkësisë ndërkombëtare ta dënuar këtë shkelje dhe veprim diskriminues”, shkruan Kurti.

Edhe Ministria e Punëve të Jashtme e Kosovës ka reaguar pasi iu ndalua hyrja në Serbi boksierëve nga Kosova.

MPJD nëpërmjet një reagimi ka bërë të ditur se Qeveria e Kosovës së bashku me aleatët, po punon fuqishëm që t’i largojë barrikadat ilegale të Serbisë në Kampionatin Botëror.

Më 26 tetor, ministri i Kulturës, Rinisë dhe Sportit i Kosovës, Hajrullah Çeku, ka paralajmëruar se, gjatë kësaj jave, Kosova do të vendosë për ndalimin e zhvillimit të “aktiviteteve sportive paralele” serbe.

Sipas tij, në Kosovë funksionojnë shumë struktura paralele të federatave serbe, në kundërshtim me ligjet e Kosovës.

Continue Reading

Kosovë

Plagosen dy persona në Mitrovicë të Veriut

Published

on

By

Plagosen dy persona në Mitrovicë të Veriut

Dy persona janë plagosur mbrëmë vonë në afërsi të një lokali në Mitrovicë të Veriut.

Deri të plagosja ka ardhur pas një rrahje e cila filloi mes disa personave, teksa të plagosurit janë jashtë rrezikut për jetë.

Lajmin për Telegrafin e ka konfirmuar zëdhënësi i Policisë së Kosovës për rajonin e Mitrovicës së veriut, Besim Hoti.

Ai ka njoftuar po ashtu se disa persona janë shoqëruar në stacionin policor.

“Ka pasur një rrahje, janë përfshirë disa persona, pastaj është përdorur edhe arma e zjarrit, janë plagosur dy persona, të cilët kanë marrë plagë në këmbë, në muskuj të këmbës e ne thembër, janë jashtë rrezikut për jetë”, tha Hoti. /Telegrafi/

Continue Reading

Kosovë

Prishtina mbulohet me borë

Published

on

By

Prishtina mbulohet me borë

Kryeqyteti mëngjesin e së martës u mbulua nga bora.

Fotoreporteri i Telegrafit, Ridvan Slivova sjellë për lexuesit e Telegrafit fotografi nga kryeqyteti.

Ndryshe, Instituti Hidrometeorologjik i Kosovës bën të ditur se vendi do të jetë nën ndikimin e masave të ajrit me presion të ulët atmosferik.

IHK njofton se në fushat termike do të ketë rënie sidomos në vlerat e temperaturave minimale, ndërkaq të martën do të ketë reshje dëbore.

Temperaturat minimale do të lëvizin ndërmjet -4 deri 4 gradë Celsius, ndërsa maksimalet e ditës parashihen të lëvizin ndërmjet 3-13.

Të premten sërish do të ketë zhvillim të vranësirave të cilat parashihen të sjellin reshje.

Do të fryjë erë kryesisht nga veriperëndimi me shpejtësi 1-12 m/s. /Telegrafi/

Continue Reading

Kosovë

Ilir Dugolli, ambasador i Kosovës në SHBA?

Published

on

Diplomati Ilir Dugolli pritet të jetë ambasador i ri i Kosovës në Shtetet e Bashkuara të Amerikës. Tash që nga Washingtoni është larguar i ngarkuari me punë, vendi ka mbetur i zbrazët. Ilir Dugolli nuk është përgjigjur në pyetjet me shkrim të dërguara në adresë të tij, e as MPJ-ja. Gazeta Express ka mësuar se Dugolli është emri më i mundshëm për të shkuar në Washington, DC, si ambasador i Kosovës. Këtë e thotë edhe një nga anëtarët e Komisionit Parlamentar pë Punë të Jashme.

Valdet Sadiku, nga marsi i këtij viti ishte bërë shef i Ambasadës së Kosovës në Washington. Por më shumë se tetë muaj pasi institucionet e Kosovës e kishin ngarkuar Sadikun me punë në misionin kryesor diplomatik, ai u largua prej atje.

“Sot u them lamtumirë miqve këtu në SHBA, por do ta mbaj përgjithmonë me vete mbështetjen dhe respektin që kam pasur gjatë gjithë kohës. Çfarë nderi i jashtëzakonshëm që i kam shërbyer vendit tim në Washington DC. Përkushtimi i SHBA-së ndaj Kosovës është një bekim i vërtetë!”, ka shkruar ai të premten në Twitter.

Në SHBA, nuk dihet se kur do të shkojë shefi i ri i misionit diplomatik, por ai, sipas burimeve të Gazetës Express, ai do të jetë Ilir Dugolli, i cili deri në publikimin e këtij teksti nuk është përgjigjur në pyetjet për këtë çështje.

Komisioni për Punë të Jashtme nuk e bën shqyrtimin e emrave të propozuar pë ambasadorëve të karrierës, por vetëm ambasadorëve politikë. Megjithatë, anëtarja e Komisionit parlamentar për Punë të Jashtme, Ariana Musliu-Shoshi, thotë se duhet të kishin pasur së paku informacione zyrtare edhe për këto emërime.

“Në Amerikë konkretisht e kanë propozuar një ambasador të karrierës. Sipas informatave jozyrtare, është Ilir Dugolli”, i ka thënë Expressit Shoshi.

Ministrja e Punëve të Jashtme, Donika Gërvalla do të raportojë nesër në Komisionin parlamentar për Punë të Jashtme dhe Musliu-Shoshi tha se do ta pyes për ambasadorin e ri në Washington.

“Si anëtare e Komisionit, unë mendoj që edhe ambasadorët e karrierës është dashtë me ardhë në Komisionin për Punë të Jashtme, të paktën si informatë. Mirëpo si informatë zyrtare nuk e kemi. I kemi vetëm ambasadorët që janë politikë, e ata janë.. me ligj duhet me ardhë në Komision për Punë të Jashtme. Nesër e kemi në raportim ministren e Punëve të Jashtme dhe do t’ia bëj këtë pyetje”, tha Musliu-Shoshi.

Deputetja e PDK-së kishte për këtë edhe në Kuvendin e Kosovës, por kryediplomatja nuk kishte qenë e pranishme. Kryeministri Albin Kurti pati thënë se pyetjes mund t’i përgjigjej vetëm Gërvalla.

Për emrin e ambasadorit të ri në SHBA nuk ka informacione deputetja e AAK-së dhe anëtarja tjetër e Komisionit për Punë të Jashtme, Time Kadrijaj.

“Për besë nuk kemi informacion, se kjo është pak konfidencë, dhe vetëm ambasadorët politikë vijnë tek ne, për intervostime dhe me i kalu procedurat parlamentare. Ndërsa ambasadorët e karrierës nuk vijnë tek ne”, ka thënë ajo për Express.

Kush është Ilir Dugolli?

Ilir Dugolli aktualisht është ambasador i Kosovës në Turqi.

Ai ishte emëruar shef i misionit diplomatik në Ankara në vitin 2019. Emërimi i tij ishte bërë me propozim të zëvendëskryeministrit dhe ministrit të atëhershëm të Punëve të Jashtme, Behgjet Pacollit.

Më herët, Dugolli ka qenë ambasador në Belgjikë.

Ai po ashtu ishte akredituar si ambasador i jashtëzakonshëm dhe fuqiplotë i Kosovës në Estoni, atëherë me rezidencë në Belgjikë.

Dugolli ka studiuar në Universitetin britanik “Yale” dhe në “Central European University”./Express

Continue Reading

Aktuale