Connect with us

Lajme

Afaristët kërkojnë masa lehtësuese për shkak të rritjes së inflacionit

Published

on

Afaristët kërkojnë masa lehtësuese për shkak të rritjes së inflacionit

Afaristët në Maqedoninë e Veriut thonë se gjithnjë e më shumë po e ndjejnë presionin e rritjes së çmimeve të energjisë elektrike dhe të karburanteve, prandaj ata kërkojnë që autoritetet t’u ofrojnë lehtësira tatimore.

Sipas të dhënave të Entit Shtetëror të Statistikave, në periudhën janar-shtator të këtij viti, çmimet me pakicë janë rritur për 3.7 për qind krahasuar me periudhën e njëjtë të vitit 2020, ndërkaq kostoja e jetesës është rritur për 2.8 për qind, duke paraqitur inflacion në këtë shkallë.

Nga Banka Popullore e Maqedonisë së Veriut theksojnë se nuk ka vend për panik pasi inflacioni do të rritet, por norma mesatare nuk do ta kalojë shifrën prej 3 për qind.

Megjithatë në Odën Ekonomike të Maqedonisë Veriperëndimore thonë se kompanitë e para që do të goditen nga rritja e çmimeve të energjisë elektrike, janë ato kompani që bëjnë shpërndarjen e energjisë.

“Natyrisht se goditja e parë do të bie mbi kompanitë e elektro-distribuimit, të cilat në fakt do të duhet t’i zbatojnë kontratat e tyre paraprake që janë bërë me një çmim tjetër dhe tani rrymën të cilën e importojnë, është më e shtrenjtë nga ajo që ishte paraparë në kontratat e realizimit. Kjo ka efekt zinxhiror, pasi atë do ta ndiejnë kompanitë vendore të cilave do t’u rritet kostoja e veprimit dhe si rrjedhojë e kësaj, do të jenë të detyruara të rrisin çmimet e shërbimeve të tyre”, thotë për Radion Evropa e Lirë, Durim Zeqiri nga kjo Odë.

Ai nënvizon se është e vështirë që të analizohen parametrat e inflacionit gjatë kësaj periudhe, pasi siç thotë Zeqiri, ekonomia e Maqedonisë së Veriut varet nga importi.

Nga Qendra për Efikasitet Energjetik kanë theksuar se Maqedonia e Veriut mund të përballet me rritjen e çmimeve të gazit dhe naftës, që ndodhën në shumë vende të botës, përfshirë edhe ato të rajonit, pasi siç kanë thënë nga kjo Qendër, shteti nuk ka rezerva të gazit e as të naftës.

Në këtë drejtim, Durim Zeqiri thotë se autoritetet maqedonase duhet të veprojnë sa më shpejt që të krijohen lehtësira për kompanitë vendore që të mbijetojnë nga rritja e inflacionit.

“Në këtë drejtim, qeveria duhet të intervenojë me lehtësimin e tatimeve normave të tatimeve për qytetarët dhe kompanitë, në mënyrë që ata të mund të mbulojnë kostot shtesë që vijnë si rrjedhojë e shtrenjtimit të çmimeve të energjisë”, thotë ai.

Rritja më e madhe e çmimeve është shënuar te karburantet e lëngëta me 24.1 për qind. Banka Popullore e Maqedonisë së Veriut ka bërë të ditur se po monitoron presionin e çmimeve, por tani për tani, nuk planifikohet që të ndërmerren masa për “shtrëngimin” e mundshëm të politikës monetare.

“Në mungesë të presionit nga ana e kërkesës, lëvizjet e moderuara rritëse të inflacionit tani për tani janë për shkak të faktorëve në anën e ofertës. Prandaj, tani për tani nuk ka nevojë për një reagim monetar ndaj këtyre lëvizjeve të çmimeve, por ne do të vazhdojmë t’i monitorojmë nga afër”, ka thënë Banka Popullore.

Njohësit vlerësojnë se problemi më i madh është rritja e çmimit të energjisë elektrike, pasi Maqedonia e Veriut mbetet e varur nga eksport i rrymës.

Bllagica Petreski nga Qendra për Analiza Ekonomike, thotë për Radion Evropa e Lirë se është koha e fundit që autoritetet të angazhohen seriozisht në investimet në fushën e energjetikës.

“Për një kohë të gjatë nuk kemi asnjë hap korrekt sa i përket rritjes së kapaciteteve të prodhimit të energjisë elektrike. Kjo ka koston e vet që vendi mbetet i ndjeshëm ndaj çdo lëvizjeje të çmimit të energjisë pasi varet kryekëput nga importi”, thotë ai.

Ndërkaq, autoritetet qeveritare kanë thënë se po ndjekin me vëmendjen situatën dhe se do të veprojnë në ata sektorë ku do të jetë e nevojshme, në mënyrë që të ruhet stabiliteti i çmimeve./REL

Continue Reading

Kosovë

Vrasja e trefishtë në Gllogjan – nesër varrosen dy nxënësit

Published

on

By

Vrasja e trefishtë në Gllogjan – nesër varrosen dy nxënësit

Dy nxënësit që mbetën të vdekur mbrëmë në Gllogjan të Decanit do të varrosen nesër.

Kështu ka njoftuar kryetari i kësja komune, Bashkim Ramosaj, i cili ka treguar se ceremonia e varrimit do të fillojë në 13:30.

“Ju njoftoj se, nesër më dt.28.11.2021, në ora 13:30, do të filloj ceremonia e varrimit të Gentës dhe Ledianit, afër “Kompleksit Memorial të Dëshmorëve”, ndërsa varrimi do të bëhet në ora 14:00, në varrezat e fshatit Gllogjan!”, ka shkruar Ramosaj.

Mbrëmë kanë mbetur të vdekur tre persona pas sulmit me kallashnikov që i është bërë një autobusi që po bartte nxënës.

Të vdekur kanë mbetur shoferi i autobusit dhe dy nxënës.

Sipas të dhënave zyrtare ende nuk dihen motivet që kanë çuar në kryerjen e këtij akti, ndërsa po hetohen dy-tri pista.

Sipas njoftimit të institucioneve të sigurisë, për këtë rast mund të jenë të përfshirë disa persona.

Po ashtu, sipas njoftimeve të fundit të Policisë së Kosovës ende nuk është arrestuar askush ndonëse janë kryer disa bastisje që në orët e para të mëngjesit.

Continue Reading

Lajme

15 të vdekur dhe 436 të infektuar me Covid-19 në Maqedoninë e Veriut

Published

on

By

15 të vdekur dhe 436 të infektuar me Covid-19 në Maqedoninë e Veriut

Ministria e Shëndetësisë në Maqedoninë e Veriut ka njoftuar se gjatë 24 orëve të fundit nga 3 mijë e 447 testime të realizuara, 436 persona kanë rezultuar pozitivë me virusin korona.

Instituti i Shëndetit Publik në 24 orët e fundit ka regjistruar 336 pacientë të shëruar, ndërkaq 15 pacientë e kanë humbur betejën me Covid-19./21Media

Continue Reading

Lajme

Dimitar Kovaçevski do të kandidohet për kryetar të LSDM-së

Published

on

By

Dimitar Kovaçevski do të kandidohet për kryetar të LSDM-së

Shkup, 27 nëntor – Zëvendësministri i Financave dhe anëtar i Këshillit qendror të LSDM-së, Dimitar Kovaçevski ka deklaruar se do të kandidohet për lider të partisë, pasi LSDM-ja dje e ka konfirmuar dorëheqjen e kryetarit të partisë Zoran Zaev dhe ka shpallë zgjedhje brendapartiake në rrugë të votimit të drejtpërdrejtë.

“Në afatin prej shtatë ditësh do të përpiloj program dhe do të iniciojë kandidaturë për kryetar. LSDM është parti me potencial të madh kadrovik dhe ka numër të madh anëtarësh të njohur që do të ishin kandidatë të shkëlqyeshëm. Procedura është demokratike dhe secili që përmbush kushtet mund të kandidohet. Ajo që është me rëndësi, të gjithë duhet të bashkohemi rreth kryetarit të zgjedhur”, ka thënë Kovaçevski për “Fokus”.

LSDM-ja më 12 dhjetor do të zgjedh liderin e ri që duhet ta zëvendësojë Zoran Zaevin i cili dha dorëheqje. Zëdhënësja e LSDM-së, Bogdanka Kuzeska pas mbledhjes së Këshillit qendror ka deklaruar se procedura për zgjedhjen e liderit të ri fillon sot dhe do të zgjasë shtatë ditë.

Këshilli qendror, siç tha ajo, ka konstatuar se për dorëheqjen e iniciuar të Zaevit në parti nevojitet të fillojë proces për zgjedhje brendapartiake. Kandidimi fillon prej sot dhe do të zgjas një javë, ndërsa të drejtë të paraqiten kanë të gjithë anëtarët e LSDM-së që plotësojnë kriteret e parapara me statutin e partisë. Mundësi për votim do të kenë të gjithë anëtarët e LSDM-së që aktivisht do të regjistrohen në hallkën onlajn.

Continue Reading

Aktuale