Connect with us

Kosovë

Raporti i Progresit – Kurti thotë se kanë marrë vlerësim pozitiv: S’ka takim me Vuçiqin në tetor

Published

on

Shefi i Zyrës së BE-së, Tomas Szunyog, i ka dorëzuar Raportin e Progresit kryeministrit të Kosovës, Albin Kurti. Ky i fundit tha se në raport thuhet se Kosova ka shënuar progres, raporton Ekonomia Online.

Me këtë rast kryeministri i vendit tha se Kosova ka arritur progres me qeverisjen e tij në shtet ndërtimin dhe krijimin e institucioneve.

“Në rrjedhën e sqarimit të ambasadorit Szunyoug unë do të flas për periudhën e qeverisjes tonë ku shënuam shumë progres. Në fundjavën që lamë pas mbajtëm zgjedhje dhe edhe këtë herë dëshmuam transparencë të plotë. Vetëm 37 ditë pas zgjedhjeve të 14 shkurtit zgjodhëm kryeministrin dhe kryeparlamentarin. Gjithashtu vetëm 13 ditë ende pa u bërë dy javë ne zgjodhëm edhe presidenten e Republikës, e cila është gruaja e dytë presidente. Në këta gjashtë muaj të Qeverisë, kemi legjitimitet demokratik dhe besueshmëri në institucione nga ana e qytetarëve, që do ta kishin zili jo vetëm vendet e rajonit por edhe ato të BE-së”.

Tutje Kurti përmendi shkatërrimin e grupeve kriminale, menaxhimin e pandemisë dhe ekonomia, që ai i quan suksese të Qeverisë.

“Nga 23 marsi kur edhe kemi marrë detyrën kemi shkatërruar 29 grupe kriminale, një rezultat që dallon nga fillimi i fushës, po ashtu edhe në menaxhimin me Covid-19 kemi pasur pak raste dhe vetëm një të vdekur në këto ditë, duke mbetur vendi i parë në rajon sa i përket procesit të vaksinimit. Janë rritur eksportet dhe numri i punëtorëve është rritur po ashtu. Edhe në fushën e administratës publike kemi racionalizuar katër agjenci”.

“Kemi hequr homologimin e veturave dhe demopolizimin e terminaleve doganore, që nga viti i ardhshëm do të bëhet në nivel vendi. Kemi marrë vendime edhe për shtesat e lehonave dhe arsimi i lartë të jetë pa pagesë. Së bashku do ecim përpara me një partneritet të përbashkët edhe me BE-në”, tha Kurti.

Tutje, shefi i ekzekutivit ka thënë se para çdo takimi me presidentin serb Aleksandar Vuçiq do të ketë takim të përfaqësuesve të të dyja qeverive, ose të ekipeve negociatore.

Ai ka thënë se nuk beson që do të ketë takim shumë shpejtë me Vuçiqin, të paktën jo në muajin tetor në Bruksel.

Continue Reading

Kosovë

Ilir Dugolli, ambasador i Kosovës në SHBA?

Published

on

Diplomati Ilir Dugolli pritet të jetë ambasador i ri i Kosovës në Shtetet e Bashkuara të Amerikës. Tash që nga Washingtoni është larguar i ngarkuari me punë, vendi ka mbetur i zbrazët. Ilir Dugolli nuk është përgjigjur në pyetjet me shkrim të dërguara në adresë të tij, e as MPJ-ja. Gazeta Express ka mësuar se Dugolli është emri më i mundshëm për të shkuar në Washington, DC, si ambasador i Kosovës. Këtë e thotë edhe një nga anëtarët e Komisionit Parlamentar pë Punë të Jashme.

Valdet Sadiku, nga marsi i këtij viti ishte bërë shef i Ambasadës së Kosovës në Washington. Por më shumë se tetë muaj pasi institucionet e Kosovës e kishin ngarkuar Sadikun me punë në misionin kryesor diplomatik, ai u largua prej atje.

“Sot u them lamtumirë miqve këtu në SHBA, por do ta mbaj përgjithmonë me vete mbështetjen dhe respektin që kam pasur gjatë gjithë kohës. Çfarë nderi i jashtëzakonshëm që i kam shërbyer vendit tim në Washington DC. Përkushtimi i SHBA-së ndaj Kosovës është një bekim i vërtetë!”, ka shkruar ai të premten në Twitter.

Në SHBA, nuk dihet se kur do të shkojë shefi i ri i misionit diplomatik, por ai, sipas burimeve të Gazetës Express, ai do të jetë Ilir Dugolli, i cili deri në publikimin e këtij teksti nuk është përgjigjur në pyetjet për këtë çështje.

Komisioni për Punë të Jashtme nuk e bën shqyrtimin e emrave të propozuar pë ambasadorëve të karrierës, por vetëm ambasadorëve politikë. Megjithatë, anëtarja e Komisionit parlamentar për Punë të Jashtme, Ariana Musliu-Shoshi, thotë se duhet të kishin pasur së paku informacione zyrtare edhe për këto emërime.

“Në Amerikë konkretisht e kanë propozuar një ambasador të karrierës. Sipas informatave jozyrtare, është Ilir Dugolli”, i ka thënë Expressit Shoshi.

Ministrja e Punëve të Jashtme, Donika Gërvalla do të raportojë nesër në Komisionin parlamentar për Punë të Jashtme dhe Musliu-Shoshi tha se do ta pyes për ambasadorin e ri në Washington.

“Si anëtare e Komisionit, unë mendoj që edhe ambasadorët e karrierës është dashtë me ardhë në Komisionin për Punë të Jashtme, të paktën si informatë. Mirëpo si informatë zyrtare nuk e kemi. I kemi vetëm ambasadorët që janë politikë, e ata janë.. me ligj duhet me ardhë në Komision për Punë të Jashtme. Nesër e kemi në raportim ministren e Punëve të Jashtme dhe do t’ia bëj këtë pyetje”, tha Musliu-Shoshi.

Deputetja e PDK-së kishte për këtë edhe në Kuvendin e Kosovës, por kryediplomatja nuk kishte qenë e pranishme. Kryeministri Albin Kurti pati thënë se pyetjes mund t’i përgjigjej vetëm Gërvalla.

Për emrin e ambasadorit të ri në SHBA nuk ka informacione deputetja e AAK-së dhe anëtarja tjetër e Komisionit për Punë të Jashtme, Time Kadrijaj.

“Për besë nuk kemi informacion, se kjo është pak konfidencë, dhe vetëm ambasadorët politikë vijnë tek ne, për intervostime dhe me i kalu procedurat parlamentare. Ndërsa ambasadorët e karrierës nuk vijnë tek ne”, ka thënë ajo për Express.

Kush është Ilir Dugolli?

Ilir Dugolli aktualisht është ambasador i Kosovës në Turqi.

Ai ishte emëruar shef i misionit diplomatik në Ankara në vitin 2019. Emërimi i tij ishte bërë me propozim të zëvendëskryeministrit dhe ministrit të atëhershëm të Punëve të Jashtme, Behgjet Pacollit.

Më herët, Dugolli ka qenë ambasador në Belgjikë.

Ai po ashtu ishte akredituar si ambasador i jashtëzakonshëm dhe fuqiplotë i Kosovës në Estoni, atëherë me rezidencë në Belgjikë.

Dugolli ka studiuar në Universitetin britanik “Yale” dhe në “Central European University”./Express

Continue Reading

Kosovë

Bugajski tregon si duhet të jetë marrëveshja Kosovë-Serbi

Published

on

Janusz Bugajski, anëtar i Qendrës për Analiza të Politikës Evropiane (CEPA), me seli në Washington ka deklaruar se “nuk do të ketë marrëveshje përfundimtare në dialog derisa Serbia ta njohë realitetin se Kosova është shtet i pavarur”.

Ai gjithashtu thekson se Asociacioni i komunave me shumicë serbe mund të shndërrohet në një Republika Srpska të re, por dhe se mund të ketë incidente të reja në Kosovë.

Bugajski tha se BE-ja është bërë lojtar i dobët ndërkombëtar.

“Negociatat nuk do të përfundojnë me një marrëveshje përfundimtare derisa qeveria e Beogradit ta njohë realitetin se Kosova është shtet i pavarur. BE-ja është bërë një lojtar i dobët ndërkombëtar pa kohezion apo vrull, dhe SHBA-ja pengohet nga krizat më urgjente ndërkombëtare. Fatkeqësisht, si në të gjitha mosmarrëveshjet e tilla, vëmendja ndërkombëtare përqendrohet vetëm kur ekziston një rrezik i afërt i dhunës”, tha Bugajski.

Sipas tij, Asociacioni i komunave me shumicë serbe mund të evoluojë në një Republika Srpska tjetër që do ta kërcënonte integritetin territorial të Kosovës.

“Mbetet e paqartë se çfarë duhet të jetë Asociacioni i komunave me shumicë serbe. Nëse ajo merr ndonjë strukturë të nivelit ekzekutiv të ndarë nga qeveria qendrore, atëherë ajo mund të evoluojë në një Republika Srpska tjetër dhe ta kërcënojë integritetin territorial, duke lejuar rrugë të reja për përmbysjen e Moskës. Zgjidhja më e mirë do të ishte decentralizimi administrativ, ku autoritetet komunale do të kishin kontroll më të madh mbi kulturën, ekonominë, arsimin, shërbimet… Por ky rregullim duhet të bazohet në gjeografi, jo në etni. Çdo grup etnik duhet gjithashtu të ketë një sërë të drejtash grupore për ta mbrojtur gjuhën, kulturën, fenë dhe identitetin e tyre”, tha Bugajski për “Kosovo Online”.

Një takim i ri deri në fund të vitit ndërmjet kryeministrit të Kosovës, Albin Kurti dhe presidentit të Serbisë, Aleksandar Vuçiq, sipas Bugajskit nuk do të sjellë ndonjë gjë të re.

“Ka aludime për një takim tjetër, por ai do të jetë i pasuksesshëm dhe thjesht do t’u japë të dyja palëve një shans për t’i përsëritur pikëpamjet e tyre të papajtueshme. Kosova nuk mund të jetë shtet i pavarur, i njohur nga të gjitha demokracitë e mëdha dhe pjesë e Serbisë, që është një pozicion i mbështetur nga dy autokraci të mëdha”, tha Bugajski.

Continue Reading

Kosovë

Osmani: Serbia po tenton që ta destabilizojë Kosovën

Published

on

By

Osmani: Serbia po tenton që ta destabilizojë Kosovën

Presidentja e vendit, Vjosa Osmani, gjatë konferencës me homologun e saj slloven, Borut Slloven, ka folur për strukturat paralele serbe në veri të vendit.

Ajo tha se Serbia po vazhdon që ta destabilizojë Kosovën përmes këtyre strukturave, dhe se rritja e ndikimit rus paraqet kërcënim për destabilizim të mëtejmë të rajonit.

“Për fat të keq, Serbia po vazhdon që përmes strukturave ilegale në veri të vendit tonë të destabilizojë Kosovën. Po ashtu, rritja e ndikimit rus paraqet një kërcënim për destabilizimit të mëtejmë të rajonit, sepse kjo rritje e ndikimit rus asnjëherë s’ka pasur qëllim të mirë, por ka qëllim që të luftojë sistemet e bazuara në vlera, që janë NATO dhe BE”, është shprehur Osmani.

Ajo tha se për t’i luftuar këto tendenca destabilizuese, Kosova ka nevojë për përkrahjen e miqve, duke e përmendur këtu presidentin e Sllovenisë, Pahor, i cili sipas Osmanit, e njeh mirë rajonin dhe faktin se çka ndodhë në qoftë se nuk ndërhyhet me kohë për t’i ndalë tendencat autokratike e destabilizuese.

Më tej, Osmani ka përmendur edhe marrëveshjet që janë arritur mes Kosovës e Serbisë, ku tha se më shumë se 2/3 e këtyre marrëveshje s’janë implementuar nga Serbia, që sipas Osmanit, më e rëndësishmja është ajo e nënshkruar më 2015 që kërkohet nga Serbia që t’i shkatërrojë të gjitha strukturat ilegale në veri të vendit.

“Serbia nuk i ka impelementuar më shumë se 2/3 e marrëveshjeve. Ato më të rëndësishmet janë të nënshkruara në 2015 që kërkojnë nga Serbia që t’i shkatërroj të gjitha strukturat ilegale në veri të Kosovës”.

“Serbia vazhdon t’i financoj këto struktura ilegale të cilat po krijojnë probleme për shtetin tonë dhe po terrorizojnë popullatën atje. S’ka asgjë më të rëndësishme se mbrojtja e qytetarëve”, është shprehur Osmani,

Continue Reading

Aktuale