Connect with us

Kosovë

Petar Petkoviq kërcënon Qeverinë e Kosovës: Ose Zajednicën, ose…

Published

on

Sot në emër të serbëve -jo për herë të parë- foli drejtori i të ashtuquajturës “Zyrë për Kosovë’ të qeverisë së Serbisë, Petar Petkoviq, njoftoi me krenari se sa mirë ja ka dalë kjo parti në zgjedhjet në Kosovë dhe shtoi kërcënimin se “Lista Serbe dhe populli serb do të dalin nga institucionet e Kosovës”.

Petkoviq paralajmëroi siç kishte bërë vartësi i tij të shtunën, kryetari i partisë serbe Goran Rakic, se do të dalin nga qeveria nëse nuk formohet Asociacioni i Komunave me Shumicë Serbe, duke e barazuar këtë parti me të gjithë serbët që jetojnë në Kosovë.

“Nëse nuk formohet Asociacioni i Komunave Serbe, përgjigja do të jetë e tillë që Lista Serbe dhe populli serb do të dalin nga të gjitha institucionet në veri të krahinës. Kjo është ajo që të gjithë duhet ta dinë” porositi Petkovic.

“Ashtu siç ishte bindëse dhe e fuqishme fitorja e Listës Serbe dhe popullit serb në zgjedhjet e mbajtura dje le ta dinë mirë që njejtë i fuqishëm do të jetë përgjigja nëse nuk do të formohet Asociacioni i Komunave Serbe. Nëse nuk nisen hapa konkret institucional që nga takimi i parë i nëntorit Brukselit, që do të duhej ekskluzivisht t’i kushtohej bisedimeve për zbatimin e asaj që është nënshkruar më 2013’n” tha Petkoviq para gazetarëve në konferencën e të hënës për shtyp.

Ai shtoi edhe ca këshilla për bashkësinë ndërkombëtare që të analizojnë rezultatet e zgjedhjeve të fundit në Kosovë, “posaçërisht për ata që kanë mbështetur kryeministrin e institucioneve të përkohshme Albin Kurti” siç i quajti ai” në aksionet e tij të terrorit ndaj serbëve në Kosovë”.

Kryeministri i Kosovës, Albin Kurti, është përballur me kritika për mos shkarkimin e kryetarit të Listës Serbe, Goran Rakic, për deklaratat e tij kryengritëse kundër Kosovës. Qeveria e Kosovës ka reaguar duke thënë se shkarkimi i tij nga kabineti vetëm do ta faktorizonte atë”.

Continue Reading

Kosovë

Vendosi reklamën mbi muralin e Nexhmije Pagarushës, gjobitet biznesi në Prishtinë

Published

on

By

Një biznes në Prishtinë vendosi reklamën e tij mbi muralin e bilbilit të muzikës, Nexhmije Pagarushës, që u ‘rijetësua’ para tri javësh nga artistët e ‘Mural Fest Kosova’.

Menjëherë pas kësaj, gjatë ditës së sotme kanë ndërhyrë Inspektorati i Komunës së Prishtinës dhe Policia, për ta larguar reklamën.

Drejtori i Inspekcionit në Prishtinë, Adonis Tahiri, ka njoftuar se pas heqjes së reklamës pala është dënuar me një gjobë prej 400 eurosh.

“Reklama u hoq dhe pala u dënua! Uroj që të ngritët vetëdija e secilit, e të mos përsëriten më raste të tilla!”, ka shkruar Tahiri në një postim në Facebook.

Kujtojmë që murali i Nexhmije Pagarushës u vendos në fillimi të nëntorit, në një objekt në rrugën “Qazim Hoxha”, në Prishtinë. /abcnews.al

Continue Reading

Kosovë

Sveçla: Vrasësit i jap ultimatum të dorëzohet, po koordinohemi edhe me AKI për rastin e Gllogjanit

Published

on

By

Sveçla: Vrasësit i jap ultimatum të dorëzohet, po koordinohemi edhe me AKI për rastin e Gllogjanit

Ministri i Punëve të Brendshme të Kosovës, Xhelal Sveçla i ka dhënë ultimatum vrasësit të tre personave në Gllogjan të Deçanit që të dorëzohet sa më shpejtë në Polici.

Sveçla në një konferencë për media tha se kanë vënë në dispozicion të gjitha kapacitetet që të zbulojnë këtë rast, transmeton Telegrafi.

“Me të marrë lajmin jam kthyer në Kosovë dhe jam nisur drejt Deçanit për të takuar gjithë strukturat policore, por edhe prokurorët e rastit dhe për të shprehur gatishmërinë tonë që të vëmë në funksion gjithë kapacitetet e shtetit në zbulimin e këtij rasti, dhe lehtësimin e dhimbjeve për familjarët. Dua të bëjë ftesë të gjithë qytetarëve që për çfardo informacioni t’i drejtohen Policisë dhe rasti të zgjidhet sa më parë”, deklaroi ai, përcjell Telegrafi.

Ministri tha se Policia është duke u dakorduar edhe me Agjencinë Kosovare të Inteligjencës.

“Tashmë kemi informacione të ndryshme, të cilat policia nën direktivat e prokurorisë është duke i trajtuar. Janë dukë u trajtuar disa pista. Po ashtu, i bëj ultimatum vrasësit të dorëzohet, për shkak se për çdo ditë ai rëndon të tjerët, kushdo që ndihmon vrasësit implikohet me vepër penale. Sa më parë që dorëzohet aq më mirë për rrethin e tij. Unë mund të garantoj se jemi të vendosur që kapacitetet tona shtetërorë janë në dispozicion të zbulimit të rastit. Policia po koordinohet edhe me AKI”, u shpreh ai.

Ndryshe, mbrëmë rreth orës 19:00 është sulmuar me armë zjarri një autobus në Gllogjan të Deçanit, ku të vrarë kanë mbetur tre persona, shoferi dhe dy nxënës.

Autori i krimit ka qenë i maskuar, ndërkohë Policia është në kërkim të tij.

Policia përmes raportit 24 orësh, ka njoftuar se autobusi është sulmuar me armë zjarri që është AK-47. /Telegrafi/

Continue Reading

Kosovë

Sulmi në Glogjan është kryer nga një person i vetëm me kallashnikov

Published

on

By

Sulmi në Glogjan është kryer nga një person i vetëm me kallashnikov

Policia e Kosovës ka dhënë detaje lidhur me vrasjen e trefishtë që ndodhi mbrëmjen e së premtes në Gllogjan të Deçanit, ku të vdekur mbetën dy nxënës-maturantë dhe shoferi i autobusit. Policia e tregon se autobusi që ishte në qarkullim nga Gjakova për në Gllogjan ku ishin tetë pasagjerë, ishte sulmuar me armë zjarri që dyshohet të jetë e llojit AK-47. I dyshuari i këtij akti kriminal gjendet ende në arrati. Policia ka thënë se tash për tash, nuk ka arsye për të besuar se ngjarja në Deçan është akt terrorist. Ndërsa dyshimet e para janë se sulmin makabër e ka kryer një person i vetëm. Kryeprokurori Blerim Isufaj ka thënë se hetimet janë duke u zhvilluar në disa pista, porse ende nuk ka ndonjë të dyshuar.

Zyra e Kryeprokurorit të Shtetit ka bërë thirrje që kushdo që ka informata për ngjarjen, të bashkëpunojë me autoritetet, në mënyrë që kryesi i veprës të dalë sa më shpejt para drejtësisë. Kryetari i Deçanit, Bashkim Ramosaj, është shprehur i tronditur dhe i trishtuar nga sulmi. Pasi ngushëlloi familjarët apeloi që të zbardhet ngjarja.
Kryeministri i Kosovës, Albin Kurti e ka quajtur krim mizor e brutal, sulmin në Deçan.

“Kam kërkuar nga organet e rendit që të bëjnë maksimumin dhe sa më shpejt dorasin ta sjellin para drejtësisë. Aq e trishtueshme, tronditëse, pikëlluese, është tragjedia e sotme në Deçan sa disi më ka lënë pa fjalë, por nuk guxon të na lë pa vepra. Dhe Policia e Kosovës, ministri i Punëve të Brendshme, Xhelal Sveçla më kanë siguruar që po bëjnë gjithçka që është në kapacitetet e tyre në mënyrë që edhe të zbardhet rasti sa më parë edhe të mundësohet pa vonesa drejtësia”, deklaroi Albin Kurti, kryeministër i Kosovës.

Përfaqësues të Shteteve të Bashkuara të Amerikës dhe Bashkimit Evropian kanë dënuar sulmin që ndodhi në Deçan. I ngarkuari me punë në Ambasadën e Shteteve të Bashkuara të Amerikës në Kosovë, Nicholas J. Giacobbe i ka shprehur ngushëllime familjeve të viktimave. Ndërkaq në reagimin që ka bërë Zyra e Bashkimit Evropian në Kosovë, është thënë që shpresojnë se i dyshuari të sillet sa më shpejt para drejtësisë. Të tronditur janë shprehur edhe liderët e Shqipërisë dhe Maqedonisë së Veriut. /Alsat.mk

Continue Reading

Aktuale