Connect with us

Bota

Shqiptari dhe gjermani mashtruan duke u paraqitur si policë, përvetësojnë 300 mijë euro

Published

on

Dy të pandehur që fajësohen se janë paraqitur si policë të rremë do të përgjigjen para Gjykatës së Qarkut në Freiburg, nga e marta që vjen, 19 tetor. Përmes një mashtrimi telefonik, ata thuhet se kanë përvetësuar paratë nga disa të moshuar në rajon, përfshirë një 90-vjeçar nga Offenburgu, shkruan badenonline.de.

Të akuzuarit janë një shtetas kosovar 35-vjeçar dhe një gjerman 26-vjeçar, transmeton albinfo.ch. Ata ngarkohen për 12 raste të mashtrimit në përbërje bandash dhe komerciale, dy prej të cilave kanë ngelur në tentativë, njofton prokurori publik në Freiburg.

Të dy të pandehurit aktualisht janë në paraburgim. Prokurori publik, ka thënë me këtë rast për median e përmendur se një grua Offenburg është mashtruar për mbi 170,000 euro.

Kosovari dhe gjermani akuzohen se kanë bashkuar forcat me bashkëpunëtorë të tjerë, të panjohur më parë, dhe kjo ka ndodhur më së voni deri në tetor 2019. Ata më pas kanë kryer mashtrime në mënyrë të organizuar, në rolin e policëve të rremë.

Sipas zyrës së prokurorit publik, anëtarët e bandës të paidentifikuar më parë kanë kontaktuar burra dhe gra të moshuar me telefon midis fundit të tetorit të vitit 2019 dhe marsit 2020 duke pretenduar se ishin policë.

Palët e dëmtuara janë nxitur, përveç në dy raste, të dorëzojnë shuma të konsiderueshme parash për anëtarët e bandës, transmeton albinfo.ch. Në akuzë thuhet më tutje se 35-vjeçari ka marrë rolin e mbledhësit të parave nga personat e mashtruar ndërsa 26-vjeçari e ka transportuar atë kryesisht në vendet e krimit.

Sipas prokurorisë publike, një 68-vjeçar është mashtruar me 10.000 euro ndërsa një grua një 90-vjeçare “është lehtësuar” nga paratë dhe sendet me vlerë që vlejnë mbi 170,000 euro.

Dëmi i plotë i serisë së mashtrimit arrin në 300,000 euro./albinfo.ch/

Continue Reading

Bota

Moldavia përdor humorin e zi për të sensibilizuar njerëzit të vaksinohen

Published

on

By

Moldavia përdor humorin e zi për të sensibilizuar njerëzit të vaksinohen

Ish-republika sovjetike e Moldavisë ka dalë me një qasje të re për të luftuar pandeminë COVID-19, e cila ka infektuar më shumë se 350.000 njerëz dhe ka shkaktuar vdekjen e 9.000 të tjerëve.

Zyrtarët shëndetësorë atje po përdorin taktika shokuese, humor të zi dhe muzikë pop në përpjekje për të trembur njerëzit që nuk janë të vaksinuar ose thjesht nuk shqetësohen për virusin. Një nga videot si pjesë e fushatës së fundit u thotë shikuesve: “Mos u shqetësoni, ne kemi varrezat më të mëdha në Evropë”.

Fushata e pazakontë e ndërgjegjësimit të qeverisë, e sponsorizuar nga Organizata Botërore e Shëndetësisë, synon të promovojë vaksinimin në sfondin e dezinformimit të shfrenuar dhe skepticizmit ndaj vaksinave, i cili është i zakonshëm në të gjithë Evropën Lindore.

Zyrtarët shpresojnë që humori dhe pop-i do të bëjnë më shumë njerëz të vendosin të marrin një vaksinë COVID-19.

Videoja që ka rrëmbyer më shumë vëmendje është një 1:05 minutëshe që përzien komedinë me makabren. Aktori i njohur moldav Emilian Cretu, i cili ka pothuajse 500.000 ndjekës në Instagram, luan si një mjek, një pacient dhe një sipërmarrës.

Në rolet e tij të ndryshme, ai u thotë shikuesve: “Nuk duhet të shqetësoheni” për virusin, megjithëse është qartë një mësim në psikologjinë e kundërt.

Continue Reading

Bota

Varianti i ri virusit Korona ka ndezur alarmin në shumë vende të Evropës

Published

on

By

Varianti i ri virusit Korona ka ndezur alarmin në shumë vende të Evropës

Vjollca Aliti/Alsat

Mutacioni më i ri i virusit korona i quajtur “Omikron” parashihet të jetë shumë herë më ngjitës në krahasim me mutacionet e deritanishme. Ministri i Shëndetësisë Venko Filipce tha se ende është herët për tu thënë më shumë gjëra për këtë mutacion. Nëse do ketë masa shtesë për të parandaluar depërtimin e këtij lloji brenda vendit Filipçe tha se do të diskutohet të hënën në mbledhjen e rregullt të Komisionit për Sëmundje Ngjitëse.

“Bëhet fjalë për mutacion të ri të virusit i cili quhet “Omikron” këtu është dyshimi se mund të jetë shumë më ngjitës se mutacionet tjera nga gjithë mutacionet e deritanishme. Megjithatë ne patëm edhe shumë mutacione tjera të cilat nuk u përhapën deri tani. Kishte edhe skenarë të tjerë për shembull për llojin Dellta. Megjithatë të gjitha këto çështje do të shqyrtohen të hënën ne mbledhjen e Komisionit për sëmundje ngjitëse”, deklaroi Venko Filipce, Ministër i Shëndetësisë.

Mutacioni i ri së pari u detektua në Afrikën Jugore ndërsa ajo çfarë deri më tani dihet është se ky mutacion ka një rrezik më të lartë për ri-infektim dhe se shumë më shpejtë shpërndahet. Autoritetet shëndetësore në vend theksojnë se shpëtimi i vetëm kundër të gjitha mutacioneve është vaksinimi. Për të rritur përqindjen e imunizimit, do të propozohen masa të reja stimuluese.

“Do të propozojmë një masa të re deri në Qeveri. Ajo është stimulim shtesë për mjekët amë. Gjegjësisht mjekët amë të jenë financiarisht të stimuluar kur do të tejkalojnë 70% – shin e pacientëve të vaksinuar, nga numri total i pacientëve të tyre të shpërblehen nga 30 denarë në kokë pacienti që i kanë të regjistruar. Ka dhe disa aspekte tjera që duhet të shihen, por mendoj se ky është propozimi që do ja prezantojmë Qeverisë të martën”, u shpreh Venko Filipce, Ministër i8 Shëndetësisë.

Një gjë e tillë vjen disa ditë pasi Qeveria nuk pranoi propozim masat e KSI-së të cilat parashikonin vaksinim të detyrueshëm të të gjithë punonjësve në administratën shtetërore si dhe punonjësve në shëndetësi, në të kundërtën të posedojnë test PCR të paktën për 72 orët e fundit të cilin do ta paguanin nga xhepi i tyre. Masat u refuzuan edhe pas reagimeve të shumta të sindikatave. Deri më tani vetëm 38% e popullatës vendore është vaksinuar me dy doza, ndërkaq për arritjen e imunitetit kolektiv e nevojshme është 80-90% e popullatës./Alsat.mk

Continue Reading

Bota

Zviceranët votojnë nesër për masat kufizuese

Published

on

By

Zviceranët votojnë nesër për masat kufizuese

Zvicra ka një ndër shkallët më të ulëta të vaksinimit në Evropën Perëndimore. Më pak se dy e treta e popullsisë së këtij shteti është vaksinuar plotësisht kundër Covid-19.

Tani, numri i rasteve po rritet në mënyrë eksponenciale. Shifrat e të infektuarve po rriten për 40 për qind e 50 për qind çdo javë, shkruan BBC.

Prandaj, a po planifikon ministri i Shëndetësisë, Alain Berset, kufizime të reja, si Gjermania fqinje, ose a do ta bëjë vaksinimin të detyrueshëm, si Austria?

Asgjë nga këto. Në të vërtetë, të dielën, zviceranët do të votojnë për t’i hequr ose jo disa nga kufizimet që janë vendosur për ta luftuar pandeminë.

Izolimi i Zvicrës kurrë nuk ka qenë aq i rreptë sa i fqinjëve. Njerëzit kanë mundur të dalin jashtë për të ushtruar kurdo që kanë dashur dhe shkollat janë mbyllur vetëm për disa javë.

Megjithatë, verën e kaluar, kur numri i rasteve ra shumë, Zvicra nuk pati festë. Në vend të saj, autoritetet kërkuan certifikatë që dëshmon dëshmi të vaksinimit, test me rezultat negativ ose imunitet përmes kalimit të sëmundjes. Në shtator, kjo certifikatë u bë e detyrueshme për t’u futur në bare, kafene, restorante, kinema, muze, organizime sportive dhe ligjërata në universitet.

Në Zvicër ka pasur protesta kundër masave. Disa protesta janë bërë të dhunshme, pasi policia ka përdorur ujë e plumba gome kundër protestuesve që janë munduar të futen në ndërtesën e kuvendit.

Continue Reading

Aktuale