Connect with us

Lajme

Ambasadorja Byrnes: Veprat penale në lidhje me mjedisin jetësor mbesin nën hije

Published

on

“Debati për realizimin e mbrojtjes gjyqësore dhe juridike për mjedisin jetësor vjen në moment të vërtetë nëse jo edhe në moment kritik. Përderisa shpesh dëgjojmë për pastrim parash dhe mashtrim gjatë furnizimeve publike, veprat penale në lidhje me mjedisin jetësor në mënyra të ndryshme mbeten nën hije, veçanërisht në Maqedoninë e Veriut. Veprat kriminale si prerja ilegale ose ndotja e ajrit përfaqësojnë kërcënim serioz për mirëqenien tuaj dhe për mjedisin jetësor të vendit tuaj të bukur. Pa marrë parasysh nëse bëhet fjalë për zjarre pyjore në Strumicë ose uragani Ida në New York, ne sot dëshmojmë për ndikim nga aktivitetet tona ndaj klimës dhe mjedisit jetësor”

Këtë e theksoi ambasadorja e SHBA-së në vend, Kate M. Byrnes në hapjen e debatit njëditor në Shkollën e Ohrit për të Drejtën Natyrore, e quajtur “Baza e reformës në sistemin juridik në Republikën e Maqedonisë së Veriut dhe drejtësisë ekologjike”, që u mbajt dje në format virtual.

“Për fat të mirë, ekzistojnë aktivitete të cilat mund t’i ndërmarrim. Ju bëj thirrje që të përgjigjeni duke e shfrytëzuar kreativitetin tuaj duke i hulumtuar ligjet e nevojshme për ndjekjen e veprave penale nga sfera e mjedisit jetësor. Por, përgatitja e ligjeve dhe reformave nuk është e mjaftueshme. Ligjet duhet të zbatohen. Hetimet duhet të ngriten, ndërsa gjykimet duhet të përfundojnë para se gjykatësi i porotës të pensionohet ose të vjetërsohet lënda. Shkelësit duhet të përgjigjen pa marrë parasysh përkatësinë politike ose madhësinë e biznesit. Vendimet ligjore duhet të vlejnë për këdo, ndërsa të gjithë qytetarët dhe bizneset të jenë të barabartë para ligjit”, tha ambasadorja amerikane.

Të gjithë, pa marrë parasysh nëse jetojmë në Shkup ose Ohër, shtoi ajo, kemi të drejtë të thithim ajër të pastër dhe të shëndoshë, ndërsa ligji duhet ta mbështesë atë të drejtë.

“Duke punuar bashkë, jam e bindur se Maqedonia e Veriut do ta vazhdojë rrëfimin e saj reformues për rritjen e transparencës, luftës kundër korrupsionit dhe dhënien fund të mosndëshkimit, duke i mbrojtur qytetarët e tyre dhe mjedisin jetësor”, porositi ambasadorja Bërnz dhe ju bëri thirrje studentëve dhe gjykatësve, prokurorëve, avokatëve të ardhshëm që të ndihmojnë me punën e tyre në avancimin e sundimit të drejtësisë duke filluar që sot, duke kërkuar përgjegjësi nga pushteti dhe institucionet.

Në ngjarjen, që u ishte dedikuar studentëve të drejtësisë, ekspertëve dhe përfaqësuesve të sektorit qytetar, Bërnz paralajmëroi se SHBA-ja do ta vazhdojë mbështetjen për vendin sa i përket mbrojtjes së mjedisit jetësor përmes ndihmës në hetimet kundër prerjes ilegale dhe ndotjes së ujërave, ndërsa paralajmëroi edhe ardhjen e ekspertit amerikan për përfaqësim gjyqësor dhe ligj për mjedis jetësor i cili do të ligjërojë në Universitetin e Tetovës dhe në Universitetin e EJL-së.

Konferenca kishte për qëllim që ta tërheqë vëmendjen drejtë hapave të nevojshëm për realizimin e mbrojtjes juridike dhe gjyqësore të mjedisit jetësor. Ngjarja ishte organizuar nga Qendra për Hulumtime Strategjike pranë ASHAM, ndërsa financiarisht mbështetur nga Ambasada e SHBA-së në Shkup.

Continue Reading

Lajme

Bozhinovski: LSDM humbi legjitimitetin nga zgjedhjet e mëparshme

Published

on

Vladimir Bozhinovski në emisionin “24 analiza” tha se dështimi i LSDM-së në këto zgjedhje është për shkak të dëshpërimit që qytetarët kanë pritur nga kjo parti.

“Janë dëshpëruar për zhvillimin e shtetit në disa aspekte dhe pas marrjes së legjitimitetit në zgjedhjet e kaluara, LSDM filloi t’i humb dhe të bie”, tha Bozhinovski.

Ai tha se nga viti i kaluar ka ndryshyar perceptimi pozitiv ndaj Filipçes dhe shtetit dhe në vend të mbështetjes, ka perceptim negativ.

“Gjithmonë zgjedhjet lokale janë kombinim për punën e kryetarit dhe puna e qeverisë. Edhe në vitin 2017 ishin zgjedhje lokale dhe ato ishin zgjedhje ku qeveria mori legjitmitetin”, tha Bozhinovski./Telegrafi/

Continue Reading

Bota

Ish-sekretarja e kampit nazist del para gjyqit për vrasjen e 11.000 njerëzve

Published

on

Një ish-sekretare 96-vjeçare e kampit të përqendrimit nazist është paraqitur para gjyqit në Gjermani për dyshimin se ka bashkëpunuar për vrasjen e mbi 11.000 njerëzve të burgosur aty.

Furchner e cila ishte 18 vjeç kur filloi të punonte në kampin Stutthof në Poloni si sekretare e komandantit Paul Werner Hoppe, po gjykohet në një gjykatë për të rinjtë për shkak të moshës së saj kur krimet u kryen.

Pasi tentoi të ikte nga gjyqi në shtator, duke dalë nga shtëpia dhe më pas udhëtoi me një taksi, ajo u arrestua disa orë më vonë dhe u dërgua në mbajtje për pesë ditë, raporton Guardian.

Përveç emrit, adresës së saj dhe se është e ve, ajo nuk i është përgjigjur asnjë pyetje tjetër.

Gjykatës iu tha se ajo “duhet të ketë qenë e informuar për të gjitha ngjarjet” që ndodhën aso kohe nga nazistët në Stutthof për shkak të rolit të saj kyç administrativ.

Continue Reading

Lajme

KSHZ-ja kërkon listën e kompanive që kanë importuar “Fingerprint”

Published

on

Komisioni Shtetëror i Zgjedhjeve dy ditë pas zgjedhjeve lokale nga Drejtoria e Doganave kërkoi listën e kompanive që eventualisht kanë porositur aparate të njëjta për leximin e shenjave të gishtave nga jashtë vendi, si ato që u shfrytëzuan në zgjedhje. Këtë për Alsat e konfirmoi kryetari i KSHZ-së, Aleksandar Dashtevski i cili tha se këtë e kërkojnë për arsye sigurie, që të mos vijë deri te mundësia e përzierjes së aparateve që i siguroi KSHZ me aparate të njëjta të mundshme të blera nga kompani dhe firma private.

“Kemi indikacione se përgjigja do të jetë pozitive, se asnjë kompani nuk ka importuar pajisje të tilla deri më tani. A keni pasur ndonjë njoftim si KSHZ që ndoshta disa kompani kanë porositur pajisje të tilla? – Nuk kishim njoftim të tillë, siç thashë, e bëra për sigurinë tonë, për të qenë të sigurt se nuk kishte diçka të tillë, që mos të dalë se të tjerët po importojnë, për t’u siguruar që askush nuk ka importuar pajisje të tilla deri më tani- Pse po e bën këtë Komisioni Shtetëror Zgjedhor, a nuk ka shërbime sigurie që duhet ta bëjnë? – Po, ka. Siç thashë, për ne, për shkak të interesit personal që kemi, për t’u siguruar që nuk ka diçka të tillë”- deklaroi Aleksandar Dashtevski- kryetar i KSHZ.

Kjo kërkesë është pranuar nga Dogana një ditë më parë kurse shërbimet po kontrollojnë nëse ndonjë kompani apo institucion ka porositur pajisje të njëjta. Dashtevski siguron që pajisjet janë të sigurta dhe funksionale dhe tani për tani nuk ka nevojë të porositen tjera. Nëse ndonjë nga pajisjet prishet në pesë vitet e ardhshme, është detyrim i kompanisë gjermane “Dermalog” ta zëvendësojë me tjetër. Përndryshe, zgjedhjet do të mbahen përsëri në dy komuna. I tillë është rasti me Mavrovën dhe Rostushën si dhe Qendër Zhupën. Në të dy komunat nuk kishte pjesëmarrje të një të tretës së votuesve të regjistruar. Por, çfarë nëse nuk ka pjesëmarrje të mjaftueshme përsëri në votimin e përsëritur?

“Pra, ligjvënësi do të duhet të vendosë nëse ajo komunë duhet të zgjerohet, zvogëlohet e kështu me radhë, sepse nuk ka pjesëmarrje të mjaftueshme. Dhe mendoj se arsyeja është sepse nuk ka mjaft banorë në kuptimin që nuk janë të pranishëm në shtëpitë e tyre “- pohoi Aleksandar Dashtevski, Kryetar i KSHZ-së.

Në Mavrovë dhe Rostushë, 10.144 banorë kanë të drejtë vote. 3,144 persona e ushtruan të drejtën e tyre të votës, ndërsa pjesëmarrja ishte 31%. Që zgjedhjet të jenë legjitime në këtë komunë, duhet të votojnë 3,381 banorë. Në Qendër Zhupë, 7,317 banorë kanë të drejtë vote, ndërsa 1,873 banorë e ushtruan atë të drejtë, me një pjesëmarrje prej 25.60%. Së paku 2,439 qytetarë duhet të votojnë që rezultati i zgjedhjeve të njihet në këtë komunë.

Në Mavrovë dhe Rostushë, 10.144 banorë kanë të drejtë vote. 3,144 persona e ushtruan të drejtën e tyre të votës, ndërsa pjesëmarrja ishte 31%. Që zgjedhjet të jenë legjitime në këtë komunë, duhet të votojnë 3,381 banorë. Në Qendër Zhupë, 7,317 banorë kanë të drejtë vote, ndërsa 1,873 banorë e ushtruan atë të drejtë, me një pjesëmarrje prej 25.60%. Së paku 2,439 qytetarë duhet të votojnë që rezultati i zgjedhjeve të njihet në këtë komunë.

Mavrovë- Rostushë

Pjesëmarrja: 31%

Votues: 10.144

Kanë votuar: 3.144

Votat e nevojshme: 3.381

Mungojnë: 237 vota

Qendër Zhupa

Pjesëmarrja: 25,60%

Votues: 7.317

Kanë votuar: 1.873

Votat e nevojshme: 2.439

Mungojnë: 566 vota

Ndërkohë rrjedh afati prej 48 orësh për pjesëmarrësit në zgjedhje të cilët mund të paraqesin ankesa në KSHZ, në lidhje me rezultatin e zgjedhjeve. Nëse ankesat nuk pranohen nga KSHZ -ja, atëherë partitë dhe pjesëmarrësit në zgjedhje kanë të drejtë të paraqesin padi në Gjykatën Administrative, si instancë më e lartë. /Alsat M/

Continue Reading

Aktuale