Connect with us

Shëndeti

OBSH rekomandon dozë të tretë për personat me probleme serioze të imunitetit

Published

on

Organizata Botërore e Shëndetësisë ka rekomanduar që njerëzit me probleme serioze të imunitetit duhet që të marrin një dozë përforcuese të vaksinës për koronavirusit. Kjo për shkak të rrezikut që këtyre personave u shkaktohet nga infeksionet që gjejnë terren nga sistemi imunitar i dobët.

Grupi Këshillimor Strategjik i Ekspertëve për imunizimin tha se doza shtesë duhet të ofrohet “si pjesë e një serie të zgjeruar parësore pasi këta individë kanë më pak gjasa t’i përgjigjen në mënyrë adekuate vaksinimit dhe janë në rrezik të lartë për të zhvilluar forma të rënda të sëmundjes.

Drejtoresha e vaksinimit në OBSH, Kate O’Brien, duke iu referuar personave me imunitet më të ulët për shkak të kushteve të tjera, tha në një konferencë për shtyp:

“Rekomandimi është për një vaksinim të tretë, një vaksinim shtesë në serinë primare dhe përsëri që bazohet në dëshmitë që tregojnë se imunogjeniteti dhe dëshmitë mbi infeksionet e përparuara përfaqësohen në mënyrë joproporcionale nga ata njerëz.”

Paneli gjithashtu rekomandoi që njerëzit mbi 60 vjeç të marrin një dozë shtesë të injeksioneve të bëra nga prodhuesit kinezë të vaksinave Sinopharm dhe Sinovac, një deri në tre muaj pas bërjes së dozës së dytë, duke cituar dëshmi në studimet në Amerikën Latine se performojnë më pak mirë me kalimin e kohës.

Continue Reading

Shëndeti

MSH: Të vaksinuarit me “Sinovak” dhe “Sinofarm” dozën e tretë mund ta marrin tre muaj pas rivaksinimit

Published

on

Komiteti nacional për imunizim sot ka sjell vendim me të cilën rekomandohet që qytetarët që janë vaksinuar dhe rivaksinuar me vaksinat e prodhuesve “Sinovak” dhe “Sinofarm”, dozën e tretë të vaksinës mund ta marrin pasi të kalojnë tre muaj nga rivaksinimi, ka bërë të ditur Ministria e Shëndetësisë (MSH).

Vaksinimi me dozën e tretë është me vaksinë të prodhuesit “Fajzer”, ndërsa vaksinimi është pa terminë të caktuar në cilëndo pikë vaksinimi në vend. Për qytetarët që kanë pranuar lloj tjetër të vaksinës, “Fajzer”, “Astra Zeneka” ose “Sputnik V” dozën e tretë të vaksinës mund të marrin pasi të kalojnë gjashtë muaj nga rivaksinimi.

Nga Ministria e Shëndetësisë apelojnë deri te qytetarët në numër sa më të madh të vaksinohen. Vaksinat përveç që janë efikase poashtu janë të sigurta, theksojmë në rëndësinë e vaksinimit. Apelojmë deri te qytetarët të vaksinohen dhe vetëm ashtu do të mund të arrijmë në imunitet kolektiv dhe të parandalojmë përhapjen e mutacioneve të SarsKov2”, qëndron në kumtesë.

Continue Reading

Shëndeti

Ja pse në mëngjes kemi më pak kilogramë

Published

on

Nëse jeni peshuar në mëngjes me siguri keni vënë re se peshoni më pak se pesha juaj normale. Pastaj në mbrëmje, nëse peshoheni sërish do të vini re se jeni 2 kilogram më shumë, por sa gjasa ka t’i keni shtuar gjatë një dite të vetme?

Sipas ekspertëve, ka disa shkaqe që ndikojnë tek pesha e mëngjesit, duke nisur nga fakti i thjeshtë që gjatë natës nuk keni ngrënë ose pirë asgjë. Gjithashtu një tjetër arsye është humbja e ujrave të trupit. Gjatë natës ne humbasim ujë duke marrë frymë, duke djerësitur dhe sigurisht duke shkuar në banjë për të urinuar.

Duke qenë se uji përbën 50-60% të peshës trupore të një të rrituri, këto ndryshime ndikojnë tek kilogramët. Gjatë natës sistemi tretës vijon të funksionojë normalisht, gjë e cila gjithashtu ndikon tek pesha më e ulët e mëngjesit. Të jeni të bindur që edhe gjatë gjumit mund të digjni mjaftueshëm kalori!

Cila është mënyra më e mirë për t’u peshuar?

Mëngjesi! Para se të hani/pini dhe pasi të keni shkuar në tualet. Ekspertët thonë se e mira është peshoheni pa rroba dhe ta mbani peshoren në një vend të qëndrueshëm në vend që ta lëvizni kudo nëpër shtëpi. Rekomandohet të peshoheni 1 herë në javë, por mos u fiksoni pas saj.

Continue Reading

Shëndeti

Pesë ushqimet më të shtrenjta në botë

Published

on

Kuptimi i njerëzve për shprehjen “ushqim i shtrenjtë” ndryshon shumë. Ekziston në të vërtetë një gamë e tërë e produkteve ushqimore që kanë etiketime çmimesh, të cilat kurrë nuk do t’i kishit imagjinuar të jenë të vërteta.

Kërpudha ”Matsutake”

Kjo kërpudhë është aq e rrallë sa çmimi i saj arrin deri në 600 dollarë për një kilogram të vetëm. Kërpudhat ”Matsutake” janë vendase në Japoni, por ato gjithashtu rriten në disa vende të ndryshme aziatike. Sidoqoftë, numri i tyre është ulur ndjeshëm për shkak të efekteve të insekteve dhe pemëve invazive që gjejnë rrugën e tyre në zonat me hije në të cilat rriten kërpudhat.

Kafe ”Kopi Luwak”

Kjo kafe prodhohet në Indonezi, Filipine dhe në jug të Indisë. ”Kopi Luwak” është kafeja më e shtrenjtë në botë. Kostoja e tij shkon deri në 1,200 dollarë për kilogram.

Hajvari i Perlës së Bardhë Albino

Një kilogram i këtij havjari kushton 8,500 €. Breshka albino është më e madhja që jeton në detin Kaspik. Kostoja e havjarit është aq e lartë për shkak të faktit se vezët nga breshka albino riprodhohe shumë rrallë.

Shafrani

Çmimi i shafranit mund të shkojë nga 400 deri në 1000 dollarë për kilogram. Kjo sepse ai rritet vetëm për shtatë ditë në vit në vjeshtë. Mblidhet dhe përpunohet me dorë. Për më tepër, për të mbledhur vetëm 1 kilogram shafran është e nevojshme të merren 300,000 lule.

Supa e foleve të dallëndysheve

Foleja e këtyre zogjve është bërë pothuajse tërësisht nga pështyma e tyre, pa ndonjë shtesë të materialit tjetër. Si pasojë, foletë e tyre janë të rëndësishme në gatimin kinez. Çmimi i lartë i kësaj pjate shpjegohet lehtë sepse mbledhja e foleve të dallëndysheve është një mision paksa i pamundur. Zogjtë ndërtojnë foletë e tyre në shkëmbinjtë e tejdukshëm, ku rreziku i rënies është shumë i lartë. Kostoja e saj është rreth 3,000 dollarë për kilogram.

Continue Reading

Aktuale