Connect with us

Teknologji

Apple do t’i lëshojë versionet iOS 15 dhe iPadOS 15 më 20 shtator

Published

on

Apple ka bërë të ditur se versionin e ri të iOS 15 për iPhone dhe atë iPadOS 15 për iPad do t’i lëshojë më 20 shtator 2021. Kompania e kishte prezantuar këtë përditësim në WWDC 2021 qysh në qershor dhe gjatë verës ofroi edhe versionet beta.

Që të dy versionet, ai iOS dhe ai iPadOS kanë marrë një sërë veçorish të reja.

Vëmendje merr dizajni i ri i njoftimeve, modaliteti i fokusimit i cili iu lejon të përzgjidhni se çfarë lloj njoftimesh të merrni e çfarë jo, përmirësime në FaceTime e cila tashmë për herë të parë ua lejon edhe përdoruesve të Android-it apo Windows-it që të kyçen në thirrje, plus kemi edhe dizajnin e ri të shfletuesit, Safari.

Në iPad, versioni i ri iPadOS sjellë plot veçori që i ka pasur iOS 14 siç janë “App Library” dhe “widgets” të madhësive të ndryshme dhe shumë të mira të tjera që Apple i ka vendosur në iOS 15.

Si pjesë e përditësimeve, tashmë Apple ua lejon të bëni “multitasking” me menynë e re për ndarjen e ekraneve.

Disa nga veçoritë do të vonohen për t’u lëshuar, kjo sepse Apple ka bërë të ditur që SharePlay është planifikuar për më vonë në vjeshtë./ATV/

Continue Reading

Teknologji

Mercedesi do ta krijojë modelin e kabrioletit elektrik. A do t’ia arrijë?

Published

on

Mercedes i pëlqen ideja e prodhimit të një kabrioleti plotësisht elektrik, por pranon se krijimi i një makine të tillë nuk do të jetë e lehtë.

Gjatë një interviste të fundit me Top Gear, shefi operativ i Mercedes, Marcus Schaefer shprehu interes për modelin e konvertueshëm elektrik, por nuk dha asnjë indikacion se në çfarë forme mund të mbërrinte ose kur mund të mbërrinte.

“Nuk është aq e lehtë të ndërtosh një kabriolet elektrik të bukur,” filloi Schaefer.

“Dhe ne duhet të pranojmë se kërkesa për kamionë dhe kabriolet është në rënie. Kina nuk është një treg i konvertueshëm dhe ka më pak klientë në Evropë sesa disa vjet më parë. Por unë mendoj se është një produkt shumë tërheqës dhe një produkt emocional që ndërton një markë “.

“Ne duhet të vendosim kufij në të menduarit dhe të krijojmë një EV në formën e një roadster,” shtoi ai.

“Kur mendoni për AMG dhe shndërrimin e AMG në një markë elektrike, ne patjetër që do të mendojmë edhe për konvertibilin.”

Mercedes-AMG EV e konvertueshme mund të marrë shumë forma. Për shembull, mund të pozicionohet si një rival i Tesla Roadster-it të ardhshëm ose mund të jetë një GT luksoz më shumë si një kabrioletë e S-Class.

Mund të jetë edhe një makinë e vogël sportive e ngjashme në madhësi me SLC. Çfarëdo që të jetë, me siguri do të jetë e shpejtë.

Vitet e fundit, Mercedes ka prezantuar një kabriolet elektrik veçanërisht tërheqës, Vision Mercedes-Maibach 6 Cabriolet me 750 kuaj fuqi dhe u krijua me një gamë prej mbi 500 km kur u prezantua në 2017.

Continue Reading

Teknologji

Parashikohet rritje drastike e vlerës së Bitcoin, mund të arrijë në 100 mijë euro

Published

on

By

Parashikohet rritje drastike e vlerës së Bitcoin, mund të arrijë në 100 mijë euro

Ekipi i ri hulumtues i kriptomonedhës në kompaninë britanike të shërbimeve bankare “Standard Chartered” parashikon rritje të madhe të vlerës së Bitcoin.

Vlera e bitcoin parashihet të dyfishohet dhe mund të arrijë në 100,000 në fund të këtij viti ose në fillim të vitit të ardhshëm, si dhe se në planin afatgjatë mund të shkojë deri në shifrat prej 175,000 dollarëve, raporton Reuters, transmeton Albinfo.ch.

Kompania gjithashtu iu referua Etherumit, kriptomonedhës së dytë më të njohur, duke vlerësuar se mund të rritet në nga 26,000 deri në 35,000 dollarë. Sidoqoftë, që Etherum të arrijë këtë çmim, Bitcoin do të duhej të afrohej në 175,000 dollarë.

“Si një mjet këmbimi, Bitcoin mund të bëhet metoda dominuese e pagesës ‘peer-to-peer’ në botën e ardhshme pa para”, kanë thënë anëtarët e ekipit të analistëve të udhëhequr nga Geoffrey Kendrick, raporton Reuters.

“Në mënyrë ciklike, ne presim një kulm prej rreth 100,000 dollarë në fund të vitit 2021 ose në fillim të vitit 2022”, thanë ekspertët britanik.

Continue Reading

Teknologji

Samsung nuk ndalet së talluri me iPhone 13: A po shihni edhe ju “Deja Vu” apo vetëm ne?

Published

on

Kompania amerikane, Apple ka prezantuar gjatë ditës së djeshme telefonin më të ri të mençur iPhone 13.

Firma teknologjike ka sjell risi të mëdha në produktetet e saja, por duket se disa prej tyre tashmë mund të gjenden te rivali korean, Samsung.

Edhe ekranet ProMotion të iPhone 13 me një ritëm të ndryshueshëm të rifreskimit prej 120Hz, Samsung në një mënyrë shumë të dukshme ka tallur Applen, sepse mes këtyre të fundit vendosi të bashkohet me kompanitë, telefonat e të cilëve vijnë me rifreskim 120 hz ekranet, “Ne jemi duke u freskuar tash e sa kohë me 120Hz”.

“Imagjinoni që të keni akoma një vrimë në ekran në vitin 2021”, ishte tallja e fundit e kompanisë koreane me rivalen amerikane.

Ndryshe, produktet e reja që Apple njoftoi ishin iPhone 13 Mini, iPhone 13 , iPhone 13 Pro, iPhone 13 Pro Max.

Continue Reading

Aktuale