Connect with us

Bota

Blendi Fevziu: Dështimi i Perëndimit në Afganistan do të ketë pasoja të mëdha

Published

on

Blendi Fevziu: Dështimi i Perëndimit në Afganistan do të ketë pasoja të mëdha

Gazetari Blendi Fevziu shprehet se Perëndimi ka dështuar në Afganistan dhe sipas tij pasojat e këtij dështimi do të jenë të mëdha. Drejtuesi i emisionit “Opinion” në një intervistë për Klan News tha se tashmë e dimë se çfarë pritet të ndodh në këtë vend, pasi talebanët janë të njohur për atë që kanë bërë kur kanë qenë më herët në pushtet.

Fevziu tregoi dhe eksperiencën e tij në Afganistan gjatë vizitave që ka zhvilluar dhe tha se njerëzit i kanë treguar histori të tmerrshme se çfarë bëjnë talebanët.

“Unë kam qenë në Afganistan 2 herë. Por i kam ndjekur zhvillimet më parë. Rënia e Kabulit është njësoj si rënia në vitin 1996, në atë kohë qeveria  që kishte lënë mbrapa Bashkimi Sovjetik e mbajti vendin dhe për disa vite.  Hyrja e talebanëve në Kabul ishte një çështje që zgjati më pak se 10 ditë. Më kujtohet atëherë që gjëja e parë që talebanët bënë ishte varja e presidentit dhe të gjithë bashkëpunëtorëve të tij në qendër të Kabulit për të treguar një shenjë hakmarrje.

Unë kam qenë dhe më pas në Kabul dhe njerëzit tregonin histori të frikshme. Natyrisht ky është një nga dështimet më të mëdha të demokracive perëndimore. Por diçka ishte e paralajmëruar, Afganistani ka mundur Perandorinë Britanike dhe më pas Bashkimin Sovjetik dhe tani ka detyruar Amerikën të largohet. Është një dështim i perëndimit, një dështim që do të ketë kosto të mëdha në të gjithë rajonin”, u shpreh gazetari./tvklan.al

Continue Reading

Bota

“Vajza afgane” e fotografisë së famshme evakuohet në Itali

Published

on

Vajza me sy jeshilë nga fotografia e famshme e ‘National Geographic’ e titulluar “Vajza afgane” ka mbërritur në Itali si pjesë e evakuimeve perëndimore pasi talebanët morën pushtetin, tha qeveria italiane.

Zyra e kryeministrit Mario Draghi tha se Italia ka organizuar evakuimin e Sharbat Gulas, pasi ajo kërkoi ndihmë që të largohej nga shteti.

Qeveria italiane do ta ndihmojë që të integrohet dhe të bëjë jetën në Itali, thuhet në njoftimin zyrtar.

Gula fitoi famë ndërkombëtare në vitin 1984 si një vajzë refugjate afgane, pasi portreti i saj i realizuar nga fotografi i luftës Steve McCurry, u publikua në kopertinën e ‘National Geographic’. McCurry e gjeti atë përsëri në 2002.

Në vitin 2014, ajo ishte në Pakistan, por u fsheh kur autoritetet e akuzuan se kishte blerë një kartë identiteti të rreme pakistaneze dhe urdhëruan deportimin e saj. Ajo u dërgua në Kabul ku presidenti i asaj kohe organizoi një pritje për të në pallatin presidencial dhe ia dorëzoi çelësat e një apartamenti të ri.

Italia ishte një nga disa vende perëndimore që transportoi qindra afganë jashtë vendit pas largimit të forcave amerikane dhe pushtimit të talebanëve në gusht. /euronews.al/

Continue Reading

Bota

Korea e Veriut ndalon xhaketat e lëkurës, nuk duhet të imitohet Kimi

Published

on

Vendi komunist, Korea e Veriut, raportohet të ketë ndaluar xhaketat prej materialit lëkurë në mënyrë që njerëzit tjerë të mos dukeshin si apo më mirë se lideri Kim Jong-un.

Veshjet e lëkurës ishin veshur nga z. Kim Jong-un në dhjetor të vitit 2019 dhe prej atëherë janë bërë trend i vërtetë mes elitës në Kore të Veriut që po tregon besnikëri për liderin e tyre.

Nuk dihet se çka ka shtyrë z. Kim të veshej me lëkurë në atë kohë.

Por, së fundi, janë mbyllur dyqanet që sheshin me lëkurë.

Gjithçka filloi shtatorin e kaluar, kur tregtia jozyrtare midis Kinës dhe Koresë së Veriut u RIÇEL pas bllokadës për shkak të një pandemie. Tregtarët vendas filluan të blinin xhaketa lëkurë. Kjo me sa duket nuk i ka pëlqyer udhëheqësit të Koresë së Veriut.

Continue Reading

Bota

Turqia vazhdon të ulë normat e interesit pavarësisht zhvlerësimit të lirës turke

Published

on

By

Turqia vazhdon të ulë normat e interesit pavarësisht zhvlerësimit të lirës turke

Ankara, 26 nëntor 2021 (MIA) – Lira turke ka humbur 45 për qind të vlerës së saj që nga fillimi i vitit, dhe rreth gjysma e këtyre humbjeve ka ndodhur që nga fillimi i javës së kaluar.

Turqia është e vendosur të vazhdojë politikën e saj të uljes së normave të interesit dhe “sulmet manipuluese” ndaj lirës turke, ​​e cila këtë javë shënoi rënie në nivelin më të ulët historik, nuk do të shkaktojë dëme të qëndrueshme, tha zëvendësministri i Financave, Nuredin Nebati në Tuiter.

Lira turke arriti rekord të ulët kundrejt dollarit të martën, duke rënë në 13,45 lira për një dollar pasi presidenti Rexhep Tajip Erdogan e mbrojti Bankën Qendrore, e cila e uli normën e saj bazë të interesit në 15 për qind, pavarësisht se inflacioni arriti në gati 20 për qind.

Lira turke ka humbur deri në 45 për qind të vlerës së saj që nga fillimi i vitit dhe rreth gjysma e këtyre humbjeve ka ndodhur që nga fillimi i javës së kaluar. Ka rikuperim të lehtë në tre ditët e fundit dhe mëngjesin e sotëm po tregtohej në nivelin 12,10 lira për një dollar.

“Ne duhet ta vlerësojmë ekonominë turke nga një këndvështrim më i gjerë, jo nga këndvështrimi më i ngushtë i bazuar vetëm në kursin e këmbimit. Ruajtja e normës së interesit nën inflacion nuk është problem në kushtet aktuale të tregut”, shkruan Nebati në disa postime në Tuiter.

Continue Reading

Aktuale