Connect with us

Lajme

Filipçe: Përqindja e personave të sëmurë nga Kovid -19 të cilët janë të rivaksinuar është e vogël

Published

on

Filipçe: Përqindja e personave të sëmurë nga Kovid -19 të cilët janë të rivaksinuar është e vogël

Shkup, 27 korrik 2021 (MIA) – Përqindja e personave të sëmurë të cilët janë rivaksinuar është me të vërtetë shumë e vogël, rreth 0,02 për qind. Nga gjithsej 330 mijë të rivaksinuar, 92 pacientë janë të sëmurë nga Kovid-19. Kjo është edhe një dëshmi për atë se sa ka efekt vaksina, deklaroi sot ministri i Shëndetësisë, Venko Filipçe. Ai ju bëri thirrje të gjithë qytetarëve që të dinë dhe të jenë të vetëdijshëm se vaksinimi është mënyra e vetme që të ndryshojë pasqyra e pandemisë.

Ministri sot theksoi se në përgjithësi mirë po realizohet procesi gjithëpërfshirës i vaksinimit. Sot pritet të tejkalohet numri prej 500 mijë të vaksinuarve, me të paktën njërën dozë, ndërsa mbi 330 mijë tashmë janë rivaksinuar.

“Domethënë periudhën e ardhshme presim që deri në fund të gushtit të gjithë 500 mijë të cilët janë vaksinuar me njërën dozë të rivaksinohen”, deklaroi sot Filipçe në përgjigjen e pyetjes së gazetarëve pas ngjarjes në Klinikën e Ortopedisë.

Sa i përket vaksinimit në teren, Filipçe theksoi se po realizohet mirë, duke theksuar se rreth 200 mijë persona janë vaksinuar që nga fillimi e deri më tani. Siç shtoi, numri mesatar i vaksinave me dozën e parë periudhën e kaluar në një ditë është ndërmjet 3 dhe 5 mijë, diku rreth 30 mijë gjatë dy javëve të kaluara.

“Në këtë kuptim, tashmë në muajin gusht, në bazë të kuadrit që është në shtëpitë e shëndetit do të vazhdojë të vaksinohet vetëm në pikat e vaksinimi, në kuadër të shtëpive të shëndetit, mbetet të funksionojë salla në Tetovë dhe Strumicë, procesi tjetër gjithëpërfshirës do të realizohet në pikat e shtëpive të shëndetit dhe vaksinimit në teren, i cili vazhdon sipas sistemit të rotacionit”, tha Filipçe.

Ai theksoi se në gusht do të vazhdojnë me fushatë intensive dhe me vaksinimin në teren, por edhe pas thirrje në kuadër të Ministrisë së Arsimit dhe Shkencës të vaksinohen të punësuarit në shkolla dhe kopshte të fëmijëve, sepse, siç tha, ata janë sektorët më kritikë dhe më të rëndësishëm që të mund të punojnë normal kopshtet e fëmijëve dhe shkollat nga muaji shtator.

Në pjesën lindore të shtetit, Filipçe tha se ekziston përfshirje e vogël e vaksinimit, ndërsa afërsisht është e lartë në Ohër dhe Manastir. Siç tha, rreth 60 për qind e popullatës së përgjithshme në shtet të moshës mbi 65 vjet, tashmë është vaksinuar. Janë vaksinuar rreth 630 fëmijë nën 18 vjet prej kur filloi thirrja për vaksinim.

“Fushata fuqishëm do të intensifikohet veçanërisht pas 14 gushtit, përmes Ministrisë sonë të Shëndetësisë, përmes Delegacionit të BE-së, përmes Qeverisë dhe përmes UNICEF-it, me qëllim që të ngritët përfshirja e vaksinimit. Njerëzit të cilët janë në teren në vendet rurale dhe mjekët dhe infermieret qartë i shënojnë vendet ku po realizohet ai vaksinim. Qartë njoftohen banorët e atyre vendeve ku realizohet”, tha ministri Filipçe.

Ai theksoi edhe se mirë menaxhohet procesi gjithëpërfshirës në pikat e shtëpive të shëndetit.

Filipçe sqaroi se pret parregullsi ose rrëmuje të madhe në sistemin për rivaksinim. Theksoi se janë të gatshëm që të intervenojnë, por për momentin konsideron se mjafton vaksinimi të zbatohet në shtëpitë e shëndetit.

Continue Reading

Lajme

Milloshoski: Zaev dëshiron ta mbajë Filipçen për shkak të tenderëve

Published

on

Kuvendi ende nuk e ka marrë dorëheqjen e ministrit të Shëndetësisë, Venko Filipçe dhe të zëvendësit të tij Ilir Hasani, të cilat VMRO-DPMNE-ja kërkoi që kryeministri Zaev t’i dorëzojë në Parlament. Këtë në emisionin “10 Minuta” të “TV21” e deklaroi deputeti i opozitares VMRO-DPMNE, Antonio Milloshoski. Ai mes të tjerësh tha se Zaevi mundohet ta zvarrisë punën dhe akuzon se arsyeja se përse ende nuk e pranon dorëheqjen janë tenderët në shëndetësi.

“Për shembull para një viti e gjysmë dorëheqje dha zëvendësministri i atëhershëm i Arsimit, Petar Atanasov, dorëheqje kjo e cila ishte shumë e shpejtë. Për një-dy ditë e njëjta ishte proceduar në Kuvend dhe ishte konstatuar. Tani dorëheqje dha edhe Venko Filipçe, por shohim se edhe pas 10 ditëve nga parashtrimi i dorëheqjes, ajo ende nuk është dërguar në Kuvend. Vlerësojmë se Ministria e Shëndetësisë, si institucion i cili disponon me fond të madh dhe shumë tenderë, është arsyeja për shkak të së cilës Zaevi mundohet ta mbajë Venko Filipçen në postin nga i cili ai vetë dha dorëheqje”, tha Milloshoski.

Edhe pse në opinionin publik kishte dyshime nëse janë dorëzuar dorëheqjet e ministrit Filipçe dhe zëvendësit të tij, Ilir Hasani, zëdhënësi i Qeverisë, Dushko Arsovski dje konfirmoi se dorëheqjet janë deponuar.

“Dorëheqjet e ministrit dhe zëvendësi ministrit të shëndetësisë i janë dorëzuar kryeministrit dhe janë arkivuar. Përmbajtja e dorëheqjeve nuk dallon nga ajo që ata të dytë e thanë”, theksoi zëdhënësi i Qeverisë, Dushko Arsovski.

Milloshoski, për deklaratën e Zaevit se për dorëheqjet do të prononcohet pas mbarimit të hetimit, tha se është vetëm përpjekje për manipulim.

“Dorëheqja e ministrit Filipçe është përgjegjësi objektive që duhet të konstatohet për shkak se ka ndodhur një katastrofë e madhe shëndetësore dhe njerëzore në resorin e tij. Për përgjegjësinë subjektive, nëse ai ka përgjegjësi penale në lidhje me ndërtimin e spitaleve modulare, ose dikush tjetër është përgjegjës për këtë gjë, do të tregojë hetimi. Andaj, mendoj se dorëheqjet nuk duhet të lidhen me hetimin”, shtoi Milloshoski.

Kaluan 8 ditë nga zjarri tragjik në të cilin jetën e humbën 14 persona, megjithatë deri më tani ende nuk janë konstatuar dorëheqjet e deponuara të ministrit të shëndetësisë, Venko Filipçe dhe zëvendësit të tij, Ilir Hasani dhe të dy drejtorëve të spitalit./TV21/

Continue Reading

Lajme

Paralajmërohen vërshime ne Maqedoninë e Veriut

Published

on

Drejtori i Qendrës për Menaxhim me Kriza Stojançe Angellov njoftoi se brenda një muaji do të ketë përmbytje të mëdha, sipas vlerësimeve.

“Së bashku me njerëzit nga vlerësimi i rrezikut dhe rrezikimi, arritëm në përfundimin se përmbytjet do të vijnë në Maqedoni brenda disa javësh, ndoshta mbas një muaji, sepse është e zakonshme që thatësira të tilla të kenë përmbytje, statistikisht.

Kjo nuk do të thotë se do të ketë. Prandaj tani po i paralajmëroj kryetarët e komunave që të pastrojnë kanalet.

Para zjarreve, unë paralajmërova kryetarët e komunave se ata mund të mbështeteshin vetëm në dy helikopterë në rast zjarri. Ky është realiteti”, tha Angellov.

Continue Reading

Lajme

Tateshi: Brengos deklarata e kryeministrit se është në kontakt me prokurorinë për tragjedinë në Tetovë

Published

on

Ne duhet ta ndajmë përgjegjësinë morale nga ajo juridike. Kështu deklaroi Bekim Tateshi nga Aleanca për Shqiptarët në emisionin “Rruga Drejt”.
Sipas tij ky rast nuk është i parë që ka ndodhur në Evropë dhe në botë.

“Ka pasur shumë vende ku ka pasur paraqitje të zjarrit dhe ministri i Shëndetësisë të nesërmen ka dhënë dorëheqje edhe atë të parevokueshme. Se ne tani në këtë rast kemi lojëra me dorëheqjet. Jo ja jap këtij atij, por asnjëri nuk tha se e jap dorëheqje të parevokueshme”, deklaroi Tateshi.
Sipas tij, në aspektin e përgjegjësisë juridike nuk kanë çfarë të marrin pjesë kryetari i partisë Ali Ahmeti ose kryeministri.

“Në momentin që vendosen shiritat në vendin e ngjarjes aty më nuk guxon të hyje kërkosh. Kjo është abc e juridikes. Dhe kjo është për tu habitur se si kanë defiluar ministrat e BDI-së, diku 7-8 prej tyre të cilët nuk kanë nevojë të ishin aty, atë ne duhet të ja lëmë prokurorisë që ata ta kryejnë punën deri në fund”, u shpreh Tateshi.

Ai shtoi se ata i brengos fakti edhe deklarata e kryeministrit i cili ka thënë se ai tërë kohën është në kontakt me prokurorinë.

“Kjo që ndodhi në Tetovë është ishte një shkëndijë e vogël e asaj që u thash qe shëndetësia është e sëmurë. Kjo një ditë do të ndodhte, dhe për fat të keq ndodhi në Tetovë. Nëse politika vazhdon të ketë gisht në shëndetësi, unë kam frik se mund të ndodh edhe në vend të tjera, jo vetëm në spitalet modulare por edhe në përgjithësi në shëndetësi”, deklaroi më tej Tateshi.

Continue Reading

Aktuale