Connect with us

Kosovë

“Shoferi tha se e zuri gjumi”, si erdhi deri te aksidenti tragjik në Kroaci

Published

on

10 persona kanë vdekur e mbi 40 të tjerë janë lënduar në një aksident tragjik që ka ndodhur mëngjesin e sotëm në Slavonski Brod të Kroacisë. Në mesin e të vdekurve është edhe një prej shoferëve të autobusit, i cili në momentin e aksidentit nuk ishte duke vozitur, raporton Express.

Shoferi i cili ishte duke vozitur në momentin e aksidentit e ka pranuar gjatë intervistimit nga Policia se për një moment e kishte zënë gjumi. I njëjti është arrestuar menjëherë pas aksidentit.

Një gjë të tillë e ka konfirmuar zëvendësprokurori komunal Slavko Pranjiq.

“Sipas fakteve të vërtetuara deri tash, ka të bëjë me daljen e autobusit në anën jugore të rrugës. Autobusi po udhëtonte nga Frankfurti në Prishtinë, transportues i Deva Tours me seli në Prishtinë. Shoferi i autobusit u gjet në vendngjarje, ai u arrestua. Një hetim është kryer, veprime tjera janë marrë për të filluar procedura penale.

Shoferi u arrestua me dyshimin për drejtimin e një automjeti në mënyrë të papërshtatshme. Nuk mund të flasim për shkaqet e daljes nga rruga. Ai deklaroi se e zuri gjumi për një moment, por ne do të përcaktojmë të gjitha ato me kohë”, ka thënë Pranjiq, raporton Dnevnik.hr.

Në vendin e ngjarjes kanë dalë Shefi i Mbrojtjes Civile në Kroaci, Damir Trut dhe Ministri i Shëndetësisë Vili Berosh.

Pasi e vizitoi spitalin në Slavonski Brod, ku 45 të lënduar kërkuan ndihmë, Vili Berosh iu drejtua publikut, duke treguar se 15 persona janë lënduar rëndë, në mesin e të cilëve një vajzë e mitur, raporton Index.hr.

“69 persona, 67 pasagjerë dhe 2 shoferë u përfshinë në aksident”, tha Berosh. “15 persona u plagosën rëndë”, shtoi ai.

“Kishte edhe të mitur në aksident, një vajzë u lëndua rëndë”, theksoi ministri kroat.

Ai tha se në terren ishin përfshirë shpejt 6 ekipe të ndihmës së shpejtë.

Ndërkohë, kreu kroat i Mbrojtjes Civile, Damir Trut tha se në autobus kishte edhe fëmijë.

Drejtori i spitalit rajonal, Dr. Josip Samardzhiq tha se 45 persona ishin pranuar në spital që nga mëngjes, të cilët kishin kërkuar ndihmë mjekësore pas këtij aksidenti të rëndë në autostradë afër Slavonski Brod, dhe se tetë prej tyre u lënduan rëndë.

Për aksidentim tragjik, ka reaguar kompania turistike “Deva Tours”, ku ka njoftuar se në mesin e të vdekurve është edhe një prej shoferëve.

“Me pikëllim të thellë ju njoftojmë që fatkeqësisht sot rreth orës 6:30, njëri nga autobusët tanë i linjës Frankfurt-Prishtinë ka pësuar aksident në Slovanski-Brod, Kroaci. Bazuar në informatat që i kemi nga vendi i ngjarjes, na bëjnë me dije që si pasojë disa nga pasagjerët tonë (ndër ta edhe njëri nga shoferët tonë) kanë ndërruar jetë në vendin e ngjarjes dhe disa të tjerë janë lënduar”, thuhet në reagim.

Kjo kompani ka shprehur ngushëllime për gjithë familjarët e viktimave dhe ka thënë se do t’u qëndrojë me të gjitha mundësitë familjeve të viktimave dhe të të lënduarve.

“Duke ndarë dhimbjen dhe shqetësimin e thellë me të gjithë familjarët e pasagjerëve, ju sigurojmë që kompania jonë me të gjitha mundesitë do t’u qëndrojë afër familjarëve të viktimave dhe të të lënduarve në këtë aksident. Përfaqësuesit tonë nga Gjermania dhe Kosova janë rrugës për në vendin e ngjarjes dhe për detaje tjera do t’u mbajmë të informuar me kohë”, thuhet në reagimin e kompanisë.

Për rastin, kanë reaguar edhe krerët e institucioneve shtetërore.

Presidentja Vjosa Osmani ka thënë se shteti i Kosovës do të jetë në krah të familjeve të atyre që kanë vdekur sikurse edhe të të lënduarve.

“Shteti i Kosovës do të jetë në krah të familjeve të atyre që humbën jetën, sikurse edhe të të lënduarve, të cilëve ju dëshiroj shërim të shpejtë.

Veprimet tona shtetërore do të jenë në funksion të lehtësimit të dhimbjes së familjeve që humbën më të dashurit e tyre, ndaj zyrtarë të institucioneve të Kosovës tashmë janë nisur për në Kroaci për t`u dalë në ndihmë qytetarëve tanë të përfshirë në këtë aksident tragjik”, ka shkruar Osmani.

Kryeministri Albin Kurti ka thënë se ende s’kanë konfirmime zyrtare për detajet, por se luten që të ketë sa më pak të vdekur e sa më shpejt të shërohen të lënduarit.

Ai ka bërë me dije se Ministri i Brendshëm, Xhelal Sveçla është nisur për në Kroaci.

“Me pikëllim të thellë e morëm lajmin për aksidentin tragjik në Kroaci, të një autobusi me targa të Kosovës. Ndonëse ende nuk kemi konfirmime zyrtare për detajet, lutemi të ketë sa më pak të vdekur e sa më shpejt të shërohen të lënduarit. Ministri ynë i Punëve të Brendshme po niset për Kroaci, ndërkaq drejt vendit të aksidentit te autostrada e Sllavonski Brodit tashmë është nisur ambasadori ynë në Zagreb. Me ankth e shpresë jemi pranë qytetarëve tanë dhe familjeve të tyre në këto çaste të rënda”, ka shkruar Kurti.

Edhe Kryeparlamentari Glauk Konjufca ka reaguar pas aksidentit tragjik në Kroaci, ku mbetën të vdekur 10 persona dhe u lënduan dhjetëra të tjerë.

Përmes një postimi në llogarinë e tij në Facebook, Konjufca ka thënë se duke u lutur që të ketë sa më pak viktima, “bashkëndjejmë të pikëlluar me familjarët e bashkatdhetarëve që u aksidentuan”.

“Në mëngjesin e sotëm ka ndodhur një aksident i rëndë në autostradën Slavonski Brod në Kroaci! Autobusi ishte i linjës Frankfurt-Prishtinë, i mbushur me bashkatdhetarë. Duke u lutur që të ketë sa më pak viktima, bashkëndjejmë të pikëlluar me familjarët e bashkatdhetarëve që u aksidentuan në këtë ngjarje të trishtë”, ka shkruar Konjufca./Gazeta Express

Continue Reading

Kosovë

Nis fushata elektorale në Kosovë, takime të vogla dhe fushatë nëpërmjet medieve sociale

Published

on

16 shtatori shënon hapjen e fushatës zgjedhore lokale për zgjedhjet e 17 tetorit, e autoritet ende nuk kanë marrë vendim mbi zhvillimin e saj.

Megjithëkëtë, në mungesë të një vendimi nga qeveria, partitë politike kanë zgjedhur vetë modalitetet.
Shefi i Grupit Parlamentar të LDK-së, Arben Gashi, thotë se 25 ditët e para, fushata do të zhvillohet vetëm në formë digjitale dhe me takime të vogla bazuar në masat anti Covid.

Në anën tjetër, edhe PDK-ja ndanë qëndrimin e njëjtë, për çka thonë se u kanë bërë thirrje kandidatëve të mos mbajnë tubime të mëdha.
Por, qëndrim nuk kanë dhënë nga partia më e madhe e në pushtet, Lëvizja Vetëvendosje, kreu i së cilës nuk kishte shprehur gatishmëri për t’iu bashkuar propozimit të opozitës për fushatë pesë ditore.
Bazuar në masat aktuale, nuk lejohet grumbullimi i më tepër se 20 personave në ambiente të mbyllura dhe 30 në ambiente të hapura.

Ministria e Shëndetësisë në një përgjigje me shkrim ka treguar se do të “ofrojnë mbështetje me udhëzues të përkohshëm për masat e përgjithshme dhe veçanta lidhur me Covid 19 në mënyrë specifike për zgjedhjet, për të respektuar masat anti Covid.

Continue Reading

Kosovë

Murati: Ndërtimi i rrugës Prizren-Tetovë pritet të përfundojë brenda këtij mandati

Published

on

Këtë të enjte, në Shkup është mbajtur mbledhja e parë e përbashkët e Qeverisë së Kosovës dhe Qeverisë së Maqedonisë së Veriut më çrast u nënshkruan 11 marrëveshje.

Në këtë mbledhje, përveç kryeministrit Kurti nga Qeveria e Kosovës morën pjesë edhe disa ministra nga kabineti qeveritar ku mes tyre ishin edhe ministri i Punëve të Brendshme, Xhelal Sveçla dhe ministri i Financave, Hekuran Murati.

Njëra ndër pikat e marrëveshjes së nënshkruar nga dy qeveritë është edhe ndërtimi i rrugës që lidh Prizrenin me Tetovën e që sipas Muratit, synim i Qeverisë së Kosovës është që kjo rrugë të përfundoj brenda mandatit të Qeverisë Kurti 2.

“Ne si qeveri jemi të përkushtuar që ky projekt të përfundoj brenda këtij mandati. Ne, qysh tani do të nisim me përgatitjen e studimit të fizibilitetit dhe përzgjedhjen e opsioneve ku ka disa opsione. Sapo ta kemi një opsion, ne si Qeveri e Kosvoës jemi të përkushtuar që sa më shpejt të nis dhe të përfundoj ky projekt brenda këtij mandati”, është shprehur Murati, njofton Klankosova.tv.

Sipas Sveçlës, kjo ishte një mbledhje historike për të dy palët ku shprehen vullnetin për bashkëpunime substanciale, teksa tha se përveç 11 marrëveshjeve të nënshkruara është edhe një numër tjetër i marrëveshjeve që pritet të nënshkruhen.

“Janë nënshkruar 11 marrëveshje dhe janë një numër tjetër i marrëveshjeve që janë duke u përgatitur dhe do të nënshkruhen e do të sjellin një ndryshim për raportet mes dy vendeve”.

“Përveç nënshkrimit të marrëveshjeve, u zotuam për implementimin pikë për pikë të këtyre marrëveshjeve”, është shprehur Sveçla.

Continue Reading

Kosovë

Këto janë marrëveshjet e nënshkruara në mbledhjen e përbashkët Kosovë-Maqedoni Veriore

Published

on

Kosova dhe Maqedonia Veriore kanë mbajtur sot mbledhjen e parë të përbashkët të dy qeverive.

Me këtë rast janë nënshkruar 11 marrëveshje të bashkëpunimit, e që nga të dy kryeministrat u vlerësua se ky bashkëpunim është një konfirmim për marrëdhëniet e shkëlqyera miqësore, për bashkëpunimin e ngushtë, për realizimin e vazhdueshëm të interesave të ndërsjella dhe për ndarjen e përcaktimeve të përbashkëta për Ballkanin Perëndimor si rajon i qëndrueshëm i paqes, plotësisht i integruar në BE dhe NATO.

Në pjesën ceremoniale të mbledhjes, sot kryeministrat e të dy qeverive dhe ministrat dikasterial i nënshkruan Memorandumet për Mirëkuptim mes Qeverisë së Republikës së Maqedonisë së Veriut dhe Qeverisë së Republikës së Kosovës për përcaktimin e fushëveprimit të përgjithshëm të bashkëpunimit lidhur me studimin e fizibilitetit për rrugën Prizren – Tetovë dhe për rehabilitimin e zonës tampon Bllacë mes dy objekteve kufitare të të dyja vendeve.

Këto janë marrëveshjet tjera:

-Marrëveshja për Bashkëpunim në fushën e diasporës,

-Marrëveshja për Statusin e Pjesëtarëve të Forcave të Armatosura të Republikës së Maqedonisë së Veriut dhe Forcat e Sigurisë së Republikës së Kosovës (SOFA),

-Protokoll për Zbatimin e Marrëveshjes për realizimin e Marrëveshjes mes Qeverisë së Republikës së Maqedonisë së Veriut dhe Qeverisë së Republikës së Kosovës për rregullim kufitar të komunikacionit hekurudhor,

-Memorandum për Bashkëpunim në Sektorin Energjetik,

-Marrëveshje për Bashkëpunim në fushën e turizmit,

-Memorandum për Bashkëpunim në fushën e inovacioneve dhe zhvillimit teknologjik dhe sipërmarrësish,

-Marrëveshje për Partneritet ndërmjet Republikës së Kosovës, përfaqësuar nga Ministria e Administratës për Vetëqeverisje Lokale si partner-lider i Republikës së Maqedonisë së Veriut, përfaqësuar nga Ministria e Vetëqeverisjes Lokale si partner për menaxhim me grant marrëveshjen për ndihmë teknike 2019/410-322, në kuadër të programit IPA Kosovë – Maqedonia e Veriut 2014/2020,

-Memorandum për Bashkëpunim ndërmjet Ministrisë së Vetëqeverisjes Lokale të Republikës së Maqedonisë së Veriut dhe Ministrisë për Zhvillim Rajonal të Republikës së Kosovës dhe

-Memorandum për Bashkëpunim ndërmjet Ministrisë së Bujqësisë, Pylltarisë dhe Ekonomisë së Ujërave të Republikës së Maqedonisë së Veriut dhe Ministrisë së Bujqësisë, Pylltarisë dhe Zhvillimit Rural të Republikës së Kosovës.

Continue Reading

Aktuale