Connect with us

Bota

Mbi 110 të vdekur pas reshjeve të mëdha në Maharashtra të Indisë

Published

on

Të paktën 110 njerëz kanë humbur jetën nga rrëshqitjet e dheut dhe përmbytjet e shkaktuara nga shirat e dendur në shtetin perëndimor indian, Maharashtra, transmeton Insajderi.

Siç raporton ’BBC’, shirat pushtuan qindra fshatra, duke zhdukur shtëpi dhe duke i lënë banorët të bllokuar.

Ekipet e shpëtimit kanë dalë për të evakuuar të mbijetuarit, por shumë njerëz raportohen të zhdukur.

Kryeministri indian, Narendra Modi, ka thënë se ai ishte ankthuar nga humbja e jetëve dhe ka premtuar ndihmë për të prekurit.

Autoritetet u kanë kërkuar banorëve të bllokuar të shkojnë në çatitë e shtëpive në mënyrë që ekipet e shpëtimit në helikopterë t’i dallojnë ata.

Ndërsa, shërbimet e trenave janë pezulluar dhe zonat e ulëta të qytetit janë kthyer në zona përmbytjesh.

Ekspertët e motit thonë se reshjet e mëdha të shiut do të vazhdojnë të godasin qytetin gjatë ditëve të ardhshme.

Shirat e dendur në Mumbai nuk janë të rralla. Qyteti përjeton përmbytje çdo vit gjatë sezonit të shirave, por intensiteti i shirave është rritur në kohët e fundit.

Mijëra njerëz migrojnë në qytet çdo ditë në kërkim të vendeve të punës.

Kjo nxit ndërtime të shpejta – dhe shpesh të parregulluara – duke i detyruar shumë të jetojnë në ndërtesa me cilësi të dobët./Insajderi.com

Continue Reading

Bota

Presidenti Biden ia harron emrin kryeministrit australian, e quan “ai shoku” (Video)

Published

on

Presidenti i Shteteve të Bashkuara të Amerikës, Joe Biden, duket të ketë harruar emrin e kryeministrit të Australisë.

Gjatë një video konference të mbajtur të mërkurën, për të shpallur paktin e sigurisë krijuar mes SHBA-së, Britanisë së Madhe dhe Australisë, Bideni pasi dëgjon fjalimin e kryeministrit britanik, kthehet nga ekrani tjetër ku pritej të fliste kryeministri australian, Scott Morrison.

Mirëpo, në ato momente Bideni meqë nuk e mbante në mend emrin e Morrisonit, i drejtohet atij me “ai shoku aty”.

Takimi virtual i tre liderëve të tri shteteve është mbajtur për të diskutuar paktin e sigurisë të quajtur “Aukus” në Paqësor. Ky pakt është kundërshtuar ashpër nga Kina.

Continue Reading

Bota

“Unë jam mirë”, udhëheqësi taleban mohon zërat për shkëmbim zjarri në Pallatin Presidencial

Published

on

Zëvendëskryeministri i talebanëve Abdul Ghani Baradar ka mohuar raportet se ai ishte vrarë në një luftë të dyshuar me një grup terrorist rival, ndërsa u shfaq në kamera për herë të parë pas disa ditësh i fshehur.

Sipas medieve të huaja, grupi islamik ishte gjendur në luftime të ashpra me të ashtuquajturit ‘të moderuar’ që mendohet se ishin në luftë me grupet e ashpra terroriste, pasi të dy luftojnë për pushtet në vakumin e lënë nga tërheqja e Amerikës nga Afganistani.

Baradar, një anëtar i gardës së vjetër talebane që drejtoi negociatat me amerikanët në Katar, mendohej se ishte përfshirë në një përplasje me Khalil Haqqani, një udhëheqës në Rrjetin terrorist Haqqani dhe një nga më të kërkuarit e FBI-së, në pallatin presidencial në Kabul.

Gjate tensioneve u perforl rreth një regjistrimi audio dhe një deklaratë e shkruar me dorë, të dyja të supozuara nga vetë Baradar, të cilat mohuan se ai ishte vrarë.

Baradar u shfaq në një intervistë me TV kombëtar të vendit për të hedhur poshtë pretendimet.

“Unë po udhëtoja nga Kabuli kështu që nuk kisha qasje në media në mënyrë që të refuzoja këtë lajm”.“Unë jam mirë. Media thotë se ka mosmarrëveshje të brendshme. Nuk ka asgjë mes nesh, nuk është e vërtetë”- tha ai.

Continue Reading

Bota

Vendi i vetëm në Gjermani ku lejohet të bëhet pastrimi i parave të papastra, ja cili është…

Published

on

Kur kartëmonedhat bëhen të papastra, banka qendrore e Gjermanisë, Bundesbank, i pastron.

Siç raporton Deutsche Welle në gjuhën serbe, këtë vit për shkak të përmbytjeve të korrikut, punonjësit e kësaj banke kanë shumë punë.

Në fakt, ekspertët në bankë i pastrojnë kartëmonedhat dhe i kontrollojnë në detaje. Madje ata duhet të jenë të shpejtë që kartëmonedhat të mos ngjiten njëra me tjetrën.

Këtë vit ata kanë shumë punë, pasi shumë kartëmonedha vijnë nga zonat e goditura nga përmbytjet në pjesën perëndimore të Gjermanisë.

Në bankë tashmë janë dërguar rreth 50 milionë euro. Paratë e pastruara i kthehen pronarëve, e ky shërbim i bankës qendrore të Gjermanisë kryhet pa pagesë.

Continue Reading

Aktuale