Connect with us

Bota

Edhe një shtet tjetër e largon dënimin me vdekje

Published

on

Edhe një shtet tjetër e largon dënimin me vdekje

Kuvendi i Sierra Leones të premten njëzëri votoi për ta larguar dënimin me vdekje nga sistemi i drejtësisë, më shumë se dy dekada që nga zbatimi i fundit i këtij dënimi në shtetin e vogël të Afrikës Perëndimore.

Presidenti Julius Maada Bio pritet që së shpejti ta nënshkruajë ligjin e ri, që e bën Sierra Leonen shtetin e 23-të afrikan që e largon dënimin më të rëndë.

Ky ligj gjithashtu u jep më shumë diskrecion gjykatësve rreth marrjes së dënimeve për dënime. Kundërshtarët e dënimit me vdekje thonë se kjo ka rëndësi sidomos në rastet ku personi i dënuar është viktimë e dhunës seksuale.

Sierra Leone ka zbatuar një memorandum për moszbatimin e dënimit me vdekje që nga viti 1998, por të burgosurit e dënuar me vdekje ende mbahen në qeli të ndara me të burgosurit e tjerë. Aktivistët thonë se kjo nuk është njerëzore.

Përpos Sierra Leones, Gjykata Supreme e Malavit e cilësoi këtë vit antikushtetues dënimin me vdekje, ndërsa Çadi u dha fund dënimeve me vdekje për të akuzuarit për terrorizëm vitin e kaluar.

Ekzekutimet e fundit në Sierra Leone ishin kryer më 1998, kur 23 ushtarë ishin ekzekutuar nga skuadra e zjarrit në kulmin e një lufte civile 11-vjeçare.

Continue Reading

Bota

Presidenti Biden ia harron emrin kryeministrit australian, e quan “ai shoku” (Video)

Published

on

Presidenti i Shteteve të Bashkuara të Amerikës, Joe Biden, duket të ketë harruar emrin e kryeministrit të Australisë.

Gjatë një video konference të mbajtur të mërkurën, për të shpallur paktin e sigurisë krijuar mes SHBA-së, Britanisë së Madhe dhe Australisë, Bideni pasi dëgjon fjalimin e kryeministrit britanik, kthehet nga ekrani tjetër ku pritej të fliste kryeministri australian, Scott Morrison.

Mirëpo, në ato momente Bideni meqë nuk e mbante në mend emrin e Morrisonit, i drejtohet atij me “ai shoku aty”.

Takimi virtual i tre liderëve të tri shteteve është mbajtur për të diskutuar paktin e sigurisë të quajtur “Aukus” në Paqësor. Ky pakt është kundërshtuar ashpër nga Kina.

Continue Reading

Bota

“Unë jam mirë”, udhëheqësi taleban mohon zërat për shkëmbim zjarri në Pallatin Presidencial

Published

on

Zëvendëskryeministri i talebanëve Abdul Ghani Baradar ka mohuar raportet se ai ishte vrarë në një luftë të dyshuar me një grup terrorist rival, ndërsa u shfaq në kamera për herë të parë pas disa ditësh i fshehur.

Sipas medieve të huaja, grupi islamik ishte gjendur në luftime të ashpra me të ashtuquajturit ‘të moderuar’ që mendohet se ishin në luftë me grupet e ashpra terroriste, pasi të dy luftojnë për pushtet në vakumin e lënë nga tërheqja e Amerikës nga Afganistani.

Baradar, një anëtar i gardës së vjetër talebane që drejtoi negociatat me amerikanët në Katar, mendohej se ishte përfshirë në një përplasje me Khalil Haqqani, një udhëheqës në Rrjetin terrorist Haqqani dhe një nga më të kërkuarit e FBI-së, në pallatin presidencial në Kabul.

Gjate tensioneve u perforl rreth një regjistrimi audio dhe një deklaratë e shkruar me dorë, të dyja të supozuara nga vetë Baradar, të cilat mohuan se ai ishte vrarë.

Baradar u shfaq në një intervistë me TV kombëtar të vendit për të hedhur poshtë pretendimet.

“Unë po udhëtoja nga Kabuli kështu që nuk kisha qasje në media në mënyrë që të refuzoja këtë lajm”.“Unë jam mirë. Media thotë se ka mosmarrëveshje të brendshme. Nuk ka asgjë mes nesh, nuk është e vërtetë”- tha ai.

Continue Reading

Bota

Vendi i vetëm në Gjermani ku lejohet të bëhet pastrimi i parave të papastra, ja cili është…

Published

on

Kur kartëmonedhat bëhen të papastra, banka qendrore e Gjermanisë, Bundesbank, i pastron.

Siç raporton Deutsche Welle në gjuhën serbe, këtë vit për shkak të përmbytjeve të korrikut, punonjësit e kësaj banke kanë shumë punë.

Në fakt, ekspertët në bankë i pastrojnë kartëmonedhat dhe i kontrollojnë në detaje. Madje ata duhet të jenë të shpejtë që kartëmonedhat të mos ngjiten njëra me tjetrën.

Këtë vit ata kanë shumë punë, pasi shumë kartëmonedha vijnë nga zonat e goditura nga përmbytjet në pjesën perëndimore të Gjermanisë.

Në bankë tashmë janë dërguar rreth 50 milionë euro. Paratë e pastruara i kthehen pronarëve, e ky shërbim i bankës qendrore të Gjermanisë kryhet pa pagesë.

Continue Reading

Aktuale