Connect with us

Bota

Franca ashpërson masat anti-covid

Published

on

Franca ashpërson masat anti-covid

Hyrja në muze e kinema, vetëm me pasaportë shëndetësore

Duke nisur nga kjo e mërkurë në Francë, ka hyrë në fuqi pasaporta e re shëndetësore kundër koronavirusit. Tani njerëzit duhet të dëshmojnë se janë vaksinuar, kanë test negativ apo janë shëruar nga koronavirusi, në mënyrë që të mund të hyjnë në shumicën, kinemave muzeve apo aktivitete të tjera publike me praninë e shumë njerëzve.

Ndërkohë që pritet që Parlamenti të debatojë edhe nëse një pasaportë e tillë do të kërkohet edhe për të hyrë në baret, restorantet apo qendrat tregtare. Masat e reja hyjnë në fuqi në një kohë kur Franca po përballet me një shtim të ndjeshëm të rasteve të reja të infektimeve.

Ministri francez i Shëndetësisë, Olivier Véran, raportoi për 18,000 raste të reja të infektimit në vetëm 24 orë, çka përbën një rritje prej 150% krahasuar me vetëm një ditë më parë.

Autoritetet shëndetësore në Francë thanë se kjo gjë nuk ishte parë asnjëherë më parë, edhe gjatë kulmit të koronavirusit gjatë fillimit të këtij viti, ndërsa shtimin e rasteve ia atribuojnë pikërisht variantit Delta i cili ka për një përhapje shumë më të shpejtë se mutacionet e mëparshme.

Presidenti francez, Emmanuel Macron, ka bërë të ditur më parë se krahas pasaportës shëndetësore, vaksinimi do të bëhet i detyrueshëm për të gjithë punonjësit shëndetësorë dhe ata të shtëpive të të moshuarve, deri në muajin Shtator.

Planet e reja të qeverisë shkaktuan zemëratë tek francezët, të cilët gjatë ditëve të fundit kanë protestuar në shumë qytete franceze, ndërsa dogjën edhe dy qendra vaksinimi. Drejt shtrëngimit të masave po shkon edhe Australia, ku zona të tjera kanë hyrë në karantinë totale.

Australia e Jugut, u bashkua me Victorian dhe pjesë të Uellsit të Ri Jugor në këtë bllokim të ri, ndërsa banorët nuk duhet të largohen nga shtëpitë e tyre përveç për blerje ushqimesh dhe arsye të tjera thelbësore.

Tv Klan

Continue Reading

Bota

Republika Çeke do të dhurojë vaksina për Maqedoninë e Veriut

Published

on

By

Republika Çeke do të dhurojë vaksina për Maqedoninë e Veriut

Shkup, 27 korrik – Qeveria çeke sot ka sjellë vendim që të dërgojë si dhuratë 2,39 milion doza të vaksinave kundër covid për 12 vende të ndryshme, përfshirë këtu dhe Maqedoninë e Veriut.

Donacioni bazoeht në marrëveshjen e liderëve të vendeve anëtare të BE-së që të dorëzojnë 100 milion doza të vaksinave për vendet e treta.

“Vendet anëtare mund të konfirmojnë vendet me prioritet në dhuratat evropiane, të cilave duan t’u dërgojnë vaksina nga kuotat e tyre”, deklaroi sot ministri çek i shëndetësisë, Adam Vojteh, duke shtuar se 250 mijë doza vaksina janë ndarë për Vietnamin, 30 mijë për Tajvanin.

Çekia gjithashtu ka hequr dorë nga 1 milion vaksina nga kompania “Pfizer” në interes të Sllovakisë, por Sllovakia do të duhet të paguajë për këto vaksina.

Çekia ka porositur gjithsej 23,9 milion doza vaksina të regjistruara në BE, deri tani i janë dorëzuar 9,6 milion dhe sipas ministrisë, nuk mund të shfrytëzohen të gjitha.//Zhurnal.mk

Continue Reading

Bota

Rrëmbeu dy fëmijët e tij, arrestohet kosovari më i kërkuar në Austri

Published

on

By

Rrëmbeu dy fëmijët e tij, arrestohet kosovari më i kërkuar në Austri

Për vite të tëra Sh.M. ishte një nga personat më të kërkuar nga Zyra Federale e Policisë Kriminale në Austri.

Pas një mosmarrëveshjeje me bashkëshorten se kujt do t’i takojnë fëmijët për kujdestari, shqiptari rrëmbeu fëmijët e tij, vajzën (atë kohë) trevjeçare M. dhe djalin pesëvjeçar I. nga Grieskirchen dhe bashkë më ta iku përmes Shqipërisë për në Kosovë. Gjurmët u zhdukën. Edhe kërkimet e Interpolit atje (v.j. në Kosovë) ishin të pasuksesshme, shkruan oe24.at, përcjell albinfo. at.

Por hetuesit e LKA të Austrisë së Epërme nuk u dorëzuan. Në vitin 2019 ata rihapën sërish çështjen. Me ndihmën edhe të Ambasadës austriake në Kosovë mblodhën të dhëna për vendndodhjen e babait dhe fëmijëve.

Gjithçka funksionoi. Në korrik Sh.M. u arrestua në Prizren. Ai tani është në paraburgim dhe pritet që gjatë ditëve të ardhshme të transferohet për në Austri. Për shkak të rrëmbimit, pas kthimit në Austri, ai pritet të përballet me deri në tre vjet burgim, transmeton albinfo.at.

Të dy fëmijët janë nën kujdesin e autoriteteve austriake në Kosovë.

Atyre u janë dhënë pasaporta emergjente dhe pritet që shumë shpejt të kthehen në Austrinë e Epërme. Ende nuk është bërë e ditur se kur do të mund ta takojnë nënën e tyre, A.N.Dhjetë vjet më parë A.N. kishte fituar të drejtën nga gjykata përkatëse e Grieskirchen për kujdesin ndaj fëmijëve të saj.

Continue Reading

Bota

Valë e re pandemie, katastrofa natyrore, sulme kibernetike…

Published

on

By

Valë e re pandemie, katastrofa natyrore, sulme kibernetike…

Valë e re e pandemisë së koronavirusit. Katastrofa natyrore në Kinë dhe Gjermani. Sulme kibernetike, që shënjestrojnë pikat kyçe të Afrikës Jugore.

Këto zhvillime kanë shtyrë zinxhirin global të furnizimit drejt shkatërrimit, duke kërcënuar bartjen e materialeve bazë dhe disa produkte të konsumatorëve, kanë thënë disa kompani, ekonomi dhe specialistë të transportit.

Varianti Delta i koronavirusit ka dëmtuar rëndë disa pjesë të Azisë dhe ka nxitur shumë kombe që të kufizojnë qasjen për marinarët, duke ua komplikuar menaxhimin e punës së ekipeve.

Marrë parasysh se transporti përmes anijeve përbën rreth 90 për qind të tregtisë botërore, krizat e ekipeve të marinarëve janë duke ndikuar në pengesa në furnizim, duke nisur nga nafta, e deri tek ushqimi dhe elektronika.

Kompania gjermane, Hapag Lloyd, e ka përshkruar situatën si “jashtëzakonisht sfiduese”.

“Kapaciteti i anijeve është shumë i vogël, kontejnerët e zbrazur janë të paktë dhe situata operacionale në disa porte dhe terminale nuk është duke u përmirësuar”, ka thënë kompania.

“Ne presim që kjo situatë të zgjasë edhe në çerekun e katërt të vitit – mirëpo është shumë e vështirë që të parashikojmë”.

Ndërkohë, vërshimet vdekjeprurëse në ekonomitë gjigante si Kina dhe Gjermania, kanë dëmtuar edhe më shumë zinxhirin e furnizimeve, që ende nuk është rimëkëmbur nga vala e parë e pandemisë, duke rrezikuar triliona dollarë të aktivitetit ekonomik, që varet nga to.

Pas Evropës vërshohet edhe Kina

Vërshimet kineze janë duke kufizuar transportin e thëngjillit nga rajonet ku nxirret lënda, ndërkoha që termocentralet kanë nevojë të përmbushin kërkesat e mëdha gjatë muajve të verës.

Në Gjermani, transporti rrugor i mallrave ka rënë në mënyrë të konsiderueshme.

Më shumë dëme për prodhuesit e makinave

Industritë e prodhimit janë duke u dridhur.

Prodhuesit e makinave, shembull, janë duke u detyruar të ndalin prodhimin për shkak të dëmeve të shkaktuara nga shpërthimi i koronavirusit. Kompania Toyota ka thënë javën e kaluar se do të ndalë punën në disa fabrika në Tajlandë dhe Japoni, për shkak se nuk janë siguruar pjesët e nevojshme.

Stellantis ka pezulluar përkohësisht punën në një fabrikë në Mbretëri të Bashkuar, për shkak se një numër i madh i punëtorëve është dashur të izolohen, si pasojë e koronavirusit.

Kjo industri veçse është goditur rëndë nga mungesat globale që sigurohen kryesisht nga Azia.

Më herët gjatë këtij viti, industria e automobilizmit kishte rënë dakord që kriza e mungesës së çipave, të lehtësohet në pjesën e dytë të vitit 2021 – mirëpo disa zyrtarë të lartë ekzekutivë kanë thënë se kjo situatë do të vazhdojë edhe më 2022.

Një zyrtar i pjesëve të makinës në Korenë Jugore, që furnizon kompanitë Ford, Chrysler dhe Rivian, ka thënë se çeliku që përdoret në shumicën e pajisjeve, tani ka çmim më të shtrenjtë, për shkak të çmimit të lartë të transportit.

“Kur fabrikat rrisin çmimin e çelikut dhe transportit, çmimi te ne rritet për 10 për qind për prodhim të pajisjeve”, ka thënë një zyrtar i kësaj kompanie, në kushte anonimiteti, për agjencinë e lajmeve Reuters.

“Ndonëse ne jemi duke tentuar të mbajmë çmimet e ulëta, kjo gjë ka qenë shumë sfiduese. Nuk janë duke u rritur vetëm çmimet e materialeve, por edhe ato të transportit tejet shumë”.

Prodhuesi më i madh i pajisjeve shtëpiake në Evropë, Electrolux, ka paralajmëruar këtë javë për përkeqësim të problemeve me furnizim, të cilat kanë ndalur prodhimin.

Kompania për pica, Domino, ka paralajmëruar këtë javë po ashtu për përkeqësim të problemeve të zinxhirit të furnizimit, gjë që po ia pamundëson krijimin e dyqaneve të reja.

SHBA-ja dhe Kina janë prekur gjithashtu

Problemet me furnizim janë duke goditur Shtetet e Bashkuara dhe Kinën, superfuqitë e ekonomisë globale, të cilat së bashku realizojnë 40 për qind të prodhimit ekonomik.

Kjo gjë mund të rezultojë me ngadalësim të ekonomisë, bashkë me rritje të çmimeve të mallrave dhe materialeve bazë.

Të dhënat e publikuara ditë në parë në SHBA, kanë treguar se rritja ekonomike do të ngadalësohet në gjysmën e dytë të vitit, pas suksesit në çerekun e dytë, të nxitur nga suksesi i hershëm i vaksinimit.

Varianti Delta i koronavirusit, veçse është duke shtyrë bankat që të analizojnë sërish politikat e tyre, ndërkohë që inflacioni po rritet përtej parashikimeve.

“Na duhet të furnizojmë dyqanet”.

Portet janë duke u përballur me tollovi që nuk është parë për dekada, sipas njohësve të industrisë.

Asociacioni për Porte në Kinë, ka thënë të mërkurën se kapaciteti i transportit vazhdon të jetë i vogël.

“Azia Juglindore, India dhe industria prodhuese e rajoneve të tjera janë të ndikuara nga reagimi ndaj pandemisë, çka ka ndikuar që disa porosi të kalojnë në Kinë”, ka thënë ky Asociacion.

Unioni i Paqësorit, një nga dy operatorët kryesorë të hekurudhave që transportojnë mallra nga portet e Bregut Perëndimor të SHBA-së, në brendësi të territorit amerikan, ka marrë vendim për pezullim shtatëditor të dërgesave fundjavën e kaluar, duke përfshirë mallrat e konsumit, në një qendër të Çikagos, ku kamionët marrin mallrat.

Kjo përpjekje, që synon të lehtësojë “bllokadën” në Çikago, do të shtojë presionin në portet në Llos Angjelles, Oklland dhe Takoma, kanë thënë specialistët.

Një sulm kibernetik, që ka goditur portet jugafrikane në Kejp Taun dhe Durban këtë javë, ka rritur shkallën e problemeve në terminale.

Dhe sikur kjo të mos mjaftonte, në Britani, zyrtarë shëndetësorë kanë thënë se qindra mijëra punëtorët duhet të izolohen, pas kontaktit me një person që është infektuar me koronavirus.

Për pasojë, disa dyqane kanë bërë paralajmërime për mungesë të furnizimeve, dhe disa stacione karburanti janë mbyllur.

Richard Walker, menaxher i grupit të dyqaneve Iceland Foods, u ka bërë thirrje njerëzve të mos bëjnë panik të blerjes.

“Ne duhet të jemi në gjendje të furnizojmë dyqanet, raftet dhe të sigurojmë ushqim”, ka thënë ai përmes një postimi në Twitter./rel

Continue Reading

Aktuale