Connect with us

Sport

Koronavirusi në Seria A / I gjithë ekipi futet në izolim

Published

on

Tërë ekipi i Specias në izolim

Tërë ekipi i Specias është në vetizolim, pasi janë regjistruar edhe shtatë raste të koronavirusit në radhët e këtij ekipi italian në Seria A.

Specia të premten kumtoi se një futbollist është pozitiv në koronavirus, ndërsa pas testimeve të reja, janë regjistruar edhe gjashtë futbollistë të sapoinfektuar dhe një anëtar i stafit teknik.

Klubi për këtë shkak i ka ndërprerë të gjitha aktivitetet rreth përgatitjes për sezonin e ri, ndërsa tërë ekipi gjendet në karantinë.

Lajmi për rastet e reja të të infektuarve me Kovid-19 në Specia vjen një ditë pasi FIFA e ka dënuar klubin italian me ndalesë dyvjeçare për transfere, për shkak të shkeljes së rregullave për angazhimin e futbollistëve të rinj nga Afrika.

Continue Reading

Sport

Kievo ka shpallur falimentim dhe është përjashtuar nga Serie B

Published

on

By

Kievo ka shpallur falimentim dhe është përjashtuar nga Serie B

Romë, 27 korrik 2021 (MIA) – Kievo është përjashtuar nga Serie B për shkak të falimentimit, njoftoi Futball Italia. Vendin e tij në divizionin e dytë Italian do të marrë Kozenca.

“Gomarët fluturues” kanë parashtruar ankesë kundër vendimit, por ajo është refuzuar. Për shkak të falimentimit, klubi mund të vazhdojë të luajë jo më lartë se Serie D.

Për arsyen e njëjtë nga Serie C janë përjashtuar: Karpi, Novara, Sambendeteze dhe Kauertana. Në të njëjtën kohë, Paganese e fitoi lëndën dhe arriti ta ruajë vendin e tij në ligën e tretë italiane.

Sezonin e kaluar Kievo përfundoi e teta në Serie B dhe luajti në plejof për Serie A. Arritja më i madhe i ekipit është vendi i pestë në Serie A në vitin 2001/02, pas çka klubi nga Verona luajti në kualifikimet për Ligën e Kampionëve dhe Kupën e UEFA-s

Continue Reading

Sport

“Yll”/ Rama uron xhudisten kosovare për triumfin në Lojërat Olimpike: Bravo

Published

on

By

Kosova ka siguruar një tjetër medalje Olimpike në “Tokyo 2020”.

Pas Distria Krasniqit, ishte radha e Nora Gjakovës për të lënë gjurmë në Japoni.

Ajo ka fituar medaljen e artë me peshën 57 kg, në kategorinë e xhudos.

Gjakova ka mposhtur në finale xhudisten franceze Sarah Leone Cysique duke siguruar medalje të artë.

Nuk ka kaluar shumë dhe menjëherë për këtë zhvillim ka ardhur një reagim nga kryeministri Edi Rama.

Nëpërmjet një statusi në rrjete sociale ai e cilëson xhudisten nga Kosova si një yll dhe e përgëzon me fjalët “Bravo”.

“YLL
Bravo Bravo Bravo “, shkruan Rama.

Continue Reading

Lajmet kryesore

Distria Krasniqi fiton medaljen e artë olimpike në “Tokio 2020”

Published

on

By

Xhudistja nga Kosova, Distria Krasniqi sot e fitoi medaljen e artë në kategorinë deri në 48 kilogramë në Lojërat Olimpike “Tokio 2020”, duke prekur kështu majën e karrierës së saj.

Në finalen e madhe, Distria e mposhti japonezen, Funa Tonaki.

Pas triumfit, Krasniqi deklaroi se koleksionit të medaljeve të saj i ka munguar vetëm medalja olimpike, të cilën e mori me plot meritë, teksa u shpreh krenare që u bë pjesë e historisë së Kosovës.

“Koleksionit të medaljeve të mia i ka munguar vetëm medalja olimpike dhe jam shumë e lumtur që sot e mora medaljen e më e lumtur që ajo medalje është e artë. Jam shumë krenare që jam bërë pjesë e historisë së Kosovës pas shumë mundi e sakrifice”, tha kampionia olimpike për Gazetën Ekspres.

Për fitoren e saj shkroi edhe faqja zyrtare e Lojërave Olimpike në llogarinë e tyre zyrtare në Tuiter.

“Një moment i famshëm për Kosovën”, thuhej në postim.

Fitores në Tokio të Krasniqit i janë gëzuar edhe shumë figura politike në vend dhe rajon si presidentja e Kosovës, Vjosa Osmani, kryeministri i Kosovës, Albin Kurti, ai i Shqipërisë Edi Rama, figura të sportit dhe artistë duke e uruar për këtë të arritur.

Kjo është medalja e dytë e artë në Olimpiadë. Para Distria Krasniqit medaljen e artë e kishte fituar Majlinda Kelmendi në Lojërat Olimpike të vitit 2016.

Continue Reading

Aktuale