Connect with us

Sport

Publikohen përgjimet e reja, Perez e quan Ronaldon idiot, Mourinhon abnormal

Published

on

Publikohen përgjimet e reja, Perez e quan Ronaldon idiot, Mourinhon abnormal

Madrid, 14 korrik 2021 (MIA) – Gazeta spanjolle “El Konfidencial” publikoi audioincizime të reja nga deklaratat e kryetarit të Real Madridit, Florentino Perez, ku i ofendon Kristiano Ronaldon dhe Zhoze Murinjon.

Incizimi me këto fjalë të Perezit është bërë në tetor të vitit 2012.

“Ronaldo është i çmendur. Ai është idiot, djalë i sëmurë. Mendoni se është normal, por nuk është normal, përndryshe nuk do të bënte gjithçka që bën. Çmendurinë e fundit të cilën e bëri, e pa e gjithë bota. Pse mendon se bën punë aq idiote?”, tha Perezi në incizimin.

Kur flet për “çmenduri”, menaxheri i referohet deklaratës të cilën Ronaldo e dha në shtator të vitit 2012. Kristiano pas ndeshjes me Granadën deklaroi se nuk i feston golat sepse nuk është i lumtur në klubin e Madridit, ndërsa udhëheqësia e Real Madridit e di se pse ndjehet ashtu.

Perezi gjithashtu tha se nuk mund t’i kontrollojë Ronaldon dhe Murinjon përmes agjentit Zhorxhe Mendesh, i cili po përballet me punët e tyre: “Ai aspak nuk dërgon asgjë, as fshehtësi, asgjë, zero. Ata madje i kushtojnë vëmendje atij.

“Murinjo dhe Ronaldo janë djem me ego të ashpër, të dy janë të prishur. Edhe Murinjo dhe Ronaldo nuk e shohin realitetin. Që të dy mund të fitonin edhe më shumë nëse ishin ndryshe. Të dy janë nuk janë normalë”, tha Perezi.

Ronaldo u përfshi në Real Madrid nga Mançester Junajtedi në vitin 2009. Deri në tetor të vitit 2012 ai me klubin madrilen e fitoi La Ligën, Kupën e Spanjës dhe Superkupën.

Murinjo e ndërmori Real Madridin në vitin 2010 dhe punonte në klub deri në vitin 2013. Me të, ekipi fitoi tre trofe.

Continue Reading

Sport

Kievo ka shpallur falimentim dhe është përjashtuar nga Serie B

Published

on

By

Kievo ka shpallur falimentim dhe është përjashtuar nga Serie B

Romë, 27 korrik 2021 (MIA) – Kievo është përjashtuar nga Serie B për shkak të falimentimit, njoftoi Futball Italia. Vendin e tij në divizionin e dytë Italian do të marrë Kozenca.

“Gomarët fluturues” kanë parashtruar ankesë kundër vendimit, por ajo është refuzuar. Për shkak të falimentimit, klubi mund të vazhdojë të luajë jo më lartë se Serie D.

Për arsyen e njëjtë nga Serie C janë përjashtuar: Karpi, Novara, Sambendeteze dhe Kauertana. Në të njëjtën kohë, Paganese e fitoi lëndën dhe arriti ta ruajë vendin e tij në ligën e tretë italiane.

Sezonin e kaluar Kievo përfundoi e teta në Serie B dhe luajti në plejof për Serie A. Arritja më i madhe i ekipit është vendi i pestë në Serie A në vitin 2001/02, pas çka klubi nga Verona luajti në kualifikimet për Ligën e Kampionëve dhe Kupën e UEFA-s

Continue Reading

Sport

“Yll”/ Rama uron xhudisten kosovare për triumfin në Lojërat Olimpike: Bravo

Published

on

By

Kosova ka siguruar një tjetër medalje Olimpike në “Tokyo 2020”.

Pas Distria Krasniqit, ishte radha e Nora Gjakovës për të lënë gjurmë në Japoni.

Ajo ka fituar medaljen e artë me peshën 57 kg, në kategorinë e xhudos.

Gjakova ka mposhtur në finale xhudisten franceze Sarah Leone Cysique duke siguruar medalje të artë.

Nuk ka kaluar shumë dhe menjëherë për këtë zhvillim ka ardhur një reagim nga kryeministri Edi Rama.

Nëpërmjet një statusi në rrjete sociale ai e cilëson xhudisten nga Kosova si një yll dhe e përgëzon me fjalët “Bravo”.

“YLL
Bravo Bravo Bravo “, shkruan Rama.

Continue Reading

Lajmet kryesore

Distria Krasniqi fiton medaljen e artë olimpike në “Tokio 2020”

Published

on

By

Xhudistja nga Kosova, Distria Krasniqi sot e fitoi medaljen e artë në kategorinë deri në 48 kilogramë në Lojërat Olimpike “Tokio 2020”, duke prekur kështu majën e karrierës së saj.

Në finalen e madhe, Distria e mposhti japonezen, Funa Tonaki.

Pas triumfit, Krasniqi deklaroi se koleksionit të medaljeve të saj i ka munguar vetëm medalja olimpike, të cilën e mori me plot meritë, teksa u shpreh krenare që u bë pjesë e historisë së Kosovës.

“Koleksionit të medaljeve të mia i ka munguar vetëm medalja olimpike dhe jam shumë e lumtur që sot e mora medaljen e më e lumtur që ajo medalje është e artë. Jam shumë krenare që jam bërë pjesë e historisë së Kosovës pas shumë mundi e sakrifice”, tha kampionia olimpike për Gazetën Ekspres.

Për fitoren e saj shkroi edhe faqja zyrtare e Lojërave Olimpike në llogarinë e tyre zyrtare në Tuiter.

“Një moment i famshëm për Kosovën”, thuhej në postim.

Fitores në Tokio të Krasniqit i janë gëzuar edhe shumë figura politike në vend dhe rajon si presidentja e Kosovës, Vjosa Osmani, kryeministri i Kosovës, Albin Kurti, ai i Shqipërisë Edi Rama, figura të sportit dhe artistë duke e uruar për këtë të arritur.

Kjo është medalja e dytë e artë në Olimpiadë. Para Distria Krasniqit medaljen e artë e kishte fituar Majlinda Kelmendi në Lojërat Olimpike të vitit 2016.

Continue Reading

Aktuale