Connect with us

Teknologji

Mashtrimi më i madh financiar i 2021-it. Pesë miliardë lekë kriptomonedha “zhduken” nga dy vëllezërit

Published

on

Mashtrimi më i madh financiar i 2021-it. Pesë miliardë lekë kriptomonedha “zhduken” nga dy vëllezërit

Dy vëllezër afrikanë janë zhdukur së bashku me kriptomonedhat e tyre Bitcoin me vlerë 3.6 bilion dollarëve apo rreth 5 miliardë lekë.

Vëllezërit nuk gjenden dhe çështja i ka kaluar njësisë speciale të policisë Afrikano-Jugore “Hawks”, që ka filluar kërkimin e tyre.

Teksa çmimi i Bitcoin u rrit, zhdukja e më shumë se 69 mijë monedhave me vlerë mbi 4 bilion dollarë në pikun e çmimit gjatë muajit prill përfaqëson mashtrimin më të madh në botën e kriptomonedhave deri më tani. Incidenti mund të nxisë ligjvënësit të rregullojnë më fort tregun teksa rastet e

mashtrimit po vijnë në rritje.
Sinjalet e para të rrezikut erdhën në Prill teksa Bitcoin po arrinte çmime rekord. CEO i Africrypt, Ameer Cajee, informoi klientët se kompania ishte bërë pjesë e një sulmi kibernetik. Ai u kërkoi klientëve të mos raportonin te institucionet apo avokatët, sepse do të ngadalësonte procesin e rikuperimit të fondeve të humbura.

Mirëpo disa investitorë duke u treguar skeptik ngritën akuza ligjore, që çuan në një investigim mbi firmën dhe ku u zbulua se fondet e klientëve si dhe kriptomonedhat ishin transferuar nëpërmjet kanaleve të ndryshme duke i bërë ato të pagjurmueshme.

Ngjarja po zbulohet e plotë pas rënies edhe të një tjetër platforme që tregtonte Bitcoin, Mirror Trading International. Humbjet atje përfshinin 23 mijë monedha me vlerë 1.2 bilion dollarë dhe ishte mashtrimi më i madh i 2020-ës.

Kina gjithashtu ka urdhëruar ndalimin e të gjitha operacioneve me Bitcoin si dhe të personave që bëjnë “mining”, që janë të rëndësishëm për verifikimin e transaksioneve dhe prodhimin e monedhave të reja.

Çmimi i Bitcoin ka shkuar poshtë 30 mijë dollarë dhe është një nga nivelet më të ulëta që prej muajit mars të 2020-ës, duke fshirë nga tregu biliona dollarë. (Bloomberg)

Continue Reading

Bota

Google ndalon 25 aplikacione të tjera Android – fshini ato tani ose paguani çmimin

Published

on

By

Google ndalon 25 aplikacione të tjera Android – fshini ato tani ose paguani çmimin

Aplikacionet e bllokuara kohët e fundit nga Google pretendojnë të ofrojnë shërbime ‘miniera’ për kriptovaluta që sjellin para, nëse paguani një tarifë mujore.

Bazuar në analizën e Lookout, vlerësohet se kriminelët kanë mashtruar më shumë se 93,000 njerëz dhe kanë vjedhur të paktën 350,000 dollarë.

Gjithsej 25 aplikacione u hoqën nga Google Store zyrtar me një paralajmërim nga Lookout se më shumë se 100 aplikacione janë akoma të disponueshme përmes dyqaneve të pavarura që lejojnë ngarkimin e aplikacioneve në pajisje nga burime të pasigurta.

Sapo u pa problemi, Google menjëherë hoqi këto aplikacione nga Google Play:

Top Coins • Mr Bitcoin • Star BTC • Bitcoin Burn • Moon BAT • Bito Holic • Bito Hash • BitHash • Multi Coins • BitcoinCash Miner • Airdrop • Bright Miner • Pink BTC • XMR Miner • COIN Master • ETHMINER PRO • crypto cloud mining pro • Btc Miner pro • Bito Miner • Mining Machine • BTC CLOUD • BTC Cash • Black Crypto • Cloud Mining • Crypto Pro-Miner

Po mendoni të përdorni aplikacione të kriptovalutave? Këtu janë disa këshilla të mirat:

Njihni zhvilluesit që qëndrojnë prapa aplikacionit. Çfarë certifikatash ose kredencialesh kanë, çfarë aplikacionesh të tjera kanë ndërtuar, a ka kompania një faqe në internet dhe a mund t’i kontaktoni?

Instalo nga dyqani zyrtar i aplikacioneve. Megjithëse mashtrimet janë të vështira për t’u zbuluar, shkarkimi nga një dyqan zyrtar zvogëlon rrezikun e shkarkimit të virusëve.

Lexoni termat dhe kushtet. Shumica e aplikacioneve të mashtrimit ose kanë informacion të rremë.

Burimi

Continue Reading

Bota

Britania e Madhe ndalon transaksionet e kriptovalutave në Binance

Published

on

By

Britania e Madhe ndalon transaksionet e kriptovalutave në Binance

Bursa më e madhe për shkëmbimin e kriptovalutave Binance është ndaluar nga rregullatori financiar i Britanisë së Madhe.

Autoriteti britanik i Financave (FCA) ka vendosur që kjo bursë nuk mund të kryejë ndonjë “veprimtari të rregulluar” brenda vendit, përcjell Telegrafi.

FCA gjithashtu lëshoi një paralajmërim për konsumatorët e Binance, duke i këshilluar ata që të janë të kujdesshëm ndaj reklamave që premtojnë kthime të larta në investimet e kriptovalutave.

Binance është një bursë e centralizuar që u ofron përdoruesve një varg produktesh dhe shërbimesh financiare, përfshirë blerjen dhe tregtimin e një game të gjerë të kriptovalutave.

Kompania aktualisht është e vendosur në Ishujt Kajman, ndërsa Binance Markets Limited gjendet në Londër.

Autoriteti britanik tha se Binance Markets Limited (BML), e cila është në pronësi të Binance Group, aktualisht nuk lejohet të ndërmarrë ndonjë aktivitet të rregulluar pa miratimin paraprak me shkrim të FCA-së.

Rregullatori gjithashtu theksoi se asnjë entitet në Binance Group nuk mban ndonjë formë të autorizimit, regjistrimit ose licencës për të kryer veprimtari të rregulluara në Britani të Madhe.

Derisa FCA nuk rregullon kriptovalutat, kompanitë duhet të autorizohen nga rregullatori për të reklamuar ose shitur produkte të tilla brenda vendit. Kjo do të thotë që njerëzit në Britani të Madhe nuk lejohen të përdorin shërbimet e Binance për të spekuluar ose venë bast, nëse çmimi i një kriptovalute si Bitcoin rritet ose ulet.

Por Binance i tha BBC-së se njoftimi i FCA-së nuk ka “ndikim të drejtpërdrejtë” në shërbimet që ofron faqja e saj në internet.

“BML është një entitet i veçantë juridik dhe nuk ofron ndonjë produkt ose shërbim përmes faqes në internet të Binance. Grupi Binance bleu BML në maj të 2020-së dhe deri më tani nuk ka filluar aktivitetin në Britani të Madhe”, tha një zëdhënës i Binance.

Kujtojmë se kjo nuk është hera e parë që Binance vihet nën vëzhgim nga rregullatorët për operacionet e saj botërore. /Telegrafi/

Continue Reading

Lajme

Diskutim për teknologjinë 5G – qytetarët pyesin, ndërsa ekspertët përgjigjen

Published

on

By

Përfitimet nga teknologjia 5G janë të mëdha – për shkarkim njëzetë herë më të shpejtë të filmave dhe muzikës dhe njëkohësisht lidhje të shumë pajisjeve, ndërsa do të mundësohen edhe servise të reja të cilat tani janë të paimagjinueshme. Përveç se për qytetarët teknologjia e re do të ketë zbatim të gjerë edhe në industri, robotikë dhe digjitalizimin gjithëpërfshirës të të gjitha sferave të shoqërisë.

Qytetarët do t’i ndjejnë përfitimet nga kalimi nga teknologjia 4G në 5G, njëjtë si kalimi nga një automobil i vjetër në automobil më të ri dhe më mirë të pajisur. Kjo nënkupton se gjithçka do të jetë edhe më shpejtë dhe do të marrin më shumë shërbime në të njëjtën kohë, ndërsa me teknologjinë 5G do të mundësohet edhe në mjediset më rurale të kenë qasje më të shpejtë në internet dhe servise.

Teknologjia e tillë tashmë është në dispozicion në disa vende të Evropës, si Gjermania, Britania e Madhe dhe Sllovenia, përderisa te ne operatorët vitin e kaluar filluan me testimin e rrjetit 5G në rajonin qendror të Shkupit. E gjithë kjo ka përfunduar me sukses dhe në përgjithësi pritjet janë se deri në vitin 2023 një pjesë e madhe e qytettit të mbulohet, ndërsa deri në vitin 2025 deri 50 për qind të popullatës në vendin tonë.

Cilat janë përfitimet, e cilat dobësitë nga përdorimi i rrjetit 5G, a do të shpenzojë teknologjia dhe pajisjet e reja më shumë rrymë, cilat janë rreziqet shëndetësore dhe të sigurisë dhe a do të rritet çmimi i shërbimeve dhe pajisjeve janë pyetjet, të cilat qytetarët i parashtronin në kuadër të diskutimit të sotëm onllajn për “Agjendën digjitale – Gjithçka që deshët të dinit për teknologjinë 5G”, e organizuar nga Fondacioni Metamorfozis, në kuadër të projektit “rritje e pjesëmarrjes qytetare në Agjendën Digjitale – ICEDA”, i bashkëfinancuar nga Bashkimi Evropian.

Përgjigjet e këtyre dhe pyetjeve të tjera, në formë të diskutimit onllajn i dhanë Bardhyl Jashari, drejtor ekzekutiv i Fondacionit për Internet dhe Shoqëri Metamorfozis, Boris Arsov, udhëheqës për Telekomunikime në Agjencinë për Komunikime Elektronike, Vasko Najkov, drejtor në Sektorin për rrjete të kapshme në, Telekomin e Maqedonisë dhe Tomisllav Shuminoski, docent në Fakultetin e Elektroteknikës dhe Teknologjive Informative (FETI).

Qytetarët duhet ta dinl se secila gjeneratë e re sjell edhe mbështetje të re teknologjike me pajisje – prandaj nëse doni të shfrytëzoni teknologji 5G do të duhet të keni pajisje e cila mbështet 5G.

Teknologjia 5G përdor frekuenca më të larta dhe me këtë shpenzon edhe më pak rrymë, por pajisjet mobile, sipas disa analizave për momentin shfrytëzojnë 10 deri 15 për qind më shumë bateri se gjeneratat e mëparshme. Një antenë 5G është me madhësi të një autoparlanti dhe janë dukshëm më të vegjël se të tanishmit, por kanë shtrirje prej 500 në vendbanimet më të populluara, prandaj përveç përfitimeve, për qytetarët më e dukshme do të jetë edhe ajo që do të duhet të vendosen më shumë antena.

Sa i përket sigurisë dhe shëndetit të njerëzve në lidhje me rrezatimin nga teknologjia e re, pjesëmarrësit në debat, theksuan se të gjitha shtetet, përfshirë edhe AKE po bëjnë matje dhe deri më tani nuk ka dëshmi se ka çfarëdo lloj dëmi te njerëzit dhe kafshët. Rezultatet nga matjet mund të shihen publikisht në faqen e AKE-së dhe institucione të tjera relevante ndërkombëtare.

Me teknologjinë 5G – niveli i sigurisë së komunikimit janë të përmirësuara dhe është më i sigurt, por megjithatë ajo nuk do ta zëvendësojë plotësisht atë ekzistuese 4G dhe ne ende, edhe shumë gjatë do t’i shfrytëzojmë rrjetet e vjetra dhe do të jemi të lidhur në rrjet optik, që domethënë se ekspozimi ynë në keqpërdorime do të mbetet gati i njëjtë, si edhe deri më tani.

Sipas pjesëmarrësve në debatin e sotëm, standardet edhe për siguri edhe për privatësi – do të rriten me vetë teknologjinë 5G dhe me këtë vetë shërbimet dhe pajisjet do t’i bëjë edhe më të mira, nga vetë siguria e pajisjeve të cilat i lidhim, pastaj të dhënat të cilat procesohen dhe ruhen, dhe se e gjithë kjo do të përkthehet në protokolle të caktuara dhe korniza ligjore të cilat do të duhet të ndiqen në atë drejtim.

Continue Reading

Aktuale