Connect with us

Sport

Danimarka u kërcënua me humbje në tavolinë, nëse s’do të kthehej në fushë pas kolapsit të Eriksenit

Published

on

Peter Schmeichel ka thënë se lojtarët e Danimarkës u paralajmëruan nga UEFA se do ta humbnin me rezultat zyrtare ndeshjen e tyre hapëse në Euro 2020 kundër Finlandës, nëse nuk do të ktheheshin në fushë për rifillimin e saj, pas arrestit kardiak që Christian Erikseni e pësoi në fushë.

Erikseni pësoi arrest kardiak në fund të pjesës së parë të ndeshjes të shtunën dhe ndaj tij u përformua CPR-ja në fushë nga ekipi mjekësor për ta kthyer në jetë, raporton Gazeta Express.

Lojtarët e Danimarkës, të cilët e kishin krijuar një rreth mbrojtës përreth Eriksenit derisa ai po merrte tretman emergjent, ishin tejet të shqetësuar dhe të mërzitur për bashkëlojtarit e vet.

Por ata u detyruan ta vazhdonin ndeshjen, pavarësisht gjendjes së tyre emocionale, me Finlandën që siguroi fitore 1:0 në fund.

Schmeichel, djali i të cilit Kasper e ngushëlloi bashkëshorten e Eriksenit Sabrina Kvist Jensen në vijën anësore derisa burri i saj po mjekohej, ka zbuluar se Danimarka i kishte tri mundësi për të zgjedhur: rifillimin e ndeshjes të shtunën, rifillimin e saj të dielën në mesditë, apo humbjen zyrtare 3:0.

I pyetur për vendimin për ta vazhduar ndeshjen pasi Erikseni ishte dërguar në spital, Schmeichel tha për ITV: “Ky është debat interesant. E pashë një deklaratë nga UEFA dje ku thuhej se ata po i ndiqnin këshillën e lojtarit, se lojtarët këmbëngulën për të luajtur… kjo nuk ishte e vërteta në fushë”.

“Por varet sesi e sheh të vërtetën. Ata i kishin tri mundësi: një të luanin menjëherë dhe t’i luanin edhe 50 minutat e mbetur. Mundësia tjetër ishte të luanin të dielën në mesditë dhe mundësia e tretë ishte ta pranonin humbjen zyrtare 3:0”, shtoi ai.

“Prandaj kuptojeni vetë. A ishte dëshira e lojtarëve për të luajtur? A kishin zgjidhje tjetër ata? Nuk ma ha mendja”, theksoi ai. /Gazeta Express/

Continue Reading

Sport

Kievo ka shpallur falimentim dhe është përjashtuar nga Serie B

Published

on

By

Kievo ka shpallur falimentim dhe është përjashtuar nga Serie B

Romë, 27 korrik 2021 (MIA) – Kievo është përjashtuar nga Serie B për shkak të falimentimit, njoftoi Futball Italia. Vendin e tij në divizionin e dytë Italian do të marrë Kozenca.

“Gomarët fluturues” kanë parashtruar ankesë kundër vendimit, por ajo është refuzuar. Për shkak të falimentimit, klubi mund të vazhdojë të luajë jo më lartë se Serie D.

Për arsyen e njëjtë nga Serie C janë përjashtuar: Karpi, Novara, Sambendeteze dhe Kauertana. Në të njëjtën kohë, Paganese e fitoi lëndën dhe arriti ta ruajë vendin e tij në ligën e tretë italiane.

Sezonin e kaluar Kievo përfundoi e teta në Serie B dhe luajti në plejof për Serie A. Arritja më i madhe i ekipit është vendi i pestë në Serie A në vitin 2001/02, pas çka klubi nga Verona luajti në kualifikimet për Ligën e Kampionëve dhe Kupën e UEFA-s

Continue Reading

Sport

“Yll”/ Rama uron xhudisten kosovare për triumfin në Lojërat Olimpike: Bravo

Published

on

By

Kosova ka siguruar një tjetër medalje Olimpike në “Tokyo 2020”.

Pas Distria Krasniqit, ishte radha e Nora Gjakovës për të lënë gjurmë në Japoni.

Ajo ka fituar medaljen e artë me peshën 57 kg, në kategorinë e xhudos.

Gjakova ka mposhtur në finale xhudisten franceze Sarah Leone Cysique duke siguruar medalje të artë.

Nuk ka kaluar shumë dhe menjëherë për këtë zhvillim ka ardhur një reagim nga kryeministri Edi Rama.

Nëpërmjet një statusi në rrjete sociale ai e cilëson xhudisten nga Kosova si një yll dhe e përgëzon me fjalët “Bravo”.

“YLL
Bravo Bravo Bravo “, shkruan Rama.

Continue Reading

Lajmet kryesore

Distria Krasniqi fiton medaljen e artë olimpike në “Tokio 2020”

Published

on

By

Xhudistja nga Kosova, Distria Krasniqi sot e fitoi medaljen e artë në kategorinë deri në 48 kilogramë në Lojërat Olimpike “Tokio 2020”, duke prekur kështu majën e karrierës së saj.

Në finalen e madhe, Distria e mposhti japonezen, Funa Tonaki.

Pas triumfit, Krasniqi deklaroi se koleksionit të medaljeve të saj i ka munguar vetëm medalja olimpike, të cilën e mori me plot meritë, teksa u shpreh krenare që u bë pjesë e historisë së Kosovës.

“Koleksionit të medaljeve të mia i ka munguar vetëm medalja olimpike dhe jam shumë e lumtur që sot e mora medaljen e më e lumtur që ajo medalje është e artë. Jam shumë krenare që jam bërë pjesë e historisë së Kosovës pas shumë mundi e sakrifice”, tha kampionia olimpike për Gazetën Ekspres.

Për fitoren e saj shkroi edhe faqja zyrtare e Lojërave Olimpike në llogarinë e tyre zyrtare në Tuiter.

“Një moment i famshëm për Kosovën”, thuhej në postim.

Fitores në Tokio të Krasniqit i janë gëzuar edhe shumë figura politike në vend dhe rajon si presidentja e Kosovës, Vjosa Osmani, kryeministri i Kosovës, Albin Kurti, ai i Shqipërisë Edi Rama, figura të sportit dhe artistë duke e uruar për këtë të arritur.

Kjo është medalja e dytë e artë në Olimpiadë. Para Distria Krasniqit medaljen e artë e kishte fituar Majlinda Kelmendi në Lojërat Olimpike të vitit 2016.

Continue Reading

Aktuale