Connect with us

Lajme

Rezultatet paraprake / Kush do të jetë Kryetar i Partisë Demokratike?

Published

on

Rreth 75 mijë demokratë kishin të drejtën e votës sot, për të vendosur kryetarin e Partisë Demokratike, për katër vitet e ardhshme.

Sipas të dhënave paraprake, kanë ushtruar të drejtën e votës 41.095 anëtarë të partisë, ose 54.7%. Nga 40.674 vota të vlefshme, 32.882 vota janë për kryetarin aktual të PD-së, Lulzim Basha, i ndjekur nga Agron Shehaj me 6.038 vota. Edith Harxhi numëron 991 vota, ndërsa Fatbardh Kadilli 763 vota.

Lulzim Basha po shkon drejt mandatit të tretë, në krye të PD-së, me mbi 81% të votave, të siguruara deri më tani.

Në Kurbin, Lulzim Basha ka fituar bindshëm, me plot 1016 vota. 74 demokratë kanë votuar Agron Shehajn për kryetarin e partisë së tyre, 8 demokratë kurbinas i kanë dhënë votën Edith Harxhit, ndërsa 7 të tjerë, Fatbardh Kadillit.

Mbyllet procesi i numërimit në Lezhë: Lulzim Basha 900 vota, Agron Shehaj 159, Fatbardh Kadilli 22 dhe Edith Harxhi 16 vota.

Mbyllet procesi i numërimit të votave në Mirditë. Lulzim Basha ka marrë 586 vota, Edit Harxhi 31 vota, Agron Shehaj 86 vota, Fatbardh Kadilli 46 vota.

Demokratët shkodranë kanë votuar në 2 qendra votimi. Numërimi ka përfunduar dhe në dyja qendrat e votimit kryeson kryetari aktual Lulzim Basha.

Në QV-në e parë, Basha ka marrë 633 vota, Agron Shehaj 59 vota, Edith Harxhi 12 vota, ndërsa Fatbardh Kadilli 7 vota.

Në QV-në e dytë të qytetit verilindor, Lulzim Basha kryeson me 404 vota, i ndjekur nga Agron Shehaj me 89 vota. Për Edith Harxhin janë numëruar 8 vota, ndërsa për Fatbardh Kadillin 7 vota.

Në Bulqizë, kanë votuar 689 zgjedhës, nga të cilat 12 janë cilësuar të pavlefshme. Lulzim Basha kryeson me 524 vota. Agron Shehaj ka marrë 106 vota, Fatbardh Kadilli 28 vota, Edith Harxhi 29 vota.

Tiranë: E para që ka përfunduar procesin e numërimit në kryeqytet, është Njësia numër 8, ku kryeson bindshëm Lulzim Basha, me 1.905 vota. Për Agron Shehajn, janë numëruar 28 vota, për Fatbardh Kadillin 14 vota dhe për Edith Harxhin 8 vota.

Edhe në Njësinë numër 5, ka fituar Lulzim Basha, me 567 vota, i ndjekur nga Agron Shehaj, me 94 vota. Edith Harxhi ka marrë 16 vota, ndërsa Fatbardh Kadilli 11 vota.

Nga Njësia 7, Lulzim Basha ka grumbulluar 505 vota, i ndjekur nga Agron Shehaj me 105 vota.

Në Njësinë 13, Lulzim Basha numëron 267 vota dhe Agron Shehaj, 33 vota.

Në selinë e e PD në Kashar, Lulzim Basha numëron 268 vota, ndërsa Agron Shehaj 33 vota.

Në Durrës, Lulzim Basha ka marrë 1270 vota ose 80 % të besimit të anëtarëve që votuan, Agron Shehaj ka marrë 270 vota, Edith Harxhi 38 vota, ndërsa Fatbardh Kadilli 31 vota. 7 vota janë gjetur të pavlefshme në një nga dy qendrat e votimit që funksionuan pranë degës së PD Durrës. Në zgjedhjet për kryetar të PDSH-së në Durrës u thirrën 2970 anëtarë.

Edhe demokratët e Shijakut zgjedhin t’i japin Lulzim Bashës për herë të tretë, kryesimin e PD-së, me 363 vota. Agron Shehaj ka marrë 61 vota, Edit Harxhi 39 vota dhe 1 votë për Fatbardh Kadillin.

Në Elbasan, Lulzim Basha kryeson me 956 vota. Agron Shehaj ka siguruar 200 vota, Fatbardh Kadilli 28 vota dhe Edith Harxhi 27.

545 vota shkojnë për Lulzim Bashën nga demokratët e Librazhdit. Në këtë qytet, kandidatët e tjerë numërojnë pak vota. Konkretisht, 56 vota për Agron Shehajn, 7 vota për Fatbardh Kadillin dhe 4 vota për Edith Harxhin.

Në Fier, kanë votuar 1.185 anëtarë, nga 3.400 gjithsej. Lulzim Basha numëron 1025 vota, Agron Shehaj 167, Fatbardh Kadilli 22 dhe Edith Harxhi 13 vota. 7 fletë votimi kanë dalë të pavlefshme.

Përfundon procesi i numërimit në qarkun e Beratit, ku Basha kryeson me 1281 vota, i ndjekur nga Agron Shehaj, me 486 vota, Edith Harxhi 40 vota dhe i fundit, me 39 vota, renditet Fatbardh Kadilli.

Në qytetin e Beratit, ka fituar Lulzim Basha, me 376 vota. Agron Shehaj numëron 233 vota, Edith Harxhi 25 vota dhe Fatbardh Kadilli 18 vota.

Në bashkinë e Dimalit, kanë votuar 578 demokratë. Lulzim Basha ka siguruar 516 vota, Agron Shehaj 55 vota, Fatbardh Kadilli 6 vota dhe Edith Harxhi 1 votë.

Në Kuçovë kanë votuar 395 zgjedhës. Lulzim Basha numëron 221 vota, Agron Shehaj 155 vota dhe nga 6 vota për Fatbardh Kadillin dhe Edith Harxhin.

Në Poliçan, kanë votuar 131 persona. Lulzim Basha ka marrë 99 vota, Agron Shehaj 17 vota, Fatbardh Kadilli dhe Edith Harxhi, nga 3 vota secili.

Në Skrapar kanë votuar 92 demokratë, nga të cilët 69 kanë zgjedhur Lulzim Bashën, 17 Agron Shehajn, 4 Fatbardh Kadillin dhe 2 Edith Harxhin.

Procesi i numërimit ka përfunduar në Kolonjë, ku kanë votuar 244 nga 287 qytetarë me të drejtë vote.
Në qytetin juglindor, kryeson kryetari aktual Lulzim Basha, me 140 vota, i ndjekur nga Agron Shehaj me 82 vota. Edith Harxhi ka siguruar 16 vota, ndërsa Fatbardh Kadilli vetëm 6 vota.

Numërimi ka mbaruar dhe në Maliq, ku gjithsej kanë votuar 517 demokratë.
Lulzim Basha ka siguruar 411 vota, Agron Shehaj 90, Fatbardh Kadilli 8 dhe Edith Harxhi 7 vota. Ndërkohë, 1 votë është vlerësuar e pavlefshme.

Në Gjirokastër, ka fituar Lulzim Basha, me 247 vota. Agron Shehaj ka marrë 127 vota, Edith Harxhi 21, ndërsa Fatbardh Kadilli 11 vota.

Në Përmet janë numëruar 147 vota për Lulzim Bashën, 32 për Agron Shehajn dhe nga 24 vota për Fatbardh Kadillin dhe Edith Harxhin.

Në Këlcyrë, Lulzim Basha ka fituar me 114 vota, i ndjekur nga Agron Shehaj me 62 vota. Fatbardh Kadilli ka marrë 6 vota, ndërsa Edith Harxhi 2 vota.

Në Tepelenë, Lulzim Basha kryeson me 96 vota. Agron Shehaj numëron 46 vota, Edith Harxhi 5 vota dhe Fatbardh Kadilli 3 vota.

Në Memaliaj, Lulzim Basha ka marrë 177 vota, Agron Shehaj 46 vota. Edith Harxhi dhe Fatbardh Kadilli kanë siguruar 2 vota secili, në këtë qytet.

Në Delvinë, kanë votuar 295 demokratë. Lulzim Basha ka fituar me 205 vota. Agron Shehaj ka marrë 57 vota, Edith Harxhi 29 vota, ndërsa Fatbardh Kadilli 4 vota.

Edhe në Vlorë, Lulzim Basha kryeson bindshëm, duke grumbulluar 1057 vota. Demokratët vlonjat i kanë dhënë 666 vota Agron Shehajt, 83 vota Edith Harxhit dhe 50 vota Fatbardh Kadillit.

Ndërkohë, në Selenicë të Vlorës, ka fituar Agron Shehaj, me 119 vota. Kandidati Shehaj ndiqet nga Lulzim Basha, me 102 vota. Dy kandidatët e tjerë, Edith Harxhi dhe Fatbardh Kadilli, kanë mundur të sigurojnë vetëm nga një votë.

Demokratët iu drejtuan qendrave të votimit në qytetet e tyre, që prej orës 8 të mëngjesit të sotëm, për të zgjedhur kryetarin e ri të së djathtës, mes katër kandidatëve në garë: Lulzim Basha, Edith Harxhi, Agron Shehaj dhe Fatbardh Kadilli, që ishte i parë që shpalli kandidaturën e tij, pas rezultateve të zgjedhjeve parlamentare të 25 prillit, që e lanë Partinë Demokratike sërish në opozitë.

TCH

Continue Reading

Kosovë

Shumë rekorde prej 700 milionë eurove të ardhura në doganën e Kosovës nga fillimi i vitit

Published

on

By

Dogana e Kosovës nga 1 janari e deri më 26 korrik të këtij viti ka realizuar mbi 700 milionë euro të ardhura, q[ë është për 30 për qind më shumë se në periudhën e njejtë të vitit të kaluar, lajmëroi korrespondenti i MIA-s nga Prishtina.

Sipas kumtesës së Doganës, këtë vit për herë të parë në shtatë muaj jo të plotë janë realizuar mbi 700 milionë euro të ardhura.

“Dogana e Kosovës sot tejkaloi 700 milionë euro dhe kjo është hera e parë që arrihet ky rekord në grumbullimin e të ardhurave. Më saktësisht, sot janë paraqqitur 701,2 milionë euro, që krahasuar me vitin e kaluar, paraqet rritje për rreth 30 për qind, duke pasur parasysh se në periudhën e njejtë të vitit të kaluar patëm 543,5 milionë”, thuhet në kumtesë.

Continue Reading

Lajme

IRI Amerikan publikon rezultatet e anketës më të re për komunat

Published

on

By

IRI: Kryetarët e komunave janë të pa interesuar, ndërsa qytetarët nuk marrin pjesë në vetëqeverisjen lokale

Kryesisht puna e dobët e kryetarëve të komunave dhe mos përfshirja e qytetarëve në vetëqeverisjen lokale, para së gjithash për shkak të mungesës së interesit të pushtetit lokal.

Qytetarët e Maqedonisë së Veriut e mbështesin aderimin në BE, por jo me çmimin e identitetit të tyre kombëtar, tregon studimi i fundit cilësor I zbatuar në Maqedoninë e Veriut nga ana e Qendrës për hulumtime të sondazhit të Institutit republikan ndërkombëtar (IRI).

Në hulumtim theksohet se qytetarët janë kryesisht të painteresuar për të marrë pjesë në qeverisjen lokale, duke përmendur kryetarët e bashkive si arsye që ata i konsiderojnë të paangazhuar dhe indiferentë ndaj votuesve.

Qytetarët, sipas një deklarate nga IRI, shpesh nuk janë të njohur me emrat dhe punën e këshilltarëve komunalë.

Ndërsa mendimi i disa kryetarëve të bashkive është pozitiv, sondazhi tregoi, shumica e atyre që vlerësuan morën vlerësime të përziera ose kryesisht negative. Kryetarët e bashkive të vlerësuar pozitivisht, theksohet, komunikojnë në mënyrë aktive, mbajnë premtimet e tyre dhe janë në dispozicion të qytetarëve.

“Në pjesën më të madhe të komunave në Maqedoninë e Veriut, kryetarët e bashkive dhe këshilltarët komunalë duhet të jenë më të përgjegjshëm ndaj zgjedhësve të tyre dhe duhet të sigurojnë më mirë shërbime themelore dhe të komunikojnë më mirë me qytetarët për problemet dhe nevojat e tyre lokale”, tha Poll Mekarti, drejtor rajonal i IRI për Evropën, thoshte deklarata. Përndryshe, shton ai, kryetarët e bashkive rrezikojnë që qytetarët të marrin pjesë edhe më pak në qeverisjen lokale dhe të humbin zgjedhjet e ardhshme lokale.

Pjesëmarrësit në hulumtim thanë se kryetarët e komunave të pakënaqur nuk veprojnë në përputhje me nevojat e qytetarëve dhe shpesh nuk i përmbushin premtimet nga fushata zgjedhore. Në këto raste, thuhej në deklaratën e sondazhit, pjesëmarrësit mendonin se udhëheqësit lokalë ishin joefektivë, mosinteresues dhe ndonjëherë të papërshtatshëm në rolin që ata kryen.

Hulumtimi cilësor është kryer në emër të Qendrës Kërkimore të Studimit të Institutit Republikan Ndërkombëtar (IRI) nga agjencia e hulumtimit të tregut BRIMA dhe bazohet në 21 diskutime në internet të grupeve të fokusit të zhvilluara në 18 komuna nga 3 mars deri më 9 prill. 2021. Diskutimet në fokus grupe u zhvilluan me votues të rritur, të pavendosur nga segmente të ndryshme të popullsisë. Rezultatet, sipas një deklarate të IRI, nuk përfaqësojnë pikëpamjet e të gjithë votuesve të pavendosur. 

Continue Reading

Lajme

A do të ketë lista të hapura në zgjedhjet lokale?

Published

on

By

Për lista të hapura në zgjedhjet lokale do të diskutohet prejse Kuvendi do t’i sjellë ndryshimet e Kodit Zgjedhor

Koncepti përfundimtar për lista të hapura në zgjedhjet lokale ose ç’farëdo lloj koncepti për përzgjedhje të zgjedhjeve lokale do të duhet ta diskutojmë prejse Kuvendi do t’i sjellë ndryshimet e Kodit Zgjedhor, tha ministri i Drejtësisë Bojan Mariçiq, në konferencën e sotme për shtyp duke u përgjigjur në pyetjen e gazetarëve nëse në ndryshimet e dakorduara në grupin e punës së partive politike për Kodin Zgjedhor janë parashikuar lista të hapura të këshilltarëve për zgjedhjet lokale, nëse ka prag për zgjedhje të këshilltarëve dhe si do të votojnë qytetarët.

Ajo që është propozuar nga ana e grupit të punës të disa partive politike, informon ai, ka të bëjë me listat e hapura me një mundësi preferenciale, do të thotë votohet edhe për partinë për të cilën dëshironi të votoni, por edhe për një nga listat e këshilltarëve të propozuar nga ajo parti politike ose nga ai koalicion.

“Pragu për një këshilltar të mund të hyjë me atë metodë preferenciale është tre për qind nga votuesit e përgjithshëm të regjistruar në komunë në të cilën votohet. Nëse bëhet fjalë për komunë me gjithsej votues të regjistruar prej 10 mijë votuesve, atëherë do të duhet të fitohen 300 vota, që të mund të llogaritet se janë vendosur në atë mënyrë”, sqaroi Mariçiq.

Për këtë model, që për herë të parë bëhet dhe e propozojmë, e rëndësishme është, ata që do t’i kapërcejnë ato tre për qind si zgjedhje preferenciale të qytetarëve do të futen automatikisht, sqaroi Mariçiq, ndërsa nëse një parti politike fiton më shumë këshilltarë nga vetë ato preferencial, për shembull 10 këshilltarë, ndërsa vetëm tre prej tyre kanë fituar tre për qind nga votuesit e regjistruar, shtatë të tjerët do të zgjidhen nga rendi i listës së kandidatëve të propozuar të partisë për këshilltarë ose koalicioni për këshilltarë në ato zgjedhje.

Ministri Mariçiq theksoi se ky është propozim dhe citoi se për një pjesë të partive politike më të vogla të cilat kanë dilema ose propozime për përmirësim të këtij propozimi, do të ishte mirë në Kuvend të hapet diskutimi dhe në ditët në vijim të rrumbullaksohet.

Sipas Mariçiqit, Kodi Zgjedhor asnjëherë deri tani nuk ka qenë lëndë e bllokadave. Ai potencoi se në këtë tekst të Kodit Zgjedhor i përmban rekomandimet, gjegjësisht vërejtjet e OSBE/ODIHR nga Raporti i zgjedhjeve parlamentare,  që duhet të implementohen, dhe siç tha, do të ishte joadekuate nga cilado parti politike t’i bllokojë ndryshimet e Kodit Zgjedhor, që duhet ta përmirësojnë procesin zgjedhor dhe cili është qëllimi i rekomandimeve të OSBE/ODIHR.

“Do të ishte hera e parë të shkojmë në zgjedhje pa rekomandime të miratuara nga OSBE/ODIHR, megjithatë nëse shihet se ekziston një grup i caktuar deputetësh të cilët kundërshtohen,  mundet, nëse ashtu vendosë shumica e deputetëve, të ndryshohet ose plotësisht të hiqet propozimi për listat e hapura. Nëse ndodh kjo, gjithsesi se do të jetë në dëm të demokratizimit të procesit zgjedhor. Nëse partitë politike vendosin ashtu dhe nëse shumica e deputetëve vendosin njejtë, do të vazhdohet në këtë pjesë të Kodit Zgjedhor, do të vazhdohet me modelin e deritanishëm të zgjedhjes së këshilltarëve dhe të kryetarit të komunës”, tha Mariçiq.

Sipas tij, do të ishte e çuditshme pikërisht partitë politike më të vogla të cilat e kanë hapur çështjen për lista të hapura tani ta bllokojnë Kodin Zgjedhor në këtë pjesë.

“Ne jemi të hapur për dialog pasi Qeveria dhe partitë në Kuvend që përbëjnë shumicën parlamentare janë të hapura për dialog. Nuk është qëllimi për të imponuar këtë zgjidhje, qëllimi është me konsensus të miratohet Kodi Zgjedhor, siç është praktikë e deritanishme tek ne”, potencon ministri Mariçiq.

Nëse nuk ka pajtim për këtë moment, theksoi Mariçiq, mbetet ta implementojmë modelin ekzistues, me përmirësimet që vijnë nga OSBE/ODIHR dhe janë përkthyer në Propozimin e Kodit Zgjedhor dhe në atë mënyrë do të vazhdohet me zgjidhjet ekzistuese. Sipas tij, ato zgjidhje janë të mira, por qëllimi është të kemi model më të mirë dhe më të sofistikuar me të cilin qytetarët do të mund të votojnë edhe për persona, krahas asaj që votojnë për partitë politike dhe koalicionet sikur deri tani.

Continue Reading

Aktuale