Connect with us

Lajme

Qeveria dëshiron ta rrisë çmimin e naftës me tarifë të re

Published

on

Qeveria po shqyrton aplikimin e një çmimi të ri për naftën. Nuk do të jetë rritje e akcizës, por një lloj takse mjedisore, thotë Ministri i Financave Fatmir Besimi. Kur partnerët e koalicionit të dakordohen, do të pasojnë takime dhe konsultime me sektorin e biznesit.

Aplikimi eventual i eko-tarifës së re, sipas Ministrit Besimi, do të thotë zhvillim i gjelbër dhe investime në ekologji. Qeveria ka në plan të fillojë me tarifën e re nga muaji tjetër.

Ajo është pjesë e tranzicionit të gjelbër për zhvillimin ekologjik dhe pikërisht për këtë është paraparë fond për zhvillimin ekologjik, respektivisht zhvillimin e gjelbër për projektet ekologjike për transformimin nga burime fosile në burime të ripërtëritshme të energjisë. Ajo është agjendë e miratuar nga Bashkimi Evropian. Ne e kemi pranuar si Qeveri dhe tani po i bëjmë ato përpjekje, sepse ato janë për cilësinë e jetës së qytetarëve”, pohoi Fatmir Besimi, ministër i Financave.

Dje, opozitarja VMRO DPMNE doli me akuzë se në rishikimin e buxhetit ekziston normë që parashikon rritje të çmimit të naftës për katër denarë. Kështu, opozita thotë se Qeveria do të përpiqet të mbledhë nga qytetarët 54 milion euro për një vit, ose rreth tridhjetë deri në fund të vitit 2021.

Nëse kjo ndodh, qeveria e LSDM-së do të ketë rritje të tretë të çmimit të naftës duke rritur akcizën ose tani përmes tarifës së re ekologjike. Personalisht kryeministri Zoran Zaev disa ditë më parë pohoi se thesari i shtetit është i qëndrueshëm dhe nuk parashikohet aplikimi i tatimit të krizës.

Qeveria bën përllogaritje nëse ka mundësi për të ulur TVSH-në e energjisë elektrike nga 18 në pesë përqind por tani për tani nuk ka ndonjë qëndrim konkret. Vendimi për këtë masë duhet të merret më së voni në fund të këtij muaji.

Kjo masë u propozua vitin e kaluar nga Komisioni Rregullator i Energjetikës dhe një muaj më parë u aktualizua përsëri nga lideri i opozitës Hristijan Mickoski. Sipas pritjeve, çmimi i energjisë elektrike do të rritet me rreth pesë për qind.

Continue Reading

Denoncime

Platforma e gjelbër në Strugë / Digjet deponia e egër në Labunisht, banorët në hall po helmohen nga tymi dhe gazrat

Published

on

By

Prej më shumë se 12 orësh në Labunisht të Strugës digjet deponia e egër sipër fshatit. Banorët janë në hall, po helmohen nga tymi dhe gazrat që lëshohen prej zjarrit, ndërsa askush nga autoritetet nuk ka dalur në vendngjarje, shkruan in7.

Sipas portalit lokal VOX Struga, zjarri ka filluar prej orëve të drekës, ndërsa sipas disa dëshmitarëve shenja zjarri e tymi ka pasur edhe ditën e djeshme. Deponia e egër në Labunisht po rritet për çdo ditë dhe paraqet problem të kahmotshëm për banorët e këtij rajoni, që përfshin fshatrat Labunisht, Borovec, Oktis dhe Podgorcë.

Këshilltari i Aleancës për Shqiptarët në Strugë, Jasmin Qazimoski që vjen nga Labunishti, para disa minutash ishte në vendngjarje dhe përmes një video lidhje tregoi se askush nuk gjendej atje. As zjarrfikës e as nga Ndërmarrja Publike Higjiena. Sipas Qazimoskit, këtë deponi banorët e Labunishtit e kanë nga kryetari aktual i Komunës së Strugës, Ramiz Merko.

Kjo ngajrje ndodh një ditë pas vizitës së zëvendëskryeministrit Artan Grubi në Strugë, i cili bashkë me kreun e komunës u zotuan për Platformën e Gjelbër dhe efektet e saj në Strugë./in7.tv/

Continue Reading

Lajme

Syrija Rashidi nga Opozita Shqiptare: Qytetarët presin që ta zgjidhim shtetësinë, partitë të jenë konstruktive

Published

on

By

Aleanca për Shqiptarët dhe Alternativa, ftojnë opozitën maqedonase për konstruktivitet e të mos e bllokojnë miratimin e ligjit të ri për shtetësi. Nga opozita shqiptare nuk përjashtojnë mundësinë që ligji të kthehet në kuvend me flamur evropian. ASH AAA këmbëngul që të tentojnë edhe një here që ta kalojnë ligjin në Komisionin për mbrojtje si propozim të tyre.

“Apelojmë deri tek kryetari që ta thirr komisionin, të vazhdojë debati. Njëherit, apelojmë që subjektet politike në Kuvend që të heqin dorë nga bllokada e ligjit. Të kenë qasje konstruktive, ta lexojnë ligjin drejtë e jo mbrapshtë dhe të japin kontribut konstruktiv që ky ligj të kalojë.”, Syrija Rashidi nga Aleanca për Shqiptarët.

Continue Reading

Lajme

(VIDEO) Qytetarët e Serbisë marrin në Tabanoc karta falas për pagesat rrugore

Published

on

By

Prej sot hyn në fuqi vendimi i Qeverisë për taksën falas për turistët serbë në Korridorin 10. Gjegjësisht, udhëtarët nga Serbia, të cilët vijnë në vend me makinë, në vendkalimin kufitar “Tabanovc” do të marrin M smart kartela me të cilat mund të kalojnë pa pagesë deri në pikën kufitare me Greqinë.

Kartelat kanë një mbushje prej 760 denarëve, aq sa është e nevojshme për të kaluar Korridorin 10 në të dy drejtimet. Tashmë janë të gatshme 65 mijë kartela të cilat I janë dorëzuar MPB-së për dorëzim nga një për secilin automobil.

Qytetarët serbë do të kenë mundësi t’i shfrytëzojnë kartelat falas deri më 15 gusht, por gjithashtu pas saj ata mund të vazhdojnë t’i shfrytëzojnë të njejtat duke i rimbushur me të paktën 300 denarë.

Përndryshe më 25 maj, qeveria obligoi Ministrinë e Financave që të transferojë mjete në vlerë prej 172 milion denarëve për furnizim me 200,000 M-smart kartela në llogarinë e Qeverisë, ndërsa Ndërmarrja Publike për Rrugët e Shtetit të bëjë shpërndarjen e njëpasnjëshmen të sasive të planifikuara të kartelave, kjo iniciativë realizohet për shkak të dhurimit të vaksinave kundër Covid-19 nga Serbia.

Ndërkohë, koalicioni Alternativë-Aleancë ka dorëzuar tek Gjykata Kushtetuese iniciativë për shqyrtimin e kushtuetshmërisë së vendimit të Qeverisë për heqjen e taksës rrugore për turistët serb. Sipas tyre me këtë vendim diskriminohen turistët e shteteve të tjera.

Medina Ajeti /SHENJA/

Continue Reading

Aktuale