Connect with us

Lajme

Ambasadorja Bërns sqaron Dekretin e presidentit Biden: Korrupsioni është shqetësimi kryesor!

Published

on

Ambasadorja e SHBA-ve në Shkup, Kate Marie Byrnes, i ka sqaruar kryeministrit Zoran Zaev dhe ministrit Bujar Osmani, Dekretin Ekzekutiv të presidentit Biden, ku kryefjala kanë qenë korrupsioni dhe të mos respektimi i të drejtave. Njoftimi zyrtar i lëshuar nga ambasada, fillon dhe përfundon me shqetësimin për korrupsionin, ku konstatohet dëmi që korrupsioni i bën politikës së jashtme, sigurisë kombëtare dhe shëndetit ekonomik të Shteteve të Bashkuara dhe partnerëve dhe aleatëve të tyre.

Kumtesa e Ambasadës së SHBA-ve:

“Ambasadoja Byrnes sot informoi Kryeministrin Zaev dhe Ministrin e Jashtëm Osmani mbi Urdhrin Ekzekutiv të lëshuar në fillim të kësaj jave nga Presidenti Biden, që modernizon urdhrat ekzekutivë ekzistues në lidhje me regjimin e sanksioneve në Ballkanin Perëndimor. Në takim, ata diskutuan mbi prioritetin e SHBA-së për të garantuar stabilitetin dhe sigurinë e Ballkanit Perëndimor.

Një element kritik i këtij Urdhri Ekzekutiv të ri është fokusi në luftimin e korrupsionit, duke u bazuar në faktin se qeverisja transparente dhe e përgjegjshme është element integral i demokracisë stabile. Ky Urdhër Ekzekutiv i ri si dhe Memorandumi i Sigurisë Kombëtare mbi Luftën Kundër Korrupsionit i lëshuar javën e kaluar nga Shtëpia e Bardhë theksojnë dëmin që korrupsioni i bën politikës së jashtme, sigurisë kombëtare dhe shëndetit ekonomik të Shteteve të Bashkuara si dhe partnerëve dhe aleatëve të tyre.

Ky Urdhër Ekzekutiv parasheh kompetenca shtesë për sanksione, përfshirë autoritetin për të targetuar individë që kërcënojnë paqen, sigurinë, stabilitetin ose integritetin territorial të çdo pjese ose shteti në Ballkanin Perëndimor, si dhe ata që janë përgjegjës ose bashkëpunëtorë në abuzime serioze të të drejtave të njeriut në rajon.

Ai gjithashtu bazohet në urdhërat ekzekutive të mëparshme dhe shkon përtej këtyre të fundit, duke shtuar referenca ndaj Marrëveshjes së Prespës dhe Mekanizmit Rezidual Ndërkombëtar për Tribunalet Penale, përveç tre marrëveshjeve ndërkombëtare të përmendura urdhërat ekzekutivë të mëparshmëm: Marrëveshja e Dejtonit, Rezoluta e KSKB 1244 dhe Marrëveshja Kornizë e Ohrit. Ky Urdhër Ekzekutiv përkufizon gjithashtu shtrirjen gjeografike të Ballkanit Perëndimor, i cili përfshin territorin e ish Republikës Federale Socialiste të Jugosllavisë, si dhe Republikën e Shqipërisë.

Kompetencat e reja lejojnë vendosjen e sanksioneve ndaj individëve dhe subjekteve përgjegjëse për korrupsionin në rajon, duke përfshirë keqpërdorimin e pasurive publike, shpronësimin e pasurive private për përfitime personale ose qëllime politike, ose ryshfetin. E gjithë pasuria dhe interesat që u përkasin personave të shënjestruar nën këtë Urdhër Ekzekutiv, brenda Shteteve të Bashkuara, ose zotërimi ose kontrolli i personave të SHBA-së do të bllokohen. Përveç kësaj, individët e sanksionuar nën këtë Urdhër Ekzekutiv nuk lejohen të hynë në Shtetet e Bashkuara dhe nuk mund të marrin vizë amerikane”, thuhet në njoftimin e Ambasadës së SHBA-ve në Shkup.

Continue Reading

Denoncime

Platforma e gjelbër në Strugë / Digjet deponia e egër në Labunisht, banorët në hall po helmohen nga tymi dhe gazrat

Published

on

By

Prej më shumë se 12 orësh në Labunisht të Strugës digjet deponia e egër sipër fshatit. Banorët janë në hall, po helmohen nga tymi dhe gazrat që lëshohen prej zjarrit, ndërsa askush nga autoritetet nuk ka dalur në vendngjarje, shkruan in7.

Sipas portalit lokal VOX Struga, zjarri ka filluar prej orëve të drekës, ndërsa sipas disa dëshmitarëve shenja zjarri e tymi ka pasur edhe ditën e djeshme. Deponia e egër në Labunisht po rritet për çdo ditë dhe paraqet problem të kahmotshëm për banorët e këtij rajoni, që përfshin fshatrat Labunisht, Borovec, Oktis dhe Podgorcë.

Këshilltari i Aleancës për Shqiptarët në Strugë, Jasmin Qazimoski që vjen nga Labunishti, para disa minutash ishte në vendngjarje dhe përmes një video lidhje tregoi se askush nuk gjendej atje. As zjarrfikës e as nga Ndërmarrja Publike Higjiena. Sipas Qazimoskit, këtë deponi banorët e Labunishtit e kanë nga kryetari aktual i Komunës së Strugës, Ramiz Merko.

Kjo ngajrje ndodh një ditë pas vizitës së zëvendëskryeministrit Artan Grubi në Strugë, i cili bashkë me kreun e komunës u zotuan për Platformën e Gjelbër dhe efektet e saj në Strugë./in7.tv/

Continue Reading

Lajme

Syrija Rashidi nga Opozita Shqiptare: Qytetarët presin që ta zgjidhim shtetësinë, partitë të jenë konstruktive

Published

on

By

Aleanca për Shqiptarët dhe Alternativa, ftojnë opozitën maqedonase për konstruktivitet e të mos e bllokojnë miratimin e ligjit të ri për shtetësi. Nga opozita shqiptare nuk përjashtojnë mundësinë që ligji të kthehet në kuvend me flamur evropian. ASH AAA këmbëngul që të tentojnë edhe një here që ta kalojnë ligjin në Komisionin për mbrojtje si propozim të tyre.

“Apelojmë deri tek kryetari që ta thirr komisionin, të vazhdojë debati. Njëherit, apelojmë që subjektet politike në Kuvend që të heqin dorë nga bllokada e ligjit. Të kenë qasje konstruktive, ta lexojnë ligjin drejtë e jo mbrapshtë dhe të japin kontribut konstruktiv që ky ligj të kalojë.”, Syrija Rashidi nga Aleanca për Shqiptarët.

Continue Reading

Lajme

(VIDEO) Qytetarët e Serbisë marrin në Tabanoc karta falas për pagesat rrugore

Published

on

By

Prej sot hyn në fuqi vendimi i Qeverisë për taksën falas për turistët serbë në Korridorin 10. Gjegjësisht, udhëtarët nga Serbia, të cilët vijnë në vend me makinë, në vendkalimin kufitar “Tabanovc” do të marrin M smart kartela me të cilat mund të kalojnë pa pagesë deri në pikën kufitare me Greqinë.

Kartelat kanë një mbushje prej 760 denarëve, aq sa është e nevojshme për të kaluar Korridorin 10 në të dy drejtimet. Tashmë janë të gatshme 65 mijë kartela të cilat I janë dorëzuar MPB-së për dorëzim nga një për secilin automobil.

Qytetarët serbë do të kenë mundësi t’i shfrytëzojnë kartelat falas deri më 15 gusht, por gjithashtu pas saj ata mund të vazhdojnë t’i shfrytëzojnë të njejtat duke i rimbushur me të paktën 300 denarë.

Përndryshe më 25 maj, qeveria obligoi Ministrinë e Financave që të transferojë mjete në vlerë prej 172 milion denarëve për furnizim me 200,000 M-smart kartela në llogarinë e Qeverisë, ndërsa Ndërmarrja Publike për Rrugët e Shtetit të bëjë shpërndarjen e njëpasnjëshmen të sasive të planifikuara të kartelave, kjo iniciativë realizohet për shkak të dhurimit të vaksinave kundër Covid-19 nga Serbia.

Ndërkohë, koalicioni Alternativë-Aleancë ka dorëzuar tek Gjykata Kushtetuese iniciativë për shqyrtimin e kushtuetshmërisë së vendimit të Qeverisë për heqjen e taksës rrugore për turistët serb. Sipas tyre me këtë vendim diskriminohen turistët e shteteve të tjera.

Medina Ajeti /SHENJA/

Continue Reading

Aktuale