Connect with us

Lajme

Pas humbjes në zgjedhjet e 25 prillit, Partia Demokratike hap garën për kryetarin e ri

Published

on

Në Shqipëri Partia Demokratike ka vendoaur të hapë garën për kreun e ri të saj dhe zhvillimin e votimit sipas parimit një anëtar një votë, më 13 qershor.

Vendimi, i marrë mbrëmjen e së dielës nga kryesia, afron me pak më shumë se një muaj, këtë proces, i cili sipas statutit do të duhej të zhvillohej në muajin korrik. Nga ana tjetër, hapja e kësaj gare, anashkalon kërkesat e zërave të ndryshëm brenda Partisë Demokratike, që i kërkuan Lulzim Bashës largimin, pas humbjes së zgjedhjeve të 25 prillit.

Kryetari aktual i cili ka ndërmarrë gjatë gjithë javës së fundit një tur në bazën e PD, edhe në mbledhjen e kryesisë i është përmbajtur linjës së zgjedhur prej tij se zjedhjet kanë qenë një “masakër elektorale”, duke hequr përgjegjësitë e tij për rezultatin.

“Në këtë parti ka vend për të gjithë, ka vend për idetë e gjithsecilit mbi mënyrën se si duhet cuar përpara beteja me regjimin Rama-Doshi. Megjithatë, kam bindjen dhe ndjesinë e fortë se nuk mund të kemi vizione të ndryshme mbi 25 prilllin. Sepse nëse zgjedhjet e 25 prillit janë një episod që do të mbulohet nga turpi në historinë e pluralizimit, nëse e kemi të qartë se 25 prilli ishte masakra më e madhe zgjedhore në historinë e pluralizimit, atëherë nuk mund të pranojmë që gishti duhet drejtuar në këtë sallë, përpara se ta drejtojmë te kundërshtari që kemi përballë”, mësohet të ketë deklaruar Basha në mbledhjen e kryesisë.

Por nga ana e tij, anëtari i kryesisë, Fatbardh Kadilli, i cili kërkoi që dy ditë pas zgjedhjeve, largimin e Bashës dhe shpalli ambicien për të kandiduar për drejtimin e partisë, edhe në mbledhjen e sotme ka drejtuar direkt gishtin e përgjegjësisë ndaj kryetarit të partisë.

“Nuk dhe shpresë. Nuk ngjalle besim. Nuk bashkove flukset, profilet, kontributet, por ndave. Kanë dalë më shumë parti nga P-ja, në vitet që drejton ti, se në 20 vitet para teje. Drejtove çdo gjë vetëm dhe pa forume, pa përfshirë askënd”, mësohet të jetë shprehur Kadilli, duke kritikuar dhe turin e ndërmarrë nga Basha.

“Mos u fshih pas mbështetjes që kërkon lart e poshtë në parti. Edhe Berisha kishte mbështetje absolute në parti, por kishte realizmin të ikte”, ka theksuar ai.

Ndërsa gjatë ndërhyrjes së tij, ai i është drejtuar gjithnjë Bashës, anëtari i kryesisë Kadilli, mësohet të ketë thënë gjithashtu se “luftën politike e bëjmë me një koncept te ri, me qasje të re dhe me frymëzim të ri, me besueshmërinë, me vërtetësinë dhe me vendosmërinë si tipare që ty të kanë munguar”.

Në mbledhjen e kryesisë, përveç Kadillit ka pasur dhe disa zëra të tjerë që kanë kërkuar reflektim dhe që PD-ja të mos mjaftohet duke folur vetëm për një “masakër elektorale”, por dhe të ketë ndryshim dhe strategji të re. Ndërsa të tjerë kanë mbrojtur linjën e kryetarit.

Ndërsa në Këshillin Kombëtar, të thirrur menjëherë më pas, kritikat ndaj Bashës janë rishfaqur dhe nga drejtuesi i këtij forumi, ish-presidenti Bujar Nishani, i cili po ashtu menjëherë pas zgjedhjeve ka kërkuar dorëheqjen e parevokueshme të kryetarit të partisë.

Duke pranuar se dhe sipas tij më 25 prill ka patur një “masakër elektorale”, Nishani u shpreh në Këshill se, “kjo është vetëm gjysma e të vërtetës. Gjysma tjetër, po aq e hidhur, është dështimi ynë për të fituar, cka përbën pjesën tonë të përgjegjësisë”.

“Pasi nuk fituam dot këto zgjedhje, na duhet të reflektojmë fort, të ndryshojmë katërcipërisht, të reformohemi tërësisht, të ringrihemi fuqimisht, të rritemi masivisht e vetëm kështu do të jemi gati të fitojmë. Ky është momenti! E vetmja alternativë është nisja e një projekti të ri politik”, u shpreh kryetari i Këshillit kombëtar të PD, i cili ripërsëriti kërkesën për largimin e Bashës.

“Thirrja ime për këtë akti civil prej Bashës është pikërisht si një shërbim që ai ka për detyrim ti bëjë Partisë Demokratike”, theksoi ai.

Por Basha, jo vetëm që nuk do të dorëhiqet, por do të kërkojë sërish rikonfirmimin në krye të PD-së. Përballë tij, i vetmi që ka shpallur ambicien për të kandiduar, është Kadilli. Deri më 22 maj, do të jetë periudha e paraqitjes së kërkesave për kandidim, dhe më pas një periudhë 18 ditore nga 24 maji deri në 11 qershor, për fushatë në të gjitha strukturat.

Ajo që bie në sy është koha e shkurtër e fushatës, aq më tepër që kryetari Basha, mund të quhet se e ka nisur tanimë atë, me turin që po zhvillon ku në thelb, mbetet argumenti i mbrojtur prej tij për zgjedhje të manipuluara.

Nga ana e tij, Kadilli hodhi hije të qarta dyshimi mbi procesin, duke saktësuar megjithatë se ai do t’i shkojë deri në fund.

“Sido që të jetë gara, sado e pabarabartë, sado jashtë standarteve të mundshme për të bërë një garë korrekte, jam i vendosur t’i qëndroj deri në fund projektit për një PD të pastër, të bashkuar, të hapur e fituese. Duhet t’i japim sot shpresë të gjithë shqiptarëve, se nesër do kemi një PD më të madhe se kryetari”, u shpreh Kadilli. /VoA/

Continue Reading

Lajme

Arrijnë edhe 12.870 doza të vaksinës “Fajzer” nga dërgesa e rregullt

Published

on

By

Rreth 12.870 doza të reja të vaksinës “Fajzer” kanë arrit sot në vend nga dërgesa e rregullt që e marrim çdo të hëne.

Ministria e Shëndetësisë (MSH), ka bërë të ditur se 8190 doza prej tyre janë nga marrëveshja bilaterale me prodhuesin “Fajzer”, ndërsa 4680 janë në kuadër të programit “Tim Evropa” (Team Europe).

Në vend nesër duhet të arrijnë edhe 20 000 vaksina nga “Astra Zeneka” nga Greqia.

“Ky donacion është shumë i rëndësishëm për ne. Mirënjohje e madhe deri te populli grek dhe ambasadori i Republikës së Greqisë te ne, Rusos Kunduros. Arritja e dozave të reja të vaksinës zhvillohet në kohë dhe konform kësaj, imunizimi ka zhvillim të shkëlqyeshëm”, theksojnë nga Ministria e Shëndetësisë.

Continue Reading

Lajme

Spasovski për “fushatë” në Saraj, kërkon mbështetjen e banorëve të kësaj komune

Published

on

By

Spasovski në Saraj: Vazhdimisht i dëgjojmë kërkesat e qytetarëve, prandaj kemi ofertën më të mirë për secilën komunë

Nënkryetari i LSDM-së, Oliver Spasovski në kuadër të karvanit “Më të mirën për komunën tonë” ka realizuar takim me banorët e komunës së Sarajit.

Spasovski para të pranishmëve është përqendruar në realizimin e projekteve të shumta lokale të ndihmuara nga pushteti qendror në bashkëpunim me pushtetin lokal.

“Vazhdimisht investojmë në përmirësimin e infrastrukturës rrugore, ndërsa në këtë pjesë për katër vite janë rehabilituar korsia e autostradës Saraj- Grupçin me gjatësi prej 16 km, është ndërtuar rruga rajonale prej 3.6 km Saraj- Radushë, 2 km nga rruga rajonale Saraj- Semenishtë, ndërsa në maj të vitit të kaluar procedura e tenderit për ndërtimin e rrugës Karpallëk- Zhelinë në gjatësi prej 12.2 km”, ka thënë Spasovski.

Banorët e Sarajit, siç theksohet, kanë vlerësuar investimet edhe në sektorët tjerë siç është projekti i ndërtimit të objektit dhe pajisjes së kopshtit për fëmijë në fshatin Kondovë, por edhe ndërtimin e Poliklinikës së re në Saraj e cila është në rrjedhë, ndërsa duhet të jetë gati deri në fund të këtij viti si dhe shumë projekte tjera për këtë komunë të mbështetura nga qeveria e Republikës së Maqedonisë së Veriut.

Si parti, por edhe si pushtet i përgjegjshëm, tha Spasovski “vazhdimisht do t’i dëgjojmë qytetarët, bisedojmë për propozimet e tyre, idetë dhe sugjerimet që më vonë i shndërrojmë në projekte konkrete”.

Continue Reading

Lajme

VMRO-DPMNE me protestë para MPJ-së kërkon të kumtohet ajo për të cilën po negociohet

Published

on

By

VMRO-DPMNE këtë pasdite i vazhdoi protestat, sipas vendimit të marrë nga Komiteti Ekzekutiv i partisë të shtunën në Manastir, për të protestuar sot dhe nesër nga ora 17:00 deri në 19:00. Ndryshe nga java e kaluar kur udhëkryqe u bllokuan në qendër të Shkupit, udhëheqja, anëtarët dhe mbështetësit e partisë po protestojnë përpara Ministrisë së Punëve të Jashtme.

 

Protesta mbahet përpara seancës së Komisionit kuvendor për Politikën e Jashtme, e planifikuar për të mërkurën në orën 15. Me të udhëheq Antonio Milloshoski, ndërsa Ministri i Punëve të Jashtme, Bujar Osmani kumtoi se do t’i përgjigjet kërkesës së opozitës për të marrë pjesë dhe të raportojë mbi pikën e vetme në rendin e ditës. “Shqyrtimi i çështjes për fillim të negociatave të pranimit me BE gjatë presidencës portugeze, në kontekstin e Marrëveshjes për Fqinjësi të Mirë, Miqësi dhe Bashkëpunim me Bullgarinë.

Partia e opozitës kërkon nga MPJ-ja dhe Qeveria kërkon të publikohet se për çfarë saktësisht po negociohet për një datë për fillimin e negociatave me BE-në, në pritje të presidencës portugeze. Qëndrimi i tyre është se nuk pranojnë asnjë pjesë të deklaratës së miratuar në Parlamentin e Bullgarisë në tetor 2019 për të qenë pjesë e negociatave që po zhvillohen intensivisht këto ditë.

“Nga seanca e së mërkurës ne kërkojmë informacione specifike nga Ministri Osmani, për ta dëgjuar dhe për të parë se çfarë ai do të na thotë neve, si përfaqësues të popullit në atë parlament, rreth asaj se për çfarë dhe si negociojnë. Sipas Kushtetutës, Maqedonia është një shtet i pavarur dhe sovran dhe kushdo që vendos ta shkelë këtë, përkatësisht do të përpiqet për një pjesë të asaj deklarate të Bullgarisë, do të thotë se shkel Kushtetutën dhe një ditë do të mbajë përgjegjësi”, deklaroi në protestën deputetja, Dafina Stojanovska.

Nëse VMRO-DPMNE do t’i vazhdojë protestat edhe pas seancës së komisionit të mërkurën, ajo tha se mbetet të vendoset pasi të mbahet seanca dhe pastaj do ta kumtojnë qëndrimin e tyre.

Continue Reading

Aktuale