Connect with us

Bota

SHBA: Një vajzë e klasës së 6-të në shkollë ka plagosur tre persona

Published

on

Një vajzë e klasës së gjashtë dje ka hapur zjarr në shkollën e saj fillore në Ajdaho dhe ka plagosur dy nxënës dhe një pastrues dhe më pas u çarmatos nga një mësuese.

Tre personat e lënduar pritet të shërohen, thanë zyrtarët në një konferencë shtypi. Sherifi i Qarkut të Xhefersonit, Stiv Anderson deklaroi se vajza nxori një pistoletë nga çanta dhe gjuajti disa herë brenda dhe jashtë Shkollës fillore Rigbi, në qytetin e vogël të Rigbit, rreth 145 kilometra në jugperëndim të Parkut Kombëtar Jellouston.

Një mësuese e çarmatosi vajzën dhe e mbajti atë deri kur policia arriti në vendin e ngjarjes dhe e arrestoi atë, thanë autoritetet, pa dhënë detaje të tjera. Autoritetet thonë se po hetojnë motivin e sulmit dhe po përpiqen të mësojnë se ku e kishte marrë armën vajza.

Sherifi Anderson theksoi se nxënësja është nga qyteti Ajdaho Folls, mirëpo nuk e bëri publik emrin e saj.

Dr. Majkëll Lemon, drejtori për traumën në Qendrën rajonale mjekësore të Ajdahos Lindore, tha se i rrituri i plagosur u trajtua nga një plagë që kishte marrë në një nga gjymtyrët dhe u nxor nga spitali, ndërsa dy nxënësit e qëlluar u mbajtën në spital gjatë natës dhe njëri prej tyre mund të ketë nevojë për ndërhyrje krirugjikale, por ata janë në gjendje të qëndrueshme.

“Njëri nga nxënësit kishte plagë në dy gjymtyrë”, shtoi ai.

Rreth orës 9:15 të mëngjesit policia u njoftua për incidentin me armë. Agjenci të shumta të zbatimit të ligjit u përgjigjën dhe nxënësit u evakuuan në një shkollë të mesme aty pranë për t’u bashkuar me prindërit e tyre.

Nxënësi 12-vjeçar Jandel Rodrigez tha se ai dhe shoku i tij i klasës ishin vetëm në klasë, me mësuesin dhe po studionim, kur papritmas, dëgjuan një zhurmë të madhe dhe pastaj dy krisma të tjera.

“Më vonë pati ulërima, mësuesi ynë doli jashtë për parë se çfarë kishte ndodhur dhe ai pa shenja gjaku”, përshkroi Rodrigez

Sipas Qendrës kombëtare të statistikave të arsimit, shkolla fillore në Rigbi ka rreth 1.500 nxënës nga klasa e gjashtë deri në të tetën.

Ky është sulmi i dytë në një shkollë në Ajdaho. Në vitin 1999, një nxënës i shkollës së mesme në Notus gjuajti me armë, duke plagosur një nxënës tjetër.

Sipas një raporti të gazetës Deseret Njuz, në vitin 1989, një nxënës në Shkollën e mesme të Rigbit nxori një armë, kërcënoi një mësues dhe nxënësit dhe mori një vajzë 14-vjeçare peng. Policia e shpëtoi në mënyrë të sigurt pengun nga një kishë aty pranë rreth një orë më vonë dhe e ndaloi adoleshentin. Askush nuk u qëllua në atë incident.

Continue Reading

Bota

I vunë zjarrin kampit grek në Lezbos, dënohen me 10 vjet burg 4 emigrantë afganë

Published

on

By

Gjykata në Chios i shpalli të pandehurit fajtorë për zjarrvënie të Shtunën ndërsa avokatët e tyre denoncuan një “mungesë ndjenje drejtësie”, duke i thënë agjencisë së lajmeve AFP se ata kishin ngritur menjëherë një apel pasi u dha dënimi.

I vunë zjarrin kampit grek në Lezbos, dënohen me 10 vjet burg 4 emigrantë afganëpamje nga kampi

GREQI- Katër azilkërkues afganë janë dënuar me 10 vjet burg për pjesën e tyre në një zjarr që shkatërroi kampin e migrantëve Moria në Greqi vitin e kaluar. Në mars, dy të rinj të tjerë afganë u dënuan me pesë vjet burg në lidhje me çështjen.

Gjykata në Chios i shpalli të pandehurit fajtorë për zjarrvënie të Shtunën ndërsa avokatët e tyre denoncuan një “mungesë ndjenje drejtësie”, duke i thënë agjencisë së lajmeve AFP se ata kishin ngritur menjëherë një apel pasi u dha dënimi.

Sipas Aljazeera, afganët e rinj u dërguan në gjykatë të prangosur dhe pritet të kthehen në burgun e Avlona jashtë Athinës, ku u mbajtën para gjyqit.

Kampi Moria, në ishullin Egje të Lesbos, strehoi më shumë se 10,000 njerëz përpara se të shkatërrohej nga dy zjarre në Shtator 2020. Askush nuk vdiq në zjarre.

Autoritetet greke besojnë se zjarret u ndezën qëllimisht nga pushtuesit e kampit pasi masat e karantinës u vendosën pas zbulimit të rasteve COVID-19 midis njerëzve që jetonin në vend. Rreth 20 persona, kryesisht anëtarë të grupeve të huaja të solidaritetit, u mblodhën jashtë gjykatës për të bërë thirrje që të pandehurit të lirohen.

Për më shumë bëhu pjesë e grupit më viral në Facebook, Dosja.al
Avokatët e mbrojtjes thanë se afganët nuk morën një gjyq të drejtë. Prokuroria bazohet në një pjesë të madhe të dëshmive të një azilkërkuesi tjetër afgan, i cili identifikoi të gjashtë si autorët e krimit. Por sipas avokatëve të mbrojtjes, dëshmitari nuk ishte në gjykatë të Premten dhe nuk u paraqit për gjyqin në Mars pasi ai nuk mund të gjendej.

Të pandehurit pretendojnë se ata ishin në shënjestër të dëshmitarit, një afgan etnik, pasi të gjashtë janë Hazara, një pakicë e persekutuar në Afganistan.

Dëshmitarë të tjerë të prokurorisë ishin oficerë policie, zjarrfikës të thirrur në vendin e ngjarjes në Shtator 2020 dhe stafi nga Shërbimi Evropian i Azilit dhe grupet joqeveritare që punuan në kamp.

Continue Reading

Bota

Takimi Biden-Erdogan, mediat: Tensionet nuk do të mungojnë

Published

on

By

Po pritet me vëmendje të madhe takimi i presidentit amerikan, Joe Biden me homologun e tij turk, Rexhep Tajip Erdogan, teksa liderët e vendeve të NATO-s mblidhen në Bruksel.

Disa vëzhgues kanë ngritur pyetjen nëse Turqia mund të shihet ende si një aleat i besuar i NATO-s dhe një partner për sigurinë. Teksa komentet e Bidenit kanë shtuar gjasat që takimi i tij me Vladimir Putin të mos jetë dhe aq miqësor, ka shumë të ngjarë që tensionet të mos mungojnë as gjatë përballjes së shefit të Shtëpisë së Bardhë me kreun e shtetit turk. Në fakt, retorikat e ashpra mes tij dhe Erdoganit nuk kanë munguar kohët e fundit.

Bideni e quajti “autokrat” gjatë fushatës presidenciale, dhe duke iu referuar konfliktit në Gaza, Erdogani e fshikulloi presidentin amerikan për mbështetjen e dhënë Izraelit, duke thënë se ai i ka duart e “lyera me gjak”. Ngërçi i madh në marrëdhëniet dypalëshe mbetet sistemi i mbrojtjes raketore ruse S-400, që Turqia bleu nga Moska. “Kurrë nuk kemi lënë të kuptohet se jemi të gatshëm të pranojmë zotërimin e sistemit S-400 nga Turqia. Bie ndesh me statusin e Turqisë si një aleate e NATO-s”, u shpreh zëdhënësi i DASH.

S-400, një sistem i lëvizshëm raketor tokë-ajër, konsiderohet një rrezik për aleancën por edhe për vetë plaformën më të shtrenjtë amerikanëve të armëve, F 35-sat. Eksperti i politikës së jashtme, Bradley Boëman i tha VOA-s se prej vitesh, Erdogani nuk ka vepruar sikur Turqia dëshiron të mbetet një aleat i besuar në NATO. “Një aleat nuk blen një sistem të mbrojtjes nga raketat nga kërcënuesi kryesor i aleancës, Rusia. Kjo nuk bëhet”, thotë ai, ndërsa të tjerë thonë se Washingtoni duhet t’i shqyrtojë edhe një herë lidhjet me Turqinë.

Continue Reading

Bota

Në qytetin kinez Guangzhu mbi 60 dronë janë duke monitoruar për të siguruar që respektohen masat kundër Kovid-19

Published

on

By

Në qytetin kinez Guangzhu mbi 60 dronë janë duke monitoruar për të siguruar që respektohen masat kundër Kovid-19

Pekin, 14 qershor 2021 (MIA) – Një “flotë” me 60 dronë është mbi qytetin jugor kinez të Guangzhu për të monitoruar personat që kanë nevojë të qëndrojnë në shtëpi dhe të paralajmërojnë ata që shkojnë jashtë të mbajnë maska.

Dronët e drejtuar nga policia janë të pajisur me kamera dhe altoparlantë që dërgojnë mesazhin se mbrojtja më e mirë ndaj infeksionit është të mos dilni jashtë. Dronët po shtohen në rrjetin ekzistues për të monitoruar shëndetin dhe temperaturën e trupit të qytetarëve dhe karantinën e atyre që jetojnë ose kanë jetuar në një zonë me rrezik të rritur të infektimit.

Kina ka çrrënjosur kryesisht rastet e transmetimit vendor të koronavirusit, por kohët e fundit numri i personave të infektuar me variantin Delta, i identifikuar së pari në Indi, është rritur kohët e fundit në Guangzhu. Gjatë një dite më parë, gjashtë raste të tilla u identifikuan në qytetin me miliona banorë, duke e çuar gjithsej numrin atje në më shumë se 100.

Continue Reading

Aktuale