Connect with us

Sport

Mourinho kthehet në Itali për të udhëhequr klubin nga Serie A

Published

on

Jose Mourinho rikthehet në Itali 11 vite pasi fitoi gjithçka me skuadrën e Interit, këtë herë për të drejtuar rivalët më të fortë të zikaltërve në atë kohë, kryeqytetasit e Romës, raporton SS. Vetëm pak orë pasi njoftoi se nuk do të rinovojë kontratën me Paulo Fonsecën, klubi verdhekuq dha edhe lajmin e bujshëm se në pankinë do të ulet një tjetër portugez, pikërisht “the special one”.

“Klubi i Romës ka kënaqësinë t’u njoftojë se trajneri i parë e skuadrës, duke nisur nga sezonit 2021-2022, do të jetë pikërisht Jose Mourinho”, shkruan verdhekuqtë në Twitter, duke zbuluar se kanë firmosur bashkë një kontratë 3-vjeçare.

Tekniku portugez u shkarkua nga Tottenham më 19 prill të këtij viti, pas disa rezultateve negative, ndërsa dy ditë më parë pati paralajmëruar një rikthim në Itali, duke konfirmuar se nuk do të mendohej dy herë për të drejtuar një rival të Interit.

Shumë atëherë menduan se portugezi mund të ishte në negociata me Juventusin, por duket se Roma ka punuar në heshtje për të arritur marrëveshjen me Mourinhon, i cili tha edhe fjalët e para si trajneri i ri i verdhekuqve.

“Pasi diskutova me pronarët dhe me drejtorin Tiago Pinto, menjëherë kuptova se sa e madhe është ambicia e këtij klubi. Kjo aspiratë dhe kjo shtytje janë të njëjtat që gjithmonë më kanë motivuar dhe së bashku duam të ndërtojmë një rrugë fituese në vitet që vijnë. Forca Roma”, shkroi Mourinho në Instagram.

Ulja e portugezit në pankinën e Romës konfirmon edhe projektin ambicioz të presidentit të ri të verdhekuqve, Dan Friedkin, i cili nëpërmjet një deklarate nuk e fshehu kënaqësinë për firmën me Mourinhon dhe premtoi ndërtimin e një klubi fitues.

“Jemi të kënaqur dhe të entuziazmuar që mirëpresim Jose Mourinhon në familjen e Romës. Ai është një kampion i lindur, që ka fituar trofe në çdo nivel dhe që garanton përvojë dhe lidership për një projekt shumë ambicioz si ky i yni. Angazhimi i José përfaqëson një hap të madh përpara në ndërtimin e një mentaliteti fitues, solid dhe të qëndrueshëm në klubin tonë”, u shpreh Friedkin.

Një nga njerëzit që ka punuar më shumë për të sjellë Mourinhon në kryeqytetin italian, ka qenë edhe portugezi tjetër Tiago Pinto, i cili prej muajsh mbulon rolin e drejtorit teknik të Romës dhe pas firmës nuk e fshehu entuziazmin.

“Mbetëm të impresionuar nga pasioni i tij për futbollin dhe dëshira për të fituar. Trofetë e fituar nuk përfaqësojnë asgjë për të, pasi ka gjithmonë uri për të fituar më shumë në të ardhmen, Projektet e mëdha kërkojnë kohën dhe njerëzit e duhur, ndaj ne besojmë se me Mourinhon kemi hedhur bazat e duhura si për të tashmen, ashtu edhe për të ardhmen”, deklaroi Pinto.

Continue Reading

Sport

Pas suksesit historik, FC Struga mëson kundërshtarët e mundshëm në garat europiane

Published

on

By

FC Struga Trim dhe Lum është ekipi më i ri në Ligën e Parë të Futbollit në Maqedoninë e Veriut, por me një sukses të jashtëzakonshëm dhe të paparë më herët në futbollin vendas. Në gjashtë vite ekzistencë FC Struga arriti që të ngjitet vit pas viti nga liga e katërt e madje të sigurojë një vend në garat europiane, pasi në sezonin që sapo lamë pas u rendit e treta në tabelën e Ligës së Parë. Me këtë sukses struganët do të jenë pjesë e Europa Conference League, ndërsa sot janë bërë të ditur kundërshtarët e mundshëm të FC Struga Trim Lum, shkruan in7.

Shorti për Europa Conference League, një format i ri që luhet për herë të parë, do të hidhet nesër, ndërsa kundërshtarët e mundshëm të Strugës do të jenë:

1 NSÍ Runavík (FRO)
2 Liepāja (LVA)
3 Spartak Trnava (SVK)
4 Dundalk (IRL)
5 Breidablik (ISL)

Ceremonia e hedhjes së shortit fillon nesêr prej orër 13:30 në faqen zyrtare të UEFA-S. Ndeshjet e para do të luhen në 8 Korrik, ndërsa kthyeset në 15 Korrik. Vlen të theksohet se finalja e Europe Conferemce League do të luhet në Tiranë, në stadiumin e ri Air Albania./in7.tv/

Continue Reading

Sport

“Nuk jam racist”, kërkon falje Arnautoviç pasi shau nga nëna futbollistin shqiptar

Published

on

By

Maqedonia e Veriut debutoi me humbje në këtë Euro 2020. Përfaqësuesja ballkanase, që merr pjesë për herë të parë në një kompeticion kaq madhor, u mposht me rezultatin 3-1, nga Austria, në ndeshjen e luajtur në stadiumin “Arena Kombëtare”, në Bukuresht.

Pavarësisht ndeshjes, një moment mori vëmendjen e mediave dhe ishte pikërisht festa dhe goli i sulmuesit austriak, Marko Arautovic.

Ky i fundit, pas golit të shënuar ka dërguar fjalë fyese ndaj mbrojtësit me origjinë shqiptare Egzon Bjetullait, duke i thënë: Të q**** mamanë shqiptare”.

Pas incidentit, nuk ka munguar falja e Arnautoviç i cili ka thënë se nuk është racist, ndërsa shton se situata ka agravuar për shkak të tensionit të ndeshjes.

“Kishte fjalë të nxehta dje për shkak të emocioneve të ndeshje, për të cilat dëshiroj të kërkoj FALJE – veçanërisht miqve të mi nga Maqedonia e Veriut dhe nga Shqipëria.

Dëshiroj ta them një gjë shumë qartë: UNË NUK JAM RACIST! Unë kam miq gati nga çdo vend dhe jam e mbështes diversitetin. Kushdo që më njeh mua është i vetëdijshëm për këtë. Më falni”, ka shkruar Arnautoviç në rrjete sociale.

Continue Reading

Sport

Danimarka u kërcënua me humbje në tavolinë, nëse s’do të kthehej në fushë pas kolapsit të Eriksenit

Published

on

By

Peter Schmeichel ka thënë se lojtarët e Danimarkës u paralajmëruan nga UEFA se do ta humbnin me rezultat zyrtare ndeshjen e tyre hapëse në Euro 2020 kundër Finlandës, nëse nuk do të ktheheshin në fushë për rifillimin e saj, pas arrestit kardiak që Christian Erikseni e pësoi në fushë.

Erikseni pësoi arrest kardiak në fund të pjesës së parë të ndeshjes të shtunën dhe ndaj tij u përformua CPR-ja në fushë nga ekipi mjekësor për ta kthyer në jetë, raporton Gazeta Express.

Lojtarët e Danimarkës, të cilët e kishin krijuar një rreth mbrojtës përreth Eriksenit derisa ai po merrte tretman emergjent, ishin tejet të shqetësuar dhe të mërzitur për bashkëlojtarit e vet.

Por ata u detyruan ta vazhdonin ndeshjen, pavarësisht gjendjes së tyre emocionale, me Finlandën që siguroi fitore 1:0 në fund.

Schmeichel, djali i të cilit Kasper e ngushëlloi bashkëshorten e Eriksenit Sabrina Kvist Jensen në vijën anësore derisa burri i saj po mjekohej, ka zbuluar se Danimarka i kishte tri mundësi për të zgjedhur: rifillimin e ndeshjes të shtunën, rifillimin e saj të dielën në mesditë, apo humbjen zyrtare 3:0.

I pyetur për vendimin për ta vazhduar ndeshjen pasi Erikseni ishte dërguar në spital, Schmeichel tha për ITV: “Ky është debat interesant. E pashë një deklaratë nga UEFA dje ku thuhej se ata po i ndiqnin këshillën e lojtarit, se lojtarët këmbëngulën për të luajtur… kjo nuk ishte e vërteta në fushë”.

“Por varet sesi e sheh të vërtetën. Ata i kishin tri mundësi: një të luanin menjëherë dhe t’i luanin edhe 50 minutat e mbetur. Mundësia tjetër ishte të luanin të dielën në mesditë dhe mundësia e tretë ishte ta pranonin humbjen zyrtare 3:0”, shtoi ai.

“Prandaj kuptojeni vetë. A ishte dëshira e lojtarëve për të luajtur? A kishin zgjidhje tjetër ata? Nuk ma ha mendja”, theksoi ai. /Gazeta Express/

Continue Reading

Aktuale