Connect with us

Komente

Gazetari shqiptar tregon të vërtetën e dhimbshme për jetën në Maqedoni

Published

on

Shkruan, Furkan Saliu – Gazetar

– Punëtorit në këtë shtet nuk i paguhen orët shtesë.
– Punëtorit në këtë shtet nuk i paguhet sigurimi shëndetësor.
– Punëtorit në këtë shtet për 10 orë punë të rëndë fizike paguhet 10 euro.
E nëse punëtori ankohet te shefi për kushtet, mbet pa punë, bile edhe mundet me ngrënë dajak se pronari ka pare edhe ta blen policinë e s’ka kush të mbron.
E nëse punëtori ankohet në gjykatë, veç çka humb edhe më shumë duke paguar taksa administrative, sepse pronari ka edhe avokat më të fort edhe ta korrupton gjykatësin.
E duke i marr parasysh të gjitha këto vështirësi, ai përsëri në fund hesht dhe është i lumtur se e ka një vend pune.
– Një familje katër anëtarëshe, me dy rroga mesatare, nuk mund t’ia lejon vetës një pushim veror.
– Një familje katër anëtarëshe me dy rroga mesatare, nuk mund t’ia lejojë vetës të kursej as një cent në muaj.
– Një familje katër anëtarëshe me dy rroga mesatare, punon vetëm sa për ti paguar faturat e rrymës.
– Një familje katër anëtarëshe me dy rroga mesatare nuk mund t’ia lejojë që një herë në tre muaj ta gëzojë fëmijën e vet me një palë këpuca të reja e kualitative.
– Një familje katër anëtarëshe me dy rroga mesatare, nuk mund ti ofroj fëmijës arsim kualitativ.
E kur ai fëmijë është i obliguar që çdo natë ti dëgjojë zhurmat e grindjeve të prindërve që vijnë si pasojë e skamjes, kur ta sheh fëmijën e pronarit me këpucë dhe telefon të ri, e më vonë kur të detyrohet ta braktisin shkollimin se i shtohet presioni për me pru bukën në shtëpi, ai s’ka kohë për me mëndu se si të bëhet më i suksesshëm se prindërit.
Edhe përkundër të gjithë këtyre fakteve, ju nesër e merrni skarën edhe dilni në mal se festë është 1 maji, nuk punohet…

#Urime1Maji oj klasë pun’tore 🙂

Continue Reading

Komente

Pikëllim në familjen Taravari / Ndërroi jetë babai i kreut të Gostivarit

Published

on

By

Njoftimi i plotë nga Arben Taravari:

Të dashur familjarë dhe të nderuar miq, pas një beteje të vështirë disa javore babai im nuk arriti ta përballojë sëmundjen.
Ai ishte heroi i çdo lufte dhe çdo beteje që kam kaluar në jetë. Shtylla e familjes sonë u shemb, heroi ynë vdiq duke lënë shprazëtirë dhe dhimbje të thellë në zemrat tona, shprazëtirë që nuk do të plotësohet kurrë! Babai më nuk do të jetë fizikisht mes nesh, por gjithmonë do të jetë i pranishëm në zemrat dhe lutjet tona. Malli dhe dashuria për të nuk do të shuhen kurrë!
Ky ishte caktimi i Zotit dhe neve na mbetet të pajtohemi me këtë caktim dhe t’i lutemi Zotit që babain tonë ta mbajë nën mëshirën e Tij!
Varrimi do të bëhet sot (e premte) tek varrezat e vjetra, pas namazit të Xhumasë.

Continue Reading

Komente

Isen Shabani: Klane nga pushteti i turpshëm i BDI-së shpërndajnë letra false për të më diskredituar

Published

on

By

Reagimi i plotë i Isen Shabanit – Kryetar i Komunës së Vrapçishtit

Të nderuar qytetarë,

E kemi patjetër të reagojmë dhe sqarojmë të pavërtetat e shpërndara nga eksponent te BDI-së, e që direkt cënojnë integritetin tim si bartës i një pozite publike, por edhe si qytetar.

Fillimisht, me bindje të plotë MOHOJ kategorikisht vërtetësinë e atij “dokumenti” që klane të caktuara nga pushteti i turpshëm i BDI-së e shpërndanë në rrjetet sociale. Ajo letër e shpërndarë është FALSE dhe shpërndarësi i saj do të përgjigjet penalisht. Shpifjet e tilla nuk ua mbulojnë turpin që e keni bërë dhe po e bëni vazhdimisht ndaj kombit dhe qytetarëve të këtij vendi.

Çdo person me edukim mesatar, duhet të dijë se çdo dokument zyrtar i dalur nga ndonjë institucion, ka numër arkivor (protokolar), numër pranimi në institucionin ku dërgohet dhe evidenca të ngjashme, të përcaktuara me ligj. Në letrën e nxjerrë nga shpifësit, ata që nuk ia duan të mirën qytetarëve, nuk ka asnjë numër arkivor, asnjë gjurmë protokolare. Kjo e dëshmon edhe më mirë se ajo letër është e FALSIFIKUAR. Prandaj, me këtë punë, që nga ky moment do të merret përfaqësuesi im ligjor. Shpifësit do të mbajnë përgjegjësi.

Me respekt, Isen Shabani

Continue Reading

Komente

Betoni si turp dhe fyerje ndaj shqiptarëve!

Published

on

By

Shkruan, Zudi Enuzi

I nderuar Visar Ganiu, të pretendosh në shekullin 21 se duke ndërtuar mure betoni do të vendosësh rend dhe lëvizje të lirë të qytetarëve në një rrugë siç është Çairçanja është turp dhe fyerje klasike e intelegjencës së votuesve të tu por edhe të qytetarëve të Çairit.

Ky mur që ju po vendosni pos që shfaq dështimin dhe katandisjen e Komunës me beton gjithandej shpërfaq edhe një realitet tjetër, dështimin e këtij sistemi për të siguruar funksionim të rendit dhe ligjit.
Reagimi i qytetarëve që kur keni filluar vendosjen e këtij muri ishte I ashpër dhe vazhdon të jetë i njejtë por reagimi qytetar nuk ju ka zmbrapsur nga kjo ide.

Vazhdoni me këtë turp, shqiptarët nuk meritojnë një fyerje si kjo.
Për fund një këshillë vëllazërore, nuk është turp të gabosh sepse jemi njerëz dhe të gjithë gabojmë, por turpi i botës është kur gabimin e mbroni dhe tentoni ta shisni si arritje.

Continue Reading

Aktuale