Connect with us

Sport

Real Madridi bëri përgatitje të pazakonshme për ndeshjen me Liverpoolin

Published

on

Real Madridi u stërvit në mënyrë të pazakontë para ndeshjes së kthimit çerekfinale në Ligën e Kampionëve kundër Liverpoolit të hënën.

I shqetësuar për telashe të mundshme me lodhjen, trajneri Zinedine Zidane vendosi të mos i ngarkojë lojtarët e tij me ushtrime të rënda dhe iu kërkoi ta bënin një shëtitje të këndshme me biçikleta përreth qendrës stërvitore, sipas MARCA.

Francezi iu kërkoi lojtarëve që kishin luajtur në fitoren kundër Barcelonës të shtunën të mos merrnin pjesë në ushtrimet e të hënës pasdite por ta ngisnin biçikletën.

Djelmoshat e Zidane e luajtën një seri ndeshjes vendimtare në javët e fundit, përfshirë ndeshjen e parë kundër Liverpoolit në ndeshjen e parë çerekfinale në Champions dhe El Clasicon e së shtunës.

Prandaj, qëllimi i trajnerit ishte t’iu jepte lojtarëve mundësi të çlodheshin duke e shmangur mbingarkesën e mundshme.

Real Madridi do të përballet me Liverpoolin në ndeshjen e kthimit çerekfinale të mërkurën në Anfield, me vetëbesim falë fitores komanduese 3:1 në ndeshjen e parë në Madrid.

Continue Reading

Sport

Nuk e kishte bërë askush në 35 vitet e fundit / Kavani shënoi rekordin e ri

Published

on

By

Kavani shënuesi i parë i dyfishtë në dy gjysmëfinalet në 35 vitet e fundit në Kupat Evropiane

Sulmuesi i Mançester Junajted, Edinson Kavani shënoi dy gola mbrëmë në ndeshjen gjysmëfinale të Ligës së Evropës me Romën me rezultat (2:3). Në ndeshjen e parë (6:2), uruguajan 34-vjeçar shënoi gjithashtu dy herë për romakët.

Kavani u bë lojtari i parë në 35 vitet e fundit që shënoi dy gola në secilën prej dy gjysmëfinaleve në një garë evropiane.

Para Kavani, në sezonin e vitit 1985/86, sulmuesi i Këlnit, Klaus Alofs shënoi dy gola në ndeshjen e parë të gjysmëfinales së Kupës së UEFA-s kundër Varegem të Belgjikës (4:0), ndërsa në het-trik të dytë shënoi (3:3) . 

Continue Reading

Sport

Hazard qeshej së bashku me lojtarët e Çelsit, pas humbjes së ekipit të tij

Published

on

By

Futbollisti i Real Madrid, Eden Hazard, pas disfatës së mbrëmshme me rezultat 2:0 nga Çelsi në gjysmëfinale të Ligës së Kampionëve, iu afrua lojtarëve kundërshtarë. Në rrjetet sociale u publikua një fotografi e belgut duke qeshur së bashku me lojtarët e ish-skuadrës së tij derisa i përshëndeste.

Çellsi arriti në finale me rezultat të përgjithshëm 3:1 kundër Real Madridit. Ndeshja finale do të zhvillohet më 29 maj në stadiumin “Ataturk” në Stamboll. Rivali i klubit londinez do të jetë Mançester Siti.

Tridhjetë vjeçari Hazard iu bashkua Real Madridit nga Çelsi në vitin 2019. Më herët, si pjesë e klubit londinez, ai dy herë e fitoi kampionatin anglez, Kupën FA dhe Kupën e Ligës, ndërkaq dy herë triumfoi edhe në Ligën e Evropës.

Continue Reading

Sport

Finale angleze në Ligën e kampionëve

Published

on

By

Çellsi do të jetë kundërshtari i Mançester Sitit në finale e Ligës së kampionëve. “Blutë” e Londrës mbrëmë në Stamford Brixh e kanë mundur Real Madridin me rezultatin 2:0 në ndeshjen kthyese të gjysmëfinales së garës elitare dhe pas barazimit 1:1 në Madrid, me rezultat të përgjithshëm 3:1 u kualifikuan në finale.

Golashënues për Çellsin ishin Timo Verner në mintuln e 28-të dhe Mejson Maunt në minutën e 85-të.

Ndeshja, e cila do ta promovojë kampionin e ri evropian, i cili do të jetë nga Anglia, është caktuar për 29 maj në stadiumin “Ataturk” në Stamboll.

Kjo do të jetë finalja e dytë në tre vitet e fundit, ku do të luajnë dy ekipe angleze. Në vitin 2019, Liverpuli e mundi Totenhemin me rezultatin 2:0.

Njëheri, për trajnerin e Çellsit, Tomas Tuhel, ndeshja finale në Stamboll do të jetë finalja e dytë e njëpasnjëshme në LK. Trajneri gjerman vitin e kaluar nuk arriti ta fitojë trofeun me ekipin e PSZH-së, i cili në finale humbi nga Bajerni i Mynihut me rezultat 1:0.

Continue Reading

Aktuale