Connect with us

Kolumna

Libri i Sociologjisë: e vërteta e regjistrimit!

Published

on

Libri i Sociologjisë: e vërteta e regjistrimit!

Nëse nga ky regjistrim, përqindja e etnitetit maqedonas del më e ulët sesa ishte dhe sa disa prej tyre e presin dhe e dëshirojnë, atëherë kjo do të jetë e shpjegueshme me natalitetin e ulët të tyre dhe natalitetin e lartë të shqiptarëve, ndërsa nëse përqindja e shqiptarëve nuk del aq sa statistikisht dhe objektivisht mund të parashikohet, atëherë kjo mund dhe do të shpjegohet vetëm me paaftësinë e faktorit shqiptarë në qeveri për ta mbrojtur interesin e shqiptarëve. E nuk do të jetë e papritur nëse ndodh kjo e fundit!

Nga Omer AJDINI

Procesi i regjistrimit gjithkund në botë është proces politik, ose të paktën rezultatet e procesit të regjistrimit të popullatës gjithmonë ndikojnë në vendimet politike të vendeve përkatëse. Për shembull, në SHBA, procesi i regjistrimit tregon që vetëm 44% të familjet afro-amerikane i posedojnë shtëpitë në të cilat banojnë, për dallim nga familjet e bardha ku 73.7% e tyre i posedojnë shtëpitë në të cilat banojnë, gjë e cila ngre në diskurs pabarazinë ekonomike brenda ShBA-ve dhe ndikon në politikbërje. Pra të dhënat që mblidhen nga censusi krijojnë efekt politik si në rrafshin e diskursit dhe mobilizimit politik, po ashtu edhe në politikat publike me çka synohet intervenimi në status-kuonë dhe përmirësimi i gjendjes. Mirëpo, për dallim nga shtetet tjera ku ekziston fleksibilitet dhe mendjehapësi për t’i pranuar rezultatet e regjistrimit të popullit dhe për t’i përdorur ato të dhëna për të zhvilluar politika publike adekuate, (si për shembull në ShBA) në Maqedoninë e Veriut siç duket nuk ekziston ajo mendësi tek klasa politike e etnisë më të madhe në shtet e cila vazhdimisht refuzon t’i pranojë ndryshimet natyrale demografike, dhe prandaj tek ne procesi i regjistrimit nuk është vetëm proces politik por edhe problem real shoqëror dhe politik.

Në Maqedoninë e Veriut gjithnjë kanë ekzistuar dyshime dhe dilema sa i përket numrit të sakt të popullatës dhe përqindjes së etniteteve në shtet sepse proceseve të regjistrimit në vazhdimsi u ka munguar kredibiliteti ngaqë ka munguar inkluziviteti dhe transparenca, dhe ato thjeshtë janë manipuluar për të fshehur realitetin demografik i cili mund të impononte ndryshime politike. Shtytjet ideologjike prapa manipulimit të procesit të regjistrimit nuk është e vështirë të identifikohen. Mjafton të marrësh librin e Sociologjisë për vitin e dytë të gjimnazit të reformuar dhe aty, në një paragraf të vetëm mund të gjesh të përmbledhur të gjithë shpjegimin e nevojshëm përse që nga viti 1992 regjistrimi pësoi stërkëmbëza të njëpasnjëshme të cilat asnjëherë nuk u mundësua pasqyrimi i qartë i realitetit demografik në Maqedoninë e Veriut. Sa për informatë, në faqe 116 të librit të Sociologjisë thuhet se “Shkallë të lartë të lindjeve kemi te romët, shqiptarët dhe turqit. Një përqindje e madhe e kësaj popullate, e veçmas atyre të cilët nuk janë mjaft të arsimuara, reproduktohet në mënyrë të vjetër tradicionale, pa një kontroll të vetëdijshme të lindjeve. Në lidhje me këtë duhet të merren masa konkrete dhe të gjenden mënyrat që nataliteti të vijë në suaza normale. Te ato grupe etnike (maqedonët) ku shtimi natyror i popullsisë është i ulët, duhet të stimulohet sepse disproporcioni i natalitetit prezent te grupet e ndryshme etnike negativisht shprehet në planin politik, ekonomik dhe social.”

Ky paragraf fatkeqësisht është tregues i shumë të vërtetave trishtuese që ekzistojnë në Maqedoninë e Veriut. Përveç tjerash, ky paragraf vë në pah mentalitetin shovinist dhe racist të autorëve Zoran Matevski, Nellko Stojanovksi dhe Mileva Gjurovska, të cilët për ironi kanë tituj shkencor “Doktor”, gjë e cila tregon që racizmi kundër shqiptarëve nuk është prezent vetëm tek shtresa e paarsimuar maqedonase ashtu siç shpesh pretendohet, por përkundrazi, racizmi duket qartazi të jetë thellë i ngulitur tek shtresa elite dhe intelektuale e popullatës maqedonase, gjë e cila e bën edhe më të frikshme situatën meqë racizmi në këtë rast është edhe më i sofistikuar dhe vështirë për tu identifikuar, si dhe më nxitës dhe mobilizues në të ardhmen meqë këta njerëz dinë të artikulojnë dhe të ndikojnë të tjerët. Së dyti dhe mjerisht, ky paragraf flet qartë për paaftësinë e palës shqiptare për t’i parandaluar dhe larguar këto skandale edhepse shqiptarët për dy dekada pothuajse në vazhdimësi ka qeverisur me Ministrinë e Arsimit dhe Shkencës. E mbi të gjitha, gjëja më e rëndësishme të cilën e vë në dukje ky paragraf me përmbajtje ksenofobe është fakti i pamohueshëm që Maqedonia e Veriut që nga pavarësia e saj ka pësuar ndryshime të mëdha demografike falë natalitetit të lartë tek shqiptarët dhe natalitetit të ulët tek maqedonasit, fakt të cilin elita ‘intelektuale’ dhe politike tek pala maqedonase e ka të pamundur ta pranojë për shkak të mendje-ngurtësisë dhe urrejtjes patologjike ndaj shqiptarëve dhe komuniteteve tjera jo-maqedone, e cila ua pamundëson atyre ta imagjinojnë një Maqedoni të Veriut e cila do të kishte më shumë shqiptar dhe etnitete tjera sesa maqedonas. E kjo siç duket është edhe arsyeja pse autorët janë në gjendje të propozojnë edhe metoda jonjerëzore për parandalim të shtimit të shqiptarëve, dhe po ashtu arsyeja pse nga elita politike maqedonase në vazhdimësi ka tendenca që proceset e regjistrimit të shtyhen dhe sabotohen.

Prandaj edhe këtë herë, sikur anulimi i regjistrimit në vitin 2011, shtyrja e regjistrimit deri tani mbetet mister i pashpjegueshëm. Të gjitha arsyet që janë dhënë duket të mos kenë bazë të fortë logjike dhe argumentuese për tu besuar nga njerëzit racional. Për shembull, shpjegimi që regjistrimi u shty për shkak të numrit të madh të të infektuarve me COVID-19 është sa i paarsyeshëm aq edhe banal. Procesi i regjistrimit nuk kërkon tubime të mëdha e as kontakt fizik me njerëzit. Ky proces mund të realizohet në distancë dhe me mjete mbrojtëse nga virusi pa asnjë problem. Fundja, zgjedhje u mbajtën e regjistrim nuk mbaheshka?! E dyta, shpjegimi që shtyrja e regjistrimit u bë si këmbim për pranimin e VMRO-së për të participuar në regjistrim dhe për të pranuar rezultatin e regjistrimit. Nëse kjo është e vërtetë, atëherë lind pyetja përse vallë a nuk kishte VMRO-ja presion ndërkombëtar për ta pranuar regjistrimin para se të filloj ai?! Po për çfarë i duhet VMRO-së kohë deri në tetor?! Po përse vallë Hristian Mickovski që nga dita e takimit (përjashtues ndaj shqiptarëve!) me Kryeministrin Zoran Zaev ka filluar ta përmend “evidentimin” e diasporës?! Dikush mund të thotë që ai e bën atë për ta justifikuar pranimin e regjistrimit para votuesve të VMRO-së, megjithatë neve asgjë nuk na siguron që metodologjia nuk do të pësoj ndryshime apo që nuk do të ketë ndërhyrje në të dhënat në databazën e regjistrimit për t’i modifikuar të dhënat, pra për të shtuar numra të “etnitetit të preferuar” dhe për të fshirë njerëz të “etniteteve të padëshiruara”. Nënshkrimi i lidhur nuk nënkupton asgjë nëse mungojnë njerëzit e nevojshëm për ta bërë kontrollin adekuat aty ku duhet, e Enti Shtetëror Statistikor dihet që nuk ka mjaftueshëm shqiptarë në radhët e veta!

Sidoqoftë, fatkeqësia është që edhe ky proces i regjistrimit nuk po kalon pa dyshime dhe stërkëmbëza, dhe me shumë gjasë – në fund do të ketë shumë të pakënaqur nga rezultati. Në fund, nëse nga ky regjistrim, përqindja e etnitetit maqedonas del më e ulët sesa ishte dhe sa disa prej tyre e presin dhe e dëshirojnë, atëherë kjo do të jetë e shpjegueshme me natalitetin e ulët të tyre dhe natalitetin e lartë të shqiptarëve, ndërsa nëse përqindja e shqiptarëve nuk del aq sa statistikisht dhe objektivisht mund të parashikohet, atëherë kjo mund dhe do të shpjegohet vetëm me paaftësinë e faktorit shqiptarë në qeveri për ta mbrojtur interesin e shqiptarëve. E nuk do të jetë e papritur nëse ndodh kjo e fundit!

Continue Reading

Kolumna

Për inat të Shaqir Fetait na vdektë “djali”

Published

on

By

Myftinia e Tetovës, mbarë myslimanëve të vendit, ua hoqi të gjitha dilemat, mëdyshjet për sa i përket fitrit dhe zeqatit se ku duhet të jepen! Nëse ua japin këtyre të BFI-së, myftinive, dihet se ku përfundojnë: në ahengje e në iftare të përbashkëta! Të tjerëve – Zoti nuk ua ka shkruar të kënaqen ashtu si, bie fjala, hoxhallarëve të Tetovës, Shkupit, Gostivarit, Kërçovës, Dibrës, Kumanovës, Strugës…

Shkruan: Jasir Jashari

Jo njëherë është thënë se këta të BFI-së, me në krye instalacionin e pushtetit, Shaqir Fetain, çdo aktivitet, gjithçka që thonë e që veprojnë, e kanë vetëm farsë. E kanë vetëm sa për të mashtruar pushtet e milet, vetëm për ta vërtetuar atë tezë pezhorative, atë ofendim e sharje se, më dallaverxhinjë, më të pabesë se hoxhallarët nuk ka! Si duket, misioni i Shaqir Fetait me bandën e vet është pikërisht etiketimi i hoxhallarëve me këtë nofkë! Të mos harrojmë se ky mision dikur shte i UDB-së! Dhe ja ku po e ringjallin neo-udbashët!

Thonë se, po lavdërohen nga struktura të ndryshme se po kontribojnë shumë në tejkalimin e situatës pandemike duke i respektuar të gjitha masat e kërkuara nga OBSH, nga organizatat shëndetësore evropiane, nga qeveritë e nga institucionet relevante shëndetësore të vendit. Si mund të lavdërohen kur Shaqir Fetai dhe banda e tij që në start i thyen të gjitha rregullat, duke mos përjetuar kurrfarë gjobe institucionale përkatëse, ngjashëm si qytetarët e shkretë! Një kohë, kur Shaqir Fetai ishte në fazën e pubertetit të vonshëm, sa nuk eksitohej publikisht nga urimet dhe përshëndetjet nga turma njerzish që i futeshin në kabinet. Pastaj, u lodhën me turma të vogla, ia krisën me nga 100 të ftuar njëherazi në kabinet, siç ishte puna me hoxhallarët e Tetovës që ia solli Qani Nesimi, pasi që ky e hëngër qepën që ia serviri Shaqir Fetai. Po, vetëm aty ku nuk duhet, vetëm aty ku janë shumë pranë mëkatit, aty “i respektojnë”, për shembull, mbyllja e xhamive, falja në distancë, humbja e kuptimit të safit, mbajtja e xhematit nga një orë gjatë xhumasë duke shitur hoxhallarët “intelegjencë” sa të gjeldetit, gjatë hutbeve të cilat nuk dinë t’i përcjellin sa më shkurtë!

Pajtohemi të mos falen teravitë, për shkak të distancës, por nuk pajtohemi të mos e hamë iftarin bashkarisht, sepse, në tufë frymëzohemi për të hëngër sa më shumë dhe për të bërë gara se kush po ha më shumë!

Atë që e bëri Myftinia e Tetovës, nuk e bën kush! Në prag të apeleve demagogjike e hipokrite, për tubimin e fitrit në buxhetin e Medresesë, del Myftinia e Tetovës dhe u tregon të gjithëve se ku shkojnë ato fitra, se si shpenzohen duke u palluar në iftare të përbashkët! Në një “odë” të grumbulluar të gjithë imamët, nëpunësit e ndryshëm të kësaj Myftinie si dhe profesorë të dikurshëm e të tanishëm të Medresesë, mblidhen për një iftar të përbashkët, me propozim të nikoqirit, Myftiut të diskutueshëm, Qani Nesimit. Shtrohet pyetja: kush e pagoi këtë iftar, kush i mbuloi shpenzimet! Nëse ishte donacion, a nuk pati kurrfarë shansi që të ridestinohet ky donacion! Natyrisht që e kanë mbuluar nga arka e Myftinisë, e cila çdo vit mbushet me fitra e zeqat, me kontribute vullnetare e me rjepje të myslimanëve të këtij territori!

Pastaj, vërshuan komentet! Njëri kishte pyetur: o ju gurmaza të Myftinisë, a nuk bëri që me ato pare t’i rregulloni varrezat, shenjat e rametlinjëve janë thyer e janë rrëzuar përdhe!
Tjetri kishte thënë: “MYFTINIA E TETOVËS U SHTROI IFTAR TË GJITHË SKAMNORËVE, JETIMËVE, PLEQËVE PA PËRKUJDESJE, TË VARFËRVE DHE NEVOJTARËVE TË TJERË” – ky do të ishte titull shumë i qëlluar dhe shumë motivues, që do ta prekte çdo mysliman në vend, që do ta bënte borxhli çdo mysliman që t’i përgjigjet apeleve të Myftinisë! Kështu siç lexuam “Myftinia e Tetovës shtron iftar për të gjithë imamët e Tetovës”, është titull tepër dëshpërues dhe iritues, është aksion për ta sabotuar qëllimisht mbledhjen e fitrit për Medrese, sepse u tregua se për çka shpenzohen!

Tjetri e vë në pikëpyetje sinqeritetin e hoxhallarëve për të dëshmuar unitet në mesin e tyre! Në çka unitet? Në haram? Kujt deshtën që t’ia demonstrojnë këtë unitet? Jetimëve? Fukarenjëve? Të ngratëve? Hallexhinjëve që me lotë në sy e presin iftarin ngase nuk kanë se çka të shtrojnë në sofër? Apo fëmijëve që me sy të mjerë presin nëse dikush do t’ua zgjasë ndonjë denarë për sadaka!

Një nga diaspora shkruan: “Sot, gjermanët, 6 milion konsumatorët e birrave, e anuluan festën e tyre të birrës, sepse, pandemia ndrydhë çdo qejf e çdo dëshirë. Vetëm hoxhallarët e Tetovës i motivon që të bëjnë gara me të varfërit se kush do të hajë më shumë, kush do të hajë ifatar më të begatë!

Turp, turp, turp. O pasha të Madhin Zot, turp e haram! Si nuk i shkoi në mend Myftiut “filantropist”, Qani Nesimit, si nuk i shkoi në mend hipokritit, Shaqir Fetait, që, të urdhërohen të gjithë imamlerët dhe nëpunësit e tjerë të Myftinisë së Tetovës që të shkojnë në mesin e familjeve më të varfëra dhe më në nevojë, secili të gjejë nga një familje të tillë, t’ua shtrojë një iftar dhe, të çelin bashkarisht iftarin, ta ndjejnë gëzimin e të varfërit, ta ndjejnë atë ushtimë të zorrës së tharë nga uria, në fund, bashkarisht ta bënin aminin e darkës. Në të njëjtin moment, mbi 100 lutje, nga i njëjti ambient i mjerë, t’i drejtohen Allahut Mëshirëplotë, që të ketë sa më pakë lotë, mjerim e trishtim fukarallëku në mesin e myslimanëve tanë! Pa dyshim, këto do të ishin lutje që do të përcilleshin me lotë, sepse, trishtimi ta ndrydhë shpirtin, dhemb, trishton, lutjet do të ishin më të prekshme!

Nga fotoja e iftarit të përbashkët me hoxhallarët e Tetovës, në ngritjen e duarve për aminin e darkës, shihet se si të gjithë shikohen në mes vete dhe sikur dëshirojnë ta pyesin njëri-tjetrin: a u ngope, a ta kojti, a u pallove mirë. E bëmë mirë, për inat të Shaqir Fetait. Do të na shkruhet sevap ky gjest! “Sevape” plotë, po vinë tufa-tufa, por, myslimanët po ikin, jo nga feja, ruana Zot, por, po ikin nga hoxhallarët hipokritë, mynafikë, demagogë, të pasinqertë e shumë të rrezikshëm. E ky “bereqet” është i bollshëm, biles po tepron, po rrjedh kanaleve të ujërave të zeza!

Continue Reading

Kolumna

Qeveria Rama sot është qeveri anti-Kurti

Published

on

By

Qeveria Rama sot është qeveri anti-Kurti

Nga Çim Peka

‘Sot, Shqipëria fitoi! Sot, Shqiptarët janë mirë. Kujdesu për Shqipërinë, vlla, dhe mos harro që t’kujdesesh edhe për Kosovën. Kur ti kujdesesh për Kosovën, ti kujdesesh edhe për shqiptarët’

Ky ishte amaneti që Hashim Thaçi i dërgoi Edi Ramës nga qelia në Hagë, me rastin e sigurimit të mandatit të tretë nga ky i fundit. Unë kam përshtypjen se Thaçi akoma dhe sot nuk e di që i ka dërguar një letër të tillë Ramës. Por kjo pak rëndësi ka.

Ajo që Rama na tregon me këtë letër është se sot më shumë se kurrë, ai pretendon të shndërrohet në liderin e shqiptarëve kudo në rajon. Që megalomania e tij është në nivele klinike kjo nuk është çudi, se ky është Rama. Por që ky të pretendojë të marrë rolin e liderit të Kosovës dhe të flasë në emër të saj, kur Kosova ka Kryeministrin dhe Presidentin e saj, kjo pastaj tejkalon megalomaninë.

Kjo shndërrohet në diçka të rrezikshme për Kosovën.

Albin Kurti dhe Edi Rama sot janë në pole të kundërta dhe në marrëdhënie e dobëta personale, pikërisht sepse ky i fundit do të bëhet Zot në shtëpinë e tjetrit. Dhe jo vetëm të bëhet Zot në shtëpi, por dhe t’i shesë oborrin fqinjit verior. Që Rama të uzurpojë këtë rol dhe të minojë pozitën e Kurtit sigurisht i duhet ndihmë dhe nga Kosova. Nga njerëz të afert të tij dhe të Thaçit. Askush nuk mund ta luajë këtë rol më mirë se Vlora Çitaku. Njeriu më i afërt i Thaçit dhe mike personale e familjes Rama, ajo pritet të emërohet Ministre e Jashtme në Kabinetin Rama 3.

‘Mund t’i citosh, të mos jesh dakord me ta, apo t’i shash, por gjëja që nuk mund të bësh, është t’i injorosh ata…sepse ata i ndryshojnë gjerat’.

Ata që janë aq të çmendur sa të mendojnë se mund të ndryshojnë botën, janë pikërisht ata të cilët e bejnë këtë’.

Kjo shkon për Edi Ramën’, thotë Vlora Çitaku në një postim të saj në Twitter.

Bashkëpunimi i saj disavjeçar me Thaçin në PDK në 2011 e katapultoi në postin e Ministres për Integrime Europiane. Gjatë kësaj periudhe ajo kishte për këshilltare të veten edhe Linda Ramën, bashkëshorten e Kryeministrit aktual, rekrutuar nëpërmjet programit CBF (Capacity Building Framework), finacuar nga UNDP, disa qeveri europiane dhe Soros.

Nepotizmi nga zyrtarët kosovarë bëri që financuesit e këtij programi ta mbyllnin atë vite më vonë. Në vitin 2015, Thaçi e emëron ambasadore në Uashington, post që e mbajti deri para pak kohe. Mandati i saj si ambasadore e Kosovës në Uashington përkoi me iniciativën dhe planin e treshes Vuçiç-Thaçi-Rama për arritjen e një marrëveshje përfundimtare midis Kosovës dhe Serbisë, i cili parashikonte dhe ndarjen e Kosovës.

E pozicionuar midis Thaçit dhe Ramës, ajo luajti rol qendror si interlokutorja e tyre me Uashingtonin, ku u shquajt veçanërisht raporti i saj i ngushtë me ish-këshilltarin për Sigurinë Kombëtare të presidentit Donald Trump. John Bolton, jo vetëm që ishte pika kyçe e lobit serb në Uashington, por edhe promotor i ndarjes së Kosovës.

Në fillim të vitit 2020, Albin Kurti, kryeministër i sapozgjedhur i Kosovës paralajmëroi shkarkimin e Çitakut nga posti i ambasadores, pas bllofit të kësaj të fundit me njohjen e Kosovës nga shteti i Xhamajkës. Pasi ajo kishte njoftuar në rrugë zyrtare krerët e shtetit të Kosovës, se Xhamajka kishte njohur Kosoven, kjo e fundit vetëm një ditë më pas e mohoi të kishte njohur Kosovën.

Në kohën kur nëpër Europë dhe Komision Europian qarkullojnë disa të ashtëquajtura ‘Non-Papers’ duke e rinxjerrë edhe një herë në skenë planin për ndarjen e Kosovës, emërimi i Çitakut nga ana e Ramës si Ministre e Jashtme e Shqipërisë, nuk është thjesht një emërim nepotik, por amaneti i vërtetë i Thaçit dhe ‘futje gishtash në sy’ për Kryeministrin Kurti.

Në përpjekjen e Ramës për të sfumuar Kurtin dhe për të marrë rolin e liderit kombëtar, emërimi i saj duket të jetë vetëm hapi i parë për të krijuar në Tiranë një shtet paralel të Kosovës.

Ndoshta bash për këtë Ramës po i tolerohet vjedhja industriale e mandatit të tretë dhe po shantazhohet fituesi real i ketyre zgjedhjeve, që t’i pranojë ato.

Continue Reading

Kolumna

Lutje publike për Edi Ramën: Na vaksino në kufi, kosovarët po shkojnë në Serbi

Published

on

By

Lutje publike për kryeministrin e sapozgjedhur të Shqipërisë:

Hape një pikë/punkt për vaksinimin e kosovarëve dikund afër kufirit.

Unë e di që edhe Shqipëria është në zor të madh për veti, ama është krejtësisht e turpshme për shtetin e Kosovës që mijëra veta me shku me u vaksinu në Serbi, qysh po ndodhe tash.

Nuk ka poshtërim më të madh për shtetin e Kosovës që i lejon qytetarët e vendit të vet me pranu vaksina prej qeverisë së Serbisë.

Qe këshilla ime për Ramën dhe qeverinë e tij. Le t’i ndajë disa doza në jave, le të themi 5-6 mijë dhe le t’i caktojë grupmoshat, bie fjala brenda një jave ata që i kanë 74-75 vjec.

Javën tjetër ata që i kanë 73-74 vjeç. E di që nuk do të ishte shumë as për Shqipërinë, por do të ishte shumë për ne që kemi prindër të vjetër.

Nuk kishim me ia harru kurrë. Na për momentin nuk kemi qeveri që kujdeset për qytetarët. Qeveria jonë po merret me budallakina.

Albinit as nuk po i bën përshtypje që Vuçiçi më shumë se sa ai po kujdeset për qytetarët e tij.

Për Albinin është tepër me rëndësi me e fitu betejën publike me Vuçiç në takimin e tyre të parë në Bruksel.

Unë me qenë si Vuçiçi, po në atë takim, kisha me i tregu se sa qytetarë të tij ia ka vaksinu. Le të merret ky me folklorizma.

Prandaj, Edi Rama e ka mundësinë ideale për t’i dalë në krah qytetarëve të Kosovës.

Continue Reading

Aktuale