Connect with us

Kosovë

Xhandarmëria sërbe sërish hyn në Karaçevë / Banorët ankohen

Published

on

Banorët e Karaçevës po thonë se mesditën e së martës, në këtë fshat kanë hyrë pjesëtarë të xhandarmërisë serbe. Ata thonë se ndjehen të frikësuar nga provokimet e tilla. Express ka kontaktuar Qeverinë e Kosovës dhe Komunën e Kamenicës, të cilët kanë dhënë detaje lidhur me këtë rast

Kryetari i fshatit Karaçevë, Selver Lenjani, ka deklaruar për Gazetën Express se xhandarmëria serbe ka hyrë në tërritorin e këtij fshati, mesditën e së martës.

Ai ka deklaruar se për këtë i kanë njoftuar edhe institucionet e rendit.

“Dje në orën 12 të ditës, në Karaçevë ka hyrë xhandarmëria serbe me pizgavera, me gjipa, dhe ne banorët e brezit kufitar të Karaçevës i vërejtëm hyrjen e tyre dhe në atë moment patëm frikë të gjithë banorët, sepse vazhdimisht që nga viti 2001 deri më sot hyjnë të armatosur deri në dhëmbë, kjo është shqetësuese. Të gjithë mekanizmat relevantë i kemi njoftuar. Por po janë të pafuqishëm për të marrë vendime dhe për t’i dalë zot tokës tonë. Ku ka provokim më të madh se kur hyn forca e armatosur e Serbisë me mjete motorike, lë vend të kuptojet se është problem i madh i Karaçevës”, ka deklaruar Lenjani.

Ai deklaroi se banorët e Karaçevës janë të frikësuar nga hyrja xhandarmërisë serbe në këtë fshat.

“Hyrja e xhandarmerisë serbe në territorin e republikës së kosoves eshtë shqetesuese për banotet e Karaçevës. Kjo është frikë permanente. Me te gjitha mjetet motorike xhandarmeria hyn dhe askush nuk i pengon. Të gjitha takimet me KFOR-in e krejtë i kuptojmë, por le të del armata shqiptare në territor të Serbisë dhe shikoni a do të kthehen gjallë këndej. S’jemi kundër takimeve, por jo në territor të Kosovës. Nëse policia dhe KFOR’i nuk e ruajnë këtë pjesë, ne nuk kemi si të qëndrojmë këtu as 24 orë”, ka deklaruar Lenjani.

Express ka pyetur edhe Qeverinë e Kosovës lidhur me raportimin e banorëve se xhandarmëria serbe ka hyrë në territorin e Karaçevës.

Zëdhënësi i Qeverisë, Përparim Kryeziu, ka deklaruar se aktiviteti ka qenë takim i rregullt i KFOR-it amerikan dhe turk me pjesëtarë të ushtrisë serbe.

“Jemi në dijeni për aktivitetin e sotëm përgjatë brezit kufitar në Karaçevë. Ka qenë takim i rregullt i KFOR-it amerikan dhe turk me pjesëtarë të ushtrisë serbe”, ka deklaruar Kryeziu për Express.

Ndërkaq zyra për informim e Komunës së Kamenicës ka deklaruar për Express se ende nuk ka informata zyrtare nga organet përgjegjëse lidhur me këtë rast.

“Ne si komunë jemi duke prite informata zyrtare nga organet gjegjëse lidhur me këtë çështje”, thuhet në përgjigjen e zyrës për informim në Komunën e Kamenicës.

Ndryshe, gjatë vitit të kaluar kishte pasur raste kur xhandarmëria serbe kishte hyrë në territorin e fshatit Karaçevë.

Banorët e këtij fshati kishin protestuar lidhur me këtë, pasi hyrjen e xhandarmërisë serbe në Karaçevë, ata e kishin quajtur provokim./GazetaExpress/

Continue Reading
Advertisement

Kosovë

Takim Konjufca – Krasniqi: Adresa e të gjitha krimeve në Kosovë është Sërbia

Published

on

By

Kryetari i Kuvendit të Kosovës, Glauk Konjufca ka pritur në një takim aktivisten për të drejtat e të mbijetuarve të dhunës seksuale gjatë luftës së fundit në Kosovë, njëherësh dhe deputete e Kuvendit të Kosovës, Vasfie Krasniqi – Goodman.

Me këtë rast Konjufca ka thënë se adresa e të gjitha krimeve në Kosovë është Serbia, por drejtësi për krimet e luftës dhe gjenocidin serb s’ka ende.

Andaj pohoi se është obligim i tyre institucional e shtetëror për ta vënë drejtësinë në vend, sepse nuk mund të ketë paqe e pajtim pa drejtësi.

Ky është statusi i tij i plotë:

Sot kam pritur në një takim aktivisten për të drejtat e të mbijetuarve të dhunës seksuale gjatë luftës së fundit në Kosovë, njëherësh dhe deputete e Kuvendit të Kosovës, Vasfie Krasniqi – Goodman.

Me këtë rast vura në pah obligimet shtetërore dhe institucionale ndaj viktimave të dhunës së forcave serbe në Kosovë, si dhe rëndësinë e nxjerrjes para drejtësisë të urdhërdhënësve dhe kryerësve të këtij krimi çnjerëzor lufte.

Adresa e të gjitha krimeve në Kosovë është Serbia, por drejtësi për krimet e luftës dhe gjenocidin serb s’ka ende. Është obligim yni institucional e shtetëror për ta vënë drejtësinë në vend. Sepse, nuk mund të ketë paqe e pajtim pa drejtësi.

Më herët gjatë ditës, në një pritje të znj. Krasniqi në Presidencë, presidentja Vjosa Osmani – Sadriu në konsultim me znj. Krasniqi ka propozuar që 14 prilli të shënohet si Dita e të mbijetuarve të dhunës seksuale gjatë luftës së fundit në Kosovë, propozim ky që do ta ketë përkrahjen time si Kryetar i Kuvendit të Kosovës.

Continue Reading

Kosovë

Albin Kurti prezanton nismën për luftimin e korrupsionit

Published

on

By

Kryeministri i Kosovës, Albin Kurti, ka njoftuar sot se qeveria e drejtuar prej tij ka marrë një vendim me shumë rëndësi për sa i përket luftimit të korrupsionit.

Kurti në një postim në mediat sociale shprehet se në Kosovë për më shumë se dy dekada, korrupsioni ka qenë në nivele të larta dhe e përqendruar në zyrat e shtetit. Pikërisht për këtë të fundit qeveria e tij premton se do të jetë luftë të ashpër.

Sipas vendimit të miratuar nga qeveria do t’i hapet rrugë ligjit të ri për konfiskimin e pasurisë së pajustifikueshme, dhe sipas Kryeministrit “do t’i jepet fund epokës ku dominonte parulla ‘Rroga e vogël, fitimi i madh’.

Askush nga ne nuk mund të shpenzojë pasurinë që nuk e fiton. Në jetën e përditshme ne skuqemi kur na bie zori që të kërkojmë diçka hua, dhe bëjmë gjithçka që të jetojmë brenda mundësive tona, nga rroga dhe puna jonë e ndershme. Por, ju e dini se për shumë kohë, ata që kishin duart në buxhetin e shtetit nuk ju mjaftonin pagat e privilegjet por përvetësuan pasuri që nuk e justifikojnë dot. Kjo nuk është e drejtë dhe as e ndershme, prandaj edhe duhet të veprojmë që të krijojmë një shtet ku secili merr fitimin që meriton dhe paguan detyrimin që i takon“, shkruan kreu i qeverisë

Më tej ai shton se pasuria e fituar në mënyrë të paligjshme kurrë nuk është as private e as e ligjshme sepse ajo kurrë nuk është fituar./tvklan.al

Continue Reading

Kosovë

Aida Dërguti ironizon me deklaratën e Shefqet Krasniqit, publikon foto me armë: Qe qitu n’maxhe pak

Published

on

By

Aida Dërguti ironizon me deklaratën e Shefqet Krasniqit, publikon foto me armë: Qe qitu n’maxhe pak

Ish-nënkryetarja e Kuvendit të Kosovës, Aida Dërguti ka reaguar pas deklaratave të hoxhë Shefqet Krasniqit.

Krasniqi mbrëmë në një emision tha se gratë e kanë vendin në kuzhinë, ndërsa burrat në oda, shkruan portali arbresh.info

Aida përmes rrjetit social ‘facebook’, ka ironizuar me deklaratën e hoxhës, duke postuar një foto gjatë kohës së luftës ku ajo shihet me armë, bashkë me dy ushtarë tjerë.

Për deklaratat e Krasniqit pati reagime të shumta nga shumë figura publike. / arbresh.info/

Continue Reading

Aktuale