Connect with us

Lajme

Në repartet infektive ka 1.740 pacientë me Kovid-19, në Shkup për 24 orë janë hospitalizuar 81

Published

on

Shkup, 7 prill – Gjithsej 1.740 pacientë pozitiv dhe suspektiv ndaj virusit korona trajtohem në repartet infektive në Shkup dhe në spitalet në qytetet e tjera. Ka rreth 260 shtretër të zbrazët në qendrat-kovid, kumtoi Ministria e Shëndetësisë.

Në 24 orët e fundit në qendrat-kovid në Shkup janë shtruar 81 pacientë të rinj për shkak të komplikimeve me virusin korona. Gjithsej 698 persona të dyshimtë dhe të konfirmuar me Kovid-19 trajtohen në repartet infektive në kryeqytet. Një numër i madh i pacientëve janë në mbështetje të oksigjenit.

Në kovid-qendrat në spitalet në qytetet e tjera në 24 orët e fundit është raportuar se po trajtohen gjithsej 1.042 pacientë pozitiv dhe suspektiv ndaj koronavirusit.

Në 24 orët e fundit, në Shkup në klinikat interne dhe kirurgjikale ka pasur 40 pranime.

Në qendrën-kovid në SPQ “8 Shtatori” ka pasur 16 pacientë të pranuar, ndërsa gjashtë janë pranuar në Klinikën Infektive gjatë ditës së djeshme. Në Kozle janë pranuar tre pacientë të ri, ndërsa 12 pacientë janë pranuar në Klinikën për Sëmundje të Fëmijëve. Në Institutin e Mjekësisë Fizikale janë pranuar katër pacientë.

Gjatë 24 orëve të kaluara 58 pacientë të shëruar janë lëshuar në shtëpi.

Për momentin në kovid-qendrat në klinikat interne dhe kirurgjikale po trajtohen 315 pacientë.

Në SPQ “8 Shtatori” ka gjithsej 140 të sëmurë, ndërsa në Klinikën për Sëmundje Infektive janë të shtrirë 147 pacientë, përderisa në Institutin për Sëmundje të Mushkërive tek Fëmijët Kozle ka 38 pacientë. Në Klinikën për Sëmundje të Fëmijëve ka nëntë fëmijë, pozitivë me virusin Kovid-19 dhe në KGJO ka shtatë paciente pozitive. Në Institutin e Mjekësisë Fizike dhe Rehabilitimit ka 38 pacientë.

Numri i pranimeve në 24 orët e fundit është rritur dhe në mëngjesin e sotëm deri në orën 8 ka pasur 60 shtretër të lirë, ndërsa pritet gjatë ditës pas lëshimeve të bëra të pacientëve të shëruar të lirohen edhe vende shtesë. Të gjitha repartet infektive, thonë se MLSH, ka furnizim të oksigjenit dhe mund të trajtohen pacientë të cilëve u nevojitet mbështete të oksigjenit.

Në spitalin e Manastirit janë të shtruar 125 pacientë pozitiv dhe të dyshimtë në Kovid-19. Në spitalin në Shtip janë të shtruar 94 pacientë. Në repartin infektiv në Tetovë ka 43 pacientë, në Veles po mjekohen 99 të sëmurë, ndërsa në Kumanovë 90 pacientë pozitiv dhe suspektiv me Kovid-19. Në qendrën-kovid në Ohër janë të shtruar 105 pacientë, në Prilep 136 në qendrën-kovid në Gostivar 47, ndërsa në Strugë 20 të sëmurë. Në spitalin në Strumicë janë shtruar 118 pacientë, në Koçan 35, në Kërçovë 36, Kavadar 70, ndërsa në Gjevgjeli 24 persona, pozitiv dhe suspektiv me virusin korona.

“Gjatë ditës po bëhen edhe lëshime të pacientëve të shëruar, me çka do të lirohen shtretër shtesë. Përndryshe, të gjitha repartet në spitalet klinike disponojnë me shtretër spitalorë drejt të cilëve ka qasje me oksigjen. Ministria ka qasje në gjendjen me kapacitetet dhe nëse ka nevojë repartet do të zgjerohen”, qëndron në kumtesë.

Continue Reading

Lajme

Mexhiti: Grubi dhe Osmani nuk përfaqësojnë në mënyrë kredibile elektoratin e BDI-së

Published

on

By

Deputeti dhe nënkryetari i BDI-së, Izet Mexhiti në intervistë për TV21 tha se qëndrimi i tij në lidhje me kuadrot e partisë së tij të përfaqësuara në Qeveri dihen dhe se kjo nuk është më e mira e BDI-së.

Sipas tij, ky përfaqësim i BDI-së në Qeveri nuk është mënyra më e mirë për të përfaqësuar partinë në ekzekutiv dhe se kjo vërtetohet me veprimet e deritanishme.

“Kjo vërtetohet qoftë në menaxhimin e projekteve aty për aty, qoftë në investimet kapitale, qoftë në projektet politike. Pra, pothuajse janë të pazëshëm brenda ekzekutivit”, tha Mexhiti.

Ai shtoi se partia e tij përbëhet nga më shumë vendbanime, ndërsa ai mund të flasë më shumë për Shkupin, ose për degën e BDI-së në Çair.

“Mendoj se Grubi dhe Osmani nuk janë ata të cilët mund të përfaqësojnë në mënyrë kredibilte elektoratin e BDI-së në Shkup”, tha Mexhiti duke përmendur se ka pakënaqësi brenda strukturave partiake në lidhje mosdebatin brenda partisë./Telegrafi/

Continue Reading

Lajme

Nëse nuk ka ndyshime në BDI, do të kemi problem në zgjedhjet lokale në tetor, thotë Mexhiti

Published

on

By

Nënkryetari i BDI-së, Izet Mexhiti në emisionin 10 Minuta në TV21, foli edhe për situatën brenda BDI-së. Mexhiti thekson se duhet të merren më shumë përgjegjësi për të pasur sukses. Mes tjerash, shtoi se nëse në BDI nuk ndryshon diçka, do të kenë probleme në zgjedhjet lokale që do të mbahen në tetor të këtij viti.

“Mund edhe të shkoj, por përgjegjësinë e kanë ato të cilët po i udhëheqin këto procese dhe jo ne që jemi jashtë këtyre proceseve ose përgjegjësia është më e vogël e jona se sa e atyre të cilët po e udhëheqin këtë proces, i cili proces duhet të jetë inkluziv dhe gjithpërfshirës nëse dëshirojmë të ketë sukses”, u shpreh Mexhiti./TV21

Continue Reading

Bota

Ushtria izraelite plagos 5 libanezë në protestat në kufirin libanezo-izraelit

Published

on

By

Pesë protestues libanezë janë plagosur pasi ushtria izraelite përdori gaz lotsjellës ndaj tyre në protestën e mbajtur në kufirin libanezo-izraelit.

Agjencia libaneze e lajmeve raportoi se protestuesit “u ngjitën në murin e betonit që ndan Libanin dhe Palestinën e pushtuar në qytetin jugor (libanez) Adaisseh”.

Sipas agjencisë, protestuesit përdorën gurë ndaj një tanku izraelit dhe nga ana tjetër forcat izraelite përdorën bombola gazi lotsjellës, duke lënë të plagosur pesë persona.

Agjencia raportoi se protestuesit po ashtu “asgjësuan kamerat e përgjimit të instaluara në kullën e hekurt mbi mur”.

Në kufirin libanezo-izraelit çdo ditë organizohen protesta në mbështetje të Palestinës kundër agresionit izraelit.

Sipas të dhënave të Ministrisë palestineze të Shëndetësisë, numri i përgjithshëm i palestinezëve të vrarë në sulmet e vazhdueshme izraelite në Rripin e Gazës është rritur në 213, përfshirë 61 fëmijë dhe 36 gra. Të paktën 1.400 persona po ashtu janë plagosur.

Dhjetë izraelitë po ashtu janë vrarë si pasojë e raketave të lëshuara nga Gaza drejt Izraelit./AA/

Continue Reading

Aktuale